"မူးယစ်ဆေးစွဲသူတစ်ယောက်နဲ့ စကားပြောနည်း"

ဆေးစွဲတာပဲဖြစ်ဖြစ် မူးယစ်​​ဆေးဝါးတစ်ခုခုကို စွဲလမ်းနေတဲ့သူတစ်ယောက်နဲ့ပဲဖြစ်ဖြစ် ပြောဆိုဆက်ဆံတဲ့နေရာမှာ ကိုယ့်ကိုယ်ကိုယ် ဘ၀င်ကြီးနဲ့ အထာကိုင်ကာ သူ့ကိုတော့ နှိမ်​ချတဲ့ စိတ်သဘောဖြင့် မဆက်ဆံဖို့ အဦးဆုံး သတိပေးပါရစေ။

ဘယ်သူမှတော့ ဆေးစွဲနေသူတစ်ယောက်ကို ဘယ်လိုစကားမျိုး ပြောရမလဲဆိုတာ အလိုအ​လျောက်​ သိပါ့မလဲ။ သို့သော်လည်း မူးယစ်​​ဆေးဝါး စွဲနေသူများ၊ ဆေးဝါးတစ်ခုခု စွဲလမ်းနေသူများ အ၀န်းအ၀ိုင်းမှာ နေထိုင် အလုပ်လုပ်နေသောသူများကတော့ ဘယ်လိုပြောဆိုဆက်ဆံတာက ထိရောက်မှုရှိတယ်ဆိုတာ ရှာဖွေတွေ့ရှိခဲ့ပြီးဖြစ်နေနိုင်ပါတယ်။ ဒါက အမြဲတစေ အခက်​အခဲတစ်ခုပါ။ သူတို့ ပတ်​၀န်းကျင်​က ဘယ်သူသည် မူးယစ်​​ဆေးဝါး စွဲငြိနေတဲ့ အခြေအနေရောက်နေတယ်ဆိုတာ သေချာမသိရဘူးလေ။ စာဖတ်သူနဲ့ အပြောအဆို အဆက်ဆံ သိပ်အဆင်မပြေသော ချစ်ခင်ရသူတစ်ယောက်က မူးယစ်​​ဆေးဝါး စွဲလမ်းနေသူဖြစ်ကြောင်း ဖွေရှာတွေ့လိုက်ရင် အထိတ်​တလန့် ဖြစ်ရမှာ သေချာသလို အဆက်အဆံ ပြန်အဆင်ချောဖို့ ဆေးနည်းတစ်ခု ရှိရမှာမဟုတ်လား။

ဒါပေမဲ့ ကျွန်တော်တို့ မျှော်လင့်နိုင်ခဲ့တာထက်  ကောင်းမွန်တဲ့ ရလဒ်ထွက်ပေါ်မယ့် ပြောဆိုဆက်ဆံတဲ့ နည်းလမ်းတွေရှိပါတယ်။ ဆေးစွဲတဲ့သူကို ဆေးဆက်သုံးနိုင်အောင် အကူအညီအထောက်အပံ့ပေးနေတဲ့ အနေအထားရှိသူက ဆေးစွဲသူကို ဆက်ဆံမှုခဲယဉ်းတာထက် နှိုင်းယှဉ်လိုက်ရင် ပိုကောင်းတဲ့ ဆက်ဆံရေးနည်းလမ်းတွေပေါ့ဗျာ။ ဆေးစွဲနေတဲ့သူကို ငြင်းပယ်ရင် လိမ်ညာနေရင်တော့ အပြန်အလှန်ပြောဆိုဆက်ဆံတဲ့နေရာမှာ အဆုံးသတ်သွားပါလိမ့်မယ်။ စာဖတ်သူက သူ့ကို ဘယ်လိုတွေ ဂရုစိုက်ကြောင်း အလေးထားကြောင်း ပြသနေတာတောင်မှ ဇာတ်လမ်းဆုံးသွားမှာပါ။

ကြင်​နာမှုရှိပါ (Always Be Kind to Someone With an Addiction)

