ဘေးကင်းလုံခြုံတဲ့ လိင်မှုကိစ္စ (Safe Sex) မှာ အဓိက လိုအပ်ချက်နှစ်ခုပါဝင်ပါတယ်။ လိင်မှတစ်ဆင့် ကူးစက်တတ်သော ရောဂါများ တစ်ဦးမှတစ်ဦး မကူးစက်အောင် ကာကွယ်ရေးနဲ့ မလိုလားအပ်တဲ့ ကိုယ်ဝန်ရသွားခြင်းကို ကာကွယ်ရေးတို့ဖြစ်ပါတယ်။ သန္ဓေတားဆေး မျိုးစုံက ကိုယ်ဝန်မရရေးပဲ ကာကွယ်ပေးနိုင်ပြီး AIDS အပါအ၀င် လိင်မှတစ်ဆင့်ကူးစက်တတ်သော ရောဂါများကို ကာကွယ်မပေးနိုင်ပါ ဘူး။ ဒီအချက်နှစ်ချက်စလုံးကို အပြည့်အ၀ဖြည့်ဆည်းပေးနိုင်တာက ကွန်ဒုံး(Condom)ဖြစ်ပါတယ်။ အမျိုးသမီးသုံးကွန်ဒုံးထက် အမျိုးသားသုံးကွန်ဒုံးက နှစ်ချက်စလုံးအတွက်ပိုစိတ်ချရပါတယ်။ ဒါပေမဲ့ ကွန်ဒုံးဆိုတာ သုံးတယ်ဆိုရုံနဲ့မလုံလောက်ပါဘူး။ အစအလယ် အဆုံးစနစ်တကျဖြစ်နေဖို့ မဖြစ်မနေ လိုအပ်ပါတယ်။ ဒါမှ အထိရောက်ဆုံး ကာကွယ်မှုပေးနိုင်မှာဖြစ်ပါတယ်။နောက်ဆုံးမှာ လေ့လာမှု များအရ လိင်ဆက်ဆံရာမှာ ကွန်ဒုံးသုံးသူ အမျိုးသား ၄ဦးမှာ တစ်ဦးဟာ စနစ်တကျ သုံးစွဲမှုမရှိတာကို တွေ့ရပါတယ်။ ဒါကြောင့် မဖြစ် သင့်တာ မဖြစ်အောင် သတိပြုဆင်ခြင်စရာ အန္တရာယ်အရှိဆုံးနဲ့ အမျိုးသားများ ကျူးလွန်တတ်တဲ့ ကွန်ဒုံးအမှား(၉)ချက်ကို ဖော်ပြပေး လိုက်ပါတယ်။
အမှား (၁) ပျက်စီးချို့ယွင်းမှုကို မစစ်ခြင်း
သုံးခါနီးမှာ မိမိသုံးစွဲမယ့်ကွန်ဒုံးဟာ မြင်နိုင်တဲ့ပေါက်ပြဲချို့ယွင်းမှုများ ရှိနေမလားလို့ စစ်ဆေးမှု၈၀%လောက်သော လူများမှာ မရှိကြတာ ဟာ အခြေခံအကျဆုံး၊ အကြီးဆုံးပြဿနာပဲဖြစ်ပါတယ်။ ဒါကြောင့် အပေါ်ယံအိတ်အခွံ့ရဲ့ပေါက်ပြဲမှုမရှိတဲ့ အနေအထားကို အရင်ဆုံး စစ် ဆေးသင့်ပါတယ်။ အကယ်၍ အိတ်ခွံပေါက်ပြဲမှုရှိနေရင် အတွင်းမှာပါရှိနေနိုင်လို့ အဲဒီကွန်ဒုံးကို မသုံးသင့်ပါဘူး။ အတွင်းမပျက်စီး လောက်တဲ့အပေါက်သေးသေးလေးရှိနေတယ်ဆိုရင်လည်း မသုံးပါနဲ့။ ပြင်ပလေ၀င်ထားရင် အတွင်းမှာပါတဲ့ ချောဆီခြောက်ခမ်းမှုရှိကာ သုံးလိုက်တာနဲ့ပေါက်ပြဲသွားနိုင်လို့ပါ။ ပါးစပ်နဲ့ကိုက်ဖောက်တာ၊ ဓား၊ကက်ကြေး၊အချွန်စတာတွေနဲ့ ထိုးဖောက်တာ လုံးဝမလုပ်သင့်ပါ။ အိတ်မှာပါတဲ့ အရာအတိုင်းသာဖောက်သင့်ပါတယ်။ ဒါ့အပြင် လက်စွပ်ဝတ်ထားတဲ့ လက်နဲ့ဖောက်မယ်ဆိုရင် သတိထားပါ။
အမှား (၂) သက်တမ်းကုန်ဆုံးရက်ကို မစစ်ဆေးခြင်း
ကွန်ဒုံးတစ်ခုရဲ့အသက်ဟာ သက်တမ်းကုန်ဆုံးရက် (Expiry Date) မလွန်သေးခြင်းဖြစ်ပါတယ်။ သက်တမ်းကုန်ဆုံးရက်လွန်နေပြီဆိုရင် ဘယ်လောက်အမျိုးအစားကောင်းတဲ့ ကွန်ဒုံပဲဖြစ်ဖြစ်သုံးစွဲရန် မသင့်တော်တော့ပါဘူး။ အကယ်၍သက်တမ်းကုန်ဆုံးရက် ဖတ်မရအောင် ပျက်နေတာ (သို့) မပါဘဲ ထုတ်လုပ်တဲ့ရက်စွဲ (MFD) ပဲပါတာဆိုရင်လည်း ၅နှစ်အတွင်းသာ သုံးသင့်ပါတယ်။ အရေးကြီးတဲ့အချက် တစ်ချက်အနေနဲ့ပြောရရင် ကွန်ဒုံးကိုသိုလှောင်သယ်ဆောင်တဲ့ နေရာဟာအင်္ကျီအိတ်ကပ်၊ ပိုက်ဆံအိတ်စတဲ့ အပူချိန်မြင့်တဲ့နေရာတွေ မဖြစ်သင့်ပါဘူး။ အခန်းအပူချိန်ထက် ပိုမြင့်တဲ့နေရာများ၊ နေရောင်တိုက်ရိုက်ထိတွေ့မှုရှိတဲ့ နေရာများမှာ သိုမှီးမထားသင့်သလို အဲသလိုထားတဲ့ ဆိုင်တွေကလည်း မ၀ယ်ယူမိအောင် သတိထားပါ။
အမှား(၃) နောက်ကျပြီးမှ သုံးခြင်း
လူငယ်တွေရဲ့ ၄၃%ဟာ ဦးဆုံးအင်္ဂါနှစ်ခုပွတ်သပ်ထိတွေ့ပြီးမှ ကွန်ဒုံးစစွပ်တတ်ကြကြောင်း အနောက်နိုင်ငံများမှာ လုပ်ခဲ့တဲ့စစ်တမ်း တွေအရ သိရပါတယ်။ ဒါဟာ လိင်မှတစ်ဆင့်ကူးစက်တတ်တဲ့ အသည်းရောင်အသားဝါရောဂါ၊ လိင်အင်္ဂါကြွက်နို့၊ HIV စတဲ့ပိုးများ ကူးစက်ရန် အရမ်းနီးစပ်သလို အမျိုးသားရဲ့ သုတ်ရည်က စိမ့်ထွက်နေပြီဆိုရင် ကိုယ်ဝန်ရသွားနိုင်စွမ်းလည်း ရှိတာမို့ မလုပ်သင့်ပါဘူး။ လုံးဝထိတွေ့ဆက်ဆံမှု မလုပ်ရသေးခင်ကတည်းက ကြိုတင်ကာကွယ်ထားပါ။
အမှား(၄) လေဟာနယ်မချန်ခြင်း
