ကိုကြီးပြောမယ် ညီလေးနားထောင် (အပိုင်း ငါး)

သူစိမ်းနှစ်ဦး တွေ့ဆုံကြတယ် သဘောထားခြင်းတိုက်ဆိုင်စွာဖြင့် ချစ်သူရည်းစားဖြစ်သွားကြတယ်ဆိုတာ ကျွန်တော်တို့ လူ့လောက ၀ယ်ဖြစ်ရိုးဖြစ်စဉ်တစ်ခုဖြစ်ပါသလား? ယောက်ျားမိန်းမ ဆန့်ကျင်ဘက်လိင်တွေ တစ်ယောက်ကိုတစ်ယောက်စွဲဆောင်မှုပြင်းစွာဖြင့် ချစ်သူဖြစ်လိုကြတယ်ဆိုတဲ့စိတ်ခံစားမှုဟာ သဘာဝလို့ဆိုတတ်ကြပါတယ်။ ကျွန်တော်တို့လို လိင်တူခြင်းစိတ်ဝင်စားသော ယောက်ျား များကြတော့ လိင်တူခြင်းစိတ်ဝင်စားသူအခြင်းခြင်းသာစိတ်ဝင်စားခွင့်က ရာခိုင်နှုန်းပိုများနေတတ်ကြပါတယ်လေ။ ဒီတော့ အမျိုးတူ ယောက်ျားနှစ်ယောက်အတွက်ကရော သဘောထားခြင်းတိုက်ဆိုင်စွာ ချစ်သူရည်းစားဖြစ်သွားကြတယ်ဆိုတာက ဖြစ်ရိုးဖြစ်စဉ်တစ်ခု မဟုတ်ဘူးလား?

ဘယ်လိုပဲဖြစ်ဖြစ် သူစိမ်းနှစ်ဦးတစ်ဦးနဲ့တစ်ဦး အကြောင်းတိုက်ဆိုင်လို့ သဘောကျကြတယ်ဆိုရင် တစ်ယောက်အကြောင်း တစ်ယောက်သိဖို့အရင်ကြိုးစားဖို့လိုမယ်ထင်ပါတယ်။ နှစ်ဦးသားစိတ်ထားခြင်းသိသွားကြပြီ ညှိနှိုင်းလို့အဆင်ပြေသွားကြပြီဆိုရင်တော့ နှစ်ဦးသားရဲ့ပေါင်းသင်းဆက်နွယ်မှုကိုဘယ်လိုရှေ့ဆက်ကြမလဲဆိုတာ ဒုတိယအနေနဲ့စဉ်းစားကြတာပေါ့နော်။ နောက်တစ်ဆင့် အရာ အားလုံးအဆင်ပြေနေကြပြီဆိုဦး လူ့လောကရဲ့သဘာဝအတိုင်းဖြောင့်သောလမ်းသည်မရှိဆိုတာကြောင့် နှစ်ဦးသားရဲ့ ပေါင်းသင်း ဆက်ဆံရေးဆက်လက်တည်မြဲစေဖို့ကြိုးစားရပါမယ်။ငွေကြေးဥစ္စာ နေထိုင်မည့်ပတ်ဝန်းကျင်ရယ် ပြီးတော့ နှစ်ဦးနှစ်ဖက်ရဲ့မိသားစု အမျိုးအနွယ်တွေကို ရင်ဆိုင်ဖို့ဆိုတာကိုပါ ထည့်သွင်းစဉ်းစားရမယ်ထင်ပါတယ်။

ကဲပါလေ နှစ်ဦးသားရဲ့ပေါင်းသင်းဆက်ဆံရေးမှာ ဘယ်အချက်တွေက ပျော်ရွှင်မှုကိုသယ်ဆောင်လာတယ်၊ ဘယ်အချက်တွေကတော့ ၀မ်းနည်းမှုကိုပိုစေတယ်၊ ဘယ်အချက်တွေကိုတော့ သတိထားသင့်တယ် စတာတွေကို သတိပြုမိစေဖို့ ကျွန်တော်ထောက်ပြပါမယ်  စာဖတ်သူ ညီငယ်တို့ အဆင်ပြေပါစေနော်။

အမျိုးမျိုးအထွေထွေပေါင်းသင်းဆက်ဆံရေး (Types of relationships)

ကျွန်တော်တို့အတွက် ကြီးပြင်းလာရာသက်တမ်းတစ်လျှောက်မှာ ဒီလူကတော့ စံပြပုဂ္ဂိုလ်တစ်ယောက်လို့ စံထားစရာအမူအကျင့်တွေ နဲ့ပြည့်စုံတဲ့လူမတွေ့ခဲ့ရဖူးဘူး။ အဲလေ ဂေးတစ်ယောက်ရဲ့ အမူအကျင့်ဆိုတာဒီလိုဖြစ်ရမယ် ဂေးတွေရဲ့ပေါင်းသင်းဆက်ဆံမှုအမူအကျင့် တွေကဒီလိုဖြစ်ရမယ်ဆိုတာကို ပြသမယ့်ဂေးရိုးလ်မော်ဒယ်လ်တစ်ယောက်ကိုပြောချင်တာ။ ကျွန်တော်တို့ဟာ မိဘနှစ်ပါးရဲ့ ပေါင်းသင်း ဆက်ဆံရေး အမူအကျင့် ယုံကြည်ချက် တစ်ယောက်အပေါ်တစ်ယောက်သဘောထားစတာတွေအပေါ်ကိုသာ အာရုံထားပြီးသကာလ ကျွန်တော်တို့ရဲ့ကိုယ်ပိုင်ဘ၀မှာ ရှင်သန်ခဲ့ကြရတာဖြစ်ပါတယ်။ ယောက်ျားမိန်းမနှစ်ဦးသား လက်ထပ်ထိမ်းမြားကြခြင်းဆိုတာ ကျွန်တော် တို့ လူမှုအဖွဲ့အစည်းမှာ အရေးပါတဲ့အစိတ်အပိုင်းတစ်ခုဖြစ်ပါရဲ့။ ဒါကြောင့် လက်မထပ်ကြသေးသောစုံတွဲများ၊ လက်မထပ်နိုင်သောစုံတွဲ များ အပေါ်အမြင်က လက်ထပ်ဖို့အရည်အချင်းမပြည့်မှီသူများအဖြစ် ယူဆထင်မြင်တတ်ကြပါတယ်။ တစ်စုံတစ်ယောက်ဟာ တစ်ယောက်သောသူအတွက် မရှိမဖြစ်အရာ၊ ဘယ်တော့မှမလိမ်မညာတဲ့ လူ၊ ပြီးတော့ ရုန်းကန်လှုပ်ရှားရတဲ့ ဘ၀နေ့တွေမှာ ကူညီ ပေးနိုင်တဲ့သူဆိုတဲ့ ပေါင်းသင်းဆက်နွယ်မှုပုံစံတွေအပေါ်မှာ သူတို့ဂရုမမူမိတတ်ကြပါဘူးလေ။

သင့်အနေနဲ့ အဆင်ပြေနေတဲ့ ပေါင်းသင်းဆက်ဆံရေးပုံစံရှိသော ပေါင်းသင်းဆက်နွယ်မှုပုံစံတစ်ခုဟာ (နီးနီးကပ်ကပ် သို့မဟုတ် တစ်ကိုယ်ရည်သီးသန့်) မှားတယ်လို့မဆိုနိုင်တာတော့သေချာတယ်။ ကွဲပြားခြားနားသော လူအများအတွက် ကွဲပြားခြားနားသော အလုပ် ဖြစ်နေတဲ့ ကိစ္စတွေအတွက် ပေါင်းသင်းဆက်ဆံမှုပုံစံကတစ်ခုတည်းရှိတာမှမဟုတ်တာပဲ။သင့်အနေနဲ့တော့ ပွင့်လင်းမြင်သာတဲ့ ဆက်ဆံရေးမျိုး (open relationship) ကို သေချာပေါက်ရွေးချယ်မှာပါ။ သင် သို့မဟုတ် သင့်ပါတနာဟာ နှစ်ဦးသားပေါင်းသင်းဆက်ဆံ ရေးရဲ့ပြင်ပမှာ ကိုယ်မဟုတ်တဲ့ တခြားသော မိန်းကလေး သို့မဟုတ် အမျိုးသားတစ်ယောက်နှင့် စိတ်လှုပ်ရှားမှုတစ်ခုခု ဒါမှမဟုတ် လိင် ပိုင်းဆိုင်ရာပက်သက်ဆက်ဆံမှုပြုနိုင်ခြင်း ပြုခွင့်ပေးခြင်းရှိနေတာကိုး။ သင့်အနေနဲ့ ကိုယ်လိုသမျှဖေးမကူညီတတ်သော သူငယ်ချင်း အချို့နဲ့ အေးအေးသက်သာနေတာ၊ ဒါမှမဟုတ် တစ်ယောက်တည်း တစ်ကိုယ်ရေနေတာကိုနှစ်သက်နေတာ၊ ပြီးတော့ တစ်ယောက် ယောက်သော အမျိုးသားနှင့် ချိန်းဆိုတွေ့ဆုံတာ သို့မဟုတ် အိပ်ကြပြုကြ ချုပ်နှောင်မှုမရှိ ချည်တွယ်ထားခြင်းမရှိ စတဲ့ပုံစံမျိုးရှိတဲ့ ပေါင်းသင်းဆက်ဆံရေးပုံစံတွေကိုလည်း ရွေးချယ်မှာသေချာသလောက်ရှိပါတယ်။

ပျော်ရွှင်ကျန်းမာတဲ့ ပေါင်းသင်းဆက်ဆံရေးတစ်ရပ်ကဘာလဲ? (What is a healthy relationship?)

အရေးကြီးတဲ့ အဦးဆုံးအဆင့်တစ်ခုကတော့ သင့်ပါတနာဟာ သင့်အတွက် လူမှန်တစ်ယောက်ဖြစ်တယ်ဆိုတာ သင်ကိုယ်တိုင် သိနေဖို့လိုပါတယ်။ သင့်ကိုယ်သင် မလိမ်မညာ ရိုးဖြောင့်မှုရောရှိရဲ့လား? ဒီတစ်ခါပြောပြမယ့်အရာတွေက သင်နဲ့သင့်ရဲ့ ပါတနာ အရာရာမှာ အတူတူမျှဝေခံစားမှု အဆင့်ဘယ်လောက်ရှိတယ်ဆိုတာ သင်စဉ်းစားနိုင်ဖို့အထောက်အကူဖြစ်မယ်ထင်ပါတယ်။

-       သူဟာ သင့်လိုအပ်ချက်အပေါ်မေတ္တာထားနိုင်ရဲ့လား?

-       သင်ဘာပြောဆိုနေတယ်ဆိုတာတွေကို သူအမှန်တကယ်နားထောင်ရဲ့လား?

-       သင့်အမြင်နှင့် တန်ဖိုးထားမှုတွေအပေါ် သူလေးစားသမှုရှိရဲ့လား?

-       သူ့ဖိုမလက္ခဏာ (his sexuality) နှင့် သူ သက်သောင့်သက်သာရှိသလား?

-       သင်နှင့်ပတ်သက်ပြီးသူခံစားရတာတွေအပေါ် ပြောဆို ဆွေးနွေးတာမျိုးလုပ်နိုင်သလား?

-       သင့်ဆီကသူလိုချင်တာ လိုအပ်တာတွေအပေါ် သူပြောဆိုဆွေးနွေးနိုင်သလား?

-       သင်တို့နှစ်ဦး ပေါင်းသင်းဆက်နွယ်မှုပြင်ပမှာ လိင်ကိစ္စနှင့်ပတ်သက်ပြီး အတွင်းရော အပြင်ရော အနည်းဆုံးသာယာမှုတစ်ခု သက်သက်ပတ်သက်မှုအပေါ် တူညီတဲ့သဘောထားအမြင်ရှိနိုင်ပါ့မလား?

မပျော်ရွှင်မကျန်းမာတဲ့ ပေါင်းသင်းဆက်ဆံရေး? (Unhealthy relationship?)

ပျော်ရွှင်ကျန်းမာသောပေါင်းသက်းဆက်ဆံရေးတစ်ရပ်ကို ခေါင်းပန်းလှန်ရင် ဆန့်ကျင်ဘက်မျက်နှာပြင်တစ်ခုလို့တွေးထင်နိုင်ပါတယ်။

-       ပေါင်းသင်းဆက်ဆံရေးတစ်ရပ်ဟာ ကိုယ့်လိုအပ်ချက်အတွက်သက်သက် တွေ့ဆုံမှုတစ်ခုမဟုတ်တာကို သိနေပေမယ့် ကိုယ်ပြောချင်တဲ့စကား ကိုယ်ဝေမျှချင်တဲ့စိတ်ခံစားမှုတွေကို သင့်ပါတနာအားအခုအချိန်ထိဖွင့်ပြောခွင့်မရသေးပါ။

-       သာတူညီမျှမှုမရှိခြင်း - သင်တို့နှစ်ယောက်ထဲက တစ်ယောက်က ဆုံးဖြတ်ချက်အားလုံးကိုသူကချမှတ်ပြီး သူ့နည်းလမ်း အတိုင်းသာ အမြဲရွေးချယ်လုပ်ဆောင်လေ့ရှိပါသလား? သူနဲ့အငြင်းအခုန်တစ်ခုမှမလုပ်ချင်တဲ့အတွက် ဖြစ်ပျက်သမျှကို သင်ခွင့်ပြုလိုက်လျောနေရပါသလား?

-       ကိုယ်မဟုတ်တဲ့တစ်ပါးသူနဲ့ပတ်သက်နေမှုကို တစ်ဦးကိုတစ်ဦးနားလည်ပေးနေရတယ်။

-       သင့်ပါတနာနှင့် လိင်မှုကိစ္စလက်တွေ့လုပ်ဆောင်မှုတွေမှာ သို့မဟုတ် လက်တွေ့ လူမှုဆက်ဆံရေးနယ်ပယ်တွေမှာ(ဥပမာ - သင့်အနေနှင့် ခွင့်မပြုမလိုက်လျောချင်တဲ့ သို့မဟုတ် ပြုလုပ်လိုတဲ့ အရက်သောက်ခြင်း၊ ဆေးသုံးခြင်း ကိစ္စလိုမျိုးတွေမှာ ပေါ့နော်။) ဖိအားတစ်ရပ်အနေနဲ့ခံစားနေရခြင်း။

-       အဆက်အစပ်မရှိမမိခြင်း - ကိစ္စသေးသေးလေးကနေ ပြဿနာအကြီးကြီးဖြစ်သွားတဲ့အထိ နှစ်ဦးသားကြားအချို့ကိစ္စရပ် လေးတွေကို လစ်လျူရှုဖြစ်နေခြင်း။

-       လစ်လျူရှုခံရခြင်း သို့မဟုတ် မကျေမချမ်းဖြစ်နေခြင်းဆိုတာကို ခံစားမိနေခြင်း၊

-       ဘ၀ရဲ့အရေးပါသောဆုံးဖြတ်ချက်တွေမှာ ကိုယ့်ဆုံးဖြတ်ချက်အတွက် တစ်ခြားသူကိုထည့်မတွက်ခြင်း ထည့်မတွေးခြင်း။

-       ပြဿနာတွေနဲ့ပတ်သက်ပြီးဆွေးနွေးညှိနှိုင်းရာမှ လိမ်ညာခြင်း၊ ငြင်းပယ်ခြင်း သို့မဟုတ် စွပ်စွဲခံရခြင်း။

ပေါင်းသင်းဆက်ဆံရေးကိုအဆုံးသတ်ခြင်း (ending relationships)

များစွာသောပေါင်းသင်းဆက်ဆံရေးပုံစံတွေဟာ ကျွန်တော်တို့အစီအစဉ်ချထားသလို အလုပ်မဖြစ်တတ်ကြပါဘူး။ ကျွန်တော်တို့ ဘယ်လောက်ပင်ချစ်ခင်နှစ်သက်ပါသည်ဆိုဦးတော့ အချို့ပြဿနာတွေဟာ ကျော်လွှားဖို့မဖြစ်နိုင်သလို ထိန်းချုပ်ကျော်လွှားလို့ မရနိုင်တဲ့အရာတွေအများကြီးရှိနေတတ်ပါသေးတယ်။ ဆုံးရှုံးရတဲ့ခံစားမှု၊ အမျက်ဒေါသ နှင့် စိတ်ထိခိုက်မှုတွေကိုဘယ်လိုဖုံးကွယ် ရမလဲဆိုတဲ့သင်ခန်းစာတွေကိုသာ အတွေ့အကြုံတစ်ရပ်အနေဖြင့်ရရှိမှာသေချာသည်ပေါ့လေ။ အဲဒါတွေကို မမေ့လိုက်ဖို့အရေးကြီးရ ခြင်းက ဘ၀ဆိုတာ ဆက်လျှောက်ရဆဲဆိုတော့ ကိုယ်ဘာမှားလဲဘာချို့ယွင်းခဲ့လဲဆိုတာသင်ခန်းစာယူ သူမပါတဲ့ဘ၀နေ့ရက်တွေမှာ အသက်ရှင်သန်နေထိုင်ဖို့နည်းလမ်းနဲ့ ပြန်လည်နာလန်ထူဖို့ဆိုတာ အတွေ့အကြုံက ဆရာကြီးဖြစ်လို့ပါပဲ။

