LGBT Traveller’s Guide

LGBT ခရီးသွားလမ်းညွှန်

LGBT တွေဟာ မူလပင်ကိုက ပျော်ပျော်ရွှင်ရွှင်နေတတ်တဲ့ တက်ကြွတဲ့ လူမှုအသိုင်းအဝိုင်းတစ်ခုပါ။ ကမ္ဘာ့နိုင်ငံအနှံ့အပြားမှာလည်း LGBT တွေအတွက် သွားရောက်လည်ပတ်ဖွယ်ရာ ကောင်းလှတဲ့ မြို့ပြ (သို့) သဘာဝအလှများနဲ့ သာယာဝပြောမြိုင်ဆိုင်လှပနေတဲ့ နေရာအချို့ကိုတင်ပြပါရစေ။

၁။ မြောက်အမေရိက
ကနေဒါ နိုင်ငံမှာရှိတဲ့ တိုရောန်တို (Toronto) မြို့ဟာဆိုရင် LGBT တွေ အများဆုံး သက်ဝင်လှုပ်ရှားနေထိုင် နေထိုင်နေတဲ့ ကမ္ဘာ့မြို့ကြီးများထဲက တစ်မြို့ပါ။ LGBT Team များနှင့် ၄င်းတို့အတွက် ရည်ရွယ်ထားတဲ့ စားသောက်ဆိုင်များ၊ ဘားများ၊ ကလပ်များ၊ အခြားဖျော်ဖြေရေး စီးပွားရေးလုပ်ငန်းများနှင့် စည်ကားသောမြို့ ပြ လေးတစ်မြို့ဖြစ်ပါတယ်။

Montreal (မောန်ထရီးယလ်) မြို့ဟာဆိုရင်လည်း ဒီလိုပဲ Gay -–Friendly ပတ်ဝန်းကျင်တစ်ခုဖြစ်ပြီး ဂေးမိသားစု အတော်များများ အပန်းဖြေပျော်ပွဲစား လာရောက်လည်ပတ်လေ့ရှိတဲ့ မြို့ကလေးတစ်မြို့ဖြစ်ပါတယ်

သူဟာ August လမှာ ဆိုရင်လည်း Pride Parade တွေနဲ့ စည်ကားနေတတ်ပြန်ပါတယ်။ ဒီလိုပဲ တခြား Vancou ver, Ottawa,Edmonton,St John,Moncton,Halifax စတဲ့နေရာတွေဟာဆိုရင်လည်း LGBT Parade တွေနဲ့ ပတ်သက်တဲ့ Event တွေကို တစ်နှစ်ပတ်လုံး လှိုက်လှဲစွာလက်ခံကျင်းပလေ့ရှိတဲ့ မြို့လေးတွေလဲ ဖြစ်ပါတယ်။

မက်စီကို (Mexico) ဟာကက်သလစ်နိုင်ငံဖြစ်ပြီး ကမ်းခြေပိုင်နေရာဒေသတွေမှာဆို်ရင်လည်း LGBT တွေ အတွက် လွတ်လပ်စွာပျော်ရွှင်နိုင်မယ့် ဘားတွေ၊ ဒစ်စကိုတွေ အတော်များများရှိပါတယ်။ မက်စကိုစီတီး  (Mexico city) ဟာဆိုရင်လည်း လက်တင် - အမေရိက မှာ လိင်တူချစ်သူလက်ထပ်ခြင်းကို ပထမဆုံး တရားဝင်ခွင့်ပြုခဲ့တဲ့ မြို့တစ်ခုလည်းဖြစ်ပါတယ်။ Acapulco ,Puerto, Vallarta စတဲ့မြို့ပြတွေဟာဆိုရင်လည်း ဂေးအလှပြမောင်တွေ ကပြဖျော်ဖြေတဲ့ ဘားတွေ ကလပ်တွေများနဲ့ ညဘက်စည်ကားလှတဲ့ လည်ပတ်စရာကောင်းတဲ့ နေရာတွေလည်း ဖြစ်ကြပါတယ်။

