Penis enlargement (2)

ကျားအင်္ဂါ ကြီးစေခြင်း (၂) (အသက် ၁၈ နှစ်ပြည့်မှ ဖတ်ပါ (၇၂))

Injection ဆေးထိုးနည်း

May 15, 2011 at 3:23 PM

Injection of liquid silicone into the penis and the scrotum လိင်တံနဲ့ ကပ်ပဲ့အိပ်ထဲထိုးနည်းမှာ ဆရာ ဖေါ်ပြထား တာတွေအပြင် ဘာ (ဆိုက်အဖက်) တွေရှိ နှိုင်ပါသေးလဲခင်ဗျာ။ ဥပမာ ဆီးသွာခြင်းကို ထိခိုက်စေနှိုင်ပါသလား။ နောက် အသက်ကြီးလာလို့ ရေရှည်မှာ ဘာဆိုးကျိုးတွေ ထပ်ဖြစ်ပေါ်နှိုင်ပါသေးလဲ။ ဆရာ့ဆေးခန်းမှာ လုပ်ပေးပါသလား။

ကျားအင်္ဂါ ကြီးစေခြင်း ယေဘုယျနည်းတွေ (၁) မှာ ရေးခဲ့ပါတယ်။ မေးလာတာရှိလို့ နည်းတနည်းကို ဆေးပညာ ရှုဒေါင့်က ရေးပါ့မယ်။ Injection of liquid silicone into the penis and the scrotum ကျားလိင်အင်္ဂါ (လိင်တံ နဲ့ ကပ်ပယ်အိတ်) ထဲကို (စီလီကွန်) ဆေးထိုးပေးနည်း ဖြစ်တယ်။

ကျားအင်္ဂါ ကြီးစေနည်းတွေ အမျိုးမျိုး စမ်းကြ၊ လုပ်ကြတယ်။ အရွယ်ရောက်ပြီးသား လူတယောက် အရပ်ရှည်ချင်တာဟာ လွယ်တာ မဟုတ်ပါ။ တခြား ကြွက်သားတွေ သန်အောင်၊ ထွားအောင်တော့ သေခြာပေါက် လုပ်လို့ရတယ်။ ဒါပေမဲ့ အရိုး အခြေခံတဲ့ လူ့အရပ်၊ အရိုးလည်းမပါ၊ ကြွက်သားအစစ်လဲ မပါတဲ့ လိင်အင်္ဂါကို ပြုပြင်ဘို့ မလွယ်ပါ။

ဒီနည်းရဲ့ထူးခြားမှုက အလျင်အမြန် သိသာစေနိုင်တဲ့နည်း ဖြစ်ပေမဲ့ လူကြိုက်များလှတော့ မဟုတ်ဘူး။ သိသာမှာက Girth လုံးပတ် တိုးလာတာ ဖြစ်တယ်။ Shaft အရှည်ကို တိုးတာ မဟုတ်ဘူး။ အများစုကတော့ ၉ဝ% တိုးစေကြတယ်။ သိပ် ထူးခြားချင်သူတချို့က Penis volume ထုထည် ၉ဝဝ% တိုးစေအောင်အထိ စံချိန်တင်ထားတယ်လို့ ဖတ်ရပါတယ်။

အဲ့ ဒါပေမဲ့ ဘာအသုံးကျပါသလဲ မေးရင်၊

• လိုတာ မရောက်ဘဲ (ကန်တော့ပါ) “သေးပေါက်တာသာ ထူးစေပါသတဲ့”။

• ဒီဆေးထိုးလိုက်လို့ ကောင်းလာတာဖြစ်ဖြစ် ဆိုးလာတာဖြစ်ဖြစ် Irreversible အရင်လိုတော့ ပြန်မဖြစ်နိုင်တော့ပါ။

• Silicone ဆေးထိုးလိုက်ရင် Blood vessels သွေးကြောတွေနဲ့ Nerves အာရုံကြောတွေကို Disrupting သက်ရောက် နှောင့်ယှက်မှု ဖြစ်စေနိုင်တယ်။