ကွန်ဒုံးစွပ်ချိန် ထိပ်ပိုင်းနေရာလေးကို လေမခိုအောင် လက်နဲ့အသာဖိထားရမယ်ဆိုတဲ့အကြောင်း အညွှန်းစာရွက်မှာပါပေမဲ့ သုံးစွဲသူ ၅ဦင်္းမှာ ၂ဦးက မလိုက်နာတတ်ကြကြောင်း စစ်တမ်းများအရ သိရပါတယ်။ ဒီအထဲ သင်မပါဖို့အရေးကြီးပါတယ်။ အဲဒီလို နေရာလွတ် ချန်မထားဘူးဆိုရင် လွယ်ကူစွာပြဲသွားတတ်ပါတယ်။
အမှား(၅) ပြောင်းပြန်ဝတ်မိတတ်ခြင်း
သေချာမသုံးတတ်လို့သော်လည်းကောင်း၊ ပြီးပြီးရော လုပ်လိုက်တဲ့အတွက်လည်းကောင်း ကွန်ဒုံးကို ပြောင်းပြန်သုံးစွဲမိတတ်ပါတယ်။ ဒီအခါမှာ ကျွတ်ထွတ်သွားနိုင်တဲ့ပြဿနာရှိပါတယ်။ ဒါကြောင့် လိပ်ထားတဲ့ဘက်ကို အပေါ်က မြင်ရသလား သေချာကြည့်ပြီးမှ အသုံးပြု သင့်ပါတယ်။
အမှား(၆) ချောဆီများ ဖြည့်စွက်အသုံးပြုခြင်း
ကွန်ဒုံးထဲမှာပါတဲ့ ချောဆီကြောင့်အဆိုပါကွန်ဒုံး မပေါက်ပြဲစေနိုင်ပေမယ့် မိမိသဘောနဲ့ မိမိဘာမှန်းမသိတဲ့ ဂျယ်လ်တွေ၊ မျက်နှာလိမ်း ကရင်မ်၊ ကိုယ်လိမ်းကရင်မ်၊ လိုးရှင်း၊ ခေါင်းလိမ်းဆီ၊ တံတွေး စတာတွေကို ဖြည့်စွက်အသုံးပြုခြင်းကြောင့် ကွန်ဒုံးပေါက်ပြဲခြင်း ကြုံရနိုင် ပါတယ်။ ရေအခြေခံ (သို့) ဆီလီကွန်ကနေ ထုတ်လုပ်ထားတဲ့ချောဆီ (water-based or silicone lubricants) တွေဖြစ်တဲ့ ဂလစ်ဆရင်း ခေါ်အလှဆီ၊ K-Y Jelly စတာတွေကိုပဲ ရွေးချယ်အသုံးပြုသင့်ပြီး ဘာမှထပ်မထည့်ခြင်းကတော့ အန္တရာယ်အကင်းဆုံးနည်းလမ်းလို့ ဆိုနိုင်ပါတယ်။
အမှား (၇) မိမိနှင့်မသင့်တော်သောအရွယ်အစားကို ရွေးချယ်မိခြင်း
ကွန်ဒုံးကျွတ်သွားတယ်ဆိုတဲ့ကိစ္စရဲ့ ၁၃%လောက်ဟာ မိမိနဲ့မတော်တဲ့အရွယ်အစား(သို့) မိမိနဲ့မသင့်တော်တဲ့ ပုံဖော်ထားသော ကွန်ဒုံး ကို သုံးလိုက်မိလို့ဖြစ်ကြောင်းစစ်တမ်းတွေအရသိရပါတယ်။ ဒီအချက်ကို အထူးသဖြင့် အမျိုးသားအင်္ဂါပုံမှန်ထက်သေးသူ၊ ကြီးသူများ သတိထားသင့်ပါတယ်။ တကယ်သုံးဖို့စိတ်ကူးရှိရင် အားလပ်ချိန်မှာ မတူညီတဲ့ ကွန်ဒုံးအမျိုးအစား၊ အရွယ်အစားမျိုးစုံကို စမ်းသပ်ကြည့် ရင် ပိုအန္တရာယ်ကင်းကြောင်း ပညာရှင်များက အကြံပြုထားပါတယ်။