၂။ အမေရိကန်ပြည်ထောင်စု
အမေရိကန်အရှေ့မြောက်ပိုင်းနဲ့ အနောက်ဘက်ကမ်းခြေတွေဟာ LGBT ခရီးသွားများအတွက် သိပ်ကိုရွေးခြယ် သင့်တဲ့နေရာများပါ။ Hollywood ကတော့  ပြောစရာမလိုအောင် ကမ္ဘာကျော် Celebrity များနဲ့ သူတို့ရဲ့ လွှမ်းမိုး မှုတွေ သက်ဝင်နေတဲ့ညများနဲ့ မြို့ပြကြီးတစ်ခုပေါ့။ အဲ့ဒီ အယ်လ်အေကနေပဲ နှစ်နာရီလောက် အရှေ့ဘက်ကို ကားမောင်းထွက်ခဲ့ရင်  Palm Springs လို့ခေါ်တဲ့ကန္တာရအပန်းဖြေစခန်းကြီး တစ်ခုရှိပါတယ်။ Easter ပွဲတော်ကာလအတွင်းမှာ ဆိုရင်းလည်း LGBT ခရီးသွားတွေလည်ပတ်သူတွေအတွက် White-Party ဆိုပြီး စီစဉ်ထားပြန်ပါတယ်တဲ့။ San Franciso, San Diego, Seattle, West Hollywood စတဲ့ မြို့လေးတွေလည်း မေ့မထားရမယ့် အရောက်သွားသင့်တဲ့ ခရီးစဉ်များ ထဲမှာပါဝင်ပါတယ်။

အရှေ့မြောက်ဘက်မှာရှိတဲ့ LGBT – Friendly မြို့တော်တွေကတော့ ထိပ်ဆုံးမှာ Washington D.C နဲ့ Boston, Philadelphia,Pennsylvania က New Hope, New York, Chelsea, Massachusetts က Northampton, New Jersey က Ocean Grove, Province Town နဲ့ Rehoboth Beach တို့ဖြစ်ပါတယ်။

ပြည်ထောင်စု အနောက်လယ်ပိုင်းမှာရှိတဲ့ LGBT တွေလည်ပတ်ဖွယ်ရာ စိတ်ဝင်စားစရာ နေရာကောင်းလေးများ ကတော့ Chicage, Michigan မှာရှိတဲ့ Saugatuck နဲ့ ဂေးကလပ်တွေ အများကြီးရှိတဲ့ Minneapolis တို့ပဲဖြစ်ပတယ်။

တောင်ပိုင်းမှာရောလို့ မေးလာရင်တော့ အရင်ဆုံး LESBIAN တွေအတွက် ဘားတွေ ၊ကလပ်တွေ အများဆုံးရှိတဲ့ Asheville က်ို ညွှန်ပြ့ရပါလိမ့်မယ်။ Atlanta, Ft.Lauderdale , "Gay only"”ဆိုတ့စာသားများ နဲ့ ဖိတ်ခေါ်ကြိုဆိုနေတဲ့ ဟိုတယ်တွေ အပန်းဖြေစခန်းတွေ တွေ့ရမယ့် Galveston, ပါတီတွေများစွာနဲ့ LGBT တွေအတွက် မြိုင်ဆိုင်တဲ့ ပွဲများကျင်းပလေ့ရှိတဲ့ Key West နဲ့ White party ကိုမူလလက်ခံကျင်းပခဲ့တဲ့ Miami Beach, New Orleans, San Juanဆိုတဲ့သက်တမ်း (၅၀) ကျော်ရှိပြီဖြစ်တဲ့ ကျွန်းစုကြီးနဲ့ Caribbean ရဲ့မြို့တော်ဖြစ်တဲ့ Puerto Rico စတာတွေကို ညွှန်ပြရပါလိမ်မယ်။ အမေရိကန်အလည်ပိုင်းမှာဆိုရင်တော့ Costa Rica နဲ့ ပစိဖိတ်ဒေသမှာ အလှဆုံးကမ်းခြေအများဆုံးရှိတဲ့ စာရင်းဝင် Manuel Antonio တွေပါ။

၃။ တောင်အမေရိက
တောင်အမေရိကကိုကြည့်မယ်ဆိုရင် LGBTတွေခရီးသွားတွေ မဖြစ်မနေရောက်သင့်တဲ့ Romantic ဆန်တဲ့နေ ရာတွေအများဆုံးရှိမယ့် နေရာတွေကတော့ Argentina ကမ္ဘာပေါ်မှာနာမည်းအကြီးဆုံး Gay Beach စာရင်းဝင် Rio De Janeiro ရှိတဲ့ Brazil, Chile နဲ့ Uruguay တို့ဖြစ်ပါတယ်။ အရှေ့အလယ်ပိုင်းမှာဆိုရင် Israel နဲ့ Turkey  ဥရောပဆိုရင် Austria, Belgium, Czech Republic, Denmark, Finland ဝတ်ကောင်းစားလှနဲ့ တက်ကြွတဲ့လူနေမှုပုံစံတွေ ကမ္ဘာ့ခေတ်အမှီဆုံး အလှအပအသုံးအဆောင်တွေရဲ့ မြို့တော် France, Berlin, Hamburg ရှိတဲ့ Germany, ရှေးကျတဲ့ အင်ပါယာအမွေအနှစ်မြို့ပြဟောင်းတွေနဲ့Greece,  Hungary, Iceland, Ireland နောက်စွဲမက်ဖွယ်ရသာသစ် ဒေသအစားအစာတွေနဲ့ သင့်ကိုခံတွင်းတွေ့ဆွဲဆောင်စေမယ့် မြိုတော်များနဲ့ Italy လိင်တူချင်းလက်ထပ်ခွင့် နိုင်ငံများရဲ့ ဖခင် Netherland, Portugal, Poland,Norway, Spain, Sweden, Switzerlandနဲ့ ဗြိတိန်နိုင်ငံကြီးတို့ပဲဖြစ်ပါတယ်။