တစ်ယောက်ယောက်နဲ့ပေါင်းသင်းဆက်ဆံရေးတစ်ခုထူထောင်ဖြစ်တာကိုက ကျရှုံးမှုတစ်ခုဖြစ်ခဲ့တယ်လို့တော့မယူဆစေချင်ပါဘူး။ အတိတ်ဇာတ်လမ်းတစ်ခုရဲ့ပုံရိပ်တွေဟာ နောက်လာမယ့်ဇာတ်လမ်းသစ်တစ်ခုအတွက် သင်ဘာလိုချင်ခဲ့တယ် လိုအပ်တယ်ဆိုတာကို သင်ယူနားလည်နိုင်ဖို့အကူအညီဖြစ်ပါလိမ့်မယ်။ အချစ်ဇာတ်လမ်းတစ်ခုကိုအဆုံးသတ်ရခြင်းကြောင့် ကြေကွဲရတယ်၊ ဆုံးရှုံးရတယ်ဆိုတဲ့ ခံစားမှုတွေနဲ့ နာကျင်ရတယ်ဆိုတာအမှန်တရားဆိုပေမယ့် အချိန်ဆိုတဲ့ဆေးဆရာနဲ့အတူ ရခဲ့ဖူးတဲ့ဖြစ်ရပ်မှန်ကို နောက်ထပ်မကြီးထွား စေတော့ဘဲ ကုစားလိုက်ပါတော့နော်။

မောင်တစ်ထမ်းမယ်တစ်ရွက် (moving in together)

နှစ်ဦးသားတက်ညီလက်ညီ အရာရာမှာပူးပေါင်းလုပ်ဆောင်ကြခြင်းက စုံတွဲအတော်များများရဲ့ ပေါင်းသင်းဆက်ဆံရေးမှာ မကြာခဏကြုံ ရလေ့ရှိတဲ့ဖိအားတွေကို ပြေလျော့စေဖို့ ကြီးမားတဲ့ခြေလှမ်းတစ်ရပ်ပဲဖြစ်ပါတယ်။ မှန်ကန်တဲ့ အကြောင်းအရာတစ်ရပ်အပေါ် အတူတကွ ချဉ်းကပ်စဉ်းစားလုပ်ဆောင်ဖို့ဆိုတာ တကယ့်ကိုသေသေချာချာစဉ်းစားသင့်တဲ့အရာတစ်ခုမဟုတ်ပါလား။ လူတစ်ချို့ကတော့ နှစ်ဦးသား ရဲ့ ပေါင်းသင်းဆက်နွယ်မှုအဆင့် နောက်တစ်ဆင့်မြှင့်နိုင်ဖို့အတွက် ကိစ္စအတော်များများမှာ အတူတကွလုပ်ဆောင်ကြခြင်းဆိုတဲ့ အမြင် ကို သဘောတူကြသလို အချို့သောလူတွေကတော့ အမြင်မတူကြပါဘူး။ ကိုယ်ပိုင်အတွေးကိုယ်ပိုင်အခွင့်အရေးတစ်ချို့တော့ ရှိသင့် တယ်လို့ယူဆလက်ခံကြပြီး အရာအားလုံးလိုလို မဝေမျှချင်ကြပါ။

အတူတကွလုပ်ငန်းဆောင်တာအတော်များများကိုလုပ်ဆောင်ကြခြင်း ကိစ္စကို အရေးတယူပြောရခြင်းက ဒီကိစ္စကိုတွေးဆထားသင့်ပြီး သင့်ပါတနာဘာကိုတွေးနေတယ်ဆိုတာ အတိအကျသိနေနိုင်ဖို့ ဖြစ်ပါ တယ်။

အိမ်မှုကိစ္စ (Housework)

(နှစ်ဦးသားအတူတကွနေထိုင်ကြမည့်သူများအတွက် ပိုမိုအရေးပါမယ်ထင်တဲ့အချက်တွေကို ကျွန်တော်အလေးပေးပြောပါ့မယ်။)

လူနှစ်ဦးအတူတကွနေထိုင်ကြတဲ့အိမ်မှာ ၀င်ငွေကို တစ်ဦးက ဒိုင်ခံရှာပြီးတော့ အိမ်ရဲ့ကိစ္စ အိမ်ရဲ့ဗာဟီရတွေကို ကျန်တစ်ယောက်တည်း က ဒိုင်ခံလုပ်ရမှာလားလို့အရင်ဆုံးတွေးမိပါတယ်။ ဘာကြောင့်ဆို ယောက်ျားမိန်းမအိမ်ထောင်တစ်ခုမှာလဲ သာမန်အားဖြင့် ကျွန်တော် ဆိုခဲ့သလိုပဲနေထိုင်တတ်ကြတာကိုး။ ဒါပေမဲ့ ကျွန်တော်တို့လို လိင်တူချစ်သူများမှာတော့ နှစ်ဦးစလုံးက ၀င်ငွေကိုအမိအရရှာပြီး နှစ်ဦးစလုံးဟာ အိမ်ရဲ့ကိစ္စဗာဟီရတွေကို ညီတူမျှတူလုပ်ကိုင်ကြပါတယ် သာမန်အားဖြင့်ပေါ့နော်။ ပြောစရာတော့ရှိနေပါတယ် တစ်ယောက်သောသူက ချမ်းသာသောမိသားစုအသိုင်းအ၀ိုင်းက အေးအေးသက်သာနေထိုင်တတ်ခဲ့သူဖြစ်ပြီး အခြားတစ်ယောက်က သာမန်မိသားစုက ကိုယ်ထူကိုယ်ထလုပ်ကိုင်နေထိုင်ခဲ့သူဖြစ်ခဲ့တယ်ဆိုရင် အိမ်မှုကိစ္စအပေါ် အတူတကွလုပ်ဆောင်ဖို့သဘောညီနိုင်ပါ့ မလားမေးခွန်းထုတ်စရာပါ။

အချစ်ဆိုတာက အတူတကွနေထိုင်ကျက်စားကြတဲ့အချိန်မှာ အရောင်ပြောင်းလာနိုင်ပါတယ်။ အတူတကွ စားစရာရှိတာသွားဝယ်စား လိုက် သွားလိုက်လာလိုက်နဲ့တုန်းကတော့ သာသာယာယာဖြစ်နေပြီး အိမ်ခန်းတစ်ခုထဲမှာ အသက်အရွယ်ကြီးတဲ့အထိမပြောနဲ့ နှစ်ကာလကြာရှည်နေထိုင်ကြပြီဆိုရင် ကျွန်တော်အထက်မှာပြောခဲ့တဲ့ အိမ်မှုကိစ္စဗာဟီရကို အတူတကွလုပ်ဆောင်ကြခြင်းဆိုတာလေး က အရေးပါလာနိုင်ပါတယ်။ကဲပါလေ ဒီလိုလေးမျှော်လင့်ကြည့်ရအောင် ကိုယ့်ချစ်သူနဲ့အတူနေတဲ့အခါ သူက ထမင်းချက်ရင် ကိုယ်က သူဟင်းချက်တဲ့အခါအသင့်ဖြစ်အောင် အသီးအရွက်တွေကိုလှီးဖြတ်ထားပေးတာမျိုး၊ သူပန်းကန်တွေဆေးကြောပေးရင် ကိုယ်က အ၀တ်နဲ့ခြောက်အောင်သုတ်ပေးလိုက်တာမျိုး၊ စာအုပ်စင်က စာအုပ်တွေစီဖို့ဖုန်ခါနေရင် ကိုယ်ကစာရေးဆရာနာမည်အလိုက် စာအုပ်စင်မှာ စီရီပေးလိုက်တာမျိုးတွေကို အိမ်အကူမဟုတ်တဲ့ ချစ်သူစိတ်နဲ့ အတူတကွလုပ်ကိုင်ပြီး အသက်ကြီးတဲ့အထိ အတူနေထိုင်ကြဖို့လေ။

ငွေကြေးကိစ္စလေးတွေ (Money Matters)

အခန်းငှားပြီးအတူနေကြမယ်ဆိုရင် အဲဒီ့အခန်းကိုမပြောင်းရွှေ့ခင် အခန်းငှားခအတွက်၊အစားအသောက်အတွက် ကုန်ကျစရိတ်နှင့် တခြားတခြားသော ပြေစာလေးတွေကို ဘယ်သူကရှင်းမယ် ဘယ်လိုရှင်းမယ်ဆိုတာ ကြိုတင်စဉ်းစား ဆွေးနွေးကြဖို့လိုပါတယ်လို့ အဦးဆုံးပြောချင်ပါတယ်။ ဒီလိုပြောရခြင်းကလည်း နှစ်ယောက်ရှိတဲ့အထဲ တစ်ယောက်သောသူက ၀င်ငွေနည်းတဲ့သူများဖြစ်နေခဲ့ရင် သူ့အနေနဲ့ နှစ်ယောက်သားအတူတကွနေထိုင်ကြတဲ့ကိစ္စမှာ ဘယ်လိုအထောက်အပံ့ပြုနိုင်သလဲတွေးဆထားနိုင်အောင်လို့ဖြစ်ပါတယ်။ အချိန်ကြာကြာထိုင် ဟိုဘောင်ချာယူ ဒီဘောင်ချာယူ ဂဏန်းတွက်စက်နဲ့ပေါင်းပြီး မရေမတွက်နိုင်သောခေါင်းကိုက်ရခြင်းတွေ ကင်းဝေး နိုင်အောင်လို့လည်း ကယ်တင်နိုင်ပါလိမ့်မယ်။ သတိထားဖို့ကတော့ သင် သို့မဟုတ် သင့်ပါတနာရဲ့ ပူးတွဲငွေရေးကြေးရေးသဘောတူ ချက်ထဲသို့ဝင်ဖို့ လိုလိုလားလားရှိခြင်း သို့မဟုတ် ချီတုံချတုံဖြစ်နေခြင်းက သင်ဘယ်လောက်ချစ်တယ် တစ်ယောက်ကိုတစ်ယောက် ဘယ်လောက်ယုံကြည်မှုရှိတယ်ဆိုတာကိုပြသရာရောက်ကြောင်းအမြင်နဲ့တော့ မကြည့်မြင်သင့်ပါဘူးလို့။

ကိုကြီး ကိုကြီး (older guys)

ကိုယ့်ထက်အသက်နည်းနည်းကြီးတဲ့သူ(22-25) သို့မဟုတ် အတော့်ကိုအသက်ပိုကြီးတဲ့သူ(50+) တစ်ယောက်နဲ့ ပေါင်းသင်းဆက်နွယ်ရ တာ တစ်ခါတလေ ပိုပြီး hot ဖြစ်နိုင်သလို၊ စိတ်ဆန္ဒပိုပြည့်ဝတယ် ၊ ပြီးတော့ ပိုပြီးတော့တပ်မက်ဖို့ကောင်းနေပြန်ပါတယ် ကိုယ့်လိုရွယ်တူ တွေထက်စာရင်လေ။ ဒါပေမဲ့လည်း ဒီပေါင်းသင်းဆက်ဆံရေးပုံစံမှာက လိုက်နာသင့်တဲ့ လူမှုရေး တားမြစ်ချက်တွေ ၊ ပုံသေကားကျဖြစ် နေပြီးနည်းနည်း သတိထားဖို့လိုတဲ့ အချို့သောလူပုံစံတွေရှိနေပါတယ်။ ဥပမာပြောရရင် ကိုယ်ထက်ငယ်တဲ့ ကောင်လေးတစ်ယောက် ဟာ အရုပ်ကလေး (toyboy)၊ အငှားပစ္စည်းတစ်ခုလို အငှားကောင်လေး(rentboy)၊ ပိုက်ဆံအတွက်သာ ဦးစားပေးအပေးအယူရှိ သော ကောင်လေး (prostitute) ဖြစ်နေခြင်း၊ ကိုယ့်ထက် အသက်နည်းနည်းကြီးသူကျတော့ သူဟာ ကိုယ့်ထက်အသက်ထက်ဝက်မကငယ်တဲ့ သူလေးတွေကို သဘောကျသူ (a cradle snatcher) သို့မဟုတ် စပွန်ဆာကိုကိုလုပ်တတ်သူ (a sugar daddy ) တစ်ယောက်ဖြစ်နေခြင်း တို့ပါ။ သင့်ထက်အသက်အနည်းငယ်ကြီးသူနှင့် တွေ့ဆုံနေသော်လည်း သင့်ရဲ့အချို့သောသူငယ်ချင်းမိတ်ဆွေတွေ သို့မဟုတ် မိသားစု ၀င်တွေက မှတ်ချက်တွေပေး ဝေဖန်သုံးသပ်မှုတွေပြုနိုင် ဒါမှမဟုတ် သင်နဲ့ သင့်ရဲ့လုံခြုံစိတ်ချရမှုတွေအပေါ်စိုးရိမ်မကင်းဖြစ်ကြပါမယ်။

ဒီအပိုင်းမှာ မစူးမစမ်းပြုမူမိခြင်းနှင့် အကျိုးပျက်စီးဆုံးရှုံးခြင်းတွေအပေါ်အခြေပြုဖြစ်တည်နေတယ်ပဲဆိုဆို ငယ်ရွယ်သောလူငယ်များ (၂၀နှစ်ရဲ့ အစောပိုင်း ဆယ်ကျော်သက်များ)အတွက်မှာ ကိုယ်ပြုမူနေတဲ့ နေထိုင်နေတဲ့သဘောသဘာဝကိုသဘောမပေါက်ခြင်းကြောင့် အမှန်ဖြစ်နေဦးတော့ မြင်နိုင်စွမ်းမရှိသေးတာကိုကအားနည်းချက်တစ်ခုကိုဖြစ်နေပါတယ်။ သင်က အပြင်ကိုမကြာခဏထွက်လေ့မရှိတာ မျိုး၊ ပြီးတော့ ဂေးတွေရဲ့အပြောင်းအလဲသဘာဝကို သိပ်မသိတာ သို့မဟုတ် အခြားလူတွေက ပါတနာအဖြစ်ဘယ်လိုနေကြတယ်၊ လိင်မှုကိစ္စ နှင့် စိတ်ခံစားချက်တွေက ဘယ်လိုရှိကြတယ်ဆိုတာ မရိပ်စားမသိရှိတတ်တာတွေကြောင့်လို့ဆိုရမှာပေါ့နော်။ 18 နဲ့ 24 ကို ကိန်းဂဏန်းများအနေနဲ့ကြည့်ရင်တော့ ကွာခြားမှုမရှိဘူးလို့ထင်ရပေမဲ့ ဘ၀အတွေ့အကြုံ အနည်းအများနဲ့ စိတ်ခံစားမှုတွေကွာဟချက် ကတော့ ကြီးမားနိုင်ပါတယ်နော်။ 12 နဲ့ 18 ဆိုရင် နှစ်ကာလတွေသိပ်ကွာခြားမှုမရှိ သင့်အနေဖြင့် အရင်နဲ့မတူကွဲပြားခြားနားတဲ့လူတစ် ယောက်အဖြစ် ဖွံ့ဖြိုးကြီးပြင်းဆဲအချိန် စူးစမ်းမှုကဲသောနှစ်တွေဖြစ်မှာပါ။

အသက်အရွယ်ရနေသော လူတစ်ယောက်နဲ့ Dating သို့မဟုတ် အတူအိပ်မိနေတယ်ဆိုရင် သင့်ကိုပြောဖို့ အချက်အလက် နည်းနည်းရှိ နေပါတယ်။

-       သူ့မှာ သင့်ထက် ခြားနားသော ဘ၀မျှော်လင့်ချက်များနှင့် ယူဆချက်များ သေချာပေါက်ရှိနေပါတယ်။ အဲ့ဒီ မျှော်လင့်ချက်များ နှင့် ယူဆချက်တွေဟာ ဘယ်လိုအချက်တွေ ဘယ်လိုခံယူချက်တွေကနေလာတယ်ဆိုတာ သင်သေချာပေါက်နားလည်လက်ခံ လို့ရအောင်လုပ်ဖို့လိုပါမယ်။

