ခရေပွင့် ဂိုဏ်း

 (၁)

ဗိုလ်တထောင်ဆိပ်ကမ်း ကုန်ထမ်းတဲ့နေရာက အသားညိုညိုဗလကောင်းကောင်းနဲ့လူတယောက်ရှေ့ကိုရောက်တော့ ကျနော်ခြေထောက်ခပ်ကားကားနဲ့ရပ်နေလိုက်သည်။

သူက ချွေးသုတ်ပီးမော့ကြည့်သည်။

ကျနော်က ပွတ်ချွန်းတလိပ်ကို 'ထောက်'ခနဲ မီးညှိလိုက်ပီး

' တောင်ပေါ်လမ်းမှာ ခရေပန်းတွေပွင့်ချိန်တန်ပီ '

လွန်စွာပီသသော မြန်းဂလိပ်စကားနဲ့ပြောလိုက်သည်။

' ဟာ အကိုကြီး '

ဆိုပီး သူကကျနော့်ကိုပြေးဖက်သည်။

' အတိတ်ကိုအတိတ်မှာထားခဲ့ သေရဲလား သတ်ရဲလား '

' မလုပ်ဖူးတာဘာမှမရှိဘူး '

သူက အံကိုတင်းတင်းကြိတ်၍ပြန်ဖြေသည်။

ကျနော်သူ့ပုခုံးကိုဖက်၍ဗိုလ်တထောင်ဆိပ်ကမ်းမှထွက်လာခဲ့သည်။

(၂)

' တစ်ကောင်ကျွေးပီး နှစ်ကောင်စားမယ် ကြောက်တတ်ရင်လက်ရှောင် '

ဆိုတဲ့အသံနဲ့အတူ မြောက်ဒဂုံကဆိုက်ကားဂိတ်မှာ တီရှပ်အနီရောင်လေးဝတ်ထားတဲ့ ချာတိတ်က ကြုံးဝါးပီး ကျားကွက်ကိုရွှေ့လိုက်သည်။

ကျနော်က သက္ကလတ်ဦးထုပ်ကိုခပ်ငိုက်ငိုက်ဆောင်းလိုက်ပီး

' နှစ်ကောင်ကျွေးပီး ကင်းဝင်မယ် တောင်ပေါ်လမ်းမှာ ခရေပန်းတွေပွင့်မယ် '

ကျနော့် စကားကိုကြားတော့ သူကမော့ကြည့်သည်။ပီးမှ မျက်ရည်တွေစီးကျလာကာ 

' အကိုကြီး '

ဆိုပီးပြေးဖက်သည်။

' အတိတ်ကို အတိတ်မှာထားခဲ့ သေရဲလား သတ်ရဲလား သရဲနီလေး '

' မလုပ်ဘူးတာဘာမှ မရှိဘူး '

သူကမျက်ရည်တွေကြားမှ အံကိုကြိတ်၍ပြန်ပြောသည်။

ကျနော် သူ့ပုခုံးကိုဖက်၍ထွက်လာခဲ့သည်။

(၃)

' နင်လိုအားအားရှိဂိမ်းဆော့နေတဲ့ ကလေကချေနဲ့မပတ်သတ်တော့ဘူး မနေ့ကလပြည့်နေ့လိုနေ့မျိုးတောင် နင်ငါ့အတွက်အချိန်မပေးဘူး ဂိမ်းထိုင်ဆော့နေတာ လာမပတ်သတ်နဲ့ '

ကောင်မလေးက ဂိမ်မာကောင်လေးကို အော်ကြီးဟစ်ကျယ်ပြောပီး တရုတ်တန်းရှိ နာမည်ကြီးကော်ဖီဆိုင်အတွင်းမှ ဆောင့်အောင့်၍ထွက်ခွာသွားသည်။

ခေါင်းငိုက်စိုက်၍ကျန်ခဲ့သော ဂိမ်မာကောင်လေးရဲ့ပုခုံးလေးကို ကျနော်ပုတ်လိုက်သည်။

' တောင်ပေါ်လမ်းမှာ ခရေပန်းတွေတောင်ပွင့်နေပီ မင်းကဒါမျိုးတွေအတွက်ခံစားနေတုန်းလား '

ဂိမ်မာကောင်လေးကမျက်မှန်ကိုချွတ်လိုက်ပီး မော့ကြည့်သည်။ပီးမှ မို့မို့မြင့်အောင်အိုက်တင်လို နှုတ်ခမ်းကြီးတွေတုန်လာပီး

