[Colour Rainbow မဂ္ဂဇင်းကကြီးမှူးကျင်းပတဲ့
ဝဿန် LGBTရသစာမူပြိုင်ပွဲမှာ
တတိယဆုရခဲ့တဲ့ ဝတ္တုတိုလေးပါခင်ဗျ]
************************
" ကျုပ်အမျိုးသမီးကို လွှတ်ပေးပါ . .
ကျွန်တော့ကိုဖမ်းပါ ကျွန်တော်အစားဝင်ပါရစေ . . "
" ဥပဒေမှာ ကိုယ်စားမရှိဘူးဗျ "
လှိုင်သာယာအပိုင် စခန်မှုးရဲ့စကားကပြတ်သားလိုက်တာ ။ကျုပ်လည်းနားလည်ပေမဲ့ သက်ကိုချစ်တဲ့စိတ်နဲ့ပြောမိခဲ့တာ ။
စခန်းမှူးရဲ့ ' ဥပဒေမှာကိုယ်စားမရှိဘူး' ဆိုတဲ့စကားက ကျုပ်ဒူးတွေကို ကွေးညွှတ်သွားမတတ်ဖြစ်နေတယ် ။ လက်ကကိုင်ဆွဲထားတဲ့ သမီးလေး
ရဲ့လက်နုနုလေးကို တင်းတင်းဆုတ်ကိုင်ရင်း စိတ်ကိုသတိပြန်ဝင်လိုက်ရတယ် ။
ကျုပ်ပြိုလဲလို့မဖြစ်ဘူးလေ ။
" သက်ကိုတွေ့ပါရစေဆရာ "
" သက်သက်ကို ဧည့်တွေ့ပေးလိုက်ဟေ့ . . .
ကဲ . . . ခင်ဗျားဒီတပ်သားနဲ့ ဟိုက်ဘက်အဆောင်လိုက်သွား "
တပ်သားလေးဦးဆောင်ရာနောက်ကို သမီးလေးလက်ဆွဲပြီးလိုက်ခဲ့တယ် ။ ခြေလှမ်းဆယ်လှမ်းလောက်မှာ အသက်နေတဲ့ အမျိုးသမီးအချုပ်ဆောင်ကိုရောက်လေရဲ့ ။
" သက် "
အခန်းထောင့်မှာ မှီထိုင်ရင်းက ကျုပ်အသံကြားလို့ပြေးထလာတဲ့ အသက်က အခန်းသံတိုင်တွေကိုင်ရင်း သမီးကိုတွေတွေကြည့်ပြီး မျက်ရည်တွေတလိမ့်လိမ့်စီးလို့ ။
အသက်လက်ကိုကျုပ်အုပ်ပြီးကိုင်လိုက်တယ် ။
" ကို . . . အစောထဲကပြောတယ် . . .
ဒီလိုအဖြစ်မျိုးတွေကြုံမှာစိုးတယ်လို့ . . .
မင်း . . . ကိုယ့်စကားနားမထောင်ခဲ့ဘူး . . . "
" ကို . . . ဈေးထဲမှာ ကုန်စိမ်းရောင်းနေရုံနဲ့ အဆင်ပြေလားပြော . . .
သက်ခုလို နှစ်လုံး သုံးလုံး ရောင်းလို့ငွေအဆင်ပြေတာလေ "
"အေး . . . ခုတော့ ဘယ်လိုလုပ်ကြမလဲ "
သံတိုင်ကိုင်ပြီး တအင့်အင့်နဲ့ချုံးပွဲချငိုနေတဲ့ ကျုပ်ဇနီးအတွက် ကျုပ်ဘာလုပ်ပေးနိုင်လဲ စဉ်းစားရင်း အသက်ကိုဖျောင်းဖျဖို့ မေ့နေတယ် ။စိတ်မကောင်းတာကများပြီး အပြစ်တင်နေမိတယ် ။
" သမီးလေး . . . မေမေ့သမီးလေး "
သမီးလက်လေးကိုင်ပြီးငိုနေတဲ့ အသက်ကို ကျုပ်မကြည့်ရက်ဘူး။
"အသက်ဘာစားပြီးပြီလဲ "
" မနက်ကစထွက်လာကတည်းက ဘာမှမစားရသေးဘူး . . .
