Sex ကိစ္စသတိရှိပါ...........
(လူမင်း)
မွေးကင်းစအရွယ်တွေ Sex ကိစ္စကိုနားမလည်ဘူးလို့ အများအားဖြင့် ထင်တတ်ကြပါတယ်။ တကယ်တော့ ဆေးပညာ အရပြောရရင် (၂)နှစ်အရွယ်ကလေးငယ်တစ်ယောက်ဟာ မိခင်အ၀တ်လဲတာကို မသိစိတ်ကနေ စိတ်ဝင်စားနေတတ် ပါတယ်။ ဒါဟာ သူ့ရဲ့မသိစိတ်ထဲမှာရှိတဲ့ ဆန့်ကျင်ဘက်လိင်ကို စိတ်ဝင်စားမှု ပြယုဂ်ပါပဲ။
သားတွေက ဖခင်ထက် မိခင်ကိုပိုချစ်တာ ၊ သမီးတွေက မိခင်ထက် ဖခင်ကို ပိုချစ်တာတွေဟာ သူတို့လေးတွေရဲ့ စိတ် ထဲမှာကိန်းအောင်းနေတဲ့ လိင်ကွဲနှစ်မြို့မှုကို အခြေခံတာပါ။ အဲဒီစိတ်တွေက မြီးကောင်ပေါက်အရွယ်ရဲ့အစမှာ နိုးကြား လာတယ်။ စူးစမ်းချင်တယ်၊ လက်တည့်စမ်းချင်လာကြတယ်။ အမှန်က Sex ရဲ့နောက်ကိုလိုက်ရင်း မဖြစ်သင့်တာ မဖြစ်အောင်၊ ဆောင်ရန်၊ရှောင်ရန်တွေကို ပညာပေးချင်တာပါ။ Sex အကြောင်းအရာတွေကို ရေးသားထားတဲ့ စာပေ တွေ လေ့လာဖတ်ရှုပြီး ပညာပေးတာကို ပညာပေးတယ်လို့မယူဆပဲ နည်းပေးလမ်းပြလုပ်နေတယ်လို့ယူဆပြီး တလွဲ တွေးမှာစိုးရွံ့မိပါတယ်။ ဒါကြောင့် 'ပေးကားပေး၏ မရ' ဆိုတာမျိုးမဖြစ်ရလေအောင် ဒီဆောင်းပါးတွေကို ပညာပေး အနေနဲ့သာ ဖတ်ရှုစေချင်တာ ကျွန်တော့်စေတနာပါ။ ဒီလမှာလည်း Sex ကိစ္စသတိရှိပါဆိုတဲ့ ခေါင်းစဉ်အောက်က လူမင်းပြောတဲ့ လိင်ပညာပေးကို ဝေငှလိုက်ပါတယ်။
လိင်ပညာပေး လူမှုရေးကသွားမယ်
Sex ကိစ္စဆိုတာ အပြစ်ကြီးတစ်ခုလည်းမဟုတ်ပါဘူး စက်ဆုတ်ရွံ့ရှာဖွယ်လည်း မဟုတ်ပါဘူး။ ဒါသဘာဝတစ်ခုပါ။ သဘာဝထဲက အရွယ်ရောက်တဲ့ ကျားမတိုင်း ကြုံတွေ့ရမယ့်ကိစ္စပါ။ ဒီအပေါ်မှာပြောချင်တာက သတိလေးတစ်ချက် ရှိဖို့ပါပဲ။ သတိရှိဖို့အတွက် စိတ်ကအဓိကပါ။ လူကိုစိတ်ကဦးဆောင်နေတာ။ ဘာသာရေးအရကြည့်ရင် လူရဲ့စိတ်ဆို တာ မကောင်းတဲ့ဘက်မှာ မွေ့လျော်တာ သဘာဝပဲ။ မကောင်းတာကို မကောင်းဘူးမြင်ဖို့၊ အန္တရာယ်မှန်းမြင်ဖို့၊ စိတ်အ လိုကို အဆုံးစွန်ထိမလိုက်ဖို့အတွက် သတိလေးကပ်နိုင်ရင် အကောင်းဆုံးပါပဲ။ သတိလက်လွတ်ဖြစ်သွားကြလို့သာ နောက်ဆက်တွဲပြဿနာတွေဖြစ်လာတာပါ။ Peopleစာအုပ်ထဲမှာ ပြီးခဲ့တဲ့လက အမျိုးသမီးတစ်ယောက်ပြောခဲ့တာ ဖတ်ရ တယ်။ အားလုံးထဲမှာ လူမှုရေးStress က အရှုပ်ထွေးဆုံးလို့ထင်တယ် တဲ့။ အဲဒါကိုထောက်ခံတယ်။ ဘယ်နယ် ပယ်မှာ ပဲဖြစ်ဖြစ် အောင်မြင်တဲ့ ကျားမတိုင်းမှာ သူတို့နောက်ကွယ်က အိမ်ထောင်ရေးအဆင်ပြေခြင်း၊ သာယာခြင်း တွေဟာ တိုက်ရိုက် အချိုးကျနေတာ ရာခိုင်နှုန်းတော်တော်များများတွေ့ရတယ်။ လူမှုရေးပိုင်းဆိုင်ရာမှာ အဲဒီလောက် ထိ...။
Media တွေရဲ့ခေါင်းကြီးပိုင်းကနေ ပညာပေးနေပြီ
ကျွန်တော်တို့ငယ်ငယ်တုန်းက လူကြားထဲမတိုးဝံ့တဲ့ ရှက်စရာစကားတွေဟာ ဒီကနေ့ Media တွေရဲ့ ခေါင်းကြီးပိုင်း ကနေ ပြောဆိုလို့ရတဲ့ အနေအထားရောက်လာပြီ အဲဒါဘာကြောင့်လဲဆိုတော့ လူ့အသိုင်းအ၀ိုင်းကြားမှာ Control လုပ်ဖို့လို အပ်လာလို့ လူတွေရဲ့စိတ်အလိုလိုက်မှုများလို့ ကွယ်ရာမှာ နှစ်ကိုယ်ကြားပြောရမယ့်စကားတွေကို လူပုံ အလယ်မှာ ရဲရဲဝံ့ဝံ့ပညာပေးလာကြတယ်လို့ ကျွန်တော်မြင်တယ်။ ဘယ်အရာမဆို ကမ္ဘာကြီးကို လူသားတွေစား သုံးတာ၊ သုံးစွဲတာ တအားများလာတယ်။ လိင်ကိစ္စမှာ ရုပ်ဝတ္ထုပိုင်းဆိုင်ရာတွေလည်း အရမ်းတိုးတက်ခေတ်မီလာ တယ်။ လူတွေကလည်း မထိန်းနိုင်မသိမ်းနိုင် သတိမကပ်နိုင်တော့ဘဲ စိတ်နောက်တောက်လျောက်လိုက်သွားပြီး အားလုံးက လိုတာထက်ပိုလာကြတယ်။ ခုဆို AIDSဆိုတာ ကပ်ရောဂါအသွင်ဖြစ်လာတယ်။ ကမ္ဘာကြီးကလည်း ဖောက်ပြန်လာပြီ။ ကျွန်တော်တို့ကျောင်းတက်တုန်း စိုက်ပျိုးရေးမှာသင်ရတာက Biologicalပေါ့။ ဥပမာ စိုက်ခင်း တစ်ခင်းပေါ်ပိုးကောင်တွေသိပ်ကျလာရင် အဲဒီပိုးကောင်တွေကိုစားမယ့် နောက်ထပ်အကောင်တစ်မျိုးမွေးပေးရတယ်။ သဘာဝတရားကြီးမှာလည်း