' အကိုကြီး '

ဆိုပီးပြေးဖက်လိုက်သည်။

' အတိတ်ကိုအတိတ်မှာထားခဲ့ သေရဲလား သတ်ရဲလား '

' မလုပ်ဖူးတာဘာမှမရှိဘူး '

ဂိမ်မာကောင်လေးက မျက်ရည်တွေကြားမှ ကျနော့်ကိုအားရဝမ်းသာ ဖက်ကာပြောသည်။

ကျနော် သူ့ပုခုံးကိုဖက်၍ တရုတ်တန်းအတွင်းမှထွက်လာခဲ့သည်။

(၄)

ရေကျော်ပွဲစျေးရှိအကြော်ဆိုင်လေးတဆိုင်ရဲ့ဘေးမှာ ကောင်မလေးတွေရဲ့ဘေးမှာကပ်လျှောက်ပီး လက်သရမ်းဖို့ကြိုးစားနေတဲ့ချာတိတ်တယောက်ရဲ့ဘေးမှာ ကျနော်ခပ်တည်တည်နဲ့ရပ်နေလိုက်သည်။

ဘလေဇာကုတ်အတွင်းမှ ဖက်ကြမ်းတလိပ်ကို မီးညှိလိုက်ပီး ချောင်းဟန့်လိုက်သည်။

ကောင်လေးကကျနော့်ကိုမော့ကြည့်သည်။

' ဖင်တွေပဲလိုက်နှိုက်နေတုန်းလား ကျော်ကြီး တောင်ပေါ်လမ်းမှာခရေပန်းတွေပွင့်ပီလေကွာ '

ကျော်ကြီးက ကျနော့်ကိုစိုက်ကြည့်နေသည်။ပြီးမှ အားရပါးရပြုံးလိုက်သည်။

' မင်းဖင်နှိုက်ထားတဲ့လက်ကြီးနဲ့ငါ့ကိုမဖက်နဲ့ ငါပဲဖက်မယ် '

ကျနော်ကျော်ကြီးကိုသိုင်းဖက်လိုက်သည်။

' အကိုကြီး '

ဆိုပီး ကျော်ကြီး အားရပါးရအော်လိုက်သည်။

'အတိတ်ကိုအတိတ်မှာထားခဲ့ သေရဲလား သတ်ရဲလား '

' မလုပ်ဖူးတာဘာမှမရှိဘူး '

ကျော်ကြီးက အံကိုကြိတ်၍ပြန်ပြောသည်။

ကျနော် ကျော်ကြီးကိုဖက်၍ ရေကျော်ပွဲစျေးအတွင်းမှထွက်လာခဲ့သည်။

(၅)

ကျနော်တို့ မိတ်ကပ်အလှပြင်ဆိုင်လေးက ဒီလကုန်တာမွေမှာဖွင့်တော့မှာပါ။သူငယ်ချင်းညီအမတွေလဲ အကုန်လုံးစုပီးပီမို့ အားလုံးကိုဖိတ်ခေါ်ပါတယ်။

စာရေးသူ.... ဘူမိဇော်ကြီး

ကွန်ဒုံးကို မှန်ကန်စွာ ရွေးချယ်အသုံးပြုတော့မယ်ဆိုရင်

ကွန်ဒုံးကို မှန်ကန်စွာ ရွေးချယ်အသုံးပြုတော့မယ်ဆိုရင်

(Hello Sayarwon Panel မှ အချက်အလက်များကို စစ်ဆေးပြီးပါသည်။)

ကွန်ဒုံး အရပ်အခေါ်အရဆိုရင် ဦးထုပ် သို့မဟုတ် အကာအကွယ်ပေါ့ဗျာ။ သူ့ရဲ့ အဓိကလုပ်ဆောင်ချက်ကတော့ မလိုချင်သေးတဲ့ ကိုယ်ဝန်ကို ထိရောက်စွာ တားဆီးပေးနိုင်တယ်။ လိင်မှတစ်ဆင့် ရောဂါတွေ ကိုယ့်ဆီကိုရော၊ ကိုယ့်အဖော်ဆီကိုပါ မကူးစက်စေဖို့ ကာကွယ်ပေးနိုင်တယ်။ ဒီတော့ အဖက်ဖက်ကနေ အသုံးဝင်တဲ့ ကွန်ဒုံးကို မှန်ကန်စွာ ရွေးချယ်တတ်ဖို့၊ အသုံးပြုတဲ့နည်းလမ်းကို ပုရိသတို့အနေနဲ့ သိထားဖို့ လိုအပ်ပါတယ်။ ကဲ …. ကွန်ဒုံးကို မှန်ကန်စွာ ရွေးချယ်အသုံးပြုတော့မယ်ဆိုရင် ဘာတွေ သိထားဖို့ လိုမလဲဆိုတာကို အတူတူ ကြည့်လိုက်ရအောင်နော်။