-       သင်နဲ့သူ့အကြားမှာ ဘယ်နေရာ ဘယ်အကြောင်းရာမှာ ခြားနားတဲ့စွမ်းအားတွေရှိနေတတ်သလဲ တွေးကြည့်ပါ။ သူက အလုပ်အကိုင်ကောင်းကောင်းရှိပြီး သင့်ထက်ဝင်ငွေပိုရနေသူလား? ဒါဆို သူ့အတွက်သင်သုံးစွဲပေးနိုင်တဲ့ ငွေကြေးပမာဏ ထက် သူက သင့်အတွက်သူကပိုမိုအကုန်အကျခံသုံးစွဲပေးနေသလား? သင့်ကို တန်ဖိုးကြီးလက်ဆောင်တွေ သူဝယ်ပေးသလား သို့မဟုတ် သင့်ကုန်ကျစရိတ်တွေကို သူကကူညီဖြေရှင်းကျခံပေးနေသလား? ဘယ်လိုပဲဖြစ်ဖြစ် သင်က သူ့အတွက် တုန့်ပြန် ပေးကမ်းနိုင်မှု နည်းသော်လည်း ကြည်ဖြူနေခြင်းက ခင်တွယ်မှုနှင့် ရက်ရောမှုတို့ရဲ့သင်္ကေတ ဖြစ်ပါတယ်။

-       သူ့အိမ်မှာ သူ့ငွေကြေးစရိတ်စကနဲ့ သင်နေထိုင်နေသလား? သင်ဟာ ကျောင်းသားတစ်ယောက် ဒါမှမဟုတ် လစာဝင်ငွေ နည်းသော အလုပ်သမားတစ်ယောက်ဖြစ်နေရင် သူက ကန်ထုတ်လိုက်တဲ့အခါ သင်အိမ်ခြေမဲ့တစ်ယောက်ဖြစ်သွားနိုင်တယ် သို့မဟုတ် သင်မနေချင်ပေမဲ့ နေရာတစ်ခုမှာ သူနဲ့အတူနေနေရတယ်ဆိုရင် ဖိအားတစ်ခုအနေနဲ့လည်း ခံစားရနိုင်ပါတယ်။

ကျွန်တော်ပြောခဲ့တဲ့အချက်လေးတွေကို ရင်ထဲမှာထား အတုန့်အပြန် မေတ္တာ၊ ဖြည့်စည်းမှုလေးတွေနဲ့ ကောင်းမွန်တဲ့ဆက်ဆံရေး တစ်ရပ်ကို သင့်ရဲ့ကိုကြီး (an older guy) နဲ့အတူထူထောင်နိုင်ပါစေကြောင်း ဆန္ဒပြုလိုက်ပါတယ်နော်။

Alex Aung (9 Dec 2012)

ဆက်ရန်ရှိသေးသည်………

ဦးအောင်မျိုးမင်းနဲ့ တွေ့ဆုံမေးမြန်းခြင်း

ဒီတပတ်အတွက် In & Out အစီအစဉ်လေးမှာတော့ လူ့အခွင့်အရေးလှုပ်ရှားသူလည်း ဖြစ်ပြီး လိင်တူချစ်သူတွေရဲ့ အခွင့် အရေးအတွက် စွမ်းစွမ်းတမံလုပ်ဆောင်သူ တယောက်ဖြစ်တဲ့ ဦးအောင်မျိုးမင်းနဲ့ တွေ့ဆုံမေးမြန်းထားတာလေးတွေကို တင်ပြလိုက်ပါတယ်။ ဆရာဦးအောင်မျိုးမင်းဟာ ရှစ်လေးလုံးအရေးတော်ပုံကနေ စတင်ပြီးတော့ လူ့အခွင့်အရေး တိုးတက် ထွန်းကားရေး လုပ်ငန်းတွေကို လုပ်ဆောင်လာခဲ့တာ အခုဆိုရင် နှစ်ပေါင်း ၂၀ ကျော်ပြီဖြစ်တဲ့အတွက် အတွေ့အကြုံပေါင်း မြောက်များစွာကို ပိုင်ဆိုင်ထားတဲ့သူလည်း ဖြစ်ပါတယ်။ ဦးအောင်မျိုးမင်းဟာ ပွင့်ပွင့်လင်းလင်း လိင်တူချစ်သူတယောက် ဖြစ်ပြီး ထိုင်းနိုင်ငံ၊ ချင်းမိုင်မြို့မှာ အခြေစိုက်တဲ့ လူ့အခွင့်အရေးပညာပေးဌာန (မြန်မာနိုင်ငံ)ရဲ့ ဦးဆောင်ဒါရိုက်တာတယောက်လည်း ဖြစ်ပါတယ်။ 

ရိမ်းဘိုးမဂ္ဂဇင်း။           ။ဆရာ့ရဲ့ ငယ်ဘဝဖြတ်သန်းလာခဲ့မှု အတွေ့အကြုံကို အကျဉ်းလေး ပြောပြပေးပါလား။
ဦးအောင်မျိုးမင်း။         ။ကျနော်က မြန်မာပြည်၊ မော်လမြိုင်မှာ မွေးပါတယ်။ ကြီးပြင်းတဲ့အခါကျတော့ ရန်ကုန်မှာ ကြီးပြင်းတာပေါ့။ ကျနော် အထက်တန်းကို မော်လမြိုင်မှာ ပြန်အောင်တယ်။ နောက်၁၉၈၈မှာတော့ အင်္ဂလိပ်စာအဓိကနဲ့ ရန်ကုန်တက္ကသိုလ်မှာ ကျောင်းတက်နေတယ်။ အဲတော့ ကျနော်ရဲ့ဘဝကတော့ အဲဒီအချိန်တုန်းက သာမန်ပါဘဲ။ ကျောင်းတက်မယ်။ ဘွဲ့ရလို့ရှိရင် ပြန်ပြီးတော့ နည်းပြအနေနဲ့ ပြန်အလုပ်လုပ်မယ်ဆိုတဲ့ ဖြတ်သန်းမှုပုံစံရိုးရိုးလေးတခုပါဘဲ။

ရိမ်းဘိုးမဂ္ဂဇင်း။           ။ ဆရာက ၈၈အရေးတော်ပုံမှာ ဘယ်လိုမျိုးပုံစံတွေနဲ့ ပါဝင်ခဲ့တယ် ဆိုတာတွေကို လည်း ပြောပြပေးပါအုံး။
ဦးအောင်မျိုးမင်း။         ။၈၈ ကျောင်းသားအရေးတော်ပုံ သန္ဓေတည်ခဲ့တဲ့မတ်လ (၁၃)ရက်နေ့ကတည်းက ကျောင်းသားလှုပ်ရှားမှုမှာ ကျနော်ပါဝင်တယ်။ ဘာဖြစ်လို့လဲဆိုတော့ ကျောင်းသားခေါင်းဆောင် ကိုဖုန်းမော်က ကျနော်တို့နဲ့ ကြက်ခြေနီအသင်းမှာ ပုဂ္ဂိုလ်ရေးအရ ရင်းနှီးတဲ့သူ တယောက်ဖြစ်တယ်။ သူသေဆုံးသွားတဲ့ အကြောင်း၊ အဲလိုမျိုးလုံထိန်းတွေရဲ့ ပစ်ခတ်မှုကြောင့် သေဆုံးတဲ့အကြောင်း သတင်းကြားတဲ့အချိန်မှာ ကျနော်တို့ တော်တော်လေး ဒေါသထွက်ပြီးတော့ သူငယ်ချင်းတယောက်အတွက် မခံချင်တဲ့စိတ်နဲ့ ပါဝင်ခဲ့ပါတယ်။ 

အဲဒီတုန်းကတော့ ဒီမိုကရေစီတို့၊ လူ့အခွင့်အရေးတို့ ဘာမှ သေသေချာချာ မသိဘူး။ ဒါပေမယ့် နောက်ပိုင်း ဇွန်လမှာ တံတားနီအရေးအခင်းဖြစ်တဲ့အချိန် လုံထိမ်းတွေရဲ့ ရက်ရက်စက်စက် နှိပ်ကွပ်မှုတွေကို ကိုယ်တိုင် မြင်လာပြီး အမှန်တရားအတွက် လုပ်ဆောင်မယ်ဆိုတဲ့စိတ်က ပိုပြီးတော့ ပြင်းထန်ခဲ့တယ်။ ပြင်းထန်ပြီးတော့ ၁၉၈၈ သြဂုတ်လ၈ရက်နေ့မှာတော့ မော်လမြိုင်မြို့မှာဖြစ်ခဲ့တဲ့ အထွေထွေသပိတ်ကို ဦးဆောင်သူ တယောက်အနေနဲ့ ပါဝင်ခဲ့တယ်။ ပြီးလို့ရှိရင် ပြည်နယ်တခုလုံး ကျောင်းသားလှုပ်ရှားမှုမှာ ပါဝင်လာဖို့၊ ၈၈အရေးတော်ပုံကြီးမှာ ပါဝင်ဖို့အတွက် ရန်ကုန်တက္ကသိုလ်ကျောင်းသားတွေနဲ့ စည်းရုံးပြီးတော့ ကျနော် လှုံ့ဆော်မှုတွေကို လုပ်ခဲ့တယ်။ အာဏာသိမ်းခဲ့တဲ့ စက်တင်ဘာ၁၈ရက်နေ့မှာတော့ ထိုင်းနိုင်ငံကို တိမ်းရှောင်ပြီး သေ့ဘောပိုးစခန်းကို ကျနော်တို့ရောက်ခဲ့တယ်။ အဲဒီကတည်းကနေ တောက်လျှောက် ၁၉၈၈ကနေ အခုချိန်အထိ စစ်အာဏာရှင်ဆန့်ကျင်ရေး၊ ဒီမိုကရေစီနဲ့ လူ့အခွင့်အရေးရရှိရေးအတွက် ဆက်လက် တိုက်ပွဲဝင်နေပါတယ်။

ရိမ်းဘိုးမဂ္ဂဇင်း။           ။ဆရာဟာ ပွင့်ပွင့်လင်းလင်း လိင်တူချစ်သူတယောက် ဖြစ်တယ်ဆိုတာ ကျနော်တို့ သိရတယ်။ အဲဒီတော့ ၈၈အရေးအခင်းမတိုင်မီ မြန်မာပြည်အတွင်းမှာနေခဲ့စဉ်တုန်းက ဒီလိုမျိုး ဂေးတယောက် ဖြစ်တဲ့အတွက် ဘယ်လိုမျိုး ဖြတ်သန်းခဲ့ရလဲဆိုတာကို ပြောပြပေးပါလား။
ဦးအောင်မျိုးမင်း။         ။ အဲဒီအချိန်တွေတုန်းကတော့ ကိုယ့်ကိုယ်ကို စိတ်ကစားတတ်တဲ့ အရွယ်ကတည်းက လိင်တူချင်းချစ်တဲ့သူ တယောက်အနေနဲ့ သတိထားမိတယ်။ သူငယ်ချင်းတွေကလည်း တော်တော်သိပါတယ်။ ဒါပေမယ့် ကိုယ့်ကိုယ်ကို ဖွင့်ဟပြီးပြောဆိုတဲ့ဟာမျိုး ကြေငြာတဲ့အဆင့်ထိတော့ မရောက်ခဲ့ဘူး။ ဒါပေမယ့်စိတ်ကစားတာတို့၊ ရင်ခုန်တဲ့ဟာတို့ ဒါတွေကတော့ ရှိထားတယ်။ အဲဒါတွေကိုလည်း ကျန်တဲ့သူငယ်ချင်းတွေကလည်း အချင်းချင်းသိထားပြီးသား။ ရန်ကုန်တက္ကသိုလ်ကို ရောက်တဲ့အချိန်မှာလည်း အားလုံးက သိပါတယ်။ ဘာဖြစ်လို့လဲဆိုတော့ ကိုယ့်ရဲ့အပြုအမူ အနေအထိုင်တွေက သူတို့နဲ့မတူပဲ ကွဲပြားနေတာကို မေဂျာက သူငယ်ချင်းတော်တော်များများကသိတယ်။ ဒီအချိန်လောက်အထိ ကိုယ့်ရဲ့လိင်စိတ်ခံယူမှုကို ထုတ်ပြောစရာတော့ မလိုသေးတဲ့အချိန်ဖြစ်တဲ့အတွက် မပြောခဲ့ဘူးး။ ဒါပေမယ့်လက်တွဲဖော်၊ရင်ခုန်ဖော် အဲလိုအနေအထားမျိုး ရှိခဲ့တယ်။ ၈ လေးလုံး အရေးတော်ပုံ ဖြစ်ပေါ်လာခဲ့တဲ့အချိန်ထိ ကျနော်အရေးအခင်းကာလမှာကော၊ တောထဲမှာ ကျောင်းသားစခန်းမှာ နေခဲ့တဲ့ကာလမှာလည်း ပွင့်ပွင့်လင်းလင်းတော့ မပြောဘူး။ 

ဒါပေမယ့် တော်တော်များများက သိတယ်။ ဒါပေမယ့် နောက်ပိုင်းမှာတော့ လူ့အခွင့်အရေးကိစ္စတွေကို လုပ်ဆောင်ရင်းနဲ့ လူ့အခွင့်အရေး အကြောင်းအရာတွေကို သိလာတဲ့အချိန်မှာတော့ လိင်တူချင်း ချစ်တဲ့သူဆိုတဲ့ဟာက မှားယွင်းတာမဟုတ်ဘူး။ လိင်တူချင်းချစ်တဲ့ဟာက ကျနော်တို့ရွေးချယ်တာလည်း မဟုတ်ဘူး။ ကျနော်တို့ရဲ့ ရပ်တည်မှုဖြစ်တယ်ဆိုတဲ့ အကြောင်းအရာကို သဘောပေါက်လာတဲ့အချိန်မှာတော့ ကိုယ့်သူငယ်ချင်းတွေကြားထဲမှာ ပွင့်ပွင့်လင်းလင်း ပြောဆိုတာတွေ၊ ထုတ်ဖော်ပြီးတော့ ကြေငြာတာတွေ၊ နောက်တခါမှာ လိင်တူချင်းချစ်တဲ့ကိစ္စနဲ့ ပတ်သက်ပြီးတော့ ဖိနှိပ်တာတွေ၊ စော်ကားတာတွေကို ရဲရဲဝံ့ဝံ့ရင်ဆိုင်ပြီးတော့ ပြန်ပြီးချေပတာတွေ၊ အဲဒါတွေကိုတော့ ကျနော်လုပ်ခဲ့တယ်။ ဒါကတော့ ၈၈ပြီးလို့ သုံးနှစ်လောက်နေမှ ကိုယ့်လိင်စိတ်ခံယူမှုကို ထုတ်ဖော်ပြောဆိုပြီး ဒီအကြောင်းအရာနဲ့ ပတ်သက်လို့ ပိုမိုစိတ်သန္နိဌာန်ချ လုပ်ဆောင်လာခဲ့တာဖြစ်ပါတယ်။

