အခုတလော အမြဲအမှတ်ရမိနေတာကတော့ ကျွန်တော်ငယ်ငယ်က ပတ်သက်ခဲ့ဖူးတဲ့ ငှက်ကလေးတွေအကြောင်းပါပဲ။
အတောင်ပံလေးတွေတဖျပ်ဖျပ်နဲ့ လေမှာပျံဝဲနေတဲ့ ငှက်ကလေးတွေကို ကျွန်တော်သဘောကျတယ်။ အရောင်စုံ အသွေးစုံနဲ့ သိပ်လှတဲ့ ငှက်ကလေးတွေကို ကျွန်တော်ချစ်တယ်။ ကျွန်တော်နှစ်သက်တဲ့ငှက်ကလေးတွေက ကျွန်တော့်ဘဝသက်တမ်းတစ်လျှောက်မှာ အစိတ်အပိုင်းလေးတွေအနေနဲ့ ပါဝင်ခဲ့တယ်။ ကျွန်တော့်ဘဝကို ပြောင်းလဲစေဖို့ တွန်းအားတစ်ရပ်ဖြစ်စေခဲ့တယ်ပေါ့...။
X x x
ငှက်ကလေးတွေနဲ့ပက်သတ်ပြီး အစောဆုံးမှတ်မိနေတာကတော့ အပျံသင်စ စာကလေးလေးတွေအကြောင်းပါပဲ။ ကျွန်တော့မှာ မကောင်းတဲ့ဗီဇတွေထဲက မကောင်းဆုံး ဗီဇရှိတယ်။ အဲ့ဒါက ငှက်ပေါက်စလေးတွေကို စောင့် ဖမ်းတာပဲ။ အိမ်ရှေ့သရက်ပင်ကြီးပေါ်မှာ ငှက်ကလေးတွေ အသိုက်လုပ်ပြီဆို ကျွန်တော် ချောင်း နေတယ်။ ဥကပေါက်လာရင် ကျွန်တော် သွားကိုင်ကြည့်ချင်လို့။ ငှက်ကလေးတွေ ပေါက်လာရင် ကျွန်တော်ပျော်တယ်... အပျံသင်ရင် ကျွန်တော် ဖမ်း မလို့။ ဘာရယ် ညာရယ်လဲ မဟုတ်ဘူး။ အဲ့လိုပဲ ကလေးစိတ်နဲ့ ကျွန်တော် ငှက်ကလေးတွေကို လိုချင်မိတယ်။
မှတ်မှတ်ရရ ကျွန်တော်လုပ်လိုက်လို့ ကျောင်းခန်းဘေး စံပယ်ရုံထဲက နှံပြည်စုတ်ငှက်သိုက်ကလေး ပျက်ပြီး ဥကလေးတွေ ကျကွဲသွားတယ်။ အဲ့တုန်းက လေးတန်းထင်ပါရဲ့။ ဝမ်းနည်းလိုက်တာ...။ ဒီလိုနဲ့ နောက်တစ်ခါ... ငါးတန်းခြောက်တန်းလောက်မှာ... အိမ်ရှေ့သရက်ပင်ပေါ်ကနေ ဟိုဘက် ပိန္နဲပင်ပေါ်အပျံသင်နေတဲ့ ငှက်ကလေး ကျွန်တော် လုပ်လိုက်လို့ အောက်တည့်တည့်က ရေကန်ထဲကျသွားတယ်။ ချက်ချင်းတော့ ဆယ်လိုက်နိုင်ပါတယ်။ စေတနာပိုပြီး ငှက်ကလေးချမ်းနေမှာစိုးလို့ ကျွန်တော် မီးဖိုပေါ်တင်လိုက်မိတာ... တစ်ခါတည်း ကင် ပြီးသားဖြစ်သွားတယ်။ စိတ်မကောင်းဘူး။
ကျွန်တော်က ငှက်ကလေးတွေကို သိပ်လိုချင်မှန်းသိတော့ ကျွန်တော့်ကိုအရမ်းချစ်တဲ့အဖိုးက လုံးဝမကြိုက်ပေမယ့် လိုက်လျောရှာပါတယ်။ စနေတနင်္ဂနွေတိုင်း ကျောင်းပိတ်ရက်တွေတိုင်း သူ့အိမ်မှာသွားနေတဲ့အခါတိုင်းမှာ ဘုရားစောင်းတန်းက စာဘုန်းကြီးလေးတွေ တစ်နေ့တစ်ကောင် ဝယ်ဝယ်ပေးတယ်။ ဒါပေမယ့်... နောက်နေ့ မနက်ရောက်တိုင်း ငှက်ကလေးတွေကို နင့်အသက်တစ်ခါလွှတ် ငါ့အသက်မိတိုင်းလွတ်လို့ ပြောပြီးပြန်လွှတ်ပေးရတယ်။ ပြီးရင်အဖိုးက နောက်တစ်ကောင်အသစ်ထပ်ဝယ်ပေးတယ်။ ကျွန်တော် ပျော်တယ် သိလား။