အမြဲတစေ ကြင်နာခြင်းနဲ့ စာနာရိုင်းပင်းတတ်မှုလုပ်ရပ် ပြုမူကျင့်ကြံမှုတွေကို ဂရုတစိုက် ပြသလိုက်ပါ။ ဒါက ဆေးစွဲသူ တစ်ဦးတစ်ယောက်ရဲ့ တုန့်ပြန်မှုကို အောင်အောင်မြင်မြင် ရနိုင်သော နားလည်ရခက်တဲ့ လျှို့ဝှက်ချက်ဖြစ်ပါတယ်။ မူးယစ်ဆေးဝါး စွဲလမ်းခြင်းဟာ ကျွန်တော်တို့ လူ့အသိုင်းအ၀ိုင်းအတွင်းမှာ အလွန် အသရေပျက်စေပါတယ်။ ဆေးစွဲသူ တစ်ယောက်အနေနဲ့ အခြားသူတွေက အပြစ်ရှာကြ၊ ဆဲရေး စော်ကားမှာ၊ သေးသိမ် သိမ်ငယ်စေမှာ၊ သူငယ်ချင်းတွေရယ် မိသားစုဝင်တွေရယ်က သူတို့ကို ငြင်းပယ် ကန်ထုတ်မှာ မျှော်လင့်ပြီးသားပါ။ သူတို့ရဲ့ အမူအကျင့် အားလုံးကို လက်မခံနိုင်သော်ငြား ကျွန်တော်တို့က ဖြစ်တည်နေမှုကို လက်ခံပေးလိုက်လျှင် နှစ်ဦးသားကြား အပြစ်မှခွင့်လွှတ်ခြင်းနဲ့ ပြန်လည်ကျန်းမာ နလံထူဖို့ တံတားတစ်စင်း စဆောက်နိုင်ပါပြီ။

ကိုယ်ကပြောသလောက် သူကပြောတာကိုလည်း နားဆင်ပေးပါ (Listen to Person With the Addiction at Least as Much as You Talk)

သူတို့သည် စာဖတ်သူ ချစ်ခင်ရသောသူ တစ်ယောက်ယောက် ဟုတ်သည်ဖြစ်စေ မဟုတ်သည်ဖြစ်စေ အကြောင်းတစ်ခုခုကြောင့် မူးယစ်​​ဆေးဝါး စွဲလမ်းလာတယ်ဆိုသော ပြုမူကျင့်ကြံပုံကို သဘောမတူတာတောင်မှ စကားဖြတ်ပြောခြင်း သို့မဟုတ် အပြစ်ရှာခြင်းတွေ မပြုလုပ်ဘဲ နားထောင်ပေးမှသာလျှင် ဆေးစွဲသူ တစ်ယောက်က ယုံကြည်စိတ်ချစွာ ဖွင့်ပြောလာမှာဖြစ်ပါတယ်။ အင်တာနက် စာမျက်နှာတွေပေါ်က သူတို့တွေ စွဲလမ်းနေတဲ့ မူးယစ်​​ဆေးဝါးအကြောင်း ရှာဖွေဖတ်ရှုပြီးနောက် ဆေးစွဲသူများရဲ့ဘက်က အမြင်ကို နားလည်နိုင်ဖို့ ကြိုးစားပါ။

ရှေ့နောက်ညီပါ (Always Be Consistent)

ဆေးစွဲသူ တစ်စုံတစ်ယောက်နဲ့ ကျွန်တော်တို့ ပြောဆိုဆက်ဆံတဲ့ အချိန်တိုင်း ပြောဆိုတဲ့ စကားလုံးများနဲ့ ပြုမူလုပ်ဆောင်ချက် ညီညွတ်နေရပါမယ်။ သူတို့ကို ပေးချင်တဲ့ သတင်းအချက်အလက်က အပြောင်းအလဲမရှိစွာ ကျန်နေရတာမျိုးလေ။ ဒါမှသာ ကျွန်တော်တို့ ဘာလိုချင်တယ် သို့မဟုတ် သူတို့အပေါ် ဘာမျှော်လင့်သလဲဆိုတာ နားလည်မှု မလွဲမှာ မဟုတ်လား။ ဥပမာ - ကျွန်တော့် ပါတနာက အရက်သောက်ခြင်းဆိုင်ရာပြဿ နာ တစ်ခုရှိနေတယ်လို့ ကျွန်တော်ထင်မိကြောင်းမပြောလိုက်ဘဲ ညစာစားပြီးနောက် ၀ိုင်တစ်ပုလင်း ဝေမျှလိုက်ပါတယ်။