ရိမ်းဘိုးမဂ္ဂဇင်း။           ။ဆရာက ၈၈ အရေးတော်ပုံနောက်ပိုင်း အေဘီအက်စ်ဒီအက်ဖ်တပ်ဖွဲထဲမှာ ပါခဲ့တယ်ပေါ့နော်။ အဲဒီအဖွဲ့ထဲမှာ အရင်က လိင်တူချစ်ခြင်းကို ကန့်ကွက်ထားတဲ့ ဥပဒေတွေ ရှိခဲ့တယ်ဆိုတာ ကျနော်တို့ သိထားခဲ့တယ်။ အဲဒီဥပဒေကို အခုတော့ဖျက်သိမ်းလိုက်ပြီလို့ သိရပါတယ်။ အဲဒါ ဘယ်တုန်းက ဖျက်သိမ်းလိုက်ပြီး ဘာကြောင့် ဖျက်သိမ်းခဲ့လဲဆိုတာကို ပြောပြပေးပါလား။
ဦးအောင်မျိုးမင်း။         ။ကျောင်းသားတပ်မတော် ဆိုတဲ့အတိုင်း တပ်မတော်ဖြစ်တယ်။ လက်နက်ကိုင်တပ်မတော် ဖြစ်တယ်။ အဲဒီတော့ သူတို့အနေနဲ့ စစချင်း ကျောင်းသားတပ်မတော် စည်းကမ်းကို ရေးဆွဲတဲ့အချိန်မှာ တခြားတပ်မတော်တွေက ချထားတဲ့စည်းကမ်းကို အများဆုံးကိုးကားပြီးတော့ လုပ်ဆောင်ခဲ့တယ်။ အဲဒီတော့ လိင်တူချင်းဆက်ဆံမှုကို ရာဇဝတ်မှုအနေနဲ့ သတ်မှတ်ပြီးတော့ ဒါကို အပြစ်ပေး အရေးယူရမယ်။ လိင်တူချင်း ဆက်ဆံခြင်း လုံးဝမရှိရဘူးဆိုတဲ့ တခြားစစ်တပ်ဥပဒေကို သူတို့မှီငြမ်းပြီး လုပ်ဆောင်ခဲ့တယ်။ ဒါပေမယ့် ကျနော့်ရဲ့ အတွေ့အကြုံအရဆိုရင် ဒါနဲ့ပတ်သက်ပြီးတော့ အရေးယူ ဆောင်ရွက်တာတွေ မရှိဘူး။ ဘာဖြစ်လို့လဲဆိုတော့ ကျောင်းသားတပ်မတော်အတွင်းမှာ ကျနော်ကိုယ်တိုင်လည်း ထုတ်ဖော်သာမပြောပေမယ့် လိင်တူချင်းချစ်တယ်ဆိုတာ အားလုံးက သိပြီးသားပဲ။ ဘာမှမဖြစ်ဘူး။ ကျနော့်အပြင် ကျနော်တို့ သေဘော့ဘိုးစခန်းက လက်နက်ကိုင်ပြီး တိုက်နေတဲ့သူတွေကြားထဲမှာ ဇာဇာဆိုတဲ့ လိင်တူချစ်တဲ့သူတယောက်က ပွင့်ပွင့်လင်းလင်းနဲ့ပဲ နေတယ်။ ညနေဆိုရင် မိတ်ကပ်တွေလူးတယ်။ အလှတွေ ပြင်တယ်။ ဒါပေမယ့် တိုက်ပွဲမှာ သူ ရွံ့ရွံ့ချွန်ချွန် တိုက်တဲ့ဟာမျိုး။ ဒါမျိုးလည်း အရေးယူဆောင်ရွက်တာမျိုး မရှိခဲ့ဘူး။

၁၉၉၈လောက်မှာကျင်းပတဲ့ ညီလာခံမှာ ဒီလိုမျိုး လိင်တူချင်းချစ်မှုကို သတ်မှတ်ထားတဲ့အချက်က နိုင်ငံတကာစံချိန်နဲ့ မကိုက်ညီဘူး။ အထူးသဖြင့် အဖွဲ့ကို ကူညီပေးသူတွေ စေတနာ့ဝန်ထမ်း လုပ်လာလုပ်ပေးသူတွေက ဒီဥပဒေကို တွေ့တဲ့အချိန်မှာ မင်းတို့တွေကတော့ မဖြစ်သင့်ဘူး။ ဒါက လိင်တူချင်း ချစ်တဲ့သူတွေအပေါ်မှာ ခွဲခြားဖိနှိပ်တာတွေ ဖြစ်တယ်ဆိုပြီး သတိပေးလာတယ်။ ကျနော်ကိုယ်တိုင်ကလည်း ဒါကြီးကို လက်မခံနိုင်ဘူး၊ ဒါကြီးက မဖြစ်သင့်တော့ဘူး၊ ဟောင်းနွမ်းဆွေးမြေ့နေတဲ့ ဥပဒေကြီးကို ပယ်ဖျက်ပေးပါလို့ ပြောတဲ့အချိန်မှာ ခေါင်းဆောင်တွေက စဉ်းစားမိပြီးတော့ သူတို့ရဲ့ ဗဟိုကော်မတီ အစည်းအဝေးအတွင်းမှာ အဲဒါကိုတင်ပြတယ်။ တင်ပြတဲ့အခါမှာ တော်တော်များများကလည်း လက်ခံတယ်။ ဘာဖြစ်လို့လဲဆိုတော့ အေဘီအက်စ်ဒီအက်ဖ်ဆိုတဲ့ဟာက လူ့အခွင့်အရေးအတွက် တိုက်နေတာ။ အဲဒီအထဲမှာ လူ့အခွင့်အရေးချိုးဖောက်မှု ဖြစ်နေတဲ့အရာကို မလုပ်သင့်ဘူးဆိုပြီး ဥပဒေကို ပြင်ဖို့အတွက် အကြံပေးတယ်။ ဗဟိုကော်မတီကပဲ ဒီဟာကို သူတို့တွေအနေနဲ့ ပယ်ဖျက်ဖို့အတွက် ဆုံးဖြတ်ခဲ့ပါတယ်။

ရိမ်းဘိုးမဂ္ဂဇင်း။           ။အခုလောလောဆယ် ကမ္ဘာပေါ်မှာဖြစ်ပျက်နေတဲ့ လိင်တူချင်းချစ်တဲ့သူတွေနဲ့ ပတ်သက်တဲ့ မုန်းတီးမှုတွေအကြောင်းကိုလည်း ပြောပြပေးပါလား။
ဦးအောင်မျိုးမင်း။         ။ကျနော်တို့ လိင်တူချင်းချစ်တဲ့သူတွေကို စိတ်ဝေဒနာရှင်တွေ မဟုတ်ဘူးလို့   ကမ္ဘာ့ကျန်းမာရေးအဖွဲ့က ကြေငြာထားပေမယ့် အရင်တုန်းက ထားရှိခဲ့တဲ့ အယူအဆလွဲမှားမှုတွေကြောင့် တချို့နိုင်ငံတွေ၊ တချို့ဒေသတွေမှာ လိင်တူချင်း ချစ်တဲ့သူတွေအပေါ်မှာ ခွဲခြားမုန်းတီးမှုတွေဟာ ဆက်လက်ရှိနေတုန်းပဲဆိုတာ စိတ်မကောင်းစရာ တွေ့ရတယ်။ တချို့နိုင်ငံတွေမှာ အခုချိန်အထိ လိင်တူချင်းချစ်တဲ့ဟာကို ရာဇဝတ်မှုအဖြစ် သတ်မှတ်ပြီးတော့ သေဒဏ်ပေးတဲ့အထိ ကျင့်သုံးနေတဲ့နိုင်ငံတွေလည်း ရှိတယ်။ တချို့နိုင်ငံရဲ့ ဥပဒေတွေ ပြောင်းလာခဲ့တာတွေရှိပေမယ့် လူထုကြားထဲမှာ အခုချိန်အထိ အထင်သေးမုန်းတီးမှုတွေ၊ အဲဒီကမှတဆင့် အမုန်းတရားကိုအခြေခံတဲ့ သတ်ဖြတ်၊ စော်ကား၊ အကြမ်းဖက်မှုတွေ ဆက်လက်ရှိနေတာကိုလည်း ကျနော်တို့တွေ့ရတယ်။ အထူးသဖြင့် အာဖရိကတိုက်နဲ့ အာရှတိုက်တွေမှာ ဒီလိုမျိုးစိတ်ဓါတ်တွေ၊ ဥပဒေတွေရှိနေတုန်း။ လူထုကြားထဲမှာလည်း မုန်းတီးမှုတွေရှိနေတုန်းပဲ။

အာရှဒေသမှာ ကြည့်မယ်ဆိုရင် လိင်တူချင်းချစ်တဲ့သူတွေရဲ့အပေါ်မှာ အထင်သေးမှုကနေအခြေခံတဲ့ အကြမ်းဖက်မှုတွေ ရှိလာတယ်။ လိင်တူချင်း ချစ်တဲ့သူတွေကနေ  လူ့အခွင့်အရေးအဖြစ် လှုပ်ရှားမှုတွေကိုလည်း လက်မခံပဲ ပိတ်ပင်တားဆီးတာတွေ၊ တိုက်ခိုက်တာတွေ ရှိနေတုန်းပဲ။ အထူးသဖြင့် ကျနော်တို့ လိင်တူချင်းချစ်တဲ့သူတွေရဲ့ အဖွဲ့အစည်းတွေကနေ ထင်ထင်ပေါ်ပေါ်နဲ့ ဆွေးနွေးမှုတွေ၊ လူ့အခွင့်အရေးရှုထောင့်ကနေ တိုက်ပွဲဝင်နေမှုကို ဘာသာရေးအကြောင်းပြ၊ ယဉ်ကျေးမှုအကြောင်းပြပြီးတော့ ပိတ်ပင်တားဆီးမှုတွေက ပြီးခဲ့တဲ့နှစ်တွေအတွင်းမှာ ထိုင်းနိုင်ငံမှာလည်း ဖြစ်ခဲ့တယ်။ 

အင်ဒိုနီးရှားနိုင်ငံမှာလည်း ဖြစ်ခဲ့တယ်။ အဲဒါတွေက အခုချိန်အထိ လိင်တူချင်း ချစ်တဲ့သူတွေအပေါ်မှာ မုန်းတီးမှုကို မြစ်ဖျားခံပြီး ဖြစ်လာတဲ့အမှုတွေလို့ ကျနော်တို့ပြောနိုင်ပါတယ်။အာဖရိကတိုက်မှာလည်း အခုချိန်အထိပါပဲ။
တချို့နိုင်ငံတွေမှာ လိင်တူချင်း ချစ်တဲ့သူတွေအပေါ်မှာ မုန်းတီးတဲ့ဥပဒေတွေ ရှိနေသလို၊ အစိုးရခေါင်းဆောင်တွေကလည်း လိင်တူချင်း ချစ်တဲ့သူတွေအပေါ်မှာ မုန်းတီးဖို့အတွက် ပုတ်ခတ်ပြောဆိုတဲ့အရာတွေ၊ ဒါတွေကြောင့်မို့လို့ အကြမ်းဖက်မှုတွေ ဆက်လက်ဖြစ်အောင် အားပေးနေတဲ့ အခြေအနေမျိုးလည်း ရှိပါတယ်။ အထူးသဖြင့် ဇင်ဘာဘွေနိုင်ငံတို့လို၊ ယူဂန်ဒါနိုင်ငံတို့မှာ ဆိုလို့ရှိရင် တော်တော်ကြီးကို ပြင်းပြင်းထန်ထန် ဝါဒဖြန့်ပြီး မုန်းတီးအောင် လုပ်ဆောင်တဲ့အမှုတွေ၊ နောက်တခါ လိင်တူချင်း ချစ်တဲ့သူတွေတင်မကဘူး။ သူ့ရဲ့မိသားစုတွေ၊ သူ့ရဲ့သူငယ်ချင်းတွေက ထုတ်ဖော်မပြောရင် သူတို့ကိုပါ အပြစ်ပေးအရေးယူမယ်ဆိုတဲ့ ဥပဒေမူကြမ်းတွေ ပေါ်လာတဲ့အထိကို လှုံ့ဆော်နေတဲ့ အဖြစ်အပျက်တွေ ရှိခဲ့ပါတယ်။

ရိမ်းဘိုးမဂ္ဂဇင်း။           ။ကျနော်တို့ မြန်မာနိုင်ငံအနေနဲ့ကော လိင်တူချင်းချစ်တဲ့သူတွေအပေါ်မှာ ဘယ်လိုမျိုး မုန်းတီးမှုအခြေအနေတွေ ရှိသလဲ။
ဦးအောင်မျိုးမင်း။         ။ကျနော်တို့ရဲ့ မြန်မာနိုင်ငံမှာကတော့ ဘာသာရေးကို လိုသလိုအကြောင်းပြပြီး လုပ်ဆောင်မှုကြောင့် လိင်တူချင်း ချစ်တဲ့သူတွေအပေါ်မှာ အထင်မြင်လွဲမှားမှုတွေ ဖြစ်နေတယ်။ ဘာသာတိုင်းမှာ လူတိုင်းကို မေတ္တာထားရမယ်ပဲ ပြောထားတယ်။ လူသားအားလုံးကို ဘုရားသခင်က ဖန်ဆင်းထားတာဖြစ်တယ် ဆိုတဲ့ ခရစ်ယာန်အယူအဆက ရှိပြီးသား၊ ဗုဒ္ဒဘာသာဆိုရင် ကိုယ့်ကိုကိုယ်သာ အားထားရာလို့ ဘုရားက ဟောထားတာ။ ဒါတွေပဲရှိတယ်။ ဒါပေမယ့် လိုသလို အဓိပ္ပါယ်ဖွင့်ဆိုထားပြီးတော့ လိင်တူချစ်သူတွေဟာ မှားယွင်းတဲ့သူတွေ၊ နောက်တခါ ဘုရားသခင်က မကြိုက်တဲ့သူတွေအဖြစ် ဝါဒဖြန့်မှုတွေကြောင့် ကျနော်တို့ဆီမှာလည်း လိင်တူချင်းချစ်တဲ့သူတွေအပေါ်မှာ မုန်းတီးမှုတွေ အနည်းနဲ့အများဆိုသလို ရှိနေတုန်းပဲ။

နောက်တခုက ကျနော်တို့တိုင်းပြည်မှာ ၃၇၇ လို့ခေါ်တဲ့ သဘာဝမကျတဲ့ လိင်ဆက်ဆံမှုမျိုးကို ရာဇဝတ်မှုအဖြစ် သတ်မှတ်ထားတယ်။ လိင်တူချင်းဆက်ဆံမှုကို သဘာဝမကျတဲ့ လိင်ဆက်ဆံမှုကို အတိအကျ မပြောပေမယ့် လိင်တူချင်းဆက်ဆံတာ သဘာဝမကျတဲ့ပုံစံလို့ သတ်မှတ်တဲ့အတွက် ဒီဥပဒေကို အသုံးပြုပြီးတော့ ခြိမ်းခြောက်တာတွေ၊ ငွေညှစ်တာတွေ၊ အနိုင်ကျင့်တာတွေ၊ ဒါတွေက ရှိနေတုန်းပဲ။ အဲဒီရဲ့ရလဒ်က ဘာဖြစ်လာသလဲ ဆိုလို့ရှိရင်တော့ မုန်းတီးမှုတွေ၊ အထင်သေးမှုတွေ၊ နေရာမပေးမှုတွေ ရှိလာတယ်။ ဥပဒေအကြောင်းပြပြီးတော့ ဥပဒေဝန်ထမ်းတွေက အကြမ်းဖက်တာတွေ၊ ဥပဒေအလွဲသုံးစားလုပ်ပြီးတော့ စော်ကားနှိပ်စက်တာတွေ၊ ဒါတွေက ရှိနေတုန်းပါဘဲ။

ရိမ်းဘိုးမဂ္ဂဇင်း။           ။ ဆရာ့အနေနဲ့ လူ့အခွင့်အရေးတွေ၊ လိင်တူချစ်သူတွေရဲ့ အခွင့်အရေးတွေကို လုပ်ဆောင်ခဲ့တဲ့အတွက် ဆုတံဆိပ်တွေ အများကြီး ရရှိထားတယ်လို့ သိရပါတယ်။ အဲဒါတွေက ဘယ်လိုမျိုး ဆုတံဆိပ်တွေပါလဲ။ အဲဒီဆုတွေရရှိအောင် ဘယ်လိုကြိုးစားခဲ့ရလဲဆိုတာ ပြောပြပေးပါအုံးဆရာ။
ဦးအောင်မျိုးမင်း။         ။ ကျနော့်အနေနဲ့ ဆုတွေရရှိအောင် ကြိုးစားခဲ့တာတော့ တခါမှ မရှိခဲ့ပါဘူး။  မုန်ကန်တယ်လို့ယူဆတာကို လုပ်ဆောင်ရင်း အသိအမှတ်ပြုခံခဲ့ရတာသာဖြစ်ပါတယ်။ ကျနော်လုပ်နေတဲ့ လုပ်ငန်းတွေက အမှန်တရားအတွက် လုပ်ဆောင်တာဖြစ်တယ်လို့ ယုံကြည်တယ်။ ယုံကြည်တဲ့အတိုင်း လူအများအထင်သေးလေ့ရှိတဲ့ လိင်တူချင်း ချစ်သူတယောက်ဆိုတာကို စစချင်း ပွင့်ပွင့်လင်းလင်းထုတ်ဖော် ပြောတယ်။ ဒီအကြောင်းအရာနဲ့ ပတ်သက်ပြီးတော့ လူတွေနားလည်အောင် လုပ်ဆောင်ရင်း အဲဒီဆုပေးတဲ့အဖွဲ့တွေကနေ ဒါကို သတိထားမိပြီး ကျနော့်ကို ဆုပေးခဲ့တာ ဖြစ်ပါတယ်။
ရရှိခဲ့တဲ့ဆုတွေကတော့ ၁၉၉၉ ခုနှစ်မှာ အပြည်ပြည်ဆိုင်ရာ အမျိုးသမီးနှင့် အမျိုးသား လိင်တူချစ်သူများ အခွင့်အရေးဆိုင်ရာ ကော်မရှင် (International Lesbians and GaysံHuman Rights Commission) ဆိုတဲ့ အမေရိကန်အခြေစိုက်အဖွဲ့က နှစ်စဉ်နှစ်တိုင်းပေးတဲ့  Fillipa De Souza ဆိုတဲ့ ဆုကို ရရှိခဲ့တယ်။ အဓိကကတော့ မြန်မာနိုင်ငံလို ဖိနှိပ်မှုတွေ အများကြီးဖြစ်နေတဲ့အချိန်၊ လူ့အခွင့်အရေးချိုးဖောက်မှုတွေ အများကြီးဖြစ်နေတဲ့ နိုင်ငံအတွင်းမှာ လူ့အခွင့်အရေးတင်မကပဲနဲ့ လိင်တူချစ်သူတွေရဲ့အခွင့်အရေးတွေကို ထုတ်ဖော်ပြောကြားပြီးတော့ အများသိအောင် လုပ်ဆောင်ခဲ့တဲ့အပေါ် ၊ အသိအမှတ်ပြုတဲ့ သဘောမျိုးနဲ့ သူတို့က ပေးတာ ဖြစ်ပါတယ်။