(The Corner Magazine မှ မှီငြမ်းထားပါသည်။)

မူလရေးသားတင်ဆက်သူ _ စစ်ရိပ်

#dfl #sittriat #lgbt

လိင်တံထိပ်ငုံအရေပြား ကြပ်ခြင်းအကြောင်း သိကောင်းစရာ

ရေးသားသူ Arkar Hein
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

လိင်တံထိပ်ငုံအရေပြားကြပ်ခြင်းဟာ မွေးကင်းစအရွယ်နဲ့ ကလေး အရွယ်တွေမှာ ဖြစ်တတ်ပြီး တစ်ခါတစ်ရံ လူလားမြောက်တဲ့ အရွယ်အထိ ဖြစ်ပွားတတ်ပါတယ်။ လိင်တံထိပ်ငုံအရေပြားကျပ်ခြင်း ဆိုတာ အကြီးအကျယ်ကုသရတဲ့ ရောဂါ တစ်ခု မဟုတ်ပေမဲ့ လိင်တံနီရဲခြင်း၊ နာကျင်ခြင်းနဲ့ ရောင်ရမ်းခြင်းတို့ဖြစ်စေနိုင်ပါတယ်။ ဒီလို လိင်တံထိပ်ငုံအရေပြားကြပ်တဲ့အခါ အမျိုးသားတွေ

ဆီးသွားတဲ့ အချိန်နဲ့ လိင်မှု ကိစ္စတွေကိုပါ ထိခိုက်နိုင်ပါတယ်။ လေ့လာချက်တွေအရ အမျိုးသား ၂ ရာခိုင်နှုန်းဟာ နောက်ပြန်ဆွဲလို့မရတဲ့ လိင်တံထိပ်ငုံအရေပြား တွေရှိကြတယ် လို့ သိရပါတယ်။

လိင်တံထိပ်ငုံအရေပြားနဲ့ ပတ်သတ်ပြီး သိကောင်းစရာ အချက်များ

လိင်တံထိပ်ငုံအရေပြားဟာ မူလကတည်းက လိပ်တံကို အုပ်ထားပေးထားတာ သဘာဝတစ်ရပ်ပါပဲ။ ဒီလို လိင်တံထိပ်ငုံအရေပြားကို ငယ်ငယ်ကတည်းက ဖြတ်ထုတ်လိုက်ရင် လိင်တံထိပ်ငုံအရေပြား ကျပ်ခြင်း မဖြစ်နိုင်တော့ပါဘူး။

တစ်ခါတစ်ရံ  phimosis လို့ခေါ်တဲ့ လိင်တံထိပ်ငုံအရေပြားက တင်းကျပ်သွားပြီး အနောက်ကို ပြန်လှန်လို့မရတော့တဲ့ အခြေအနေတွေရှိတတ်ပါတယ်။လိင်တံထိပ်ငုံအရေပြား ကျပ်ခြင်းကို ကုသခြင်းဟာ ဖြစ်ပွားရတဲ့ အကြောင်းရင်းနဲ့ ရောဂါလက္ခဏာ အပျော့၊ အပြင်းအပေါ် မူတည်ပြီး အမျိုးမျိုးကုသနိုင်ပါတယ်။

လိင်တံထိပ်ငုံအရေပြား ကျပ်ခြင်း အမျိုးအစား ဘယ်လောက်ရှိသလဲ

ဆေးပညာအရ လိင်တံထိပ်ငုံအရေပြား ကျပ်ခြင်းကို အောက်ပါ အမျိုးအစားတွေအတိုင်းခွဲခြားထားပါတယ်။ အဲ့ဒါတွေကတော့-