အဲဒါမျိုးတွေပေါ်လာတယ်။ ရောက်တဲ့အရပ်မှာ စိတ်နောက် သတိလေးသာကပ်၊ ဘာမှမ ဖြစ်ဘူး။ အာမခံတယ်။ ဖြစ်လာရင်လည်း နောင်တမရပါနဲ့။ ဆက်မဖြစ်အောင်ဆင်ခြင်သင့်တယ်။ ကျွန်တော်ကြား သိနေရတဲ့ သတင်းတွေက မကောင်းဘူး။ မထူးဇာတ်ခင်းနေကြတယ်။ လူသားမျိုးနွယ်အားလုံးအတွက် အရမ်း အန္တရာယ်ရှိတယ်။ ကိုယ်က ဒီအကျိုးကိုခံစားနေရမှတော့ နောက်လူတွေထပ်ကူးစက်အောင် ဘာလို့လုပ်နေဦးမှာလဲ။ ဒီလုပ်ရပ်တွေက နောက်ဘ၀တွေထိ အကျိုးပေးပြီး ဆိုးသထက်ပိုဆိုးသွားမှာပေါ့။
ကျွန်တော်ရဲ့ Sex Control
ကျွန်တော်ဆွေးနွေးတဲ့စကားဟာ အတင်းအဖျင်းထိုင်ပြောနေတာမဟုတ်ဘူး။ စာဖတ်သူအတွက်အကျိုးရှိမယ်ဆိုရင် ပြောသင့်ပြောရမှာပဲ။ လူလွတ်ပဲဖြစ်ဖြစ်၊ အိမ်ထောင်ရှင်ပဲဖြစ်ဖြစ် သဘာဝတရားကို မလွန်ဆန်နိုင်ကြဘူး။ စိတ်ရဲ့တောင်းဆိုမှုကိုလည်း မတောင်းဆိုနဲ့ပြောလို့မရဘူး။ အဲဒီအချိန်မှာ သတိတစ်ခုကပ်ဖို့။ ကျွန်တော်ခုအချိန်မှာ ဘာကိုတွေးနိုင်သွားပြီလဲဆိုတော့ ကျွန်တော့်မှာ သမီးရှိတယ်၊ဇနီးရှိတယ်၊ ဇနီးမှလည်း နောက်ကိုယ်ဝန်ရှိတယ်။ စိတ်အလိုလိုက်ပြီး ကျွန်တော့်အိမ်က မသိအောင်ပျော်ပါးလို့ရတယ်။ ကျွန်တော့်မိသားစုနဲ့ဘာကိုမှမလဲနိုင်ဘူး။ ဖောက်လွဲဖောက်ပြန်လုပ်ချင်မိပြီဆိုရင်တောင်မှပဲ အသက်အရွယ်ရလာလို့လားတော့မသိဘူး။ အဲဒီသတိလေးကပ်သွားနိုင်ပြီ။ မိနစ်ပိုင်းလေးပျော်ရွှင်ဖို့အတွက် ကျွန်တော့်ရဲ့သာယာပျော်ရွှင်တဲ့မိသားစုဘ၀ကို မလဲနိုင်ဘူး။ အဲဒီလိုစိတ်ကလေးနဲ့ ကျွန်တော် Control လုပ်သွားတာပါပဲ။
Sex Stress
Sex နဲ့ကပတ်သက်တဲ့ Stressဟာ လူပျိုဖြစ်စတွေမှာ တော်တော်များပါလိမ့်မယ်။ လူပျိုလူလွတ်ဖြစ်တယ်ဆိုရင်တော့ ဒီကိစ္စကို တနည်းနည်းနဲ့ဖြေရှင်းမိမှာပဲ။ အဲဒီ Stressကသိပ်များလာလို့ လုံးဝမနိုင်တော့တဲ့အဆုံး ပြင်ပအမျိုးသမီးနဲ့ ပျော်ပါးမယ်ပဲထားပါတော့ သတိလေးကပ်လိုက်ပြီး တနည်းနည်းနဲ့ ကိုယ့်ကိုကိုယ် ကာကွယ်လိုက်ရင် ဒီ Stressကပြေ ပျောက်သွားမှာပါပဲ။ အသက်အရွယ်တွေနဲ့လည်းဆိုင်တယ်။ နောက်တစ်ခုက ပညာတတ်နဲ့ ဆင်းရဲမွဲတေမှုတွေဟာ ဒီရောဂါတွေနဲ့ပတ်သက်နေတယ်။ ဆင်းရဲသူတွေက Sexနဲ့ပတ်သက်တဲ့ ဗဟုသုတနည်းတယ်။ သိရင်တောင် ဆင်ခြင် နိုင်မှုနည်းတယ်။ ရောဂါဖြစ်ပွားမှုနှုန်းကို ကြည့်မယ်ဆိုရင် အရာရာသိတတ်နားလည်နေသူတွေကလည်း ဒီလောကထဲ မှာ ကျင်လည်နေကြတာပါပဲ။ သတိတစ်ချက်လွတ်ရင် ဆင်းရဲချမ်းသာမရွေးရလာမယ့်ဆိုးကျိုးက အတူတူပါပဲ။
မပေါ့နဲ့......အမျိုးသားတွေအပျော်ရှာမိတတ်တယ်
ဗုဒ္ဓဘာသာ မြန်မာလူမျိုးတွေက ဒီကိစ္စမပွင့်လင်းကြဘူး။ အဓိကနားလည်မှုပါပဲ။ အမျိုးသားရော၊ အမျိုးသမီးရော တစ် ဘက်လူရဲ့စိတ်အခြေအနေဘယ်လိုရှိတယ်ဆိုတာ နားလည်ဖို့လိုတယ်။ ဒါကိုမေ့ထားဖို့မလိုဘူး။ များသောအားဖြင့် အိမ်ထောင်တစ်ခုဟာ သက်တမ်းကြာလာတာနဲ့အမျှ အဲဒီကိစ္စကိုနှစ်ဖက်လုံးပေါ့လာကြတယ်။ ဘာလို့ပေါ့လာလဲဆို တော့ နှစ်ဖက်စလုံးက သားသမီးကိစ္စတွေ၊ မိသားစုတာဝန်တွေအတွက် ဘ၀မှာရုန်းကန်နေရတော့ သတိမထားမိကြ ဘူး။ တကယ်တော့နှစ်ယောက်လုံးက ဒီကိစ္စတွေမှာ ငုံ့လျှိုးနေကြတာ။ မီးဝေးချိတ်လို သိပ်ဝေးလွန်းရင်လည်း ဝေးကွာ သွားတတ်တယ်။ မအားမလပ်တဲ့ကြားထဲက တကူးတကနဲ့ အချိန်လေးယူပြီး မွေးနေ့လို၊ နှစ်ပတ်လည်နေ့လိုမျိုးမှာ သီးသန့်နွေးထွေးမှုတွေရယူဖို့လိုတယ်။
အခွင့်အရေးကလည်းရနေတယ်။ ကိုယ့်အိမ်ထောင်ရေးလည်းမထိခိုက်စေချင်ဘူးဆိုရင်တောင် ဒီအခွင့်အရေးရဲ့နောက် ကွယ်မှာ ဘာတွေကပ်ပါလာမလဲ။ ထားပါတော့။ အခွင့်အရေးရပြီး နောက်ဆက်တွဲပြဿနာတွေ လည်းမရှိနိုင်ဘူးဆို ရင်တောင် ဘယ်သူမှမသိရင်တောင် ကိုယ့်ကိုကိုယ်သိတယ်လို့ပဲ ပြောရမှာပါ။ အဲဒီလိုကျူးလွန်ပြီးရင်တောင် သူရှေ့မှာ ကိုယ့်လိပ်ပြာကိုယ်လုံပါ့မလား။