နောက်တဆုကတော့ ၂၀၀၀ ခုနှစ်မှာ ဆန်ဖရန်စစ္စကိုမြို့တော်ဝန်က ပေးအပ်တဲ့ Celebration of Courage (ရဲစွမ်းသတ္တိအတွက် ဂုဏ်ပြုခြင်း) ဆိုတဲ့ ဆု ဒါကိုကိုလည်း နောက်ထပ်ရရှိခဲ့ပါတယ်။ အဲဒါကတော့ လိင်တူချင်းချစ်တဲ့သူတွေနဲ့ လူ့အခွင့်အရေးလှုပ်ရှားမှုတွေမှာ ပူးပေါင်းလုပ်ဆောင်ခဲ့တဲ့အပေါ်မှာ အသိအမှတ်ပြုတာ ဖြစ်ပါတယ်။ နောက်တခါကတော့ တိုရွန်တိုတက္ကသိုလ်၊ ကိုလံဘီယာတက္ကသိုလ်က ပေးအပ်တဲ့ လူ့အခွင့်အရေးဆိုင်ရာဆုတွေကိုလည်း ရရှိခဲ့ပါတယ်။ အဲတော့ အဓိကကတော့ လူ့အခွင့်အရေး ချိုးဖောက်တဲ့ နိုင်ငံတနိုင်ငံမှာ လူ့အခွင့်အရေးလှုပ်ရှားမှုလုပ်ရင်းနဲ့ အများစုက လက်မခံနိုင်တဲ့၊ လက်ခံမှုအတွက် အားနည်းနေသေးတဲ့ လိင်တူချင်းချစ်သူတွေရဲ့ အခွင့်အရေးကို တပြိုင်နက်တည်း လုပ်ကိုင်နေတဲ့အပေါ်မှာ အသိအမှတ်ပြုပြီး ပေးတဲ့ဆုတွေပဲ ဖြစ်ပါတယ်။

ရိမ်းဘိုးမဂ္ဂဇင်း။           ။ ဆရာ့အနေနဲ့ လိင်တူချစ်သူတွေအပေါ်မှာ ခွဲခြားဖိနှိပ်မုန်းတီးတာတွေနဲ့ ပတ်သက်ပြီး ပပျောက်အောင် မြန်မာနိုင်ငံ အစိုးရကို ဘယ်လိုမျိုး လုပ်ဆောင်ခိုင်းစေချင်ပါသလဲ။ ဘယ်လိုမျိုး အကြံပေးချင်တာလဲခင်ဗျား။
ဦးအောင်မျိုးမင်း။         ။ အပြည်ပြည်ဆိုင်ရာ လူ့အခွင့်အရေးကြေငြာစာတမ်းမှာ ဆိုလို့ရှိရင် လူသားတိုင်း ဘယ်အခြေအနေပေါ်မှာမှ အခြေတည်ပြီး ခွဲခြားမှုမရှိရဘူးလို့ ပြောပါတယ်။ လူသားတိုင်း လူ့အခွင့်အရေးပေါ်မှာ ခံယူခွင့်ရှိရမယ်။ မွေးရာပါဖြစ်တယ်။ လူ့အခွင့်အရေးအားလုံးဟာ တခုနဲ့တခု ဆက်စပ်နေတယ်ဆိုတဲ့ အခြေခံလူ့အခွင့်အရေး သဘောထားတွေ ရှိပါတယ်။ အဲဒီတော့ မြန်မာနိုင်ငံ အစိုးရအပါအဝင် ကျန်တဲ့နိုင်ငံတိုင်းက လူ့အခွင့်အရေးကြေငြာစာတမ်းမှာပါတဲ့ လူသားအားလုံး လူ့အခွင့်အရေး ခံစားခွင့်ရှိတယ်ဆိုတဲ့အပိုဒ်ကို လေးစားလိုက်နာပြီးတော့ ဒါကို အသိအမှတ်ပြုဖို့ လိုအပ်တယ်။ လိင်တူချင်း ချစ်တဲ့သူတွေအပေါ်မှာ လိင်တူချင်းချစ်ခြင်းကြောင့် အကြမ်းဖက်မှုတွေ၊ စော်ကားမှုတွေ၊ နှိမ့်ချမှုတွေ ပပျောက်အောင် လုပ်ဆောင်ပေးဖို့ အစိုးရတွေမှာ တာဝန်ရှိပါတယ်။

ကျနော်တို့ တိုင်းပြည်မှာ အခုနတုန်းက ပြောထားတဲ့ လိင်တူချင်းချစ်တဲ့သူတွေ ဆက်ဆံမှုကို ရာဇဝတ်မှုအဖြစ် သတ်မှတ်ခြင်းက ပထမဦးဆုံး ဥပဒေပိုင်းအရ ကျနော်တို့အပေါ်မှာ ခွဲခြားသတ်မှတ်ထားတာ ဖြစ်တယ်။ တကယ်တော့ လူတဦးတယောက်ရဲ့ ပုဂ္ဂိုလ်ရေးဖြစ်တဲ့ ချစ်ခြင်းမေတ္တာတွေ၊ တယောက်နဲ့တယောက် အတူပေါင်းသင်း ဆက်ဆံတဲ့ အကြောင်းအရာက အစိုးရနဲ့ ပတ်သက်မှုမရှိပါဘူး။ လူတဦးတယောက်ရဲ့ ပုဂ္ဂလိကပိုင်းသာ ဖြစ်ပါတယ်။ အဲတော့ ဒီအပေါ်မှာ အစိုးရက အမိန့်အာဏာနဲ့ ပြဌာန်းထားတဲ့ ပုံစံမျိုးကို ပယ်ဖျက်ပေးဖို့ ပထမဦးဆုံး ကျနော်တို့ လုပ်သင့်ပါတယ်။

နောက်တခုကတော့ နိုင်ငံသားရဲ့အခွင့်အရေး၊ အခုဆိုလို့ရှိရင် ဖွဲ့စည်းအုပ်ချုပ်ပုံ အခြေခံဥပဒေတွေအပေါ်မှာ ရေးဆွဲထားပါတယ်။ နိုင်ငံသားတိုင်း အခြေခံလူ့အခွင့်အရေး ခံစားခွင့်ရှိရမယ်ဆိုတဲ့နေရာမှာ ကျား၊မ၊ လူမျိုး၊ ဘာသာ၊ ဘာသာစကား၊ နိုင်ငံရေးအယူအဆမရွေး လူ့အခွင့်အရေးခံစားခွင့်ရှိပါတယ်လို့ ပြောထားပါတယ်။ ဒီလိုနေရာ ဒီလိုစကားစုမှာ လိင်စိတ်ခံယူမှုမရွေးဆိုတဲ့ စကားလုံးအရ ပါဝင်ပြီးတော့ လိင်တူချင်းချစ်တဲ့သူတွေရဲ့ အခွင့်အရေးကို လေးစားပေးဖို့ ဖွဲ့စည်းပုံအခြေခံဥပဒေကအစ ကာကွယ်ပေးဖို့ လိုအပ်တယ်။
လိင်တူချင်း ချစ်တဲ့သူတွေအပေါ်မှာ အခုချိန်အထိ အကြမ်းဖက်မှုတွေ၊ မုန်းတီးမှုတွေ ဒါတွေ ရှိနေတုန်းပဲ။ ဒါတွေကို အမြန်ဆုံး ပပျောက်ဖို့အတွက် ကာကွယ်ပေးမယ့်ဥပဒေတွေ၊ ဒီဟာတွေ ဖြစ်အောင်လုပ်ဆောင်ခြင်းက လူ့အခွင့်အရေးချိုးဖောက်မှုအဖြစ် လူ့တယောက်ရဲ့ လုံခြုံမှုကို ထိခိုက်စေတဲ့အတွက် ဒါတွေကို မဖြစ်အောင် ကာကွယ်ပေးတာ၊ဒီအမြင်တွေ ပျောက်ဖို့အတွက် ပညာပေးတာ၊ ဖြစ်လာလို့ရှိရင်လည်း တရားမျှတစွာ ကျူးလွန်တဲ့သူတွေကို အရေးယူပေးတဲ့ အကြောင်းအရာ၊ ဒါတွေကို အများကြီးလုပ်ပေးဖို့ လိုအပ်ပါတယ်။

ရိမ်းဘိုးမဂ္ဂဇင်း။           ။ ဟုတ်ကဲ့။ အခုလိုမျိုး ခွဲခြားဖိနှိပ်မှုတွေကို ပပျောက်သွားအောင် ပြည်သူလူထုအနေနဲ့ကော ဘာတွေမျိုးပါဝင်လုပ်ဆောင်သင့်ပြီးတော့ လိင်တူချစ်သူတွေ ကိုယ်တိုင်အနေနဲ့ကော ဘယ်လိုမျိုး ပါဝင်လုပ်ဆောင်သင့်တယ်လို့ ထင်ပါသလဲ။
ဦးအောင်မျိုးမင်း။         ။ ကျနော်တို့မြန်မာနိုင်ငံက ပြည်သူလူထုဟာ တကယ့်ကို လူ့အခွင့်အရေးကို ရင်ထဲအသဲထဲက လိုလားတဲ့သူတွေလို့ ပြောနုိုင်ပါတယ်။ ဒါကြောင့်မို့လို့ သမိုင်းကြောင်းတလျှောက်မှာ မတရားမှုတွေကို ဆန့်ကျင်ခဲ့တဲ့ အရေးတော်ပုံတွေ ဖြစ်ခဲ့တယ်။ ရှစ်လေးလုံးအရေးတော်ပုံကစပြီး အခုချိန်အထိ တရားမျှတရေး၊ ဒီမိုကရေစီနဲ့ လူ့အခွင့်အရေးအတွက် ကျနော်တို့ မြန်မာပြည်က ပြည်သူလူထုတွေဟာ ဘယ်တော့မှ သတ္တိမနည်းပဲနဲ့ တိုက်ပွဲဝင်ခဲ့ကြတယ်။ ဒါလောက်နှစ်ပေါင်းများစွာ တိုက်ပွဲဝင်ခဲ့ခြင်းက လူ့အခွင့်အရေးကို လေးစားတာ ပေါ်စေပါတယ်။

လူ့အခွင့်အရေးကိစ္စကို တိုက်ပွဲဝင်တဲ့အခါတွေမှာ လူ့အခွင့်အရေးဆိုတာ လူသားအားလုံးအတွက်ဖြစ်တယ်ဆိုတဲ့ အကြောင်းတရားကို လူ့အခွင့်အရေး လေးစားတဲ့သူတိုင်း သဘောပေါက်ဖို့လိုအပ်တယ်။ ခံယူဖို့ လိုအပ်တယ်။  
လူ့အခွင့်အရေးဆိုတာ အစိုးရကို ပြောင်းလဲအောင် လုပ်တာတခုထဲမဟုတ်ပဲနဲ့ လူ့အခွင့်အရေးဆိုတာ အခွဲခြားခံ၊ အဖိနှိပ်ခံ၊ တန်းတူအဖြစ်မခံရအောင် ဖြစ်နေတဲ့လူတွေကိုလည်း တန်းတူဖြစ်အောင်၊ လေးစားအောင် လုပ်ဆောင်ပေးရမယ်ဆိုတဲ့ အသိတရား ပြည်သူလူထုထဲမှာ ရှိဖို့လိုအပ်ပါတယ်။ အဲတော့ လူ့အခွင့်အရေးလို့ ဆိုလိုက်တိုင်း လူထဲမှာ ခွဲခြားခံနေရတဲ့၊ အကြမ်းဖက်ခံနေရတဲ့သူတွေ ရှိတယ်ဆိုတာ သဘောပေါက်ဖို့ လိုအပ်တယ်။ လူ့အခွင့်အရေးလှုပ်ရှားမှု လုပ်တိုင်းလုပ်တိုင်း ကိုယ့်တဦးတယောက်တည်းမကပဲနဲ့ လူသားအားလုံး လိင်တူချစ်တဲ့သူတွေရဲ့ အခွင့်အရေးတွေပါ အပါအဝင် လူသားအားလုံးအတွက် လုပ်ဆောင်ပေးဖို့ လိုအပ်တယ်ဆိုတဲ့ သဘောပေါက်မှုတွေ၊ လက်ခံမှုတွေနဲ့ လုပ်ဆောင်မယ်ဆိုရင် ကျနော်တို့က တော်တော်ကြီးကို အဆင်ပြေမှာပါ။

နောက်တခါ လိင်တူချင်း ချစ်တဲ့သူတွေထဲမှာလည်း ကျနော်တို့အချင်းချင်းကြားမှာ ကျနော်တို့က တခါတလေ စိတ်အားငယ်မှုတွေ ရှိတယ်။ ကိုယ့်ကိုယ်ကို သိမ်ငယ်မှုတွေ ရှိတယ်။ အမှန်တော့ သိမ်ငယ်စရာ ​မလိုဘူး။ အားငယ်စရာ မလိုဘူး။ ကျနော်တို့က လူထဲကလူဖြစ်ပါတယ်။ လူ့အခွင့်အရေးဆိုတဲ့ဟာက လူသားအားလုံးနဲ့ သက်ဆိုင်တယ်။ ငါတို့လည်း ခံစားခွင့်ရှိတယ်ဆိုတဲ့ စိတ်မျိုးဖြစ်လာမယ်ဆိုလို့ရှိရင် ကိုယ့်ကို စော်ကားခံရတိုင်း၊ သူများက ခွဲခြားခံရတိုင်း ဒါကို လက်မခံပဲနဲ့ အကောင်းဖက်ကနေ ပြန်လည်တုံ့ပြန်ပေးဖို့၊ ကိုယ့်ရဲ့လူ့အခွင့်အရေးကို ကိုယ်ကိုယ်တိုင်ကနေ တောင်းဆို လုပ်ဆောင်နိုင်ဖို့ လှုပ်ရှားမှုတွေမှာပါဝင်ဖို့ အရမ်းအရေးကြီးပါတယ်။ ကိုယ့်ကိုယ်ကို လူလို့ မသတ်မှတ်လို့ရှိရင် လူ့အခွင့်အရေးဆိုတဲ့ဟာကလည်း ခံစားပိုင်ခွင့်ရှိမှာ မဟုတ်ဘူး။ လူ့အခွင့်အရေးကို မလေးစားလို့ရှိရင်လည်း လူအဖြစ် အသိအမှတ်ပြုခံထိမှာ မဟုတ်ဘူး။ ဒါကြောင့်မို့လို့ ကိုယ့်အခွင့်အရေးကို ကိုယ်တိုက်ယူခြင်းက မှန်ကန်တဲ့တိုက်ယူခြင်း ဖြစ်တယ်။
ဒါပေမယ့် ကျနော်တို့ သတိထားဖို့ လိုအပ်တဲ့အချက်ကတော့ လိင်တူချင်းချစ်တဲ့သူတွေရဲ့ အခွင့်အရေးဆိုတာက အထူးအခွင့်အရေးကို တောင်းတာမဟုတ်ပါဘူး။ လူလူချင်း ခံစားခွင့်ရှိတဲ့အခွင့်အရေးကို ကျနော်တို့ ခံစားခွင့်မရှိတဲ့အတွက် တန်းတူခံစားခွင့်ကို ရရှိဖို့အတွက် လုပ်ဆောင်တာပါဆိုတာကိုလည်း သဘောပေါက်ဖို့ လိုအပ်ပါတယ်။