စားချင်စိတ်လည်းမရှိပါဘူးရှင် "
စခန်းရုံးဧည့်ခန်းက နာရီကို လှမ်းကြည့်လိုက်တော့ ညနေ လေးနာရီကျော်နေပြီ။ လွယ်အိတ်ထဲက ထမင်းနဲ့ဟင်းထုတ်လေးကို တပ်သားလေးပြပြီး အသက်ကိုပေးလိုက်တယ် ။
မနက်ထဲက စခန်းကိုဖမ်းသွားပြီး အသက်နဲ့တွေ့ခွင့်မရ ။
စစ်ဆေးမှုပြီးမှ တွေ့ရမယ်ဆိုတော့ စောင့်ရင်း ညနေစောင်းခဲ့ပြီ။
အသက်နဲ့အိမ်ထောင်ကျပြီး တစ်ခါမှ တစ်ယောက်တည်း ထမင်းမစားခဲ့ဖူးဘူး ။ အသက်လို ကျုပ်လည်း တမနက်လုံးဘာမှမစားနိုင်ခဲ့ ။ ဈေးထိပ်မှာ နှစ်လုံး သုံးလုံးဂဏန်းရောင်းသုတွေ ရဲဝင်ဖမ်းတယ်ဆိုကတည်းက ကျုပ်ခြေလက်တွေမသယ်နိုင်ဖြစ်ခဲ့တာ ။ ထင်တဲ့အတိုင်းအသက်အဖမ်းခံရတော့ ကျုပ်ကုန်စိမ်းဆိုင်လေးသိမ်းပြီး သမီးလက်ဆွဲလိုက်ခဲ့ရတာ တစ်နေကုန် ။
" ကဲ ဧည့်တွေ့ချိန် ပိတ်ပြီ . . .ဧည့်သည်တွေ ပြန်မယ်"
ကျုပ်နှလုံးသားမီးကင်ခံရသလိုပူလောင်လှတယ်။ အချုပ်ခန်းထဲ ထားခဲ့ရမဲ့ 'သက်'အတွက် ကျုပ်မချိဘူး ။
" မနက်ဖြန်တရားရုံးကိုသွားပြီး ရမန်ယူရမယ် တဲ့ . . .
ကို . . .အဝတ်တစ်စုံ စောစောလာပို့နော် . . .
သမီးကိုဂရုစိုက်နော် . . .
သက်စိတ်ချမယ်နော် . . . "
သက်ကိုခေါင်းငြိမ့်ပြချိန်မှာ ကျုပ်မျက်ရည်တွေ ပြိုကျကုန်တယ် ။
သုံးနှစ်သမီးလေးကတော့ ကျုပ်နဲ့သက်ကို တလှည့်စီကြည့်လို့ ။
( ၂ )
ညကတစ်ညလုံးအိပ်မပျော်ခဲ့ဘူး ။ ဘဝမှာ ခုလောက်စိတိဆင်းရဲခဲ့ရတာ မကြုံဖူးဘူး ။ 'သက'်အစားကျုပ်ဖြစ်ရင်တောင်ဒီလောက်ခံစားရမယ်မထင်ခဲ့ဘူး ။'သက်'လည်းအိပ်မှပျော်ပါ့မလား ။ သမီးနဲ့ကျုပ်ကိုတစ်ခါမှ ခွဲပြီးအိပ်ဖူးသူမဟုတ်ဘူး ။ သမီးလေးကတော့ 'သက်'ကိုမတွေ့လို့ခဏတော့ငိုပေမဲ့ ကလေးဆိုတော့ အိပ်ပျော်သွားတာပဲ ။ သမီးကိုကြည့်ပြီးမျက်ရည်ကျနေရတာကျုပ်။
ဒီနေ့တော့ ဈေးလည်းမထွက်နိုင် ။ သမီးကိုနှိုးမျက်နှာသစ်ပေးပြီး' သက်'ဝတ်စုံတစ်ခု ဈေးလွယ်အိတ်ထဲထည့်ပြီး သားအဖနှစ်ယောက် ဈေးကိုအရင်ထွက်ခဲ့ကြတယ် ။
"လေးထူး . . . သမီးနေရဲ့လား "
" ဒီလိုပါပဲ ငိုလိုက်တိတ်လိုက်ပေါ့ "
" ဆိုင်ကကုန်စိမ်းလေးတွေ ညည်းတို့ဆိုင်ကိုပေးထားခဲ့မယ် ရောင်းထားပေးနော် စပယ်ရေ "
" ဟုတ် . .ထားခဲ့ ရောင်းထားပေးမယ် . . .
မမသက်ကိုမုန့်ဝယ်ထည့်ပေးလိုက်မယ်နော် "
ဘေးဆိုင်က ဈေးသည်ကောင်မလေးကို ပစ္စည်းလေးတွေအပ်ရင်း သက်အတွက်ဘာလိုသေးလဲစဉ်းစားမိတယ် ။
" စပယ်ရေ နင့်မမသက်အတွက် သွားပွတ်တံ သွားတိုက်ဆေး သနပ်ခါးဗူးလေးပါဝယ်ခဲ့ပါ . .