(၁) Phimosis

လိင်တံထိပ်ငုံအရေပြား ကျပ်နေပြီး နောက်ကို ပြန်ရုပ်လို့မရတဲ့ အခြေအနေကို Phimosis လို့ခေါ်ပါတယ်။ ဒီအခြေအနေဟာ အသက် ၂ နှစ်ကနေ ၆ နှစ်အတွင်း ကလေးများမှာ ဖြစ်တတ်ပါတယ်။ ဒီလို အခြေအနေတွေမှာဆိုရင် နာကျင်ခြင်း၊ ရောင်ရမ်းခြင်း၊ ဆီးသွားတဲ့အခါ ခက်ခဲခြင်း မဖြစ်သ၍ Phimosis အခြေအနေကို စိုးရိမ်စရာ မလိုပါဘူး။

(၂) Paraphimosis

Paraphimosis ဆိုတာ အမျိုးသားတစ်ယောက်ရဲ့ လိင်တံထိပ်ငုံအရေပြားကို နောက်ပြန်ဆွဲထုတ်လိုက်ပြီးရင် ပုံမှန် အနေအထား မရောက်တဲ့ ဖြစ်စဉ်ကို ခေါ်တာ ဖြစ်ပါတယ်။ ဒီလို ဖြစ်စဉ်မျိုးဖြစ်တဲ့အခါ လိင်တံမှာ သွေးမလျှောက်ခြင်းကြောင့် ခန္ဓာကိုယ်တစ်ရှူးများ ပုပ်ပွပျက်စီးခြင်းနဲ့ လိင်တံထိပ်ကို ဖြတ်တောက်ရခြင်းတို့ ဖြစ်စေနိုင်ပါတယ်။ Paraphimosis ဟာ Phimosis ထက် ပိုပြင်းထန်တဲ့ ဝေဒနာဖြစ်ပြီး Paraphimosis  ဖြစ်ပြီဆိုရင် လိင်တံတစ်လျှောက် သွေးကြော ပြန်စီးဆင်းစေဖို့အတွက် ထိရောက်တဲ့ အရေးပေါ် ကုသမှုကို ခံယူသင့်ပါတယ်။

phimosis ဖြစ်ပွားရခြင်း အကြောင်းရင်းများ

phimosis ဟာ ခန္ဓာကိုယ်ကြောင့်ဖြစ်နိုင်သလို ရောဂါကြောင့်လည်း ဖြစ်စေနိုင်ပါတယ်။

ခန္ဓာကိုယ်ကြောင့် ဖြစ်ပွားတဲ့ phimosis 

ဒီလို ဖြစ်ပွားတဲ့ phimosis မှာ မွေးကတည်းက လိင်တံထိပ်ငုံအရေပြားက ကျပ်နေပြီး ဒီအခြေအနေဟာ အသက် ၆ နှစ် ၊ ၇ နှစ်အရွယ်မှာ ပျောက်ကင်းသွားတတ်ကြပါတယ်။

ရောဂါကြောင့်ဖြစ်တဲ့ phimosis 

ရောဂါကြောင့်ဖြစ်တဲ့ phimosis ဟာ ကူးစက်ခံရခြင်း၊ ရောင်ရမ်းခြင်းနဲ့ အမာရွတ်တို့ကြောင့် ဖြစ်ရတာပါ။ phimosis ကို ဖြစ်စေတဲ့ ရောဂါတွေကတော့-

Balanitis

Balanitis လို့ခေါ်တဲ့ လိင်တံထိပ်ပိုင်း ရောင်ရမ်းနေခြင်းကြောင့် လိင်တံထိပ်ငုံအရေပြားကျပ်သွားခြင်း၊ ဆီးသွားချိန်နာကျင်ခြင်းနဲ့ တစ်ခြားဝေဒနာတွေကို ခံစားရနိုင်တဲ့ ရောဂါ။ Balanitis  ဖြစ်တဲ့ တစ်ချို့လူတွေမှာဆိုရင် လိင်တံထိပ်ငုံအရေပြားအောက်က ပြည်တွေ ထွက်တတ်ကြပါတယ်။

Balanoposthitis

လိင်တံထိပ်ငုံအရေပြား မဖြတ်တောက်ထားတဲ့ အမျိုးသားတွေမှာဆိုရင် balanitis လို့ခေါ်တဲ့ လိင်တံထိပ်ပိုင်း ရောင်ရမ်းခြင်းနဲ့ posthitis လို့ခေါ်တဲ့ လိင်တံထိပ်ငုံအရေပြား ရောင်ရမ်းခြင်းတို့ (၂) ခုလုံးဖြစ်ပွားတဲ့ balanoposthitis ရောဂါဖြစ်နိုင်ပါတယ်။ ဒါ့အပြင် မှိုရောဂါတွေကြောင့် ရောဂါ ကူးစက်ခြင်းတွေကလည်း balanoposthitis လို့ခေါ်တဲ့ လိင်တံထိပ်ပိုင်းရော၊