တချိန်တည်းမှာပဲ ကိုယ့်အန္တရာယ်ကို ကိုယ်သိဖို့ လိုအပ်ပါတယ်။ လူ့အခွင့်အရေးကို ရရှိခံစားတာသက်သက်မဟုတ်ပဲနဲ့ လူ့အခွင့်အရေးရဲ့ တာဝန်ရှိမှု၊ တာဝန်သိမှုကိုလည်း သဘောပေါက်ဖို့ လိုအပ်ပါတယ်။ ကိုယ့်ကြောင့် တခြားသူတယောက် ထိခိုက်မှုမဖြစ်အောင်၊ တခြားသူတွေကို စော်ကားရာမရောက်အောင်၊ မဖြစ်အောင်၊ လူမှုအသိုင်းအဝိုင်းအတွင်းမှာ အန္တရာယ်ပေးနေတဲ့သူမျိုး မဖြစ်အောင် ကိုယ့်အနေနဲ့ သတိထားဖို့ လိုအပ်တယ်။ အဲတော့ ကျနော်တို့တတွေက ကိုယ့်ကိုယ်ကို သဘောပေါက်ထားဖို့အချက်က ကျနော်တို့ လိင်တူချစ်သူတွေဟာ လူမှုအသိုင်းအဝိုင်းရဲ့ အစိတ်အပိုင်း ဖြစ်တယ်။ လူမှုအသိုင်းအဝိုင်းရဲ့ ပြဿနာကောင်တွေ မဟုတ်ဘူးဆိုတာကိုလည်း သဘောပေါက်ဖို့ လိုအပ်တယ်။ လူမှုအသိုင်းအဝိုင်းရဲ့ ပြဿနာတွေကို ဖြေရှင်းတဲ့နေရာမှာ ကိုယ်ကိုယ်တိုင် ပါဝင်ခွင့်ရှိတယ်ဆိုတာကိုလည်း လက်ခံထားဖို့ လိုအပ်ပါတယ်။  

ရိမ်းဘိုးမဂ္ဂဇင်း။           ။ ဆရာ့အနေနဲ့ အခုချိန်မှာ ဘဝလက်တွဲဖော်နဲ့ မိသားစုလေးတခုကိုထူထောင်ထားတယ်လို့ သိရတယ်။ အဲလိုမျိုးဖြစ်လာအောင် ဘယ်လိုမျိုး ညှိနှိုင်းမှုတွေနဲ့ ထူထောင်ခဲ့ရလဲဆိုတဲ့ အတွေ့အကြုံလေးကိုလည်း ပြောပြပေးပါအုံးခင်ဗျား။
ဦးအောင်မျိုးမင်း။         ။ ဒီနှစ်ဆိုရင် ကျနော်နဲ့ ကျနော့်ဘဝလက်တွဲဖော်ဟာ ဆယ်နှစ်ရှိပါပြီ။ ကျနော်တို့ ကလေးတယောက်ကိုလည်း ယူထားပါတယ်။ ကလေးဆိုရင် အခုခြောက်နှစ်ရှိပါပြီ။ အဲတော့ လက်တွဲဖော်အဖြစ် ရပ်တည်မှုမတိုင်ခင်မှာ ကျနော်တို့ ညှိနှိုင်းမှုတွေ အများကြီး ရှိခဲ့ပါတယ်။ တယောက်နဲ့တယောက် နားလည်မှုတွေ၊ တယောက်နဲ့တယောက် တိုင်ပင်မှုတွေ၊ တယောက်နဲ့တယောက် အသိအမှတ်ပြုမှုတွေ အများကြီးကို ဖြတ်သန်းခဲ့ရတယ်။ လွယ်လွယ်နဲ့တော့ မဟုတ်ပါဘူး။ အထူးသဖြင့် ဒီဟာမျိုးကို လက်သင့်မခံလိုတဲ့ ပတ်ဝန်းကျင်အသိုင်းအဝိုင်းမှာ ဒါမျိုးကို သာမန်မဟုတ်ဘူးဆိုပြီးတော့ မြင်ကြတဲ့အသိုင်းအဝိုင်းမှာ ကျနော်တို့နှစ်ယောက်ကြားမှာ နားလည်မှုက အများကြီး တည်ဆောက်ခဲ့ရပါတယ်။ အဲတော့ ဘယ်လိုမျိုး ဖြတ်သန်းမလဲ။ ပတ်ဝန်းကျင်က လက်မခံရင် ဘယ်လိုမျိုး ကျနော်တို့ အတူတကွ ရင်ဆိုင်ကြမလဲဆိုတာကို လုပ်ရတယ်။ နောက်တခု အဆိုးဆုံးကတော့ သာမန်မိသားစုတစုလို ရင်သွေးယူဖို့ကိစ္စမှာ ကျနော်တို့ တော်တော်ကြီးကို ကြိုးစားကြရပါတယ်။ ဒါပေမယ့် ကျနော်တို့ ရအောင် ယူခဲ့တယ်။ ယူခဲ့တဲ့နေရာမှာ မိသားစုတာဝန်၊ နောက် ကလေးအတွက် စဉ်းစားတဲ့နေရာမှာ တာဝန်ခွဲဝေမှု တယောက်နဲ့တယောက် လိုအပ်ပါတယ်။ 

ကျနော့်ရဲ့လုပ်ငန်းက လူ့အခွင့်အရေးလုပ်ရတဲ့ ကိစ္စတွေ ရှိတယ်။ ခရီးထွက်ရတာတွေ များတယ်။ အဲဒီအချိန်မှာ ကျန်ခဲ့တဲ့သူတယောက်အနေနဲ့ ဒါကို လက်ခံနိုင်မလား။ ကိုယ်ကိုယ်တိုင်ကကော အဲလိုအခြေအနေမျိုးမှာ မိသားစုဘဝ တည်ဆောက်ဖို့အတွက် အချိန်ပြန်ပေးနိုင်သလား။ ကလေးကြီးလာလေလေ စဉ်းစားစရာအခြေအနေတွေ ပိုပြီးဖြစ်လာလေလေပါ။ အခုတော့ ကျနော်တို့ အချိန်က နားလည်မှုကို တည်ဆောက်ပြီးတဲ့အချိန်တွေ ဖြစ်တဲ့အတွက်ပြဿနာသိပ်မရှိတော့တဲ့သဘောမျိုး ဖြစ်လာတယ်။

နောက်တခုက ကျနော်တို့ထဲမှာ ဘယ်လိုဖြစ်လာလဲဆိုတော့ တဦးကိုတဦး အရူးအမူးချစ်ရတဲ့ဟာမျိုး မဟုတ်ပဲနဲ့ အိမ်ထောင်ဖက်လို့ မြင်လာတဲ့အချိန်မှာ ပြဿနာတော်တော်များများက အိမ်နားတောင် မကပ်ပဲနဲ့ အဝေးကြီးမှာဘဲ ပျောက်ပျောက်သွားတာ ရှိတယ်။ တကယ်လို့သာ ချစ်သူဆိုရင်တော့ မနာလိုမှု၊ သဝန်တိုမှု၊ စိတ်မချမှုဟာ ရှိခဲ့ပေမယ့် နောက်ပိုင်းမှာ ကြာလာတဲ့အချိန်မှာ အိမ်ထောင်ဖက်၊ လက်တွဲဖော်ဖြစ်တဲ့အတွက် အဲဒီလိုမျိုး စိတ်မချမှုတွေ၊ ဘာတွေဟာ တော်တော်ကြီးကို လျော့သွားတယ်။ ဒါက ကျနော်တို့ရဲ့ ဆယ်နှစ်တာ တည်ဆောက်ထားတဲ့ သမိုင်းကြောင်းရဲ့ အောင်မြင်မှုတရပ်ပေါ့။

ဒါပေမယ့် အခက်အခဲတွေတော့ ရှိအုံးမှာပါ။ အခက်အခဲတွေ ရှိအုံးမယ်ဆိုတာက ကျနော်တို့ ကလေးကြီးလာလို့ရှိရင် နားလည်အောင်၊ သူ့ရဲ့အသိုင်းအဝိုင်းက၊ လက်မခံတဲ့ အသိုင်းအဝိုင်းကိုရောက်ရင် သူဘယ်လိုမျိုး လက်ခံလာအောင် ပြောမလဲ။ သူ့အပေါ်မှာ ရိုက်ခတ်မှုတွေရှိလို့ရှိရင် ဘယ်လိုမျိုး ပြင်ဆင်ပေးရမလဲ။ ဒါကတော့ နောက်ထပ်ပြင်ဆင်ရမယ့် အပိုင်းတွေက ဆက်လက်ရှိနေအုံးမှာပါ။

ရိမ်းဘိုးမဂ္ဂဇင်း။           ။ သက်တံ့ရောင်စာဖတ်ပရိသတ်ကိုလည်း အထူးစကားလေး ပြောပေးပါအုံးဆရာ။
ဦးအောင်မျိုးမင်း။         ။ သက်တံ့ရောင်မဂ္ဂဇင်းကို လူတော်တော်များများက သဘောကျတယ်ဆိုတာ ကျနော်တို့ တွေ့ရတယ်။ သက်တံ့ရောင်မှာ ကျနော်သဘောကျတဲ့အချက်ကတော့ အနိဌာရုံတွေ၊ လိင်တူချင်း ချစ်တဲ့သူတွေအပေါ်မှာ အကြမ်းဖက်မှုတွေကိုဘဲ ပြတာမဟုတ်ပဲနဲ့ လိင်တူချင်း ချစ်တဲ့သူတွေအပေါ်မှာ စွမ်းဆောင်နိုင်တဲ့သူတွေရှိတယ်၊ ထူးချွန်တဲ့သူတွေ ရှိတယ်ဆိုတာကို ဘက်မျှအောင်ပြပေးတာ ဖြစ်ပါတယ်။ ဒါမျိုးသတင်းက ကျနော်တို့ မြန်မာပြည်မှာဆိုရင် တော်တော်ကြီးကို ရှားတယ်။ ကျနော်တို့စပြီးတော့ ကိုယ်ကိုယ်တိုင် ပွင့်ပွင့်လင်းလင်း လိင်တူချစ်သူအဖြစ် ကြေညာတုန်းကဆိုရင် ဘယ်သူ့ကို စံနမူနာထားပြီးတော့ လုပ်ရမလဲဆိုတာ ကျနော်တို့ မရှိခဲ့ဘူး။ အခုကျတော့ ဒီသက်တံ့ရောင်စဉ်ကတဆင့် စံနမူနာတွေဖြစ်ပြီးတော့ တချို့လူတွေ တော်တော်များများ အားတက်လာတာကို တွေ့ရတယ်။ အဲတော့ Role Model ဆိုတာ သူများကို အားကျတာကြောင့်မို့လို့၊ ကိုယ်ကိုယ်တိုင် ဖြစ်ချင်တဲ့ဆန္ဒရှိလို့၊ ကိုယ်ကိုယ်တိုင်ကလည်း Role Model ဖြစ်အောင် ကြိုးစားဖို့ လိုအပ်တယ်။

ကျနော်တို့ လိင်တူချင်းချစ်တဲ့သူတွေကို လူတွေက အမြဲတမ်း Nothing လို့ ပြောကြတယ်။ ကျနော်တို့ လိင်တူချင်းချစ်တဲ့သူတွေက Nothing to Something ဖြစ်ဖို့အတွက် ကျနော်တို့ကိုယ်တိုင် ကြိုးစားဖို့ လိုအပ်တယ်။ လိင်တူချင်းချစ်တဲ့သူတွေကို Nobody လို့ ပြောတဲ့နေရာကနေ Nobody မဟုတ်ပဲနဲ့ Somebody ဖြစ်ဖို့အတွက် ကြိုးစားဖို့က ကိုယ်ကိုယ်တိုင်ကလည်း ကြိုးစားဖို့လိုသလို အတုယူဖို့လိုအပ်တာကို အတုယူကြပါ။  ကြိုးစားကြပါ။ ကြိုးစားမယ်ဆိုလို့ရှိရင်တော့ လိင်တူချင်းချစ်တဲ့သူတွေရဲ့ ရပ်တည်မှုရယ်၊ သူတို့ရဲ့ခံယူမှုတွေကို လူတွေက ပိုသိလာမယ်။ ပိုမိုနားလည်မှု တိုးတက်လာမယ်။ ဒါဟာ ဆိုလို့ရှိရင် လူထုအသိုင်းအဝိုင်းနဲ့ ကိုယ်နဲ့အကြား နားမလည်မှုတွေ ပျောက်ပြီးတော့ လက်တွဲနိုင်မယ့် အခြေအနေဖြစ်ဖို့အတွက် အားလုံးကြိုးစားကြပါလို့ တိုက်တွန်းလိုပါတယ်။

Note: DVB လူ့အခွင့်အရေးရုပ်သံစကားဝိုင်းမှာအမြဲလိုတွေ့ရတတ်တဲ့ လေးစားရသောဆရာဦးအောင်မျိုးမင်းအကြောင်း မသိသေးသူများအတွက် သက်တံ့ရောင်မဂ္ဂဇင်းမှ ပြန်လည်ကူးယူဖော်ပြလိုက်တာပါ။

ဒီဇင်ဘာရဲ့ အလွမ်းတေးသံ

'ဒေါင် ဒေါင်' ဆိုတဲ့ ဒီဇင်ဘာရဲ့ ခေါင်းလောင်းသံချိုတွေ ပြန် လည်မြည်ဟည်းလာပြန်ပါပေါ့။

နှင်းစက်လေးတွေ ခေါင်မိုးကို တစ်ဖျောက်ဖျောက်ထိခတ်နေသံ ကို ခပ်သဲ့သဲ့ကြားနေရသည်ပဲ။

ရာသီဥတုရဲ့အေးမြမှုတွေကြားမှာ ကျွန်တော်တစ်ကိုယ်ရည် အေးစက်စွာ နွေးထွေးမှုကင်းမဲ့နေတာ ကျွန်တော့်စိတ်ရဲ့ ရူးသွပ်မှုတစ်ခု သက်သက်ပဲလား၊ 'အတွေးလွန်မှုလေးသာ'ဆိုတာများလား။

'လူဆိုတာ အချစ်နဲ့မကင်းဘူး တစ်ယောက်ယောက်နဲ့မင်း ချစ်တမ်းကစားလိုက်ရင် အေးစက်နေတဲ့ မင်းစိတ် ကိုယ်ခန္ဓာ အလိုလို နွေးထွေးသက်ဝင်လာမည်'တဲ့ ခင်သောသူငယ်ချင်းလေးကပြောပြပါရဲ့။

‘မင်းမသိလို့ပါ......ကိုယ်ဟာ ရင်ခုန်သံများစွာအောက်မှာ တစ်ကိုယ်ရည် အထီးကျန်နေတယ်....’

x           x           x

'ရာသီဥတုကအေးလိုက်တာနော်ချစ်၊ မင်းဒီလိုဆောင်းရာသီကို ကြိုက်လား၊ကိုယ်တော့ နွေဦးရာသီကို ပိုရင်ခုန်တယ်'

'ဟုတ်ကဲ့..ချစ်လည်း အတူတူပဲ'

‘ဟင့်အင်ဗျာ.....ကျွန်တော်ဒီလိုဆောင်းဦးရာသီရဲ့အေးမြလတ်ဆတ်မှုကိုပိုသဘောကျတယ်' လို့ သူ့ကိုနှုတ်ကဖွင့် မပြောဖြစ် ပေမယ့် ကျွန်တော်ဟာ အမှန်တကယ် ဒီလိုဒီဇင်ဘာလရဲ့ ဆောင်းနှင်းပွင့်တွေကို သဘောကျပါတယ်။ ရာသီဥတုကအေးတယ် တစ်ယောက် တည်းနေတတ်သူတွေအတွက် သိပ်အဆင်မပြေဘူးလို့ ဆိုကြပေမယ့် ကျွန်တော့်အတွက်ကတော့ ရင်ခုန်သံလေးတွေအစီအရီဆိုတော့ နွေးထွေးရာရင်ခွင်က အသင့်။ ဒါကြောင့် ဆောင်းရာသီကိုကြိုက်တာဖြစ်မယ်ထင်ပါ့။

သက်ပြင်းတစ်ချက်ကို လေးလေးကန်ကန်ချရင်း ကျွန်တော့်ကို ကျွန်တော် ရယ်ချင်သလိုလို အလန့်တကြားလိုလိုပင် ဖြစ်သွားမိသည်။ နောက်ပြီး ကျွန်တော့်ကိုယ်ကျွန်တော် ဘာကြောင့် ဒီလောက်ထိန့်လန့်တုန်လှုပ်သွားရမှန်းကိုလည်း ကျွန်တော် ဘယ်လိုမှ ပြန်တွေး ကြည့်လို့မရနိုင်အောင် ဖြစ်နေမိ၏။