ရော့ . . ငါးထောင်ယူသွား "
" လာ . . သမီးလေး ဖေဖေနဲ့ မုန့်ဟင်းခါးစားမယ် . .
ပြီးရင်မေမေ့စီသွားမယ်နော် . ."
ခေါင်းငြိမ့်ပြတဲ့ သမီးကိုတစ်ချက်နမ်းရင်းကောက်ချီလိုက်တယ် ။
မနက်လင်းတိုင်းဆိုင်ဖွင့်ရင်း သားအဖသုံးယောက်သွားနေကြ မုန့်ဟင်းခါးဆိုင်လေးကိုထွက်လာတော့ မျက်ဝန်းမှာမျက်ရည်တွေခိုလို့ ။
မုန့်ဟင်းခါးဆိုင်ရောက်တော့လည်း ဈေးထဲကလူတွေစုံ ဟိုလူမေးဒီလူုမေးနဲ့ မုန့်စားရတာလည်းမျိုမရ ။လည်ပင်းမှာတစ်စို့လို့။
သမီးကိုဟင်းရည်ချို ငါးပြုတ်ရည်လေးနဲ့ သေချာကျွေး 'သက်' အတွက် တစ်ပွဲပါဆယ်ထုတ်ပြီး ဆိုင်ကိုပြန်ခဲ့တယ်။
" လေးထူးရေ ဒီမှာ . . .မှာတာတွေအစုံပါတယ်
လိုအပ်မယ်ထင်တာလေးတွေလည်း ဝယ်ပေးလိုက်တယ် . . .
ညနေ ဆိုင်သိမ်းပြီးမှစပယ်တို့ မသက်ကိုလာတွေ့တော့မယ် "
" အေး . . . အေး "
စပယ်ကိုနူတ်ဆက်ပြီး ကမ်းပေးတဲ့အိတ်ကိုလက်ကဆွဲလို့ သမီးလေးကောက်ချီရင်း ဆိုင်ကယ်တက္ကဆီဂိတ်ကိုထွက်လာခဲ့တယ်။
( ၃ )
ပါလာတဲ့မုန့်ဟင်းခါးထုတ်ကိုဖြည်ပြီး တခြားအချုပ်သူတွေရဲ့ ဇွန်းနဲ့စားနေတဲ့ သက်ကိုမကြည့်ရက် ။ မျက်တွင်းက နက်နေပြီ ။တစ်ညလုံးအိပ်ပျော်ပုံမရ ။
သမီးအကြောင်း ဆိုင်ကိစ္စအကြောင်း ပြောပြီး အမှုအကြောင်းပြောရင်း "ရုံးထွက်သွားမယ်" လို့လာပြောတဲ့ တပ်သားလေးအသံကြောင့် အချုပ်သူတချို့နဲ့' သက် 'အ ဝတ်လဲဖို့ပြင်ကြတယ် ။
အချုပ်ကားရဲ့ ခေါင်းလေးသာမြင်ရတဲ့ သံတိုင်သေးသေးလေးကြားထဲ ' သက် ' မျက်နှာလေးကို မကြည့်ရက်ပြန်။
" က်ိုနဲ့သမီး ဆိုင်ကယ်တက္ကစီနဲ့ လိုက်ခဲ့နော် "
သံတိုင်လေးကြားက လှမ်းကြည့်ပြီးအော်ပြောနေတဲ့ 'သက် ' ကို ကျုပ်ခေါင်းငြိမ့်ပြလိုက်တယ် ။
ဖြည်းဖြည်းခြင်း ထွက်သွားတဲ့ အချုပ်ကားနောက်က လမ်းလျှောက်လိုက်ရင်းဆိုင်ကယ်ငှားဖို့မျက်စိကစားတော့ ဆိုင်ကယ်တက္ကစီတွေများ စခန်းရှေ့လမ်းပေါ်မှာပြည့်လို့ ။
ဒီအချိန်ကို လာစောင့်နေကြပုံ ။
ကျုပ်လိုပဲ တခြားအမှုသည်ရဲ့ မိသားစုတွေ တစ်ယောက်ပြီးတစ်ယောက် ရုံးနောက်လိုက်ဖို့ပြင်နေကြတာ ။ ဆိုင်ကယ်ဆယ်စီးနီးပါး အငှားလိုက်ခဲ့ရတယ် ။ ကျုပ်လိုပဲ မိသားစုအပူသည်တွေများလိုက်တာ ။
" မသက်သက် . . . ရှေ့နေငှားမှာလား "
အရာရှိတစ်ယောက်က အမေးမှာ 'သက်'ကကျုပ်ကိုလှမ်းကြည့်တယ် ။
" မငှားတော့ဘူးဆရာ . . . ကျမကစာရွက် ဘောပင်ပါ မိတာဆိုတော့ကျမှာသေချာတယ် . . .