ရုပ်ရှင်တွေထဲမှာ ငှက်အရှင်ထောင်တဲ့နည်းလမ်းပါလို့ ကျွန်တော် စမ်းကြည့်တယ်။ သူတို့က သံပိုက်ကွန်ပါးပါးလေးကိုအသုံးပြုပြီး သစ်ကိုင်းခြောက်လေးနဲ့ထောက်ထား၊ သစ်ကိုင်းခြောက်ကိုတော့ ကြိုးနဲ့ချည်ပြီး ဒီဘက်တစ်ဖက်က ကိုယ်ကပုန်းပြီး အသင့်နေ။ သံကွန်ခြာရဲ့အောက်မှာ စပါးစေ့လေးတွေချပေးထားတယ်။ ငှက်ကလေးတွေ အစာလာကောက်ရင် အဲ့သံကွန်ချာကိုထောက်ထားတဲ့ သစ်ကိုင်းခြောက်လေးကို ကြိုးနဲ့ဆွဲလိုက်ရင် ငှက်ကလေးတွေ ပြေးမလွတ်တော့ဘူး....။ ဟာ ဟာ ဟ... သဘောကျတာပ။ အဲ့အတိုင်းလိုက်လုပ်တာပေါ့။ ဒါပေမယ့် သံကွန်ချာမရှိတော့ ထမင်းစားပွဲက အုပ်ဆောင်းအစိမ်းကြီးကို အမေမသိအောင်ယူ။ ဒုတ်ချောင်းနဲ့ထောက်ထား။ ကြိုးက သိပ်မရှည်တော့ ကိုယ်က ပုန်းနေနိုင်မယ့်နေရာအထိဆွဲလို့မရဘူး။ ပုန်းမနေရလည်း ကိုယ်က အရေးမကြီးဘူး။ ကိုယ်က ၁မိနစ်ကို ၂ခါလောက် ထ ထ ကြည့်ချင်တာဆိုတော့ ကိစ္စမရှိဘူး။ အဲ့တော့... မိ လိုက်တဲ့ ငှက်။ တစ်ကောင်မှကို ဖြတ်ကိုမပျံတာ။ ဒီလိုနဲ့ ဒီနည်းလည်း လက်လျှော့လိုက်ရတယ်။
နွေသုံးလပိတ်ရက်တွေ မေမေ့သူငယ်ချင်း အန်တီနန်းတို့အိမ်မှာသွားနေကြတော့ ကြက်တူရွေးရောဂါထလာတယ်။ အန်တီနန်းပြောပြောပြတဲ့ သူတို့မြို့က ကြက်တူရွေးဖမ်းနည်းအကြောင်း စိတ်ကူးတွေယဉ်လိုက်ရတာ အမော။ နောက်ဆုံး တအားပူဆာတာနဲ့ အန်တီနန်းတို့အိမ်က ကြက်တူရွေးလေးတွေ ဝယ်ပေးလာတယ်။ အရမ်းပျော်တာပဲ။ ပထမဆုံး ပိုင်ဆိုင်ဖူးတဲ့ ကြက်တူရွေးလေးတွေ။ အဲ့အိမ်ကကလေးတွေရော ကျွန်တော်တို့ ညီအကို၂ယောက်ရောဆိုတော့ တစ်ယောက်တစ်ကောင်ကျနဲ့ ကြက်တူရွေး ၄ ၅ ၆ကောင်ပဲ။ ကြက်တူရွေးလေးတွေကို အတောင်ညှပ်ပေးရင် မပျံတော့ဘူးဆိုလို့ အတောင်လဲ ထုတ်ညှပ်ရော... ပျံပြေးသွားလို့ ငို လိုက်ရတာ။