ကွန်ဒုံးကို မှန်ကန်စွာ ရွေးချယ်အသုံးပြုတော့မယ်ဆိုရင်

ကွန်ဒုံးကို မှန်ကန်စွာ ရွေးချယ်အသုံးပြုတော့မယ်ဆိုရင် ဒီအချက်လေးတွေ သိထားဖို့ လိုပါမယ်။

ကွန်ဒုံးကို ဘယ်အချိန်မှာ အသုံးပြုဖို့ လိုအပ်လဲ။

ထိုးသွင်းမှု ပါတဲ့ လိင်ဆက်ဆံမှုတိုင်းမှာ ကွန်ဒုံးကို မဖြစ်မနေ အသုံးပြုပေးရပါမယ်။ ထိုးသွင်းဆက်ဆံမှုလို့ ဆိုရာမှာ အမျိုးသား လိင်တံနဲ့ ဆက်ဆံဖော်ရဲ့ ပါးစပ်၊ မိန်းမကိုယ်၊ စအိုဝအတွင်းသို့ ထိုးသွင်းဆက်ဆံခြင်းကို ဆိုလိုတာ ဖြစ်ပါတယ်။ ပါးစပ်နဲ့ ဆက်ဆံတဲ့အခါ HIV အပြင် ကာလသားရောဂါ၊ ရေယုန် အစရှိတဲ့ ရောဂါတွေ ကူးစက်ဖို့ အခွင့်အလမ်းနည်းတယ်ဆိုပေမယ့် လုံးဝမကူးစက်နိုင်တာတော့ မဟုတ်ပါဘူး။ ဒါကြောင့် အသုံးပြုသင့်တယ်လို့ တိုက်တွန်းရတာ ဖြစ်ပါတယ်။

ကွန်ဒုံးအစားထိုး သုံးစရာပစ္စည်းတွေရော မရှိဘူးလား။

လူတော်တော်များများ အထူးသဖြင့် အမျိုးသားတွေကိုယ်တိုင်က ကွန်ဒုံး ဝယ်ရမှာကို ရှက်သလို၊ စိတ်မလုံသလို ဖြစ်တတ်ပါတယ်။ တကယ်တော့ လိင်ကိစ္စဆိုတာ လူသားတိုင်း ရှောင်လွှဲလို့ မရတဲ့ ကိစ္စဖြစ်တာကြောင့် အကောင်းဆုံးကတော့ ကွန်ဒုံးတွေကို ကိုယ်နဲ့မကွာ အမြဲဆောင်ထားဖို့ပါပဲ။

ကွန်ဒုံးအစားထိုးပစ္စည်းလို့ ဆိုရာမှာ မလိုလားအပ်တဲ့ ကိုယ်ဝန်တွေကို တားဆီးပေးဖို့ အရေးပေါ် သန္ဓေတားဆေး၊ လက်မောင်းတွင်း ထိုးဆေးတွေ ရှိသလို၊ သုက်ရည်ကို အပြင်ဘက်မှာ စွန့်ထုတ်တဲ့ နည်းလမ်းတွေလည်း ရှိပါတယ်။ HIV ပိုး မကူးစက်စေဖို့ ကြိုတင်သောက်လို့ ရတဲ့ PreP ဆေးဝါးတွေ၊ အရေးပေါ် PeP ဆေးတွေ ရှိပါတယ်။ ဒါပေမယ့် ဒီဆေးတွေဟာ ကွန်ဒုံးလိုမျိုး ကာကွယ်ပေးနိုင်တာမျိုး မဟုတ်ပါဘူး။ ကိုယ်ဝန်နဲ့ HIV ကိုပဲ ကာကွယ်ပေးတာဖြစ်ပြီး တခြားလိင်မှတစ်ဆင့် ကူးစက်ရောဂါတွေ (ဥပမာ – ဂနို၊ ရေယုန်၊ ကာလသားရောဂါ) ဝင်လာနိုင်ပါတယ်။ ဒါကြောင့် ကိုယ့်ချစ်သူအိမ်ထောင်ဖက်နဲ့ ဖြစ်စေ၊ တခြားအဖော်နဲ့ဖြစ်စေ လိင်ဆက်ဆံတော့မယ်ဆိုရင် ကွန်ဒုံးကိုပဲ မှန်ကန်တဲ့နည်းလမ်းနဲ့ အသုံးပြုတာ အကောင်းဆုံးပါပဲ။