အမှုမကစားတော့ဘူး . . .ငွေလည်းမတတ်နိုင်ဘူး "
ကျုပ်ဘာမှမပြောနိုင်ခင်မှာ 'သက်' ကဆုံးဖြတ်ချက်ချပြီး အရာရှိကိုပြောပြီးနေပြီ ။ ခက်တာက ကျုပ်ကလည်းဘာမှကိုမသိတာ ။
ကျုပ်ကသုံးတန်းအထိစာသင်ဖူးတာ ။ ' သက် ' ကဆယ်တန်းကို ( ခ ) နဲ့အောင်ထားတာ ။ ကျုပ်ထက်ပိုသိမှာပါ ။
ရုံးလိုက်ခဲ့ဆိုလို့သာလိုက်လာတာ ။သမီးနဲ့နေရပြီး သမီးကိုထိန်းနေရတာ ။ အမှုကိစ္စ ' သက်' ကသူ့ဘာသာစီစဉ်နေသူ ။ နေ့ခင်းထမင်းထုတ်နဲ့ ရေသန့်တစ်ဗူး အချိုရည်တစ်ဗူးဝယ်ပေးပြီးကတည်းက သက်နဲ့တွေ့ခွင့်မရပြန်ဘူး ။
ရုံးရှေ့နားက ဗန်ဒါပင်ကြီးအရိပ်အောက်မှာထိုင်ရင်းသမီးကိုသိပ်ထားရတယ် ။ ရုံးထွက်လာမဲ့ လမ်းကိုတကြည့်ကြည့်နဲ့ ' သက် ' လာပြီလားကြည့်မိတာအမော ။
ညနေသုံးနာရီထိုးမှ ရဲမေနှစ်ဦးနဲ့ 'သက်'တို့ လောင်းကစားမှု အမျိုးသမီးအချုပ်သူ ငါးဦးထွက်လာကြတယ် ။
" ကိုရေ . . .သမီးကိုဂရုစိုက်နော် "
အပင်အောက်မှာထိုင်နေတဲ့ကျုပ်နဲ့ ကျုပ်ပေါ်အိပ်ပျော်နေတဲ့သမီးလေးက်ို စိတ်မကောင်းတဲ့ မျက်ဝန်းတွေနဲ့ကြည့်ရင်း ပြောသွားတဲ့ ' သက် '
သူ့ကိုယ်သူတော့ စိုးရိမ်ဟန်ကြောက်ရွံဟန်တစ်စက်လေးမှကိုမရှိ ။
ဘာတွေဖြစ်လာမှာလဲ တွေးရင်း ခြေ လက် တွေလေးလာသလိုဖြစ်လာတာက ကျုပ် ။
သမီးကို ပွေ့ချီပြီး' သက'်တို့နောက်ကနေ ရုံးထဲလိုက်ခဲ့တယ် ။
( ၄ )
စခန်းအချုပ်မှာ သုံးရက်နေအပြီး 'သက်'ကိုအင်းစိန် အမျိုးသမီးထောင် အချုပ်ဆောင်ကိုပို့တော့ နေ့တိုင်းစခန်းမှာလို မတွေ့ရ ။ ရုံးချိန်းရှိတဲ့နေ့မှ 'သက်' ကိုတွေ့ရတယ် ။ သမီးကလည်း ' သက်' မရှိတော့ကျုပ်ကို ပိုကပ်သလို ကျုပ်မှာလည်း သမီးစားဖို့သောက်ဖို့အပြင် ဆိုင်အလုပ်ကမနားရဲ ။
တနေ့ တစ်သောင်းကျော်လောက်အမြတ်ရတဲ့ကုန်စိမ်းဆိုင်လေးက ' သက် ' အတွက် သီးသန့်ခွဲပြီးထောင်ထဲပို့ပေးရသေးတော့ မလောက်ငှတော့ ။
ကုန်စိမ်းရောင်းအပြီး ညနေပိုင်းတစ်နာရီလောက် သူများဆိုင်ကဈေးခြင်းတွေ ကားပေါ်ကချတာတို့ ဆိုင်ကိုသယ်တာတို့ ကျုပ်လုပ်တော့ အပိုငွေ လေးငါးထောင်ရသား ။ ပင်ပန်းပေမဲ့ ကျုပ်ပျော်တယ် ။ ' သက် ' နဲ့သမီး မချို့တဲ့စေရဘူး ။' သက် 'မရှိပေမဲ့ သက်ရှိတုန်းကလို သမီးလိုချင်တဲ့အရုပ် စားချင်တဲ့မုန့် ကျန်းမာရေးကအစ ပြည့်စုံစေရမယ် ။ ' သက်'လိုဘောပင်လေးနဲ့ အလုပ်မလုပ်ရပေမဲ့ ကျုပ်လက်တွေ အားအင်အပြည့် ။