ခန့်မှန်းရမခက်စေနဲ့ (Try to Be Predictable)

ဆေးစွဲသူများရဲ့ စကားလုံးများရယ် ပြုမူကျင့်ကြံပုံတွေရယ်က တော်တော့်ကို ကြိုတင်ခန့်မှန်းရမလွယ်ကူတဲ့အထဲမှာပါတယ်။ သို့သော်လည်း ဥပမာကောင်း တစ်ခုဖြင့် ချိန်ညှိပြခြင်းက သူတို့အတွက် အကူအညီ ဖြစ်နိုင်ပါတယ်။ ဆေးစွဲသူ တစ်ယောက်ရဲ့ ပတ်​၀န်းကျင်​မှာ စာဖတ်သူအနေဖြင့် အလိမ်အလှည့် စကားမပြော မှန်​ကန်​ရိုးဖြောင့်တဲ့ လုပ်ဆောင်ချက်တွေကိုသာ ပြောဆို ပြုမူခြင်းဖြင့် ခန့်မှန်းရလွယ်ကူသူဖြစ်နေပါစေ။ အံ့အားသင့်​စရာ အံ့သြစရာဆိုတဲ့ ကိစ္စရပ်များဟာ သူတို့ကို ကြီးမားသော အခက်အခဲနဲ့ ကြောင့်ကြစိတ်များပေးတယ်လို့ ခံစားတတ်ကြပါတယ်။

မေတ္တာပေးပါ ၊ မေတ္တာပြပါ (Show Unconditional Love or Concern)

မူးယစ်​​ဆေးဝါးအပေါ် သူတို့ဘယ်လောက် ပြင်းပြင်းပြပြ စွဲလမ်းနေသည် ဖြစ်ပါစေ စာဖတ်သူအနေဖြင့် ချစ်ခင်နေဆဲ သို့မဟုတ် ဂရုစိုက်နေဆဲဖြစ်ကြောင်း သူတို့သိပါစေ။ အစစ်အမှန် သို့မဟုတ် ဖြစ်နိုင်ချေ မရှိသော်လည်း အနည်းဆုံးတော့ သူတို့ရင်ထဲက မိမိအပေါ် ယုံကြည်​မှု ရပါတယ်။ သူတို့ အတွက် အကူအညီ ရမှာလား မရလား မသေချာသော်လည်းပေါ့နော်။ သည်ဟာက မိမိအနေနဲ့ မည်ကဲ့သို့ဖြစ်ဖြစ် သည်းခံရလိမ့်မယ်လို့ မဆိုလိုပါဘူး။ ဆေးစွဲသူ အနေနဲ့ ဘယ်လိုအခြေအနေတွေဆို စာဖတ်သူ သည်းမခံဘူးဆိုတာလည်း သိပါစေ။

ကန့်သတ်ချက်လေးတွေထားဖို့လိုသလို အဲသလိုထားတဲ့အတွက်လည်း မကြောက်လန့်ရပါ။ သူတို့ ဆေးစွဲတဲ့ ပြုမူကျင့်ကြံပုံအရ ခြိမ်းခြောက်မှုတွေ စာဖတ်သူက မပြုလုပ်ပါဘူးဆိုတာပြဖို့ လိုက်နာရမယ်။ ဒါမှမဟုတ်​ စိတ်ဓာတ်ရေးရာအရ  သူတို့ကို အပြစ်ပေးတာမျိုးလည်း ရှောင်ရှားရပါမယ်။