အရေပြားရော (၂) ခုလုံးရောင်ရမ်းခြင်းကို ဖြစ်စေနိုင်ပါတယ်။ ဒီလိုကူးစက်ခံရရင် အမာရွတ်ဖြစ်ပေါ်ပြီး လိင်တံထိပ်ငုံအရေပြားကျပ်ခြင်းကို ဖြစ်စေနိုင်ပါတယ်။

လိင်ဆက်ဆံခြင်းမှု တစ်ဆင့်ကူးစက်တတ်သော ရောဂါများ (Sexually transmitted infections (STIs))

တစ်ချို့သော STI ရောဂါတွေက လိင်တံထိပ်ပိုင်း တွေကို ရောင်ရမ်းစေပြီး လိင်တံ တင်းမာခြင်းနဲ့ နေရထိုင်ရခက်ခြင်းတို့ကို ဖြစ်စေနိုင်ပါတယ်။ လိင်တံထိပ်ငုံအရေပြား ကျပ်ခြင်းကို ဖြစ်စေနိုင်တဲ့ STI တွေကတော့ –

လိင်အင်္ဂါ ရေယုန်ပေါက်ခြင်း၊
ဆီးပူညောင်းကျ (ကာလသား ရောဂါ)၊
ဆစ်ဖလစ်ရောဂါ တို့ဖြစ်ကြပါတယ်။

အရေပြားရဲ့ အခြေအနေ 

တစ်ချို့သော အရေပြားရောဂါတွေကလည်း လိင်တံထိပ်ငုံအရေပြားကျပ်ခြင်းကို ပိုဆိုးရွားစေတတ်ပါတယ်။ အဲ့ဒါတွေကတော့-

နှင်းခူနာ – နှင်းခူနာက အရေပြားကို ခြောက်သွေ့စေပြီး အရေပြားကို အချပ်လိုက်ဖြစ်စေနိုင်ပါတယ်။
Lichen planus  ဆိုတဲ့ ရောင်ရမ်းတဲ့ အရည်ပြား အဖုများ ထွက်တဲ့ ရောဂါ၊
Lichen sclerosus – ဒီဝေဒနာဟာ လိင်တံထိပ်ငုံအရေပြားနဲ့ လိင်တံထိပ်ပိုင်းတွေမှာ အဖြူရောင် အရေပြားအကွက်တွေကို ဖြစ်စေပြီး အမာရွတ်ပေါ်စေနိုင်ပါတယ်။
အနီပိမ့်များထသည့်အရေပြားရောဂါမျိုး (Psoriasis) – ဒီရောဂါဟာဆိုရင် မာကျွတ်၊ ခြောက်သွေ့တဲ့ အရေပြားအချပ်တွေ ဖြစ်ပေါ်စေတဲ့ ရောဂါ ဖြစ်ပါတယ်။

အသက်အရွယ်

အသက်အရွယ်ကြောင့်လည်း Phimosis  လို့ခေါ်တဲ့ လိင်တံထိပ်ငုံအရေပြား ကျပ်နေပြီး နောက်ကို ပြန်ရုပ်လို့မရတဲ့ အခြေအနေဖြစ်နိုင်ပါတယ်။ အသက်ကြီးလာတာနဲ့ အရည်ပြားဟာ မာတင်းလာပြီး မပျော့ပြောင်းတော့တဲ့ အတွက် ဖြစ်ရတာပါ။

Paraphimosis ရောဂါ ဖြစ်ပွားခြင်း အကြောင်းရင်းများ

အမျိုးသားတစ်ယောက်ရဲ့ လိင်တံထိပ်ငုံအရေပြားကို နောက်ပြန်ဆွဲထုတ်လိုက်ပြီးရင် ပုံမှန်အနေအထားမရောက်တဲ့ ဖြစ်စဉ်ကို Paraphimosis လို့ခေါ်ပါတယ်။ လိင်တံထိခိုက်ဒဏ်ရာရခြင်းတွေက Paraphimosis ကို ဖြစ်စေနိုင်ပါတယ်။ တစ်ခြား ဖြစ်စေတဲ့ အကြောင်းရင်းတွေကတော့-