အန္တရာယ်ကင်းပြီး စိတ်ချရတဲ့ ကွန်ဒုံးတစ်ခု ဘယ်လိုရွေးချယ်မလဲ။

အမျိုးသားတိုင်း ကွန်ဒုံးဝယ်တော့မယ်ဆိုရင် အောက်မှာပြထားတဲ့အချက်တွေအတိုင်း သေချာစစ်ကြည့်ဖို့ အရေးကြီးပါတယ်။

၁။ ကွန်ဒုံးရဲ့ ကုန်ဆုံးမယ့်သက်တမ်းကို စစ်ကြည့်ပါ။ ရက်လွန်နေတဲ့ ကွန်ဒုံးတွေ၊ ကုန်ဆုံးသက်တမ်း မပါဝင်တဲ့ ပစ္စည်းတွေကို လုံးဝ မဝယ်ပါနဲ့။

၂။ ကွန်ဒုံးဖောက်ပြီးသွားတဲ့အခါ လက်နဲ့ စမ်းကြည့်ပါ။ ကြွပ်ဆတ်ဆတ် ဖြစ်နေတာ၊ စေးကပ်နေတာ၊ အရောင်ပြောင်းနေတာ၊ အနံ့ထွက်နေတာ အစရှိတဲ့ ပုံမှန်မဟုတ် လက္ခဏာတွေ တွေ့ရရင် မသုံးပါနဲ့။

၃။ ကွန်ဒုံးကို အသုံးမပြုခင်မှာ ပေါက်နေတာ၊ ပြဲနေတာမျိုး ရှိ၊ မရှိ သေချာစစ်ကြည့်ပါ။ အထူးသဖြင့် အပြင်ဘက်က ပိတ်ထားတဲ့ ပါကင်မှာ ပြဲနေတာမျိုး တွေ့ရင် ဆက်မသုံးပါနဲ့တော့။

၄။ လိင်တံနဲ့ ကွန်ဒုံးအရွယ်အစား ထပ်တူကျဖို့ လိုပါတယ်။ ကြီးနေရင်လည်း ဆက်ဆံနေရင်း ကျွတ်ဖို့ လွယ်နိုင်သလို သေးလွန်းရင်လည်း စွပ်ဖို့ အဆင်မပြေတာ၊ ပေါက်ပြဲသွားတာမျိုး ဖြစ်နိုင်ပါတယ်။

၅။ ပူလွန်းတဲ့ နေရာတွေမှာ ကွန်ဒုံးကို မထားပါနဲ့။ အပြင်သွားစရာ မရှိဘူးဆိုရင် ကွန်ဒုံးကို အခန်းအပူချိန်မှာပဲ ထားထားပါ။ ဘောင်းဘီအိတ်၊ ပိုက်ဆံအိတ်ထဲ အကြာကြီးထည့်ထားရင် ပူလွန်းတဲ့အတွက် ပြဲသွားနိုင်ပါတယ်။

အမျိုးသားသုံး ကွန်ဒုံးကို ဘယ်လိုမှန်ကန်စွာ အသုံးပြုမလဲ။

အမျိုးသားတွေ လိင်စိတ်ဆန္ဒ အထွတ်အထိပ်ရောက်နေစဉ် သုက်လွှတ်လိုက်တဲ့အခါ သုက်ရည်တွေ မိန်းမကိုယ်တွင်း မဝင်သွားစေဖို့၊ အပြင်ကို ထွက်မလာစေဖို့ အထိန်းအစွပ်အနေနဲ့ အသုံးပြုရတာ ဖြစ်ပါတယ်။ ဒီကွန်ဒုံးကို မိန်းမကိုယ်၊ စအိုအတွင်း ထိုးသွင်းဆက်ဆံခြင်းသာမက ပါးစပ်ဖြင့် လိင်ဆက်ဆံတဲ့အခါမှာလည်း အသုံးပြုနိုင်ပါတယ်။