" လေးထူး . . . လက်ဖျံမှာသွေးထွက်နေတယ် ဘာဖြစ်တာလဲ "
ဈေးခြင်းတွေသယ်နေရင်း ဘေးဆိုင်က' စပယ် ' မေးမှ ကိုယ့်လက်ကိုကြည့်မိတယ် ။
သေချာကြည့်မှ လက်တွေမှာသယ်ပိုးထားတဲ့ဒဏ်ရာတွေအပြည့် ။
" ဈေးခြင်းသယ်ရင်း ရှသွားတာပါဟာ "
ခြင်းတွေရွှေ့ရင်း ' စပယ် ' ကိုပြန်ဖြေလိုက်တယ် ။
" ပေကြီး . . ပဲယင်ပေါက်ဘယ်ရောက်တားယဲ "
သမီးအသံကြားမှ ဆိုင်ပေါ်ကိုကြည့်မိတယ် ။ ပဲပင်ပေါက်တွေချိန်ခွင်ထဲထဲ့ပြီးဆော့နေတဲ့သမီးလေး ။ သမီးကိုခေါင်းငြိမ့်ပြုံးပြပြီး ကျုပ်အလုပ်တွေလက်စသတ်ဖို့ အာရုံစိုက်နေမိတယ် ။
ဒီနေ့' သက် 'အိမ်ကထွက်သွားတာသုံးလပြည့်သလို ' သက် ' အမှုအတွက် အမိန့်ချမယ့်နေ့ ။
သုံးလဆိုတဲ့ကာလမှာ သက်ကထောင်ထဲမှာအဆင်ပြေအောင်နေတတ်သလို ကျုပ်လည်းအလုပ်သစ်တွေနဲ့နေသားကျလာပြီ ။ ထောင်ထဲက' သက်'ကို ထောင်ဝင်စာ မှန်မှန်ပို့နိုင်ဖို့ ကျုပ်ကြိုးစားရမယ် ။
စာတတ်ပေတတ်အလုပ်မဟုတ်ပေမဲ့ ကျုပ်လက်တွေခွန်အားတွေရှိနေသ၍ ' သက်' နဲ့သမီးမျက်နှာမငယ်စေရဘူး ။
အလုပ်လုပ်နေရင်းက ' သက် ' မှာတဲ့ပစ္စည်းတွေယူဖို့ ဝယ်ဖို့ လုပ်ရအုံးမှာပါလားတွေးရင်း ဆန္ဒစောနေမိတယ် ။
သမီးလေးကတော့ ချိန်ခွင်နဲ့ဆော့ကောင်းတုန်း ။
( ၅ )
" ကို့ လက်တွေအေးစက်လို့ပါလား "
" သက်ကို ကိုစိတ်မကောင်းလို့ပါ "
"သက်ကနေတတ်နေပါပြီ အထဲမှာလည်း သက်လိုဘဝတူတွေအများကြီး . . .
သမီးကိုသာ ဂရုစိုက်နော် . . .
တနှစ်ဆိုတာခဏလေးပါ . . ခုတောင်ချုပ်ရက်ကသုံးလဖြစ်နေပြီ "
ရှေ့နေမငှာူနိုင်ပေမဲ့ အစိုရရှေ့နေလေးတစ်ဦးအကူအညီနဲ့မို့ချုပ်ရက်သုံးလနဲ့အမိန့်ချနိုင်ခဲ့ကြတယ် ။
တနှစ်အမိန့်နဲ့ ထောင်ကျတဲ့ ' သက် ' က ကျုပ်ကိုပြန်အားပေးနေတယ် ။'သက်'လက်လေးကိုဆုတ်ကိုင်ပြီး မျက်လုံးချင်းဆုံမိတော့ တကယ်မျက်ရည်တွေပြည့်နေတာက ကျုပ် ။ သက်ကပြုံးရင်းခေါင်းငြိမ့်ပြတယ် ။
" သက်ကိုစိတ်ချပါ ခဏပဲနေရမှာ . . .
ထောင်ဝင်စာသာ မပျက်ကွက်နဲ့နော် . . .
သက် ငတ်နေမယ်သိလား . . ."