Phimosis  လို့ခေါ်တဲ့ လိင်တံထိပ်ငုံအရေပြား ကျပ်နေပြီး နောက်ကို ပြန်ရုပ်လို့မရတဲ့ အခြေအနေ၊
ကူးစက်ရောဂါ ခံစားရခြင်း၊
လိင်တံထိပ်ငုံအရေပြားကို အချိန်အကြာကြီး နောက်ကို ရုပ်ထားမိခြင်း
လိင်တံထိပ်ငုံအရေပြားကို ကြမ်းတမ်းစွာ နောက်ကို ရုပ်ခြင်း။
ကုသနည်းများ

ဘာဝေဒနာမှ မခံစားရရင်တော့ ဘာကုသမှုမှ မလိုပါဘူး။ ဒါပေမဲ့ ဝေဒနာခံစားနေရပြီဆိုရင် အောက်ပါနည်းလမ်းတွေက ဝေဒနာကို လျော့ပါးစေနိုင်ပါတယ်။

လိင်တံ သန့်ရှင်းရေး

လိင်တံကို ကျန်းမာရေးနဲ့ အညီ သန့်ရှင်းစွာ ထားခြင်းဟာ လိင်တံထိပ်ငုံအရေပြား ကျပ်ခြင်း ဝေဒနာကို လျော့နည်းစေနိုင်ပါတယ်။ အဲ့ဒါတွေကတော့-

လိင်တံကို ရေနွေးနွေး၊ ဆပ်ပြာအပျော့စားဖြင့် ညင်သာစွာဆေးကြောပေးခြင်း၊

လိင်တံထိပ်ငုံအရေပြားကို ညင်သာစွာ နောက်ကိုလှန်ပြီး အတွင်းပိုင်းကို ဆေးကြောခြင်း
(သတိထားရန်။ ကလေးငယ်များနဲ့လူငယ်ဘဝမှာတော့ လိင်တံထိပ်ငုံအရေပြားကို နောက်သို့လှန်ခြင်းဟာ နာကျင်စေနိုင်တဲ့အတွက် မဆေးကြောသင့်ပါဘူး။ )

လိင်တံကို ခြောက်သွေ့စွာထားရှိခြင်း၊

အနံ့ပျောက်ဆေးနဲ့ အလှဆီတို့လို ဓာတု ပစ္စည်းများနဲ့ လိင်တံကို မလိမ်းကျံခြင်း။

လိင်တံထိပ်ငုံအရည်ပြားကို ဆွဲဆန့် လေ့ကျင့်ခန်းများပြုလုပ်ခြင်း
လိင်တံထိပ်ငုံအရေပြားကို လက်ဖြင့် ပုံမှန်ဆွဲဆန့်ပေးခြင်းဟာ အရေပြားရဲ့ ချုံ၊ ချဲ့ နိုင်စွမ်းကို ထိန်းသိမ်းပေးနိုင်ပြီး အရေပြားမာကြောခြင်းကို ကာကွယ်ပေးနိုင်ပါတယ်။ ဒါ့ကြောင့် လိင်တံကို ဆေးကြောစဉ်မှာ အရေပြားကို ပုံမှန် ဆွဲဆန့်ပေးနိုင်ပါတယ်။

( ဒီလေ့ကျင့်ခန်းဟာ လိင်တံထိပ်ငုံအရေပြားနဲ့ လိင်တံထိပ်ပိုင်း စတင်ကွဲသွားတဲ့ အချိန်ဖြစ်တဲ့ အသက် ၇ နှစ်က စလို့ ပြုလုပ်နိုင်ပါတယ်။) ယောက်ျားလေး အမျိုးမျိုးရဲ့ ကြီးထွားခြင်း ဖြစ်စဉ်တွေက တစ်ယောက်နဲ့ တစ်ယောက် မတူညီတဲ့အတွက် ဒီလေ့ကျင့်ခန်း မပြုလုပ်မှီ ဆရာဝန်နဲ့ အရင် ဆွေးနွေးသင့်ပါတယ်။

ဆေးဝါးများ

လိင်တံထိပ်ငုံအရေပြားကျပ်ခြင်းကို ကုသပေးနိုင်တဲ့ ဆေးဝါး အမျိုးမျိုးရှိပြီး ဘယ်လိုဆေးမျိုးကို မှီဝဲရမလဲဆိုတာကတော့ ဖြစ်ပွားခြင်း အကြောင်းရင်းပေါ်မူတည်ပါတယ်။ အောက်မှာဖော်ပြထားတဲ့ နည်းလမ်းတွေကတော့ စဉ်းစားသင့်တဲ့ နည်းလမ်းတွေ ဖြစ်ပါတယ်။