'ဘာကိုလည်း ဘာကိုထိတ်လန့်သွားသလဲ?'ဆိုရင် ကျွန်တော့် လက်ဖ၀ါးကို သူ့ရဲ့နွေးထွေးတဲ့လက်နဲ့ အုပ်မိုး ကိုင်တွယ် ရင်း 'Honey' လို့ခေါ်လိုက်သံကြောင့်ပေါ့။ သူ့ရင်ထဲကလာတဲ့ ဒီအသံဟာ ကျွန်တော့်အတွက် ရင်ခုန်သံပြင်းထန်သွားစေသလို ထိန့်လန့်သွားစေခဲ့တာ လေအေးအေးလေးတွေတိုက်နေတဲ့ အင်းယားကန်ဘောင်က ဘူးသီးကြော်ဆိုင်လေးမှာပါ။

ဒီဇင်ဘာရဲ့ ခေါင်းလောင်းသံချိုလေးတွေကို သူ့တိုက်ခန်းလေးကနေကြားနေရပါတယ်။ ဒီလိုညချမ်းမှာ အိမ်တိုင်းလိုလို ဒါမှ မဟုတ် ရင်နှီးခင်မင်ရာမိတ်ဆွေတွေရဲ့ အိမ်တွေမှာ 'ကောင်းချီး မင်္ဂလာရောက်စေသော်' ဆိုတဲ့ သံစဉ်လေးတွေ ပျော်ရွှင်ဖွယ် ကြားရတယ်။ သူလည်းအိမ်ကိုလာမည့် သူ့မိတ်ဆွေတွေ အတွက် စားစရာတွေပြင်ဆင်နေသလို ကျွန်တော်လည်း ကျွန်တော့်အကြိုက်သံပုရာရည်လေး တွေဖျော်ရင်း ပြီးတော့ မကြိုက်သူတွေအတွက် ကော်ဖီရဖို့ ကော်ဖီကျိုတဲ့စက်လေး နဲ့ပြင်ဆင်ပေးရင် ကူညီပျော်ရွှင်ရပါတယ်။

အား......နှင်းစက်လေးတွေက အေးမြလိုက်တာ....။

ပျော်ရွှင်မြူးကြွနေတဲ့ သူ့ကိုကြည့်ရတာ ကျွန်တော်ပါရောယောင် ပျော်ရွှင်မိရပါတယ်။ ကိုယ်နဲ့တော့ဘာမှ မဆိုင်တဲ့ ရာသီ ဖြစ်ပေ မဲ့ ဂီတဆိုတဲ့ သံစဉ်တွေနောက်ကျွန်တော်နစ်မြောမိရပါ့။ သူငယ်ချင်းတွေ သူ့သူငယ်ချင်းတွေက ကျွန်တော့်လက်ရာ သံပရာရည်ချိုချဉ် လေးရယ် ကော်ဖီလတ်လတ်ဆတ်ဆတ်တွေကို နှစ်သက်ချီးကျူးတော့ သူကဂုဏ်ယူစွာဖြင့် 'ဒါငါ့ချစ်သူဖျော် ထားတာ'တဲ့။ တော်ပါသေးရဲ့ သဘောထားပွင့်လင်းပြီး အမြင်ကျယ်တဲ့လုပ်ငန်းသဘာဝမှာကျင်လည် နေကြသူများမို့ ကျွန်တော်တို့အဖြစ်ကို မထူးဆန်းသယောင်လက်ခံပျော်ရွှင်ပေးကြပါတယ်။

မြို့ထဲသွားလာရာ ဈေးဝယ်ရာ ပိုင်အိုနီးယားကလပ်တွေသွားတာ စသဖြင့်သူကျင်လည်လှုပ်ရှားရာတိုင်းမှာ ကျွန်တော် မပါမဖြစ်ပါ။ ခပ်ချောချော နိုင်ငံခြားသားတစ်ယောက်ရဲ့ဘေးမှာ မြန်မာချွတ်တားလေးက ကပ်ပါနေတာဆိုတော့ လူတွေက တစ်မျိုးတစ်မည် စူးစမ်း မျက်ဝန်းတွေနဲ့ ကြည့်နေသလားပဲ။ ကျေတော့ ကျေနပ်မိပါတယ်...ကျွန်တော် ဟာသူ့အတွက် အပျော်အဖော်အဆင့်ထက်ပိုပြီး နေရာ ပေးခံရတယ်၊ အချစ်ခံရတယ်လို့ပေါ့။

ကျွန်တော်သူ့ကိုရင်ခုန်မိသလား....နှစ်သက်မိတာတော့အမှန်ပါ။ ပညာအရမ်းတော်တယ် ဒါဟာဦးစားပေးအချက်ဖြစ်မိ တယ်ထင်ရဲ့၊ သူတစ်ပါးနိုင်ငံမှာ လာအလုပ်လုပ်တယ် လူတွေနဲ့ လိုက်လျောညီထွေဖြစ်အောင်နေတတ်တယ် ဒါဟာ ဒုတိယ အချက်၊ ဦးစားပေးတယ် တကယ့်ကို ချစ်ခင်လှိုက်လှဲစွာဖြင့် သူ့ မေတ္တာတွေကို ရယူစေတယ် ဒါဟာ တတိယ အချက်၊ နောက်ဆုံးသူဟာ နှစ်လိုဖွယ်အပြုံးနဲ့ ရုပ်ရည်ချောမော သူဖြစ်နေ တယ် အဲဒါဟာလည်း...။

အို.....ငါဦးနှောက်နဲ့ဆုံးဖြတ်နေမိတာများလား။

ဒီလိုနဲ့ပဲ ရာသီစက်ဝန်းလည်ပတ်နေသလို လောကသဘာဝ အလုပ်သဘာဝတွေအတိုင်း သူ့အလုပ်ဟာ စာချုပ်သက်တမ်း စေ့လာသလို ကျွန်တော်သိနေတာက ကျွန်တော်တို့ ချစ်စာချုပ်သက်တမ်းလည်း သက်တမ်းစေ့ဖို့နီးစပ်လာပြီပေါ့။ အဲဒီအ ကြောင်းလေးကို သိဖူးမြင်ဖူး နှင်းစက်တွေနှင့်ပြန်လည်ထိတွေ့ ရတဲ့ နှစ်တစ်နှစ်ရဲ့အဆုံးမှာ ကျွန်တော်တိတိကျကျ သိခဲ့ရတာ ကြောင့် ရင်ထဲ အသည်းထဲ ပူလောင် တဲ့ချောကလက်ရည်တွေ လောင်းထည့်လိုက်သလို ခံစားရတာများ အခုပဲ နွေရာသီ ရောက်နေတဲ့အတိုင်းပါပဲဗျာ။

'ကိုယ်မင်းကို ပြန်လာခေါ်မယ် မင်းစောင့်နေရမယ်နော်'

'မင်းကို ကိုယ်တကယ်ချစ်ပါတယ် အမြဲတမ်းအတွက်'

လေထဲမှာလွင့်မျောနေတဲ့တိမ်တိုက်တစ်ခု ကျွန်တော်ဖြစ်ခဲ့ပါတယ်။ မျောချင်ရာမျော ဖမ်းဆုပ်ထားမယ့်သူမရှိ လေအလာ အတိုင်းမျော ရသူပေါ့။လေဆိပ်ကပြန်လာတဲ့လမ်းတစ်လျှောက် ကျွန်တော်...ကျွန်တော် တစ်ယောက်တည်းဆိုတာ တွေးမိတာသာမဟုတ် လက်တွေ့ ခံစားရပြီပေါ့လေ။

'ဒီဇင်ဘာရယ် အလွမ်းမိုးစက်တွေ ငါ့ရင်ထဲသည်းစေတယ်'တဲ့ သီချင်းသံလေးက ဆောင်းဘောက်စ်က တစ်ဆင့်နားထဲဝင် ရောက်လာ ရပေါ့။ လူတကာအားကျတဲ့ ကျွန်တော့်ချစ်ဇာတ်လမ်း ဆောင်းနှင်းစက်တွေနဲ့ အတူခေါင်မိုးပေါ် တဖျောက် ဖျောက်....။

'အဆင်ပြေချောမွေ့စွာနဲ့ လိုရာခရီးကိုရောက်ရှိပါစေ ချစ်သူရေ'

စောင့်နေဖို့ဆိုတာထက် သူတကယ်ရောပြန်လာမှာလား... .ပြန်လာမှာလားဗျာ။

ပြူတင်းပေါက်က လှမ်းအကြည့် ခြံဝင်းထဲမှာ သူ့အကြိုက် တရုတ်စကားဖြူပန်းပွင့်တွေ မွှေးကြူနေပြီ...။

x           x           x

တိတ်ဆိတ်နေသောအခန်းအတွင်း ကျွန်တော်၏ အသက်ရှူ သံမှလွဲ၍ ဘာသံကိုမှမကြားရ။ပွင့်နေသော ကုတင်ဘေးမှ ပြူတင်းပေါက်က လေတဟူးဟူးဝင်နေသည်။ ကျွန်တော်က နံရံပေါ်မှ မီးခလုတ်များကို လက်ဖြင့်စမ်းရင်း ဖွင့်လိုက်၏။ ထိုစဉ် ကျွန်တော်၏ ဘယ်ဘက် အင်္ကျီအိပ်ကပ်အောက်မှာ နှလုံးခုန်သံက တဒုတ်ဒုတ်ဖြင့် လှုပ်ခါသွားသည်ကို သတိ ပြုမိလိုက်သည်။

ရေချိုးခန်းနံရံပေါ်က မှန်ချပ်ရှိရာဆီ ခပ်သွက်သွက် သွားပြီး ကြည့်လိုက်တော့ ကျွန်တော့်မျက်နှာဟာ ပန်းသွေးရောင် ထနေပြီး မျက်ဝန်း များဟာ မအေးစက်တော့တာကို အံ့အားသင့်ဖွယ်မြင်လိုက်ရသည်။

'မင်းမမှတ်သေးဘူးလား.....နောက်တစ်ခါမင်းကျန်ခဲ့မှာကို မစဉ်းစားမိဘူးလား ကောင်လေး'လို့ မှန်တဲ့ကပုံရိပ်ကို တိုးတိုး သက်သာ ကျွန်တော်ပြောမိရသည်။

တစ်ယောက်တည်းတိတ်ဆိတ်နေတတ်သည့် ကျွန်တော့် အတွက် သူငယ်ချင်းတစ်ယောက်က 'ခင်မင်ဖို့ကောင်းသည့် အစ်ကိုကြီး တစ်ယောက်ရှိတယ် သူနဲ့စကားပြောကြည့်'ဆိုကာ ဂျီမေးလ်အကောင့်တစ်ခုကိုပေးပြီးနောက်ပိုင်းမှာ ကျွန် တော့်ငြိမ်သက်နှလုံးသားဟာ တဆတ်ဆတ်ပြန်လည်ခုန်လာတာ သိပ် တော့မထူးဆန်းဘူးလို့ပြောရင်ရမလားဘဲ။

ရေပန်းအောက်ကိုအသာဝင် ရေတွေတဖွားဖွားကျလာအောင် ဖွင့်လိုက်မိရင်း ရုတ်တရက်ပိတ်လိုက်မိသည်။

'ညီရေကို မလိုအပ်ရင်ပိတ်ထား၊ လိုအပ်သလောက်သာသုံး' ဆို တဲ့ သူ့စကားကိုကြားယောင်မိလိုက်လို့ပဲ ဖြစ်ပါသည်။ သူဟာ TOTAL ရေနံကုမ္ပဏီရဲ့ ကမ်းရိုးတန်းလုပ်ငန်းခွင်မှာ ပညာရှင်တစ်ဦးအဖြစ်တာဝန်ထမ်းဆောင်နေသူတစ်ဦး ဖြစ်သည်။ ရုပ်ရည်ကမြန်မာမဆန်ဘဲ အနောက်တိုင်းရုပ်ပေါက်နေသည်။ စတင်တွေ့ဆုံမိတဲ့နေ့တန်းကဆို လူကြားထဲ ထင်းနေသည့်သူ့ ရုပ်ရည်နဲ့ အရပ်အမြင့်ကြောင့် ဟုတ်ပါ့ ဟုတ်ပါ့မလား လို့ သံသယ၀င်မိသေးသည်။

'ဒါ သူပြောပိုင်ခွင့်ရှိလို့သာပြောနေတာလေ တကယ်ယုတ္တိ မရှိဘူး'

'ဒါအမှန်ဘဲ ဗုဒ္ဓမြတ်စွာက ကာလာမသုတ်ထဲမှာ ဟောကြားခဲ့တဲ့အကြောင်းအရာတွေကို ညီသိတယ်မလား'

ကျွန်တော့်ပတ်ဝန်းကျင်မှာကြုံဆုံရတဲ့အကြောင်းအရာများကို ပြန်လည်ပြောဆိုတိုင်ပင်ဖြစ်တဲ့အခါ ရှင်းလင်းသွား အောင် အဓိပ္ပာယ ကျယ်ကျယ်ဝန်းဝန်းနဲ့ရှင်းပြနိုင်သူဖြစ်ပါတယ်။ ဘာ သာရေးနဲ့ပတ်သက်လို့ အဘိဓမ္မာစာမေးပွဲ ကိုလည်း ဖြေဆို အောင်မြင်ထားသူ ဆိုတော့ အမြင်မကြည်တာတွေကို လင်းသွားအောင်ထွန်းညှိပေးနိုင်သူပါ။

တစ်စစနဲ့ ကျွန်တော်သူ့ကိုတွယ်ညှိလာတာများ မယုံနိုင်စရာပါ။ သူနဲ့ခွဲရမှာကြောက်လို့ သူ့ရင်ခွင်ထဲ သည်းသည်းလှုပ်ငိုရှိုက်မိရတာ သုံးကြိမ်လောက်ရှိမလားဘဲ။ အစ်ကိုလို အဖေလို ပြီးတော့ချစ်သူတစ်ယောက်လို အရာရာ ပြည့်စုံ အောင် မေတ္တာ ဖြည့်ပေးနိုင်တဲ့ 'အစ်ကို' ပါ။

လောကဆိုတာဘာတွေများလည်း အထူးသဖြင့် ကျွန်တော်တို့လိုလူမျိုးတွေမှာ အချစ်ဆိုတာ တကယ်အသုံးဝင် ရဲ့လား။ 'ရင်ထဲစူး စူးနစ်နစ် ခံစားမိတာပဲဖြစ်ဖြစ် မခံစားရတာဘဲဖြစ်ဖြစ် ယုံကြည်နိုင်တယ်လို့ မယူဆကြဘူးလား' ဆိုတာတွေးမိရပါပြီ။ လက်ထပ် လို့လည်းမရ၊ ကိုယ့်ကိုသာချစ်ပါလို့ ပြောဆိုပိုင်ခွင့် လည်း မရှိ...အို.....ဘာမှပိုင်ဆိုင်ခွင့် မရှိ အရိပ်နဲ့အငွေ့ကိုသာ ဖမ်းဆုပ်တွယ်ငြိ နေမိသူ သက်သက်ပါဆိုတာ ကျွန်တော် ဟော ဒီလိုဆောင်းတွင်းညချမ်းတစ်ခုမှာ သိလိုက်ရ ပြန်ပါသည်။

'နောက်တစ်ပတ်ထဲမှာ ကိုယ့်ညီ မလေးရှားကပြန်လာမယ်၊ ကိုယ်နဲ့အတူနေမယ်ကွ၊ သူအပြင်သွားတဲ့ရက်တွေမှာ တွေ့ရအောင်နော်'

'သူကသာ ငါ့ရည်းစား ငါ့ချစ်သူပဲ ၊ မင်းကိုပြောပြပြီးခဲ့ပြီလေ ကိုယ်တို့ဇာတ်လမ်း ကိုယ်တို့အကြောင်း'

'ဘယ်သူကမေးမေးသူသာ ငါ့ချစ်သူပဲလေ'

'ဒီ့ထက်ပိုပြီး ငါ့အချစ်ကိုမပေးနိုင်ဘူး၊ မင်းလည်းမနစ်နာအောင် ငါလည်း တစ်ကိုယ်ကောင်းဆန်ရာမကျအောင် လမ်းခွဲကြစို့ညီ'