သက်စကားအဆုံး ကျုပ်ခေါင်းကိုသွက်သွက်ငြိမ့်ပြတော့ မျက်ရည်တွေက ကျုပ်ပါးပေါ်တလိမ့်လိမ့် ။
'သက်' ကိုခေါ်သွားတဲ့ အချုပ်ကားကြီးကိုမျက်စိတဆုံးကြည့်နေမိတယ် ။ကျုပ်ကြိုးစားရမယ် ။ဘေးကလက်ဆွဲထားတဲ့သမီးလေးလက်ကိုတင်းတင်းဆုပ်ကိုင်ထားလိုက်တယ် ။ ဒီအချိန်မာသမီးလေးက ကျုပ်ရဲ့အား ။
ရှေ့ဆက်အလုပ်တွေပိုလုပ်ရမယ်စဉ်းစားရင်း သမီးကိုငုံ့ချီလိုက်ပြီးပြန်အထ ဘယ်ဘက်ဆီးစပ်နားကစူးစူးရှရှထိုးအောင့်လာတယ် ။
" သမီးလေးခဏဆင်းအုံး "
ခုပဲချီ ခုပင်ပြန်ချနဲ့ သမီးကကြောင်တောင်တောင်လေးကြည့်လို့ ။
သမီးကိုပြုံးပြရင်းခဏထိုင်ချလိုက်ပေမဲ့ ကျုပ်အပြုံးတွေကိုသမီးကတမျိုးကြည့်နေလေရဲ့ ။
ခုတလောဒီလို မကြာမကြာစူးတင်းတင်းဖြစ်သလို ခံစားမိတာသတိထားမိတယ် ။ အလေးအပင်တွေများ မ မိလို့လားဆိုတဲ့စိတ်နဲ့စဉ်းစားမိတယ် ။ ဘာပဲဖြစ်ဖြစ်ကျုပ်ကျန်းမာမှဖြစ်မယ်လေ ။ ဆိုင်ကယ်တက္ကစီတစ်စီးငှားပြီးပြန်လာတော့ နေတောင်အတော်စောင်းနေပြီ ။
( ၆ )
ဆိုင်ဘေးနားက ဈေးသူဈေးသားတွေကို တစ်ချက်တစ်ချက်ဖြစ်တတ်တဲ့ ကျုပ်ဝေဒနာအကြောင်းမေးကြည့်တော့ . . .
"အလေးအပင်မလို့ လေးထူး အူကျတာဖြစ်မယ် "
" ဟုတ်ပါဘူးဟာ . . ."
"ဟား . .ဟား . .ဟား . . လေးထူးသတိထား ဘောလုံးတွေဈေးကောင်းတယ် "
ကျုပ်ဝေဒနာကို တစ်ယောက်တစ်မျိုး ရယ်ပွဲဖွဲ့နေကြတယ် ။
" လေးထူးရေ ခရမ်းချဉ်သီးတောင်းတွေကားဂိတ်မှာရောက်နေတယ်ပြောတယ် သယ်မှာလား "
" သယ်မယ် သယ်မယ် ခုသွားပြီ"
" စပယ်ရေ ငါ့သမီးလေးကြည့်ပေးထားဦး . . .ရှေ့ဆိုင်က ခရမ်းချဉ်သီးတောင်းတွေသယ်ပေးလိုက်ဦးမယ်"
' စပယ် ' ခေါင်းငြိမ့်ပြတာနဲ့ကျုပ်အပြေးအလွှားကားဂိတ်ထွက်ခဲ့တယ် ။
နောက်ကျနေလို့မဖြစ် ရတုန်းလုပ်ရတဲ့အလုပ် ။ဒါမှ သက်အတွက် တပတ်စာထောင်ဝင်စာလေးကာမိမယ် ။
ချစ်ရသူဒုက္ခရောက်နေချိန် စားရေးသောက်ရေး နောက်ဆုံးထောင်ထဲနေထိုင်ဖို့ကအစ ကျုပ်ငွေရှာနိုင်မှဖြစ်မှာ ။
ခရမ်းချဉ်သီးခြင်းတောင်းတွေကလည်း အရင်ထမ်းနေကျထက်ပိုလေးနေသလိုလိုခံစားရတယ် ။ဘယ်ဘက်ဆီးစပ်က မျက်ကနဲအောင့်အောင့်နေတာကလည်း ပိုပိုစိပ်လာလိုက်တာ ။
" ထောင်ဝင်စာမပျက်ကွက်နဲ့နော် . .သက်ငတ်နေဦးမယ် "
သက်ရဲ့စကားသံပြန်ကြားမိတော့ ကျုပ်ဝေဒနာကိုမေ့လျော့စေတယ်။
