Penile Injection Therapy က်ား-အဂၤါကို ေဆးထိုးကုသျခင္း

ယောက်ျားအင်္ဂါကြီးဆေး ထိုးရင် ဘယ်လိုအကျိုးသက်ရောက်မှု ရှိလဲ။ နောက်ပြီး ကောင်းကျိုးနဲ့ ဆကျိုးကို သိချင်ပါတယ်။ ဘေးထွက်-ဆိုးကျိုးလဲ သိချင်ပါတယ်။ အသက်ကြီးလာရင် အဲဒါဟာ ဘယ်လို အကျိုးသက်ရောက်မှုရှိလဲ သိချင်ပါတယ်။

အင်္ဂါကြီးစေချင်တာအတွက်ဆိုရင် Penis enlargement (2) ကျားအင်္ဂါ ကြီးစေခြင်း (၂) http://dts-medicaleducation-adult.blogspot.in/2012/04/penis-enlargement-2.html ကို ဖတ်ပါ။ ဒီစာမှာ ပန်းသေ-ပန်းညှိုး ဖြစ်နေသူတွေအတွက် ယောက်ျား လိင်တံကို ဆေးထိုးပေးနည်းကိုသာ ရေးပါမယ်။

ယောက်ျား လိင်တံကို ဆေးထိုးပေးနည်းဟာ Erectile Dysfunction (ED) ပန်းသေ-ပန်းညှိုးဖြစ်နေသူတွေအတွက် ယာယီ ကုသနည်းဖြစ်တယ်။ ဆေးထိုးနည်းကို စနစ်တကျ သင်ယူထားပြီး ကိုယ်တိုင် ထိုးလို့ရတယ်။ ကိုယ့် ဇနီး (အဖေါ်) ကို သင်ပေးထားလဲရတယ်။ ဆေးကို အရေပြားအောက်မှာ ထိုးရတာ မဟုတ်ဘူး။ လိင်တံထဲ ထိုးရတယ်။

1. Prostaglandin E1 (Alprostadil) (အယ်လ်ပရိုစတာဒဲလ်)၊

2. Phentolamine (Regitine) (ဖင်တိုလာမင်း) နဲ့

3. Papaverine hydrochloride (ပါပါဗရင်း) ဆေးတွေကို သုံးတယ်။

၁၉၇၇ ခုနှစ်ကတည်းက Papaverine ဆေးကို စတွေ့ခဲ့တာဖြစ်တယ်။ ၁၉၈၃ ကစပြီး Papaverine နဲ့ Phentolamine တွေကို သုံးနေတယ်။ Papaverine ကိုသုံးနေတာ ၂၅ နှစ်ကျော်ပြီ။ စိတ်ချရတယ်။ 0.5 mg to 1 mg သာထိုးရတယ်။ Alzheimer’s disease နဲ့ Multiple Sclerosis ရောဂါတွေအတွက်လဲ သုံးနေတယ်။ Prostaglandin E1 ကိုသုံးလာတာ ၂-၃ နှစ်သာ ရှိသေးတယ်။ Papaverine and Phentolamine ဆေးရည်က ၂ လအထိ အထားခံတယ်။

• ဆေးကို တလမှာ ၁ဝ ခါသာထိုးသင့်တယ်။

• လိင်တံမှာ ဘယ်-ညာ ပြောင်းထိုးသင့်တယ်။

• ၁ဝ-၂ဝ မိနစ်အတွင်း သန်မာမှုရစေတယ်။ Prostaglandin E1 က နဲနဲ ပိုမြန်တယ်။

• ဆေးထိုးတဲ့နေရာကို ၃-၅ မိနစ်ကြာ ဖိထားသင့်တယ်။

• သန်မာနေချိန် ၂ဝ မိနစ်ကနေ ၁ နာရီ၊ ၁ နာရီခွဲအထိ ကြာတယ်။

• ၈ဝ% လူနာတွေမှာ အောင်မြင်မှုရတယ်လို့ သိရတယ်။

• Orgasm (အော်ဂဇင်) ရတာကို သက်ရောက်မှု မရှိဘူး။

• လူနာ ၃၇% က နဲနဲကနေ အသင့်အတင့်အထိ နာတယ်လို့ပြောကြတယ်။ ဆေးထိုးပြီး ၅-၂ဝ မိနစ်နာတယ်။ မတ်တပ် ရပ်နေရင် ပိုနာတယ်။ လိင်အင်္ဂါ သန်မာမှု ကျသွားရင် မနာတော့ဘူး။

(၁) Caverject ထိုးဆေးမှာ Alprostadil (Prostaglandin E1) ပါတယ်။ နောက်ဆက်တွဲ ဖြစ်နိုင်တာတွေကတော့ ဆေးထိုးတဲ့နေရာ အတွင်းထဲမှာ သွေးယို-သွေးခဲ ဖြစ်တယ်။ ဆေးထိုးတဲ့နေရာမှာ နာတယ်။ တခါမက ထပ်ထပ်ထိုးရင် အပ်နဲ့ ထိုးတဲ့နေရာ၊ ဆေးဝင်တဲ့နေရာမှာ အတွင်း အမာရွတ်တွေ ဖြစ်မယ်။ Plaque လို့ခေါ်တယ်။ ရှားရှားပါးပါး Peyronnie's disease လိင်အင်္ဂါ ကောက်တဲ့ရောဂါ ဖြစ်နိုင်တယ်။ စာတပုဒ် ရေးထားပါတယ်။ Priapism ခေါ်တဲ့ လိင်အင်္ဂါ တောင့်တင်းနေတာက ပြန်မကျနိုင်ဘဲ ဖြစ်နေတာလဲ ဖြစ်နိုင်တယ်။