ယောက်ျားတိုင်းစောင့်ထိန်းနိုင်လိမ့်မယ်လို့တော့မထင်ဘူး။ ပတ်ဝန်းကျင်နဲ့ အသိုင်းအ၀ိုင်းကြားမှာ ရှုပ်ထွေးလာတာ တွေကိုတော့ ဖြေရှင်းရတာမတူဘူးပေါ့ဗျာ။ နိုင်ငံခြားမှာဆိုရင်တော့ ကျော်ကြားမှုကိုလိုချင်လို့ ရင်းနှီးတာတွေရှိတယ်။ ကျွန်တော်တို့ဆီမှာတော့ ဘာသာတရားအရ ဘယ်လိုနည်းနဲ့မှ လက်ခံနိုင်စရာမရှိပါဘူး။ လွဲမှားတဲ့ သူ့ရဲ့စိတ်ဟာ သူ့ရဲ့ကိုယ်ကျင့်တရားထက်တော့ မကာမိပါဘူး။
အဆုံးထိမလိုက်နဲ့
လိင်ဆက်ဆံမှုကို စက်ဆုတ်ရွံရှာ စရာလိုမမြင်ပါဘူး။ Limitation လေးတစ်ခုထားပါ။ တတ်မက်မှုအာသာဆန္ဒဆိုတာ ဆုံးတယ်မရှိဘူး။ အချိုစားပြီးရင် ဒီ့ထက်ပိုချိုတာစားချင်တယ်။ အချိုပြီးရင်အချဉ်။ လိုက်လေလိုက်လေမဆုံးနိုင်လေ ဖြစ်ပြီး မှားယွင်းတဲ့ လိင်ဆက်ဆံမှုတွေဖြစ်ပေါ်လာတာ။ ဒီနေ့ ကမ္ဘာမှာ ရာခိုင်နှုန်းတွေအများကြီးတိုးပွားလာတဲ့ ယောက်ျားစင်စစ်ကနေ ဟိုမိုပြောင်းလဲမှုတွေအထိဖြစ်ကုန်တာဟာ လူတိုင်းသတိထားမိလာတဲ့ကိစ္စတွေအထိ ဖြစ်လာ တယ်။ အိုဘားမားတောင် ဒီကိစ္စကို ခေါင်းခဲပြီးဖြေရှင်းရမယ့်အပိုင်းရောက်လာတာကိုး။ စစ်တပ်ထဲမှာ ဂေးတွေကို အမှု ထမ်းဖို့ဆိုတဲ့ကိစ္စပေါ့။ ဗလတောင့်တောင့်ယောက်ျားတွေအများကြီး ဒီလိုဖြစ်သွားတာဟာ ခုနပြောသွားတဲ့ အာသာ ဆန္ဒနောက်ကို တန်းတန်းဆွဲလိုက်ရင်း၊ မဆုံးနိုင်တဲ့ ခံစားမှုနောက်လိုက်ရင်း ဒီလိုဖြစ်သွားကြတာပါ။ ဒါကို သတိလေး ကပ်နိုင်ရင် အကောင်းဆုံးပါပဲ။ လူတိုင်းက နိစ္စဒူဝ ဒီထက်အရေးကြီးတဲ့ကိစ္စတွေ အများကြီးလုပ်နေကြရတာ။ အဲဒါကို Limitationမထားရင် လိုက်လေမဆုံးလေ၊ လိုက်လေ မဆုံးလေနဲ့ လွဲမှားတဲ့ဆက်ဆံမှုတွေဖြစ်လာတာပါပဲ။ အဆုံးထိမ လိုက်ဘဲ ပြည့်ဝတဲ့စိတ်ဆန္ဒတစ်ခုရလို့ ရပ်ထားလိုက်ရင်ပြီးတာပါပဲ။