ကျုပ်သွားတိုင်း သံတိုင်ကြားက "သမီးနဲ့ကို့ကိုလွမ်းလိုက်တာ " ပြောတိုင်း ' သက် ' မျက်ဝန်းမှာမျက်ရည်တွေပြည့်သလို ကျုပ်မှာလည်းအပြည့်။ တပတ်မှာကြာသပတေးနေ့တိုင်းထောင်ဝင်စာသွားတွေ့ရင် ' သက် ' အတွက်စားစရာ ဟင်းတစ်ပတ်စာ မုန့် ကော်ဖီမစ် အသုံးအဆောင်ပစ္စည်းတွေနဲ့ ကျန်ကျောင်းအိတ်ဆိုဒ် အမဲအိတ်ကြီးကိုအပြည့် ။
'သက်'ကဈေးရောင်းကောင်းရဲ့လားမေးတိုင်းကျုပ်က ကောင်းတယ်ပဲပြောခဲ့တာ ။ကျုပ်ကုန်ထမ်းနေတာ ' သက် ' သိလို့မှမဖြစ်တာ ။ထောင်ထဲမှာ' သက်'မျက်နှာမငယ်ရဖို့အဓိက။
'သက'်ကိုပေါင်းလာအတည်းက 'သက်'အတွက်ပဲကျုပ်ကြည့်ခဲ့တာ ။သမီးကိုမွေးလာတော့လည်း ကျုပ်အတွက်အသက်ပေးချစ်ရမဲ့သူထပ်တိုးလာတာပေါ့ ။
မချမ်းသာပေမဲ့ဈေးသည်ဆိုတော့ လက်ထဲမှာတော့ငွေမရှားဘူး ။ပါးစပ်စို အူစိုတယ် ။ သမီးကိုဆို ' သက်' ကိုယ်ဝန်ရစ သားလား သမီးလား မသိခင်ကတည်းက ချစ်ခဲ့ရတာကျုပ် ။
" အမလေး . . .လေးထူး . . .လေးထူး . . .
ပိုက်ဆံမယူတော့ဘူလား "
"သြော် . . .အေး. . . အတွေးလွန်နေလို့ပါဟာ . . "
တစ်ခြင်းသုံးရာနဲ့ထမ်းခဲ့တဲ့ ငွေလေးသုံးထောင်လက်ထဲကျစ်ကျစ်ပါအောင်ဆုပ်ကိုင်ရင်း ဆိုင်ဘက်ကူးခဲ့တယ် ။သမီးလေးက' စပယ်'တို့ဆိုင်မှာအိပ်တောင်ပျော်နေပြီ ။
' စပယ်' ရေ ငါထမင်းစားလိုက်ဦးမယ်ဟာ ပြီးမှသမီးလာခေါ်မယ် "
" ခုမှစားမှာလား . .နေ့ခင်းနှစ်နာရီကျော်နေပြီ "
စပယ်ကိုခေါင်းငြိမ့်ပြရင်း ဝယ်ထားတဲ့ထမင်းထုတ်လေးဖြည်တော့ လက်ကတုန်လို့ ။ဗိုက်ကတဂွီဂွီမြည်နေပေမဲ့ တကယ်စားတော့ သိပ်မဝင်တော့ ။
' သက်'လည်းထမင်းမှစားကောင်းရဲ့လားတွေးမိတယ်။
( ၇ )
"လေးထူး . . .အစာလေးတော့စားအုံး ဆေးသောက်ရအောင်
ဒီနေ့ မမသက် ပြန်လာမှာ ဒီကိုတန်းခေါ်ခဲ့မယ်လို့ ပြောကြတယ်. . .
ရှေ့ဆိုင်က အမတွေ မမသက်ကိုသွားကြိုကြတယ် ဘာမှမပူနဲ့
လေးထူးဆေးရုံတက်ကတည်းက သူတို့တစ်ပတ်တစ်ခါ ထောင်ဝင်စာသွားကြည့်ပေးနေတာပဲ ."
" ငါဆေးရုံတက်နေတာ' သက်' တကယ်မသိဘူးနော် "
"မသိဘူးလေ . . . လေးထူးပြောခိုင်းသလိုပုသိမ်က လေးထူးအမေနေမကောင်းလို့ သမီးနဲ့အရေးပေါ်ထွက်သွားရတယ်ပြောထားတာလေ . . .
'မသက်' ကလည်းယုံပါတယ် . . .
ရှေ့မှာလေးထူးတစ်ခါမှ ပျက်ကွက်ခဲ့တာမှမဟုတ်တာ
ခုမှမဖြစ်မနေဆေးရုံတက်ရလို့ပျက်ကွက်ရတာလေ . . .