ကြီးကောင်ဝင်လာတော့ ပါပါက ယုဇနပလာဇာက ကျေးကျုတ်လေးတွေနဲ့ မိတ်ဆက်ပေးလာတယ်။ သူလည်းလိုချင်နေပါလျက်နဲ့ သားတော်မောင်ကို လာပြန်မေးသေးတယ်။ အရမ်းလှပြီးသိပ်ချစ်စရာကောင်းတဲ့ ငှက်သေးသေးလေးတွေ သိလားတဲ့။ ငါ့သား မင်း မွေးမလားတဲ့။ ဒီကလည်း မြင်တောင်မမြင်ဖူးသေးဘူး ငှက်ဆိုတာနဲ့တင် စပ်စလူးတွေ ထ နေပြီ။ ခုဝယ်ပေးပါ ဖြစ်တော့တာ။ ပါပါက ငှက်အပြာလေးရယ် အဝါလေးရယ် အစိမ်းလေးရယ် စိမ်ပြာဝါအရောင်ကျားလေးရယ် ၄ကောင်ဝယ်လာပေးတယ်။ ကျွန်တော်က အဝါရောင်လေးကိုအချစ်ဆုံး...။ ကျန်တဲ့ ၃ကောင်က ကိုက်လို့။ ဒါပေမယ့် သူတို့ကိုလည်း ချစ်တာပါပဲ။
ကျွန်တော်က သူတို့ကိုသိပ်ချစ်တာ ငှက်ကလေးတွေပျံချင်ရှာမှာပဲနော်လို့ တစ်ခါမှတောင်မတွေးဖူးဘူး။ ဘာလို့များ ငါနဲ့ခွဲပြီးအဝေးပျံချင်နေကြလဲမသိဘူးပဲ တွေးမိတာ။ ငှက်ကလေးတွေကလည်း စကားများတယ်။ ပကျိ ပကျိနဲ့ကိုနေတာပဲ။ ကျောင်းကပြန်လာရင် သူတို့အတွက် သောက်ရေထည့်ပေးရ သူတို့စားတဲ့ ဆပ်နှံလေးတွေ ထည့်ပေးရနဲ့ ပျော်နေတာ။ ကျွန်တော် ဂရုစိုက်ပါတယ်။ ဒါပေမယ့် ငယ်လည်းငယ်သေးတော့ သေချာလည်းနားမလည်တော့ နည်းလမ်းမကျဘူးပေါ့။ ဒီလိုနဲ့ တစ်နေ့တော့ ကျွန်တော့်ရဲ့ သဲသဲလှုပ် အဝါလေး ဖျားပါလေရော...
တကယ်ပါ။ လောကမှာ တိရစ္ဆာန်နေမကောင်းရင်ဆေးကုတဲ့ဆရာဝန်ရှိတယ်ဆိုတာ မသိခဲ့ဘူး။ ငှက်ကလေးနေမကောင်းတော့မှ ပထမဆုံးအကြိမ်ကြားဖူးတာ။ စာတိုက်လမ်းဆုံနားမှာ တိရစ္ဆာန်ဆေးခန်းရှိတယ်တဲ့။ ဒါနဲ့ စက်ဘီးလေးနဲ့သွားကြည့်တယ်။ သေချာသွားတော့ မေမေ့ကိုအတင်းပူဆာပြီး သားအမိ၂ယောက်ဆိုက်ကားနဲ့ ငှက်ကလေးကို ငှက်အိမ်လေးထဲထည့်ပြီး သွားပြကြတယ်။ မှတ်မိသေးတယ်။ မေမေ ရှိုးထုတ်ထားတယ်။း) ကျွန်တော်ထင်တာက ငှက်ကလေးကိုခေါ်သွားမယ် ဆရာဝန်ကိုပြမယ် ဆရာဝန်က တစ်ခုခုလုပ်ပေးမယ် ပြီးရင် ပြန်လာရုံပဲ။ ဒါပေမယ့် လက်တွေ့ကြတော့ ကွာခြားတယ်။ ညနေ ၅နာရီဆေးခန်းဖွင့်တယ်ဆိုလို့ ၅နာရီမထိုးခင်ကတည်းကရောက်သွားတာ ဒေါက်တာမမက ၆နာရီထိုးမှ ပေါ်တော်မူတယ်။ ကိုယ်က တိုကင်ယူရမှန်းလဲမသိတော့ စောင့်နေရတာပေါ့။ ည ၈နာရီထိုးကာနီးအထိ ကိုယ့်အလှည့်မရောက်သေးဘူး။ ခြင်တွေကလည်းကိုက် ဗိုက်တွေကလည်းဆာ အမေကလည်း တဆူဆူ တပူပူပေါ့။ ရှည်တယ် အကျိုးကိုမပေးဘူး ဘာညာပေါ့။ ထုံးစံအတိုင်း ပွားတာပေါ့။ ကိုယ်လဲ အပြစ်မရှိပါဘဲ အသားလွတ်အဆူခံရတဲ့ အခြေအနေပေါ့။ ဒီလိုနဲ့ မေမေပြန်သွားတယ်။ နင့်ဟာနင် ပြန်လာခဲ့တဲ့ဆိုပြီး ငွေ၂၀၀နဲ့ထားခဲ့တယ်။
