Saturday, November 9, 2013

အရင်းထိ ခံကြည့်လိုက်မယ်ဆိုရင်တော့…

ဟားဟားဟား… ခေါင်းစဉ်ကို ဖတ်လိုက်တာနဲ့ ဘာကိုစဉ်းစားမလဲဆိုတာ ကျမ တန်းပြီးတော့ သိလိုက်ပြီလေ။ အိပ်ရာပေါ်က ကိစ္စကို တန်းစဉ်းစားကြတယ် မဟုတ်လား။ ၇၀ ရာခိုင်းနှုန်းလောက်သော ဒီစာရဲ့ ခေါင်းစဉ်ကို ဖတ်မိတဲ့သူတွေက ဒီလိုပဲ လိင်ဆက်ဆံတဲ့အကြောင်းအရာဖက်ကို ဦးတည်စဉ်းစားမိမယ်ဆိုတာ ကျမ သိနေပါတယ်လေ။ ပြောတော့လည်း မြန်မာ့ယဉ်ကျေးမှုအရ လိင်ကိစ္စအကြောင်း မပြောကောင်းဘူး ဘာဘူးနဲ့ သူတို့တွေစိတ်ထဲက စဉ်းစားနေတာတွေကိုကျ မသိတာမှတ်လို့နော့။

ထားလိုက်ပါလေ ဒါတွေက။ ဒါပေမယ့် အခု ကျမပြောချင်တာကတော့ စကားလုံး တစ်လုံးကြောင့် တချို့ချို့သော သူတွေအပေါ်မှာ ဘ၀နဲ့ရင်းပြီးတော့ ဖိနှိပ် အနိုင်ကျင့် စော်ကား ခွဲခြား အကြမ်းဖက်ခံခဲ့ကြရတယ်ဆိုတာလေးကို ပြောပြချင်လို့ပါ။

ဟိုးလွန်ခဲ့တဲ့ ငယ်စဉ်တောင်ကျေး ကလေးဘ၀တုန်းက ကျမ နေထိုင်ကြီးပြင်းလာခဲ့ရတဲ့ ဒေသတစ်ခုမှာပေါ့နော်… ဂန်ဒူး xxx မိန်းမလျာ xxx သုံးဘီးကားနဲ့လာ xxx သုံးဘီးကား ဂီယာထိုး xxx ဂန်ဒူး-ီးချောင်းကျိုး … ဆိုတဲ့ ဆောင်ပုဒ်လိုလို သီချင်းလိုလို စကားစုတစ်ခု ရှိနေခဲ့တယ်…………။

ဂန်ဒူး xxx မိန်းမလျာ xxx သုံးဘီးကားနဲ့လာ xxx သုံးဘီးကား ဂီယာထိုး xxx ဂန်ဒူး-ီးချောင်းကျိုး... ဟား ဟား ဟား… ဟား ဟား ဟား

ထားဝယ်ဒေသရဲ့ ရိုးရာတေးတပုဒ်အလား ဘယ်အချိန်ကတည်းက ဘယ်သူက စပ်ဆိုးခဲ့မှန်းမသိ၊ ဘာကိုရည်ရွယ်ချက်နဲ့ ဘယ်အချက်ကို ထိစေချင်တာလဲဆိုတဲ့ အဓိပ္ပါယ်ကို မသိပေမယ့် ဒီသံစဉ်တစ်ပုဒ်ကတော့ လိင်စိတ်ခံယူမှု ကွဲပြားကြတဲ့ (အထူးသဖြင့် လိင်တူချင်းကို ချစ်ခင်နှစ်သက်ကြတဲ့) ဟိုမိုဆယ်ချူရယ်တွေရဲ့ ရင်ထဲကို စူးစူးနစ်နစ်နဲ့ ခံပြင်းနာကျင်စွာ ၀င်ရောက်စေခဲ့တယ်ဆိုတာ ခံစားဖူးသူတိုင်းပဲ ပိုသိမယ်ထင်ပါရဲ့။

ထားဝယ်ဒေသဆိုတာကတော့ တနင်္သာရီတိုင်းအတွင်းမှာ တည်ရှိနေတဲ့ မြို့ကြီးတစ်မြို့ပါပဲ။ အဲဒီမြို့မှာ နေထိုင်ကြတဲ့ လူမျိုးတွေကတော့ ထားဝယ်လူမျိုးလို့ ခေါ်ဆိုကြတာပေါ့။ သူတို့ရဲ့ ရိုးရာပွဲတော်တွေ၊ ယဉ်ကျေးမှုတွေ၊ လူမျိုးတွေ၊ ဘာသာစကားတွေနဲ့ သီးသန့်တည်ရှိနေပေမယ့် သူတို့တွေအားလုံးရဲ့ နိုင်ငံသားစီစစ်ရေး ကဒ်ပြားမှာတော့ မြန်မာလူမျိုးဆိုပြီးတော့ တည်ရှိနေတဲ့ လူမျိုးစု တစ်ခုဆိုပါတော့။