ဆေးစာမလိုဘဲ ဒီအတိုင်း ဆေးဆိုင်တွေမှာ ဝယ်ယူလို့ရတဲ့ steroid ခရင်မ် တွေက လိင်တံထိပ်ငုံအရေပြားကျပ်ခြင်းကို ပျောက်ကင်းစေနိုင်ပါတယ်။ ဒီဆေးကိုသုံးမယ်ဆိုရင် လိင်တံထိပ်ငုံအရေပြားကို နေ့စဉ် ၂ လအထိ ပုံမှန်လိမ်းပေးသင့်ပါတယ်။ ဒီဆေးဝါးတွေနဲ့ လိင်တံထိပ်ငုံအရည်ပြားဆွဲဆန့် လေ့ကျင့်ခန်းတွေနဲ့ တွဲလုပ်ရင် အထိရောက်ဆုံးဖြစ်ပြီး steroid ခရင်မ် ကို မသုံးတော့ဘူးဆိုရင်တောင် လေ့ကျင့်ခန်းက လိပ်တံ အရေပြားကျပ်ခြင်းကိုကာကွယ်ပေးမှာ ဖြစ်ပါတယ်။

ဆေးစာနှင့်တစ်ကွ ဝယ်ယူရသော ဆေးများ

လိင်တံထိပ်ငုံအရေပြားကျပ်ခြင်းက ကူးစက်ရောဂါကြောင့်ဖြစ်တာဆိုရင် ဆရာဝန်တွေက ပဋိဇီဝဆေးတွေ ဖြစ်တဲ့ bacitracin နဲ့ clotrimazole (Lotrimin AF) လိုဆေးမျိုးကို ညွှန်းပေးမှာ ဖြစ်ပါတယ်။

ထုံဆေးများ

လိင်တံထိပ်ငုံအရေပြားကို နောက်ပြန်ဆွဲထုတ်လိုက်ပြီးရင် ပုံမှန် အနေအထား မရောက်တဲ့ ဖြစ်စဉ်ဖြစ်တဲ့ paraphimosis မှာဆိုရင် အရည်ပြားကို ရှေ့ကို ပြန်ဆွဲထုတ်တဲ့အခါ မနာကျင်စေဖို့ ထုံဆေးအဆီတွေ အသုံးပြုနိုင်ပါတယ်။

ခွဲစိတ်ကုသမှုများ

တစ်ခြားသော နည်းလမ်းတွေက လိင်တံထိပ်ငုံအရေပြားကျပ်ခြင်းကို မကုသနိုင်ဘူးဆိုရင် ခွဲစိတ်ကုသဖို့လိုလာပါပြီ။ ခွဲစိတ်ကုသတဲ့ အခါမှာ ခွဲစိတ်ဆရာဝန်က လိင်တံထိပ်ငုံအရေပြားကို ဖြတ်တောက်ကုသပေးတာ ဖြစ်ပါတယ်။ သို့ပေမဲ့ ဒီလို ခွဲစိတ်ခြင်းတွေက တစ်ရှုးတွေ အသစ်တစ်ဖန် ပြန်လည်ဖြစ်ပေါ်ခြင်းကို မတားဆီးပေးနိုင်ပါဘူး။

Circumcision (လိင်တံထိပ် အရေပြားကို ဖြတ်ခြင်း)

လိင်တံထိပ်ငုံအရေပြား ကျပ်နေပြီး နောက်ကို ပြန်ရုပ်လို့မရတဲ့ အခြေအနေ (Phimosis ) နဲ့  လိင်တံထိပ်ငုံအရေပြားကို နောက်ပြန်ဆွဲထုတ်လိုက်ပြီးရင် ပုံမှန် အနေအထားမရောက်တဲ့ ဖြစ်စဉ် (Paraphimosis) ၊ လိင်တံထိပ်ပိုင်း ရောင်ရမ်းခြင်းဖြစ်စဉ် (balanitis)နဲ့ လိင်တံ ထိပ်ပိုင်းရော၊ အရေပြားရော ရောင်ရမ်းတဲ့ ဖြစ်စဉ်ဖြစ်တဲ့ balanoposthitis ဖြစ်စဉ် ၄ မျိုးခန့်ဖြစ်ပြီဆိုရင် ခွဲစိတ်ပြီး လိင်တံထိပ် အရည်ပြားကို ဖယ်ရှားဖို့လိုပါတယ်။ ဒါကို circumcision လုပ်တယ်လို့လည်းခေါ်ပြီး ဂျူးလူမျိုးနဲ့ မွတ်စလင်ဘာသာဝင်တို့ရဲ့ ဘာသာရေး အထိမ်းအမှတ်တစ်ခုလည်း ဖြစ်ပါတယ်။ ဒါပေမဲ့ circumcision ဟာ သွေးထွက်ခြင်းနဲ့ ကူးစက်ရောဂါ ရနိုင်ခြင်းတို့ကို ဖြစ်စေနိုင်တဲ့ အတွက် ဆရာဝန်များက နောက်ဆုံး နည်းလမ်း အဖြစ်သာ သုံးလေ့ရှိပါတယ်။