• ရလဒ်ကတော့ Loss of sensation အာရုံခံနိုင်မှုနည်းပြီး Penetration လိင်အင်္ဂါ ထိုးသွင်းမှုကို ခက်ခဲစေမယ်။

• ကိုယ်လိုချင်တာက ကြီးဘို့သက်သက်မဟုတ်ဘဲ ဆက်ဆံမှုသာဆိုရင် ပြောင်းပြန်ဖြစ်စေပါမယ်။

တခြား Side effects ဘေးထွက်ဆိုးကျိုးတွေလဲ ရှိအုံးမယ်။

• Inflammation ရောင်ရမ်းတာနဲ့ Discoloration ဆေးထိုးရာ နေရာတဝှိုက် အရောင် ပြောင်းလဲသွားမယ်။

• Silicone ကြောင့်ဖြစ်တဲ့ Granulomas အသားနုဟာ ရောင်နေတဲ့ Nodules အကျိတ်လို ဖြစ်တယ်။

• Silicone ဟာ ကိုယ်ခန္ဓာရဲ့ တခြားနေရာတွေဆီကိုလဲ Migrate ရွေ့ပြောင်းနိုင်တယ်။

ဒါ့ကြောင့် FDA က အသိအမှတ်ပြုဘို့ ငြင်းထားတယ်။ ဒါတွေကို ပြန်ထုတ်ချင်ရင် မရဘူးတော့ မဟုတ်ပါ။ ကရိကထများပြီး ဈေးကြီးတယ်။ ဒီဆေးထိုးထားတဲ့ လိင်အင်္ဂါဟာ ပုံမှန်မဟုတ်တာ သိသာနေမယ်။

သုတေသနတခုမှာ လွန်ခဲ့တဲ့ ၁၄ နှစ်က ဆေးအများကြီး ထိုးထားခဲ့သူ ဘယ်လ်ဂျီယန် နိုင်ငံသားတဦး Silicone foreign body reaction ရတယ်လို့ ရောဂါဗေဒအသုံးက ခေါ်တာတွေ ဖြစ်လာတယ်။ Massive edema အလွန်ရောင်နေတယ်၊ Impotence ပန်းသေသွားတယ်။ Pills ဆေးလုံး၊ Patches ဆေးကပ်ခွါ၊ Traction devices ဆွဲဆန့်ကရိယာတွေလောက် လူသုံး မများပါ။ ကျွန်တော့် ဆေးခန်းမှာ မလုပ်ပါ။

ဒီဆေးပညာစာမှာ ပုံမထည့်တော့ပါ။ ဆေးထိုးထားသူတယောက် (ကိုလာကိုလာ) သံဗူးနဲ့ ယှဉ်ပြထားတဲ့ ပုံမျိုး ရှာရင် တွေ့မယ်။ အဲဒီ ယောက်ျားဟာ ဓါတ်ပုံရိုက်ဘို့သာ မင်းသားဖြစ်လိမ့်မယ် ထင်ပါတယ်။

Penis enlargement (1) ကျားအင်္ဂါ ကြီးစေခြင်း (၁) http://dts-medicaleducation-adult.blogspot.in/2012/04/penis-enlargement-1.html

Penis enlargement (3) ကျားအင်္ဂါ ကြီးစေခြင်း (၃) http://dts-medicaleducation-adult.blogspot.in/2012/04/penis-enlargement-3.html

Penis enlargement (4) ကျားအင်္ဂါ ကြီးစေခြင်း (၄) http://dts-medicaleducation-adult.blogspot.in/2012/05/penis-enlargement-4.html

Penis Pump ကျားအင်္ဂါသုံး ကရိယာတွေ http://dts-medicaleducation-adult.blogspot.in/2012/04/penis-pump.html

Dr. တင့်ဆွေ

၁၆-၅-၂ဝ၁၁