အရင်တုန်းကနဲ့ အခုချိန်ထိ အပါအ၀င်ပါပဲ ထားဝယ်လူမျိုးစုတွေ တော်တော်များများရဲ့ စိတ်ထဲမှာတော့ သူတို့ကို မြန်မာ၊ ဗမာလူမျိုးဆိုပြီးတော့ ပြောလိုက်ရင် မကြိုက်ကြတာ အမှန်ပါပဲ။ ဘာဖြစ်လို့ မကြိုက်တာလဲ၊ ဘယ်အချက်ကြောင့်လဲဆိုတာကိုတော့ လူတိုင်း တိတိကျကျ ပြောဖို့ရန်လည်း ခက်ခဲတယ်။ ဒါပေမယ့် မြန်မာစကားပြောတဲ့သူတွေ အထူးသဖြင့် ထားဝယ်လူမျိုးစုတွေရဲ့ ခေါ်ဝေါ်အရ ပုဂံတွေကိုဆိုရင်တော့ မျက်စိစပါးမွှေးစူးပြီး ကြည့်မရတာလည်း အမှန်ပါပဲ။

ကျမက အဲဒီထားဝယ်လူမျိုးစုတွေထဲက မိသားစုတစ်ခုကနေ ပေါက်ပွားကြီးပြင်းလာခဲ့တဲ့သူတယောက်ပါ။ ကျမ ငယ်ငယ်လေးကတည်းက အရုပ်ကလေးတွေနဲ့ ကစားရတာ၊ ဈေးဝယ် ဈေးရောင်း ထမင်းချက်တမ်း ကစားရတာတွေကိုပဲ စိတ်ဝင်တစား ကစားခဲ့တယ်။ ကျမက ကျမမိသားစုအတွက်ဆို တစ်ဦးတည်းသော သားဖြစ်ပေမယ့် ကျမဆီမှာ ၀မ်းကွဲညီတွေ ညီမတွေမှ အများကြီးပဲ။ သူတို့တွေ အကုန်လုံးက ကျမကို တခါတလေ ကလေးသဘာဝ စကားများရန်ဖြစ်ကြရင် ဂန်ဒူး… ဂန်ဒူး ဆိုပြီးတော့ ခေါ်ကြတယ်။
ကျမ အိမ်က မိသားစုဝင်တွေက ကျမ အရုပ်ကလေးတွေနဲ့ ကစားတာ၊ ထမင်းဟင်း ချက်တမ်းကစားတာတွေကို ကျောင်းမနေခင်စအရွယ်မှာတော့ ဘာမှ ထွေထွေထူးထူးနဲ့ ပိတ်ပင်တားမြစ်တာ မရှိခဲ့ပေမယ့် ကျမ အလယ်တန်းကျောင်းသား အရွယ်ရောက်လာတဲ့ အချိန်မှာတော့ ကျမ သနပ်ခါးလိမ်းရင် မှန်ကြည့်ပြီး နဖူးက ဆံပင်လေးကို သိမ်းပြီးလိမ်းတာတောင် ပိတ်ပင်မှုတွေ လုပ်လာခဲ့တယ်လေ။

ကျမက လမ်းလျှောက်ရင် နည်းနည်းနွှဲ့တယ်။ ပြီးတော့ ကျမက စကားပြောတာကအစ အပြုအမူ နေထိုင်ပုံတွေအားလုံးမှာ နူးညံသိမ်မွေ့နေတတ်တယ်။ လူတိုင်းနဲ့ ယဉ်ယဉ်ကျေးကျေး ဆက်ဆံတတ်တယ်။ အဲဒီလို နေထိုင်တဲ့ အချက်ကြောင့်ပဲ ကျမကိုလေ ကျောင်းက သူငယ်ချင်းတွေရော တခြား ရွာထဲက သူတွေတော်တော်များများကပါ ဂန်ဒူး… ဂန်ဒူးနဲ့ ခေါ်ကြတယ်။

အဲဒီလို ခေါ်ခံရတဲ့အချိန်မှာဆို ကျမ ဘာဖြစ်လို့မှန်းမသိဘူး စိတ်ထဲမှာ တော်တော်လေးကို ရှက်မိတယ်။ ဂန်ဒူးဆိုတဲ့ အဓိပ္ပါယ်တိတိကျကျကို ကျမ မသိဘူး။ ