Men’s medicines ယောက်ျားသုံးဆေးများ

အသက် ၁၈ နှစ်ပြည့်မှ ဖတ်ပါ (၆၇)

ကျွန်တော့် အသက်က ၃၈ နှစ်ပါ။ အိမ်ထောင်သက် ၁၂ နှစ်ရှိပြီး သာမန် မိသားစုလေး ဘဝနဲ့ ချမ်းမြေ့ ပျော်ရွင်စွာ (့) နိုင်ငံမှာ နေထိုင်ပါတယ်။ ဒီနိုင်ငံ ရောက်ပြီး ၅ နှစ်လောက် ကြာလာတော့စပြီး သတိထားမိလာတယ်။ ကာမစိတ်တွေ အရင်ကလောက် ထက်သန်မူ့ မရှိတော့ဘူး။ ပိုပြီး အပြီး မြန်လာတယ်။ ၁ လမှာ ၂ ကြိမ် ၃ ကြိမ်လောက်ဘဲ ဆက်ဆံ ဖြစ်တော့တယ်။ ကျွန်တော့် အိမ်သူလည်း ဒီအတိုင်းဘဲ။ သူလည်း စိတ်သိပ်မပါဘူးလို့ ပြောတယ်။ အိမ်ထောင်ရေးတော့ သိပ်ကြီးကြီးမားမား ပြသာနာ မဖြစ်စေဘူး ဆိုပေမယ့် ရေရှည်မှာ မိသားစုရှေ့ရေး မကောင်းစေနိုင်ဘူးပေါ့။ ကျွန်တော် ကဘဲ ပန်းသေနေလို့လား ဆိုပြီး မနှစ်က ဆရာဝန်နဲ့ ဆွေးနွေးကြည့်တော့ စစ်ဆေးပြီး ဆေး ၃ မျိုး ရေးပေးလိုက်တယ်။

၁။ Viagra 100 mg
၂။ Cialis 20 mg
၃။ Priligy 36 mg

ဒီဆေးစာကို ဖတ်ကြည့်တော့ ပန်းသေ ပန်းညှိး ဝေဒနာရှင်တွေကိုသာ ပေးတဲ့ဆေးဖြစ်နေတော့ တော်တော်ကို ချောက်ချား သွားတယ်။ ဆေးတွေကို အညွန်းတိုင်း သောက်ကြည့်တော့လည်း ဆေးကညွန်းထားသလို မဖြစ်ပြန်ဘူး။ Viagra ကို သောက်လိုက်ရင် သောက်ပြီး နောက်ပိုင်း နာရီ အနည်းငယ် အကြာမှာ ယောက်ျား တန်ဆာဟာ ၃ နာရီ လောက် မာနေစေမှာမျိုး။ Cialis ကို သောက်လိုက်ရင်လည်း ဒီလိုဘဲ ၃၆ နာရီလောက်ကို စိတ်ဖြစ်ပေါ်စေမယ့်ဟာမျိုး။ Priligy ကိုတော့ မဝယ်သုံးရသေးတော့ ဘယ်လို သက်ရောက်မူ ရှိမယ်ဆိုတာတော့ မသိနိုင်သေးဘူး။

သိချင်တာက ဒီလို ဆေးတွေကို ဆရာဝန် ညွန်ကြာချက်အတိုင်း သုံးကြည့်တာတောင် ဆေးရဲ့ အာနိသင်အတိုင်း မပြလာတော့ တကယ်ဘဲ ပန်းသေပန်ညှိး ဖြစ်နေပြီလားပေါ့။ Viagra ၆ လုံးနဲ့ Cialis ၆ လုံး သောက်စမ်း ပြီးပြီ။ Cialis ကတော့ ရေးထာတဲ့ ဆေးအာနိသင် နီးပါးအတိုင်း စွမ်းဆောင်ပါတယ်။ သက်ရောက်မူ ရှိပါတယ်။ Viagra ကတော့ သောက်စမှာတော့ ခေါင်း နဲနဲမူးဝေတာလောက်တော့ ရှိတယ်။ နာစီးချင်သလိုလို နာပိတ်ချင်သလိုလိုတော့ ဖြစ်တယ်။ ၁ နာရီလောက် ကြာတော့ မာတောက်လာပြီး ၃ဝ မိနစ်လောက်ကြာတော့ ပြန်ကျသွားတယ်။ နောက် ၄-၅ နာရီလောက် ကြာတော့ ပြန်မာလာပြန်ရော။ ဒီအကြိမ်လည်း ၃ဝ မိနစ်လောက်နဲ့ ပြန်ကျသွားပြန်ရော။ အခုတင်ပြခဲ့တဲ့ အခြေနေတွေက ပန်းသေပန်းညှိ ဝေဒနာရှင်တယောက်ရဲ့ လက္ခဏာတွေ ဆိုတာ ဟုတ်-မဟုတ်။ ဟုတ်နေရင်လည်း ဘယ်လို ကုသလို့ ရနိုင်ပါသလည်း ဆိုတာကို ကျေးဇူးပြုပြီး ဖြေကြားပေစေလိုပါတယ်။

Impotence ပန်းသေ-ပန်းညှိုးရောဂါကို Erectile dysfunction (ED) လို့ ဆေးစာနဲ့ ခေါ်တယ်။ ရောဂါအခြေအနေ အပြော့၊ အပြင်း မတူပါ။ တချို့မှာ လုံးဝ လိင်အင်္ဂါ သန်မာမှု မရှိဘူး။ တချို့ကြ တခါတလေ ကောင်းလိုက် တခါတလေ မကောင်းလိုက် ဖြစ်တယ်။ တချို့မှာ ခဏသာ လိုချင်တာ ရတယ်။

ယောက်ျားတွေလဲ ရှက်ကြတာဘဲ။ ဆရာဝန်ဆီ မလာတာ မနည်းလှဘူး ထင်ရတယ်။ လူ ဘယ်လောက်မှာ ဒီလို ဖြစ်နေတယ် ပြောဘို့ ခက်တယ်။ စာရင်းဇယားထားတတ်တဲ့ အမေရိကားမှာ သန်း ၃ဝ ရှိမယ်တဲ့။ အသက်အရွယ် သိပ်မရွေး ဖြစ်နိုင်ပေမဲ့ ငယ်သူတွေမှာ နည်းပြီး ကြီးသူတွေမှာ အဖြစ်များတယ်။ ၄၅ ကျော်လာရင် နည်းနည်းဖြစ်ဖြစ် စကြပြီ။

Massachusetts Male Aging Study ကနေပြောတာက အသက် ၄ဝ ကျော်ရင် Complete impotence လုံးဝ ပန်းသေသူ ၅% တိုးလာပြီး၊ ၇ဝ ကျော်ရင် ၁၅% တိုးလာတယ်။ Netherlands က သုတေသနတခုအရ အသက် ၅ဝ နဲ့ ၅၄ ကြားမှာ ၂ဝ% ရှိတယ်။ ၇ဝ နဲ့ ၇၈ ကြားမှာ ၅ဝ% ရှိတယ်။

ဒီလိုဖြစ်နေတာအတွက် ဆေးသုတေသနတွေကလဲ အစွမ်းထက်ပါတယ်။
1. Viagra (Sildenafil) ဆေးကို ၂၇-၃-၁၉၉၈ ကစပြီး FDA ကနေ ခွင့်ပြုခဲ့တယ်။
2. Levitra (Vardenafil) ကိုတော့ ၁၉-၈-၂ဝဝ၃ မှာ ခွင့်ပြုခဲ့တယ်။
3. Cialis (Tadalafil) ကတော့ ၂၁-၁၁-၂ဝဝ၃ ဖြစ်လို့ သူ့နောက်မပေါ်သေးရင်တော့ နောက်ဆုံးပေါ်ဖြစ်တယ်။

Viagra ကို ရေးပြီးဖြစ်ပါတယ်။ Cialis (Tadalafil) ဆေးဟာလဲ ယောက်ျားတွေမှာ Erectile dysfunction (ED) ပန်းညှိုးနေသူတွေ အတွက်ဆေး ဖြစ်တယ်။ 20 mg ကို လိင်မဆက်ဆံမီ အစာနဲ့ နီးနီး ဝေးဝေး သောက်ရတယ်။ အတိအကျ ဆိုရရင် ၁၆ မိနစ် စောသင့်တယ်။ အစွမ်းက ၃၆ နာရီအထိ ရှိနိုင်တယ်။ တနေ့ထဲမှာ တခါသာ သောက်သင့်တယ်။ ကျားလိင်အင်္ဂါ သန်မာမှု Erection ကိုသာမက Sexual relations ဆက်ဆံမှုအတွက်ပါ ပိုကောင်းစေတယ်လို့ ဆေးညွှန်းက ဆိုပါတယ်။

Tadalafil ဆေးဟာ PDE5 inhibitor ဆေး အမျိုးအစား ဖြစ်တယ်။ လိင်-ကျန်းမာရေးအတွက် Cialis နာမည်နဲ့ ရောင်းပြီး Pulmonary arterial hypertension အဆုပ် သွေးလွှတ်ကြော ဖိအားများရောဂါအတွက် Adcirca နာမည်နဲ့ ရောင်းတယ်။ Tadalafil ဆေးကို အိန္ဒိယမှာတော့ Tadacip 10 mg and 20 mg နာမည်နဲ့ ရောင်းတယ်။

Pill ဆိုတာ ဆေးလုံးမှန်သမျှကို ခေါ်ပေမဲ့ Pills လို့ပြောလိုက်ရင် ကိုယ်ဝန်တားဆေးကို တန်းသိစေကြတယ်။ Morning-after pill ဆိုရင် အရေးပေါ် တားဆေး၊ Cialis ဆေးကို Weekend Pill လို့ ခေါ်ကြသေးတယ်။ ဆေး ၃ မျိုးလုံးဟာ လိုရင် သောက်ပါ အမျိုးအစားတွေ ဖြစ်တယ်။ Cialis ဆေးကတော့ Once-daily medication တနေ့ ၁ လုံး သောက်နိုင်တယ် ဆိုတာ ထူးခြားတယ်။

Sexual stimulation လိင်စိတ်ဖြစ်လာချိန်မှာ ဆေးသောက်လိုက်ရင် Penile erection လိင်အင်္ဂါသန်မာလာစေဘို့ Penile blood flow သွေးစီးလျှောက်မှုကို တိုးများလာစေနည်းနဲ့ အကူအညီပေးတယ်။ အဲလိုဖြစ်လာအောင် Relaxation of penile arteries လိင်တံ သွေးလွှတ်ကြောလေးတွေနဲ့ Smooth muscle of the corpus cavernosum လိင်တံ-အသားမွတွေကို ပြေလျှော့စေတယ်။

Nerve terminals အာရုံကြောလေးတွေအဖျား နဲ့ Endothelial cells တွေကနေ Nitric oxide (NO) ထွက်လာတာလဲ တခန်းတကဏ္ဍကနေ ပါဝင်သေးတယ်။ Phosphodiesterase type 5 (PDE5) ကို တားဆီးပေးတာမို့ cGMP ကို များစေတာ ဖြစ်တယ်။ ဆေးတွေက PDE5 ကို တားစေပေမဲ့ Sexual stimulation လိင်စိတ်နိုးဆွမှု လိုသေးတာ သတိထားရမယ်။

Cialis ဆေးကို 10 mg ကနေစရတာ များတယ်။ 20 mg အထိ တိုးနိုင်တယ်။ 5 mg အထိ လျှော့ချနိုင်တယ်။ ၂ဝဝ၇ ဇွန်လထဲမှာ European Commission ဥရောပ-ကော်မရှင်ကနေ 2.5 mg နဲ့ 5 mg ကို ထုတ်ခွင့်ပြုခဲ့တယ်။