အမှား (၈) နှစ်ထပ် (သို့) နှစ်ခုတစ်ပြိုင်နက်သုံးခြင်း
အချို့စုံတွဲတွေက အကာအကွယ်ကို နှစ်ဆတိုးစေချင်လို့ အမျိုးသားသုံးကွန်ဒုံး နှစ်ခုကို တစ်ပြိုင်နက်စွပ်ပြီးသုံးကြပါတယ်။ ဒါမှမဟုတ် အမျိုးသားကလည်း အမျိုးသားသုံးကွန်ဒုံး၊ အမျိုးသမီးကလည်း အမျိုးသမီးကွန်ဒုံး တစ်ပြိုင်တည်စွပ်ပြီး ဆက်ဆံကြပါတယ်။ ဒါမှမဟုတ် အပျော်အပါးကိစ္စတွေမှာ မိန်းကလေးကို ရောဂါစိတ်မချလို့ အမျိုးသားအချို့ နှစ်ထပ်သုံးတတ်ကြပါတယ်။ ဒါဟာ အင်မတန် မှားယွင်းတဲ့ အပြုအမူဖြစ်ပါတယ်။ အမြှေးပါးနှစ်ထပ်ပွတ်အားကြောင့် condom failure ရသွားတတ်ပါတယ်။
အမှား (၉) တိရစ္ထာန်သားရေနဲ့ လုပ်ထားသော ကွန်ဒုံးများသုံးခြင်း
အချို့သော ကွန်ဒုံးအများစုကို လုပ်ထားတဲ့ ရာဘာစေး(Latex) နဲ့ ဓာတ်မတည့်ဘဲ အလာ့ဂျစ်ဖြစ်တတ်ကြပါတယ်။ ဒါကြောင့်သော် လည်းကောင်း၊ ရာဘာကွန်ဒုံးတွေက အထိအတွေ့ကျေနပ်မှုအပြည့်အ၀ မပေးနိုင်လို့သော်လည်းကောင်း သိုးသားရေနဲ့လုပ်ထားတဲ့ ကွန်ဒုံး(Sheepskin/Lambskin Condoms) တွေကို ရှာကြံသုံးစွဲတတ်ကြပါတယ်။ သိုးသားရေကွန်ဒုံးတွေဟာ အမျိုးသားသုတ်ပိုးကိုသာ ဖြတ်သန်းမသွားအောင် တားဆီးနိုင်ပေမယ့် HIV ဗိုင်းရပ်စ်ကိုတော့ မတားဆီးနိုင်ပါဘူး။ အကြောင်းရင်းကတော့ သူ့မှာပါတဲ့ အပေါက် လေးတွေကသေးပေမယ့် HIV ပိုးကဖြတ်သန်းဝင်နိုင်လောက်သေးလို့ဖြစ်ပါတယ်။ ဒါကြောင့်သန္ဓေတားဖို့တစ်ခုတည်းဆိုရင်တော့ သိုး သားရေကွန်ဒုံးကိုအသုံးပြုနိုင်ပြီး သန္ဓေကော၊ရောဂါတွေပါ ကာကွယ်ဖို့ဆိုရင်တော့ မသုံးသင့်ဘူးဆိုတာပါပဲ။ Latex နဲ့ဓာတ်မတည့်ရင် ပေါ်လီယူရီသိန်း(Polyurethane) ၊ ပေါ်လီအိုင်စိုပရင်း(Polyisoprene) အသားတွေနဲ့လုပ်ထားတာတွေ ရှာဝယ်သုံးလို့ရပါတယ်။
ဒေါက်တာ သီဟသစ်
Credit: www.people.com.mm
No comments:
Post a Comment