အမလေး . . .မမသက်ကိုမတွေ့ရတာနှစ်ပတ်ပဲရှိသေးတယ် လွမ်းနေပြီလား "
"လွမ်းတာထက် ခုလိုသူထောင်ကလွတ်မဲ့အချိန် ငါမကြိုနိုင်တာကိုစိတ်မကောင်းတာပါဟာ "
" ဒါတော့လေးထူးရယ် 'မမသက်'အမှုစဖြစ်ကတည်းက ကိုးလခွဲလောက်ပင်ပင်ပန်းပန်းလုပ်ကိုင်ပြီး တာဝန်ကျေခဲ့တာ စပယ်တို့အသိပါ . . .
ဒါတောင်' မမသက်' ကသိရှာတာမဟုတ်ဘူး "
ဒီနေ့'သက်'လွတ်ပြီ ။ကျုပ်စီတန်းလာကြမယ်တဲ့ ။ လက်ကဆေးတွေချိတ်ပြီး ဆေးရုံခုတင်ပေါ် ပက်လက်ကနေ 'သက်' အလာကိုဘယ်လိုကြိုရမှာပါလိမ့် ။ တွေးရင်းစိတ်မကောင်းဖြစ်နေမိတယ်။
"ပေကြီးရေ . . .ပေကြီး . . .
မေမေ ကျန်ရာဘီ "
ဆေးရုံအခန်းရှေ့ကတည်းကအော်လာတဲ့သမီးလေးအသံနဲ့အတူ သက်ကိုတွေ့လိုက်ရတယ် ' သက် 'ဘေးမှာလည်းဆိုင်ဘေးဝန်းကျင်ကမိတ်ဆွေတွေနဲ့။
" ဒါ . . .ဒါ . . .ဘယ်လိုဖြစ်တာလဲဟင်. .' သက်'ကိုပြောတော့ ပုသိမ်သွားတယ်ဆို . ..
လာကြိုတဲ့သူတွေက ဆေးရုံကြီးခဏဝင်စရာရှိတယ်ဆိုလို့ လမ်းကြုံဝင်တယ်ထင်တာ . . .
ပြောပါအုံး 'ကို' ဘာဖြစ်တာလဲလို့ "
"မမသက်ရေ မမသက်အတွက်မျက်နှာမငယ်ရအောင်ကုန်တွေထမ်းပြီးအပိုငွေရှာတယ်လေ ။ ခုလေးထူးက တဖြည်းဖြည်းသွေးဆင်းများလာပြီး ခုသားအိမ်ပါထုတ်ပစ်ရတာ "
" ရှင် "
" ဟုတ်တယ် မမသက် ခုဆေးရုံတက်တာတောင် မမသက်အတွက် နှစ်ပတ်လောက်ပဲထောင်ထဲမှာနေရမှာ ထောင်ဝင်စာတွေ့ရမှာတွေကို ' စပယ်' တို့တာဝန်ယူပါတယ် ဆေးရုံမတက်လို့မဖြစ်တော့ဘူးဆိုမှတက်တာ မမသက်ရေ "
"ကိုရယ် . . .
သက်ဘဝမှာ သမီးလေးကိုယ်ဝန်ရှိကတည်းက တာဝန်မယူတဲ့သူ့အဖေကြောင့် 'ကို ' က 'သက်' ကိုတကယ့်အိမ်ဦးနတ်လို ချစ်ခဲ့စောင့်ရှောက်ခဲ့တာပါ . . .
သက်ဘဝမှာ' ကို' က ထာဝရ အိမ်ဦးနတ်ယောကျာ်းကောင်းတစ်ယောက်ပါရှင် . . .
သက်ကိုအစောကတည်းက ထုတ်ပြောခဲ့ရမှာ "
' သက် 'ကကျုပ်လက်လေးကိုင်ပြီးပြောရင်း ခုတင်ပေါ်ပက်လက်နေနေရတဲ့ကျုပ်ရင်ဘတ်ပေါ် သူ့မျက်နှာလေးမှောက်ပြီးအပ်ထားတော့ စိုစွတ်တဲ့'သက်'ရဲ့မျက်ရည်စတွေက ကျုပ်နှလုံးသားထဲစီးလာတယ်ထင်တယ် ။
ကျုပ်မျက်ဝန်းမှာလည်း မျက်ရည်တွေနဲ့။
" ဟာ . . . မမသက်ရဲ့ အိမ်ဦးနတ်ကြီးက မျက်ရည်တွေဝဲနေတယ် "
" ဟား . . ဟား . . . .ဟား . . ."
'စပယ့်' စကားကြောင့် အားလုံးပွဲကျသွားကြတယ်။
ရှက်ပါဘူးဗျာ . . .
ကျုပ်လည်း နူးညံ့တဲ့နှလုံးသားကိုပိုင်ဆိုင်ထားတဲ့ အိမ်ဦးနတ်ပဲလေ ။
သွေးနီနီ