၂ဝဝ၉ မှာ Tadalafil (Adcirca) 40 mg ကို အမေရိကားနဲ့ ဥရောပမှာ၊ ၂ဝ၁ဝ မှာ ကနေဒါ နဲ့ ဂျပန်မှာ Pulmonary arterial hypertension ရောဂါအတွက် တနေ့တခါသောက် ခွင့်ပြုလာတယ်။

Side effects ဘေးထွက်-ဆိုးကျိုးတွေ -
Tadalafil ဆေးကို Clinical trials သုတေသနလုပ်တုံးက လူပေါင်း ၁၅ဝဝဝ ပါဝင်ခဲ့တယ်။ လူ ၈ သန်းမက သုံးခဲ့ပြီ။
ခေါင်းကိုက်၊ အစာမကျေ၊ ခါးနာ၊ ကြွက်သားနာ၊ မျက်နှာနီမြန်း၊ နှာခေါင်းပိတ်-နှာရည်ယို။ ဒါပေမဲ့ ၄၈ နာရီကြာရင် ပျောက်ကုန်မယ်။ နောက်ပိုင်းမှာ မျက်စိအကြည့်ခက်တာ တွေ့လာတယ်။ Hypotension သွေးဖိအား ကျစေနိုင်တယ်။
၄၈ နာရီအတွင်း Angina နှလုံးသွေးကြောကျဉ်းရောဂါ အတွက်ပေးတဲ့ Glyceryl trinitrate ဆေး မသောက်သင့်ဘူး။

Priligy Dapoxetine ဆေးကတော့ Premature ejaculation သုက်လွှတ်စောတာ အတွက်ပေးတဲ့ တခုထဲသောဆေး ဖြစ်တယ်။ ဆေးအမျိုးအစားက Selective serotonin reuptake inhibitor (SSRI) ခေါ်ပါတယ်။ Serotonin က သုက်လွှတ်ပေးဘို့ အာရုံကြောတွေကနေ တဆင့် သတင်းစကားပါးရာကျတဲ့ ဓါတ်ဖြစ်တယ်။ အခုဆေးက သတင်း ပါးတာကို တားပေးမယ်။ ဂဏန်းနဲ့ ပြောရင် အကြီးကြီး ၂ဝဝ-၃ဝဝ% သတင်းပို့တာကို နှေးစေမယ်တဲ့။

ကျွန်တော့် စာတချို့လိုဘဲ (အွန်လိုင်း) ကနေ အသက် ၁၈ နှစ်ကျော်ရင် ဝယ်လို့ရတယ်။ အသက်သိပ်ကြီးသူ ၆၅ နှစ်ဆိုရင် မသုံးစေချင်ပါလို့ ပါတယ်။

Priligy dapoxetine ဆေးကို 30mg နဲ့ 60mg လာတယ်။ စသုံးတဲ့သူတွေ 30mg နဲ့စပါ။ လိုတယ်ထင်မှ 60mg သောက်ပါ။ နာရီဝက် ကြိုတင် သောက်ရမယ်။ ၃-၄ နာရီအထိ ဆေးသတ္ထိ ရှိနေမယ်။

ဘေးထွက်-ဆိုးကျိုးလဲ နည်းလှပါတယ်တဲ့။ ပျို့ချင်၊ ခေါင်းမူး၊ ခေါင်းကိုက်၊ ဝမ်းပျက်၊ ဗိုကအောင့်၊ အစာမကျေ။

မေးတဲ့သူမှာ ရောဂါနာမယ်တပ်တာ၊ ဖြစ်နေ-မနေဆိုတာကို အသာထားပြီး၊ ဆက်ဆံမှု လိုရင် လိုသလို ကိုယ်နဲ့ အဆင်ပြေတဲ့ ဆေးကို သုံးစွဲသင့်ပါတယ်လို့ အကြံပေးပါရစေ။ သန်းပေါင်းများစွာထဲက တယောက်သာ ဖြစ်တယ်။ ဆေးကူလို့ ရနေလို့ ကံကောင်းသူလဲ ဖြစ်ပါတယ်။

Dr. တင့်ဆွေ
၂၅-၇-၂ဝ၁၁

Credit: http://health-adult-reading.blogspot.com/2012/01/mens-medicines.html