လိင်တူအချင်းချင်း ဆက်ဆံမှုပညာပေးကိုပြောရမယ်ဆိုရင် ဥပမာ ဘရာဇီးလိုနိုင်ငံမျိုးမှာ အရွယ်မရောက်သေးတဲ့ ကလေးတွေဟာ ဒီနည်းနဲ့ငွေရှာနေကြတယ်။ အဲဒါဘာကြောင့်လဲဆိုတော့ ဆင်းရဲမွဲတေမှုတွေကြောင့်ပဲ။ ဒီကလေး တွေဟာ စိတ်ဆန္ဒကြောင့်မဟုတ်ဘဲ ပိုက်ဆံရဖို့အတွက် အသက်မွေးဝမ်းကြောင်းတစ်ခုလိုလုပ်နေရတဲ့အတွက် ခန္ဓာကိုယ်ကို ငွေကြေးနဲ့အသုံးချနေတယ်။ အရွယ်မရောက်သေးတဲ့ ကလေးတွေအတွေးအခေါ်မရင့်ကျက်သေးလို့ လွဲမှားသွားကြတာ တကယ်ရင်နာဖို့ကောင်းတယ်။ နောက်တစ်ချက် Limitကိုမထိန်းနိုင်လို့ကျော်သွားတာမျိုးလည်း ဖြစ်နိုင်တယ်။
လိင်ပညာပေးအင်တာဗျုးက ပိုလေးနက်ပါတယ်
အခုလို Interviewတွေပြောနေပြီဆိုကတည်းက စာဖတ်မိတဲ့ပရိတ်သတ်တွေ ဗဟုသုတရဖို့ ဆွေးနွေးနေကြတာပဲလေ။ မဂ္ဂဇင်းတစ်အုပ်က အင်တာဗျုးလာလုပ်လို့ဖြေရတာထက် ဒီလိုပညာပေးမျိုးပြောရတာ ပိုလေးနက်ပါတယ်။ Celebrity ဖြစ်ပြီးတော့ အသက်အရွယ်လည်းရ၊ အနုပညာသက်တမ်းလေးလည်းရလာတဲ့အထဲက စဉ်းစားမိတာက လူတစ် ယောက်ရဲ့တန်ဖိုးပေါ့။ ကိုယ်နဲ့ကိုယ့်ပတ်ဝန်းကျင်ကို လူတစ်ယောက်ကကောင်းအောင် ဘယ်လောက်လုပ်ပေးနိုင် မလဲတွေးမိတဲ့အခါ ဒါမျိုးပညာပေးတွေပြောချင်ပါတယ်။ PSIတို့ဘာတို့ဆိုရင် ဂရုတစိုက်နဲ့လုပ်နေတာတွေ့ရတယ်။ ကျွန်တော်တို့တိုင်းပြည်မှာတော့ ယဉ်ကျေးမှုရယ်၊ ဘာသာတရားရယ်ကြောင့် ပညာပေးမှုတွေ အားနည်းနေတယ်လို့ ထင်တာပဲ။ စာသင်ကျောင်းတွေမှာ အသက်အပိုင်းအခြားအလိုက် အရွယ်ရောက်တဲ့ကလေးတိုင်းကို အားကစားနဲ့ လိင်ပညာပေးတွေလုပ်ပေးသင့်တယ်။ ကျွန်တော်တို့အာရှတိုက်သားတွေဟာ အနောက်တိုင်းသားတွေနဲ့ယှဉ်ရင် လူကလည်းမထွားကျိုင်းဘူး။မျိုးရိုးကြောင့်လည်းပါတာပေါ့။ ကာယပညာကို မဖြစ်မနေ ကျောင်းတွေမှာလုပ်ရမယ်ဆို တာမျိုးဖြစ်စေချင်တာ။ အခုလိုဆွေးနွေးပွဲမျိုး ကျောင်းတွေမှာလုပ်ပေးနိုင်လေ ပိုကောင်းလေပဲ။
Celebrity Sex ကိုလူတွေ စိတ်ဝင်စားတယ်