ဘေးထွက်-ဆိုးကျိုးတွေ = နှလုံးခုန်မမှန်၊ သွေးဖိအားကျ၊ အင်္ဂါသန်မာချိန်မှာ နာခြင်း၊ ဆီးသွားချင်စိတ်ဖြစ်ခြင်း၊ အင်္ဂါထဲမှာ အမာရွတ်ဖြစ်ခြင်း၊ သုက်လွှတ်စောခြင်း၊ သုက်လွှတ်နောက်ကျခြင်း၊ တက်စေ့ရောင်ခြင်း၊ မှိုပိုးဝင်ခြင်း၊ ပန်းအဖျား အရေပြား တင်းနေခြင်း၊ သွေးခြည်ဥခြင်း၊ ဆီးလမ်းကသွေးထွက်ခြင်း၊ ဆေးထိုးတဲ့နေရာ ရောင်-နီ-ယားခြင်း။

Precautions သတိထားစရာတွေ -

• နေ့တိုင်းမထိုးသင့်ဘူး။ နှစ်ရက်ဆက်လဲ မထိုးသင့်ဘူး။

• ယောက်ျားတွေအတွက်သာ ဖြစ်တယ်။

• Drepanocytosis, Plasma cell myeloma, or Leukaemia ရောဂါရှိသူတွေ မထိုးသင့်ဘူး။

• Deformed penis လိင်တံပုံမှန် မဟုတ်သူ၊ Penis implant လိင်တံအတုထည့်ထားသူ၊ Scar on the penis လိင်တံမှာ အမာရွတ်ရှိနေသူ၊ Small foreskin ပန်းအဖျားအရေပြား သိပ်တိုနေသူတွေ မထိုးသင့်ဘူး။

• Aspirin, Plavix TM, Warfarin/Coumadin လို သွေးကျဲဆေး သုံးနေရသူတွေ လုံးဝ မသုံးသင့်ပါ။ သွေးယိုတာ များမယ်။ ခွဲစိတ်ထုတ်ပြစ်ရအောင်တော့ မဆိုးပါ။ ပျောက်ဘို့ အချိန်ယူမယ်။

• ဆေးထိုးနည်း ဂရုမစိုက်ရင် ပိုးဝင်တာလဲ ရှားရှားပါးပါး ဖြစ်နိုင်တယ်။

(၂) Papaverine ဆေးက Vasodilator ဆေးဖြစ်တယ်။ အစာလမ်း၊ သည်းခြေလမ်း၊ ဆီးလမ်းမှာ နာတာတွေ အတွက် ဖြစ်တယ်။ ဦးနှောက်ထဲ သွေးယိုတာအတွက်လဲ သုံးတယ်။ (မိုင်ဂရင်း) အတွက်လဲ တချို့က သုံးတယ်။ သူတမျိုးထဲဖြစ်ဖြစ် တွဲသုံးတာဖြစ်ဖြစ် လုပ်နိုင်တယ်။ လိမ်းဆေးအနေနဲ့လဲ လာတယ်။ <ဆေးထိုးတဲ့သူ ၅ဝ% က ဆေးထိုးအပ် ကြောက်လို့ ဆက်မထိုးတာ တွေ့ရတယ်။ ဒါကြောင့် လိမ်းဆေးကို စမ်းသပ်တယ်။ တကယ် ပန်းသေ-ပန်းညှိုးနေသူ ၂ဝ ကို စမ်းခဲ့တယ်။ ၁၇ ယောက်က စမ်းသပ်မှုအပြီးထိ လိုက်နိုင်တယ်။ ၁၃ ယောက်က ခါးရိုး ထိခိုက်ထားရသူတွေ ဖြစ်တယ်။ Papaverine base gel 15% and 20% လိမ်းဆေးကို ကပ်ပယ်အိတ်၊ လိင်တံနဲ့ အနီးတဝှိုက်နေရာတွေကို လိမ်းစေတယ်။ ကောက်ချက်ကတော့ Papaverine gel လိမ်းဆေးဟာ စိတ်ချရတယ်။

ဘေးထွက်-ဆိုးကျိုးတွေ = မျက်နှာနီမြန်း၊ ချွေးထွက်၊ အရေပြားနီ၊ သွေးဖိအားတက်၊ နှလုံးခုန်မြန်၊ အစားပျက်၊ အသားဝါ၊ (အီယိုဆင်နိုဖိးလ်) များ၊ သွေးမှုံနည်း၊ အသဲရောင်၊ ခေါင်းကိုက်၊ (အလာဂျီ) ရတာတွေ ဖြစ်စေနိုင်တယ်။

(၃) Phentolamine (Regitine) ဆေးကို အရေးပေါ်သွေးတိုး ဖြစ်တာအတွက် သုံးတယ်။ လိင်တံသန်မာလာအောင် လိင်တံထဲ ထိုးရတဲ့ဆေးအဖြစ်လဲ သုံးတယ်။ သွားနုတ်ရာမှာ ထုံဆေးပျယ်အောင်လဲ သုံးနိုင်တယ်။ Myocardial infarction နှလုံးသွေးကြောကျဉ်းရှိသူ၊ ဖြစ်ဘူးသူတွေ မသုံးရဘူး။

Dr. တင့်ဆွေ

၂၉-၆-၂ဝ၁၂

Credit:  Penile Injection Therapy ကျား-အင်္ဂါကို ဆေးထိုးကုသခြင်း