ကွန်ဒုံးကို ဘယ်လိုအသုံးပြုရမလဲဆိုရင် -

၁။ ကွန်ဒုံးထည့်ထားတဲ့ အထုပ်ကို သတိထားပြီး ဖွင့်ပါ။ သွားနဲ့ ကိုက်ဖွင့်လိုက်တာ၊ ကပ်ကြေးနဲ့ ညှပ်တာမျိုးမလုပ်ပါနဲ့။ အခန့်မသင့်ရင် ကွန်ဒုံးပါ ပေါက်ပြီးပြဲသွားနိုင်ပါတယ်။

၂။ ကွန်ဒုံးကို မစွပ်ခင်မှာ ပေါက်ပြဲနေတာ၊ ထိခိုက်မှု တစ်စုံတစ်ရာ ရှိ၊ မရှိ အရင်စစ်ဆေးပါ။

၃။ ကွန်ဒုံးရဲ့ ဖုဖောင်းနေတဲ့ ထိပ်ကလေးကို လက်မနဲ့ လက်ညှိုးဖြင့် ဖိထားပါ။

၄။ ထောင်မတ်နေတဲ့ လိင်တံထိပ်ကနေ ကွန်ဒုံးအနားသားတွေကို အောက်ကို ဖြည်းဖြည်းချင်း ဆွဲချပါ။ ဆွဲလို့ အဆင်မပြေတာ၊ အရမ်းကျပ်နေတာ၊ ဆွဲနေရင်းနဲ့ ပြဲသွားတာဆိုရင် လွှင့်ပစ်ပြီး အသစ်တစ်ခု ယူသုံးပါ။

၅။ ထိခိုက်ပွန်းပဲ့မှု နည်းစေဖို့နဲ့ ထိုးသွင်းဆက်ဆံတာ ပိုလွယ်သွားအောင် ရေအခြေပြု (Water-based) ချောဆီနည်းနည်းကို ကွန်ဒုံးအပြင်ဘက်ကို သုတ်လိမ်းထားပါ။

၆။ သုက်လွှတ်ပြီးသွားချိန် လိင်တံမပျော့သွားခင် အမြန်ဆွဲထုတ်ပြီး ကွန်ဒုံးကို လွှင့်ပစ်ပါ။ လိင်တံပျော့သွားတဲ့အခါ စွပ်ထားတဲ့ ကွန်ဒုံးက ချောင်ပြီး အပြင်ကို ကျွတ်ထွက်သွားနိုင်သလို သုက်ရည်တွေပါ စိမ့်သွားနိုင်တာကြောင့်ပါ။

၇။ ကွန်ဒုံးကို ဆွဲချွတ်တဲ့အခါ ထိပ်နားကို လက်နဲ့ထိန်းပြီး ကျန်လက်တစ်ဖက်ဖြင့် ဖြည်းဖြည်းချင်း ဆွဲချွတ်ပေးရပါမယ်။

၈။ ပြီးတာနဲ့ သုက်ရည်တွေကို အပြင်ဘက် မဖိတ်ကျအောင် သေချာဂရုစိုက်ပြီး အမှိုက်ပုံးထဲ ကွန်ဒုံးကို ပစ်လိုက်ရုံပါပဲ။

လိင်ဆက်ဆံနေစဉ် ကွန်ဒုံးပေါက်ပြဲသွားတယ်လို့ သံသယရှိရင် အမြန်ဆုံးဆွဲချွတ်ပြီး အသစ်တစ်ခု ပြန်တပ်ပါ။ ပြဲနေတဲ့ကွန်ဒုံးကို ဆက်ပြီး သုံးနေတာမျိုးတော့ မလုပ်သင့်ပါဘူး။ ဒီနည်းလမ်းတွေအတိုင်း ကွန်ဒုံးတွေကို မှန်ကန်စွာ အသုံးပြုမယ်ဆိုရင်တော့ မလိုလားအပ်တဲ့ ကိုယ်ဝန်အပြင် လိင်မှတစ်ဆင့် ကူးစက်ရောဂါတွေကို ထိရောက်စွာ တားဆီးပေးနိုင်မှာပါ။ ပွဲမဝင်ခင် အပြင်က ကျင်းပဆိုသလို တကယ့်အရေးအကြောင်းရယ်မှ ကွန်ဒုံးနဲ့ ပတ်သက်ပြီး အခက်အခဲတစ်စုံတစ်ရာ မဖြစ်ရလေအောင် ဒီနည်းလမ်းတွေနဲ့ ကြိုတင်လေ့ကျင့်ထားနိုင်ရင်တော့ အကောင်းဆုံးပဲပေါ့။

*** Hello ဆရာဝန် စာမျက်နှာမှ ကူးယူဖော်ပြသည်။