ဆရာဝန်မရဲ့ နူးညံ့တဲ့အပြောအဆိုလေးတွေ နေမကောင်းနေတဲ့ ခွေးလေးတွေကြောင်လေးတွေ၊ သူတို့ကိုချစ်ကြတဲ့ ပိုင်ရှင်တွေ အများကြီးမှ အများကြီးပဲ...။ ကျွန်တော် တစ်ယောက်တည်း ထိုင်ကြည့်နေတယ်။ အားလုံးဟာ အထူးအဆန်းချည်းပဲ။ အပူချိန်တိုင်းတော့လဲ ဖင်ပေါက်ကတိုင်းတယ်။ ဆေးထိုးတော့လဲ ငြိမ်ငြိမ်အထိုးမခံကြလို့ ချုပ်ထားရတယ်။ နာလားလည်း မပြောတတ်ကြဘူး။ ခေါင်းမူးတယ် ဟိုဟာစားချင်တယ် ဒီဟာစားချင်တယ်လဲ မပြောတတ်ကြရှာဘူး။ ကျွန်တော့် ငှက်ကလေးလိုပေါ့... လှောင်အိမ်ထဲမှာပဲ ကုပ် နေရရှာတယ်။
သနားပါတယ်နော်...ကျွန်တော်က သနားတတ်တယ်။
သိလား...။ ကျွန်တော် သနားသွားတယ်။
ဆရာဝန်မက ငှက်ကလေးအတွက် သောက်ဆေးပေးလိုက်တယ်။ အရည်ဖျော်ပြီး ဆေးထိုးအပ်နဲ့ အစက်ချပေးရမှာ။ တစ်နာရီတစ်ကြိမ်တဲ့။ ပေါက်ပေါက်ရှာရှာ။ ညတောင်မအိပ်ရဘူး ဆေးထထတိုက်ရတာ။ ဒါပေမယ့် ကျွန်တော်ပျော်တယ်။ ကျွန်တော့်လက်ထဲမှာ ဆေးထိုးအပ်ကလေးရှိတယ်။ ကျွန်တော်ချစ်တဲ့ ငှက်ကလေးကို ကျွန်တော်ကိုယ်တိုင် ဆေးတိုက်းပြီးပြုစုရတယ်။
သိလား...။ ကျွန်တော့်လက်ထဲမှာ ဆေးထိုးအပ်ကလေးရှိတယ်။
ကျွန်တော် တိတ်တိတ်ကလေး သံဓိဌာန်ချမိတယ်။
ငါချစ်တဲ့... သနားစရာကောင်းတဲ့ တိရိစ္ဆာန်လေးတွေကို ငါကြီးလာရင် ငါကိုယ်တိုင် ဆေးကုပေးမယ်...
X x x
အခု ဒီစာကိုရေးနေတဲ့အချိန်မှာတော့ အဖော်မင်တတ်တဲ့ကျွန်တော်က တစ်ယောက်တည်းသမားဘဝကို အတော်လေးနေသားကျလို့နေပါပြီ။
ချစ်တဲ့မိသားစုဆိုတာလည်း အတူမနေရတာ ၈နှစ်လောက်တော့ရှိပြီထင်ပါရဲ့။
ငှက်လှောင်အိမ်လေးလိုပဲ သိပ်မကျယ်တဲ့ ကျဉ်းကျုတ်ကျုတ်အခန်းလေးထဲမှာ ကျွန်တော် အညောင်းဆန့်တတ်ခဲ့ပြီပဲ။
ဒါပေမယ့် ကျွန်တော့်လက်ထဲမှာတော့ ဆေးထိုးအပ်တစ်ချောင်းကိုမြဲမြံစွာဆုပ်ကိုင်ထားဆဲ...
(လွန်ခဲ့သော နှစ်က တစ်ယောက်တည်းနေခဲ့စဉ်က ရေးခဲ့ဖူးသည့် စာတိုလေးဖြစ်ပါသည်။)
No comments:
Post a Comment