Celebriy တွေရဲ့ Sex Affairကိုလူတွေစိတ်ဝင်စားတာ သိပ်တော့ထူးဆန်းတဲ့ကိစ္စမဟုတ်ပါဘူး။ မင်းသမီးဆိုတာ ဆန့်ကျင်ဘက်ယောက်ျားတွေအပေါ်မှာဆွဲဆောင်မှုရှိအောင် ၀တ်မယ်၊စားမယ်၊သရုပ်ဆောင်မယ်။ မင်းသမီးဖြစ်ပြီ ဆိုကတည်းက ဆန့်ကျင်ဘက်ကို ဆွဲဆောင်နိုင်တဲ့အရည်အချင်းရှိလို့ မင်းသမီးဖြစ်တာ။ မင်းသားတွေလည်း ဒီလိုပါပဲ။ ဆွဲဆောင်ပြီဆိုကတည်းက Sex ကိုနိုးကြားအောင်ဆိုတာပါလာပြီပေါ့။ ဆိုပါစို့ တောသားလေးတစ်ယောက်ကလည်း အခု Hollywoodမှာနာမည်ကြီးနေတဲ့ မင်းသမီး မီဂန်ဖောက်(စ်)နဲ့ တစ်ညလောက်တွေ့ချင်ရင် တွေ့ချင်မှာပဲ။ အဲဒီလို ပဲ မြန်မာပြည်ကကောင်မလေးတစ်ယောက်ကလည်း ဒီနေ့ကမ္ဘာကျော် ဒေးဗစ်ဘက်ခမ်းရဲ့အနမ်းတော့ တစ်ကြိမ် လောက်ခံယူချင်မှာပဲလေ။ ဒါဟာစိတ်ရဲ့ဆွဲဆောင်ရာပါပဲ။ ဒီလိုသဘာဝတွေရှိတော့ Celebrityတွေကိုပိုစိတ်ဝင်စား တာပေါ့။
ကျွန်တော်တို့ Styleကျအောင် ၀တ်စားပြီးသရုပ်ဆောင်တာက ကျွန်တော်တို့အလုပ်၊ အဲဒီအပေါ်မှာ စွဲလန်းတက်မက် ခြင်းက ပရိတ်သတ်အလုပ် ဆိုတဲ့အခါကျတော့ အဲဒီလိုသရုပ်ဆောင်နေတဲ့ နေရာမှာ Celebrity ဘက်ကလမ်းမှား ရောက်အောင် ဆွဲဆောင်နေတာမျိုးတော့ မဟုတ်ဘူး။
ပညာပေးချင်သူတွေမှာ တာဝန်ရှိတယ်
အခုလိုဆွေးနွေးတဲ့နေရာမှာ Mediaအပိုင်းက ရေးသားဖော်ပြမှုနဲ့ပညာပေးမှုကလည်း အရေးကြီးတယ်။ တချို့ကပွဲဆူ အောင် ပရိတ်သတ်စိတ်ဝင်စားမယ့် ခေါင်းစဉ်အကြီးကြီးတတ်ချလိုက်တာမျိုးပေါ့။ ဆွေးနွေးတဲ့သူနှစ်ဦးစလုံးဟာ ပညာ ပေးလိုတဲ့စေတနာ၊ ကောင်းတဲ့ရှုထောင့်ကသွားနေကြတယ်။ လိင်ပညာပေးဆွေးနွေးနေတဲ့ Celebrity နဲ့ Media နှစ်ဦး လုံးပေါ်မှာ အတိုင်းအတာတစ်ခုအထိ တာဝန်ရှိပါတယ်။ ထပ်ပြောလိုက်ချင်တယ်။
Sex ကိစ္စ သတိရှိဖို့......။
Limit ရှိဖို့..........
Ref: www.people.com.mm (Issue 8.5, December 2009)
No comments:
Post a Comment