ပြောင်းလဲမှု ဖြစ်စဉ်မှာ ၀ိုင်းဝန်းကူညီ (Support the Process of Change)

စာဖတ်သူအနေဖြင့်  မူးယစ်သံသရာက ရုန်းထွက်တဲ့ ပြောင်းလဲခြင်း အပေါ် ထောက်ခံကြောင်း ၀ိုင်းဝန်းကူညီဖို့ လိုလိုလားလားရှိကြောင်း ဆေးစွဲသည့်လူအား သိခွင့်ပေးပါ။ ဥပမာ - သူတို့​နဲ့ မိသားစုဝင်တွေစီ အတူလိုက်ပေးတာ သို့မဟုတ် နှစ်ဦးသား အနာဂတ်အတွက် အလုံးစုံ တိုင်ပင်ဆွေးနွေးကြခြင်းမျိုးပေါ့။ သို့ပေမယ့် မိမိကိုယ်တိုင်က ပြောင်းလဲမှုကိစ္စ အကြောင်းရင်းခံမှာ အားတက်​သ​ရော ရှိနေမှုသည် ဆေးစွဲနေသူရဲ့ အားတက်​သ​ရော ရှိမှုထက် မြင့်ကောင်း မြင့်နေနိုင်ပါတယ်။

ဆွေးနွေးနှစ်သိမ့်ခြင်းနှင့် နားလည်သဘောပေါက်ခြင်းမှ အကျိုးအမြတ်တစ်ခုစတင်တာနဲ့ ဆေးစွဲနေသူရဲ့ ရပ်တည်ချက်ပြောင်းလဲခြင်း စကောင်းစတင်နိုင်တာပါပဲ။ စာဖတ်သူတို့အနေနဲ့  အပြောင်းအလဲ ပြုလုပ်ပြီး ဘယ်လိုအခြေအနေရှိကြောင်း ကိုယ့်ကိုယ်ကိုယ် ရှာကြည့်ချင်တဲ့ စိတ်ဆန္ဒမျိုး သူတို့လဲ ထပ်တူရှိပါတယ်။

သူတို့ နိယာမအတိုင်းလုပ်ပါ (Do It Their Way)

ဆေးစွဲသူ တစ်ယောက်ရဲ့ အမူအကျင့် ပြုမူနေထိုင်ပုံ ဥပမာ - အသက်မပြည့်သေးဘဲ အရက်သေစာသောက်ခြင်း သို့မဟုတ် စာဖတ်သူရဲ့ အိမ်မှာ မူးယစ်​​ဆေးဝါး လာရောက်သုံးစွဲနေခြင်း စသည်တို့နှင့် ပတ်သက်၍ ဘယ်အရာက လက်မခံနိုင်ဘူးလဲဆိုတာ မိမိအနေဖြင့် ရှင်းလင်းခိုင်မာစွာ အပြည့်အ၀ သိထားသော်လည်း အရေးပါတဲ့ ပြောင်းလဲမှုတစ်ရပ်အတွက် သူတို့ဘယ်လိုဖော်ဆောင်မလဲဆိုတာမှာ စာဖတ်သူအနေနဲ့ သဘောထားပျော့ပြောင်းရမည် ဖြစ်ပြီး၊ ဘာဘယ်လိုလုပ်ဟု အမိန့်ပေးခြင်းမျိုး မသက်ရောက်စေဘဲ သူတို့ဘယ်လိုနည်းလမ်းမျိုးကို သဘောကျလည်းဆိုတာ ဆန်းစစ်ပြီးမှ အဲ့သလိုနည်းလမ်းနဲ့ အကူအညီပေးခွင့်ကို ကမ်းလှမ်းပါ။ ဆေးစွဲသူတို့ကိုယ်ပိုင်တွက်ဆပြုလုပ် ပြောင်းလဲသည့် လုပ်ရပ်များသည် ထိခိုက်နစ်နာမှု နည်းနိုင်သည်ဆိုပါက စာဖတ်သူ မျှော်လင့်နေတဲ့ အကျိုးကျေးဇူး ထပ်တူအဖြေထွက်ဖို့ အတွက် သူတို့ လမ်းကြောင်းအတိုင်း ဖော်ဆောင်ခွင့်ပေးလိုက်ပါ။