မီးကိုအမှောင်ချ အေးစက်နေတဲ့အခန်းတွင်းမှာ ကျွန်တော်လှဲ အိပ်နေမိသည်။ ကျွန်တော့်စိတ်ထဲမှာ ဇဝေဇ၀ါဖြစ်မှု များစွာဖြင့် ချာချာ လည်နေရသည့်အဖြစ်က ဘယ်သူမပြုမိမိမှုသာလို့ ပြော ရင်ရသလို အချစ်ကိုငံ့လင့်မိသည့် မိမိ နှလုံးသားကိုလည်း သော့ခတ်မထား ဖြစ်သည့်အကြောင်းများကြောင့်လို့ ဆိုရမလို ပင်ဖြစ်ပါသည်။

သတိရခြင်းများစွာ ပြီးတော့ တမ်းတမိတဲ့ အနမ်းများစွာကြောင့် မတွေ့ရသည့်ရက်တွေများမှာကျွန်တော် တစ်ယောက် တည်း ဖြစ်နေမိ သည်။ အလုပ်များမှာစိတ်မပါလက်မပါဖြစ် နေမိတော့ သည်။ ဖုန်းဆက်ကြည့်မယ်ဆိုပြီး ဖုန်းခွက်ကို ကောက်ကိုင် နံပါတ်တွေကို တစ်ခု ချင်းနှိပ်ကာခေါ်မိရစဉ်မှာတော့

'ကိုကြီးမရှိပါဘူးခင်ဗျာ သင်တန်းသွားပါတယ်၊ ဘယ်သူလို့ပြောလိုက်ရမလဲဗျ'

'ကိုကြီး'တဲ့လား.....ကျွန်တော်ကတော့ အစ်ကိုလို့ပဲခေါ်မိခဲ့ သည်။ သူ့ကောင်လေးရဲ့ခေါ်သံတွေမှာ နွေးထွေးရင်ခုန်မှု သံစဉ် တွေပါနေသည်။ အို....စုံစမ်းမိသည် ခိုးကြည့်မိသည် သူတို့လှုပ်ရှားသွားလာမှုတွေကိုပေါ့။ အရမ်းကို Romantic ဖြစ်ကြသည် ကြည်နူးကြသည် ပျော်ရွှင်ကြသည်။

ကျွန်တော်...ကျွန်တော်ဟာ အစ်ကို့အတွက်ဘာများလဲ ဘာဖြစ် ခဲ့သလဲဟင်...။

ပျော်ရွှင်ပါစေ အစ်ကို......။

အချစ်ဆိုတာ နှင်းဆီဖြူတစ်ပွင့် လား......ဆုပ်ကိုင်ဖို့ဆိုတော့ လည်း ဆူးတွေနှင့်အပြည့် ကျွန်တော့်လက်ဖြူဖြူမှာ ဆွေးဆွေးနီ သွေးတွေရဲရပြီပေါ့။

x              x              x

'မင်းနဲ့ကိုယ်ကစကားပြောရတာ တော်တော်အဆင်ပြေတယ် ဘယ်အကြောင်းအရာပဲဖြစ်ဖြစ် ဆွေးနွေးလို့ ရတယ်၊ မင်းက အတော်စကားပြောကောင်းသူပဲ'

'မင်းက စာလည်းဖတ်တယ် ဘလော့ခ်တွေလည်းရေးတယ် ဆိုတော့ ဒီစာအုပ်လေးဖတ်ဖို့ယူသွားလေ'

တော်တော်ခင်မင်ဖို့ကောင်းသည့် သူငယ်ချင်းပါပဲ။ ဒါပေမဲ့သူ နဲ့ကျွန်တော်ဟာ သူငယ်ချင်းဆိုသည့် စည်းထက်တော့ ကျော် နေသည်မှာအမှန်ပဲဖြစ်ပါသည်။

အွန်လိုင်းသူငယ်ချင်းများစွာထဲမှ တွေ့ဆုံဖြစ်သည့် သူငယ်ချင်းလေးဖြစ်သည်။ နယ်ကတက်လာသည့် သူချင်းအတူတူ သူ့ကို ကျွန်တော်သဘောအတော်ကျမိရတာ သူ့စိတ်နေသဘောထား၊ အလုပ်အပေါ်အာရုံ ထားမှုနှင့် ပညာတော်သူ ဖြစ်နေခြင်း ကြောင့်ဖြစ်မည်။ဘာပဲဖြစ်ဖြစ် သူသည်နှစ်လိုဖွယ်ကောင်းသူ တစ်ဦး။

အို....လူများစွာနှင့် အံဝင်ခွင်ကျစကားပြောတတ်နေတတ်ထိုင်တတ်အောင် သူကပြသပေးခဲ့သည်။ သင်ကြားပေးသည်မဟုတ် သူလုပ်ဆောင်နေထိုင်ပြခြင်းတွေမှ ကျွန်တော် ရယူ မိခြင်းဖြစ်ပါသည်။

သူ့အလုပ်မှ သူငယ်ချင်းတွေကို သူအတော်အလေးပေးသလို အတော်ပင်ခင်တွယ်သူတစ်ဦးဖြစ်သည်။ အလုပ်ကနား ချိန်မှာ တရုတ်တန်း ကိုသွား စားကြသောက်ကြ၊ ကန်တော်ကြီးမျှော်စင် ကျွန်းကိုသွား လွတ်လွတ်လပ်လပ်။ ကျွန်တော် တို့ နှစ်ယောက် ဟာ ဘာဆိုတာ သူ့ သူငယ်ချင်းတွေက သိနေသလို အထင် သေးဟန်လည်းမပေါ်။ ဟုတ်တယ်လေ ကျွန်တော်တို့ဟာ ချစ်သူတွေပဲ။

'ငါ့ အမေရယ်၊ ညီတွေရယ် လာနေတော့မယ် ဒီအခန်းမှာ၊ ဒါကြောင့်ငါတို့အတူလွတ်လွတ်လပ်လပ် နေလို့မဖြစ် တော့ဘူး'

'ငါ့ဘ၀မှာအမေကအရေးအကြီးဆုံးပဲ၊ အမေ့ကိုလုပ်ကျွေးခွင့် ရတာကိုလည်း ဂုဏ်ယူတယ်'

ရယ်ရယ်မောမောနှင့် အမြဲတစေဖော်ရွေသူ၊ဘယ်သူ့ကိုမေး မေးသူဟာ တော်တော်ခင်မင်ဖို့ကောင်းသူ တစ်ဦးပဲ ဖြစ်ပါသည်။ အော်...... ကျွန်တော်ကြောက်လန့်မိခဲ့သည့်တွယ်ငြိရမှုသည် နောက်တစ်ခါပျက်ပြယ် ရပြန်တော့မည်ဖြစ်သည်။

ဟင့်အင်....ငါချစ်တာမဟုတ်ဘူးလို့ငြင်းဆန်ရမည်ဆိုတော့လည်း မဟုတ်ပြန်သေးပါ။ သူ့အရည်အချင်းကို အားကျသည်လား မဟုတ် သေးပါ။ ဘာကိုစွဲလမ်းမိသည် လည်း...အထိ အတွေ့လား မဟုတ်သေးပြန်ပါဘူး။

အချစ်ဆိုတာဘာလဲလို့ ဒီအချိန်မေးလာလျှင် အပေးအယူမျှတမှု လည်းမဟုတ်၊ ရယူမှုပိုင်ဆိုင်မှုလည်းမဟုတ် 'ပေးဆပ်မှု' သက် သက် သာဖြစ်နေရသည်ပဲလေ။ ဘာလဲ....ဘာလဲ.....ဘာလဲ ကျွန်တော့်အတွက် အချစ်ဆိုတာ.။

'အချစ်ဆိုတာ ငါ့ဘ၀မှာသေဆုံးသွားပြီ၊ မင်းကိုမှမဟုတ်ဘူး ငါ ဘယ်သူ့ကိုမှမချစ်တော့ဘူး၊ ဟုတ်တယ် အဲဒါအမှန် တရားပဲ'

'ငါတို့က လက်ထပ်လို့ရသလား၊ ငါဟာ မင်းအတွက် မိန်းမ မဖြစ်နိုင်သလို လင်ယောက်ျားအဖြစ်လည်း ဖြစ်မလာနိုင်ဘူး'

'တစ်ယောက်ယောက်ကို ပိုင်ဆိုင်ချင်နေတယ်ဆိုရင်မင်းအရူးပဲ၊ ငါတို့က သဘာဝကိုဆန့်ကျင်နေတဲ့အချစ်ဆိုတာ မင်း သတိထားဦးလေ'

ရွှေတိဂုံဘုရားကိုရောက်တိုင်း ရွှေသင်္ကန်းအတူကပ်ခဲ့တာ ကို သတိရမိသည်။ ပြည်သူ့ရင်ပြင်ကို တစ်ပတ် ပတ်လမ်း လျှောက် ခဲ့ကြ သည်ကို တမ်းတသည်။ အထူးသဖြင့် သူ့ရဲ့ဖက်တွယ်တတ်သောလက်တစ်စုံနဲ့ ကိုယ်သင်းနံ့ကိုတွယ် တာမိသည်။

သဘာဝမဟုတ်ဘူးတဲ့လား...ကျွန်တော်သည် သဘာဝမကျ တဲ့ဘ၀တစ်ခုကိုဖက်တွယ်ထားသည်ဟု ဘယ်တုန်းကမှ မယူဆမိသလို ဘယ်တုန်းကမှလည်း အားငယ်စိတ်ဝင်ခဲ့သူ မဟုတ် ပြန်ပါ။ သဘာဝထဲက သဘာဝလူသားတစ်ဦး အဖြစ်သာ ခံစား ချစ်ခင်နေထိုင်ခဲ့ သည်ပဲ။ ဒါပေမဲ့ လူ့လောကသည် တစ်ဦးတည်း နေထိုင်သည်မဟုတ်သလို စိတ်သ ဘောထားသည်လည်း တိုက်ဆိုင်သည်ဆိုတာ ထပ်တူမဖြစ်နိုင်ခဲ့ပြန်ပါ။

တို့တွေ သူငယ်ချင်းအဖြစ် ဆက်လက်ခင်မင်ကြတာဟာ အကောင်းဆုံးပါ။ အမုန်းနဲ့လမ်းခွဲခြင်းမျိုး မလိုလားဘူး။ ပြီးတော့ မင်းနဲ့ ခွဲသွားဖို့ဆိုတာ မဖြစ်ပါဘူး ကိုယ့်အတွက်။ ဒီတော့ 'သူငယ်ချင်း'ဆိုတာလေးအဖြစ် ပတ်သက်ခွင့်ရ တာကိုပဲ ကျေနပ်ရမည် .....ကျေနပ်ပါသည်။

အဆောင်ရဲ့ခေါင်းရင်းဘက် စံပယ်ခြုံက စံပယ်လေးတွေအရမ်းမွှေးသည်ပဲ.......

ရွှေတိဂုံဘုရားက အင်္ဂါနံထောင့်မှာ ကိုယ်စံပယ် ပန်းလှူ နေတယ်ကွာ သိလား....။

x              x              x

'မင်းနဲ့ဆုံဆည်းရတာ အစ်ကို့ဘ၀မှာ ကံကောင်းခြင်းပဲ၊ ဘယ်သူနဲ့မှမင်းမတူဘူးနော် '

'မင်းကိုပဲစွဲလမ်းသွားပြီကွာ'

'အစ်ကိုအကြံပေးလိုက်တဲ့အတိုင်း ကျွန်တော့်ညီကိုဆုံးမလိုက်တယ်၊ အစ်ကိုကျွန်တော့်ဆရာကြီးပါပဲ၊ လေးစားချစ်ခင်သွား မိပြီဗျ'

'ညီနဲ့ခင်မင်ချင်လို့ပါ၊ ကိုယ်မြန်မာပြည်ပြန်လာရင် ကြိုမှာလားကွ'

'ဘော်ဒါတွေပဲ ကြိုရမှာပေါ့ဗျာ'

'ဘော်ဒါထက်ပိုလို့မရဘူးလား နည်းနည်းဖြစ်ဖြစ်ပေါ့'

'အစ်ကိုကတော်တော်ချစ်ဖို့ကောင်းတယ်နော် အစ်ကိုသာ ကျွန်တော့်ချစ်သူအဖြစ်ရှိရင် ကျွန်တော့်အတွက် ကံအကောင်း ဆုံးဆိုတာ ဖြစ်လာမှာပဲ'

'သူက တခြားသူရဲ့ပိုင်ဆိုင်သူဖြစ်နေပြီလေ မင်းမချစ်သင့်ဘူး မကြိုက်သင့်တော့ဘူးကွ'

'ကိုယ်တို့တွေ့ဆုံကြတာ နောက်ကျသွားတယ်နော်'

'ဟုတ်တယ်'

'ညီမှာချစ်သူရှိလား၊ ချစ်သူမရှိဘူးဆိုရင် အစ်ကို့အချစ်ကိုလက်ခံ ပါလားကွာ ညီ့စာတွေဖတ် ညီ့အသံတွေမကြားရရင် မနေနိုင် တော့ဘူး၊ အပြင်မှာတကယ်ချစ်ချင် မိပြီကွ..ကိုယ်မြန်မာပြည် ပြန်လာတော့မယ်....'

'ဒီဇင်ဘာမှာ အစ်ကိုပြန်လာမယ်'

'ဒီဇင်ဘာမှာ ညီပြန်လာမယ်'

'ဒီဇင်ဘာမှာ .......'

'မင်းမှာ ရင်ခုန်သံတွေတော်တော်ပေါတာပဲနော်၊ပြီးတော့ ပျော် စရာကြီး ငါ့မှာချစ်သူတစ်ယောက်မှမရှိဘူး အထီးကျန် သလိုပဲ၊ မင်းက တော့ အထီးကျန်တယ်ဆိုတာ ဘာမှန်းသိမှာမဟုတ် ပါဘူး။'

အထီးကျန်ဆိုတာ တစ်ယောက်တည်းနေထိုင်ရမှုကိုဆိုလိုသလား။ ကျွန်တော်...ကျွန်တော်ဟာ အမှန်တကယ်တော့ အထီးကျန်သူပါ။

စိတ်ထဲကမပါပဲ ပြုံးရယ်တတ်ပါပြီ။ ချစ်ခင်နှစ်သက်မှုမပါဘဲ ရင်ခုန်ပြတတ်ပါပြီ။ သဘာဝကျကျ လှိုက်လှိုက်လှဲလှဲ ပေါင်း သင်းဆက်ဆံ တတ်ပါပြီ။

 ကြုံဆုံရတဲ့လောကကြီးကြောင့်ရော အတွေ့အကြုံအရပါ မိမိမဟုတ်သည့် မိမိဆိုသည့် သဏ္ဌာန်တစ်ခုကို ဖန်းဆင်း လိုက်ပါ၏။

ပျော်စရာကောင်းမှာပါ။

'ဟူး..'.လေရူးသုန်သုန်တိုက်ခတ်လာတဲ့ အေးစက်စက်လေတွေ ပြူတင်းပေါက်ကနေ တိုးဝှေ့လာသလို ရင်ဘတ်ထဲက အသည်း တွေဟာ အေးခဲလာပြီ။ နှင်းမှုန်ဝေတဲ့ဆောင်းညတွေဟာ ကျွန်တော့်အတွက် ပူလောင်မှုအပြည့်ပါပဲ။

စိုစွတ်သွားသည့်လက်ခုံပေါ်ကို ဖျောက်ကနဲကျသည့် ရေတစ် ပေါက်သည် နှင်းမိုးစက်မဟုတ်ခဲ့။ ကျွန်တော့်မျက်ဝန်းမှ ကြွေ သည့် မျက်ရည်တစ်ပွင့်သာဖြစ်ခဲ့သည်။

ကျွန်တော်...ကျွန်တော်ဟာ......

တစ်ကိုယ်ရေ.....ဘာကိုမှန်းမသိ လွမ်းဆွတ်နေသလို အထီး ကျန်နေသည်..အထီးကျန်ဆန်နေရသည်ပဲ အခန်းကျဉ်းလေးထဲမှာ။

ဇာနည် @ Alex Aung

(4 December 2009)

စာကြွင်း။     ။ ဘာရယ်မဟုတ် ဒီဇင်ဘာလတွေရောက်တိုင်း ဒီစာလေးကိုပြန်ပြန်ဖတ်မိပြီး ပြန်တင်မိခြင်းဖြစ်ပါတယ်။ ကျွန်တော့်ခံစားချက် အစစ်အမှန်များဖြစ်ပြီး အဲ့သည့်စာရေးချိန်က မိနစ်၂၅လောက်သာကြာခဲ့ပါတယ်။ အခုအချိန်ပြန်ရေးခိုင်းရင် ရေးတတ်တော့မည်မဟုတ်ပါ။