ကာကွယ်ခြင်းနဲ့ အသစ်ထပ်တိုးလာနိုင်သော နည်းလမ်းများ

နေ့စဉ် ပုံမှန်ဆေးကြောပေးခြင်းက လိင်တံထိပ် အရေပြားကျပ်ခြင်းကို ကာကွယ်ပေးနိုင်ပါတယ်။ တစ်ခြားသော ကာကွယ်နိုင်တဲ့ နည်းလမ်းတွေကတော့

တစ်ကိုယ်ရည်သန့်ရှင်းရေး ပုံမှန်လုပ်ပေးခြင်း။
ငယ်စဉ်ကတည်းက လိင်တံထိပ် အရေပြားကို ပုံမှန် ဆွဲဆန့်ပေးခြင်း၊
အရေပြားရောဂါတွေ ပေါ်လာတာနဲ့ ချက်ခြင်းကုသခြင်း။
STI ရောဂါများ မပျံ့နှံ့စေရန် ကွန်ဒုံး အသုံးပြုခြင်း၊
နာကျင်ခြင်းနဲ့ လိင်တံချော်ထွက်ခြင်း မဖြစ်စေရန် ချောဆီ အသုံးပြုခြင်း။
အရေပြားနဲ့ လိင်တံထိပ်မှာ ကူးစက်ခံရပြီဆိုရင် အမာရွတ် မဖြစ်ပေါ်အောင် ချက်ခြင်းကုသခြင်း။
ဆရာဝန်များနဲ့ ဆွေးနွေးတိုင်ပင်ခြင်းတွေ လုပ်ပြီး ကုသနိုင်ပါတယ်။

နိဂုံးချုပ်
ယောက်ျားလေးတွေ အများစုမှာ လိင်တံထိပ်ငုံအရေပြားကျပ်ခြင်းဟာ လူပျိုပေါက်အရွယ်ရောက်လာတဲ့ အချိန်မှာ ဒီအတိုင်း ပျောက်သွားတတ်ပါတယ်။ ဒါပေမဲ့ လိင်တံထိပ်ငုံအရေပြား ကျပ်နေပြီး နောက်ကို ပြန်ရုပ်လို့မရတဲ့ အခြေအနေ (Phimosis ) ဟာ လူပျိုပေါက်အရွယ်အထိ ဖြစ်နေရင် နာကျင်ခြင်း၊ လိင်ဆက်ဆံချိန် အဆင်မပြေဖြစ်ခြင်း၊

ကူးစက်ရောဂါ ကူးစက်နိုင်ခြင်း၊ ဆီးသွားရင် ခက်ခဲခြင်းတို့ ဖြစ်စေနိုင်ပါတယ်။ ဒီလို ဝေဒနာတွေကို ဘယ်အသက်အရွယ်မှာပဲဖြစ်ဖြစ် ခံစားရနေပြီဆိုရင် ဆရာဝန်ထံ သွားရောက်ပြသသင့်ပါတယ်။ အထူးသဖြင့် Paraphimosis  ( လိင်တံထိပ်ငုံအရေပြားကို နောက်ပြန်ဆွဲထုတ်လိုက်ပြီးရင် ပုံမှန် အနေအထားမရောက်တဲ့ ဖြစ်စဉ် ) ဟာ အန္တရာယ်များတဲ့အတွက် ချက်ခြင်း သွားရောက်ပြသသင့်ပါတယ်။ phimosis ရော paraphimosis ကိုပါ ကုသပေးနိုင်တဲ့ နည်းလမ်းတွေ ယခုခေတ်မှာ အများအပြားရှိနေပါပြီ။ ဒီလို မဖြစ်ခင် ကြိုတင်ကာကွယ်ဖို့ အတွက်တော့ တစ်ကိုယ်ရည်သန့်ရှင်းရေးနဲ့ လိင်တံ အရေပြားဆွဲဆန့် ခြင်းလေ့ကျင့်ခန်းကို ပုံမှန် ပြုလုပ်သင့်ပါတယ်။

မူလရေးသားဝေမျှသည့်စာမျက်နှာ ~ Hello ဆရာဝန်