အကူအညီရနိုင်မယ့် နေရာရှာပါ (Seek Information on Where to Get Help)

လူတွေအနေနဲ့ သူတို့တွေ မူးယစ်​​ဆေးဝါး စွဲလမ်းတဲ့ ကိစ္စအပေါ် ရှက်စိတ်ဝင်တတ်ကြပြီး ရဲဌာန သို့မဟုတ် အခြားအာဏာပိုင် အဖွဲ့အစည်းတွေကို အကြောင်းကြားခံရမှာ ကြောက်လန့်ကြပါတယ်။ ဒါကလည်း သူတို့တွေကို အကူအညီပေး သူတို့တွေအကူအညီရှာကြတဲ့အခါ အကြီးမားဆုံး အတားအဆီး အ​နှောင့်​အယှက်​ပါ။ ဘယ်နေရာ ဘယ်လိုဌာနမှာ အကူအညီ ရယူနိုင်တယ်ဆိုသော သတင်းတွေ ရှာပေး စုံစမ်းပေးခွင့် ကမ်းလှမ်းပါ။ ဆေးသုံးစွဲမှုစွန့်လွှတ် မယ့်သူကို `ဒါဟာ မင်းကိုယ်ကို မင်း ကယ်တင်တာပဲ´လို့ နားလည်အောင် ဦးတည်ချက်ထားပြောပြရပါမယ်။အခြေအနေနဲ့အချိန်အခါလိုက်ပြီး အဆင်ပြေအောင် အကူညီပေးခြင်း၊ အကူအညီတွေ ရရှိနေမှုကို မြင်တွေ့ရခြင်း၊ သူ့ရဲ့အတွင်းစိတ်ဓာတ်ရေးရာနဲ့ ပြင်ပလုပ်ဆောင်ချက်တွေတိုးတက်လာခြင်း တို့ကို ရရှိခံစားသိရှိလာရခြင်းဖြင့် `ဤသို့ ဖြစ်နိုင်ချေရှိရှိပြောင်းလဲရတာဖြစ်ကြောင်း´ မြင်တွေ့စေလိုက်ပါ။

ကိုယ့်အတိုင်းအတာကို သိခွင့်ပေးပါ (Always Let an Addict Know Your Limits)

ဆေးစွဲသည့်လူက ပြောင်းလဲဖို့ စိတ်မပါသည့် လက္ခဏာပေါ်နေမယ်၊ စာဖတ်သူကလည်း သူတို့ မူးယစ်ဆေးစွဲလန်းမှုအပေါ် စွဲမက်နေစဉ်ကာလအတွင်း စောင့်ကြည့်လိုစိတ် မရှိတော့ဘူးလို့ ခံစားရတဲ့အခါ အေးဆေးသက်သာ သူသိသွားပါစေ။ ဆွေးနွေးတိုင်ပင်ခြင်းက အဲ့သလိုအချိန်မှာပြုလုပ်ဖို့ ကောင်းမွန်တဲ့ နေရာတစ်ခုပါ။ ဆေးစွဲတဲ့ လူတစ်ယောက်က သူတို့ရဲ့ ပြုမူကျင့်ကြံပုံမှာ စာဖတ်သူအပေါ် အဘယ်ကဲ့သို့ ဒုက္ခများစေတယ်ဆိုတာ မသိဟန်ပေါက်နေလျှင် သို့မဟုတ် မသိကျိုးကျွံပြုနေလျှင် သူတို့မှာ တစ်ခုခုကောင်းအောင် အပြောင်းအလဲလုပ်ရန် ဘာအကျိုးအကြောင်းမှ မရှိပါဘူး။

Alex Aung (1 Oct 2018)

Ref: Communicating With Someone Who Has an Addiction
Be Supportive Without Letting Yourself Down
By Elizabeth Hartney, PhD | Reviewed by Steven Gans, MD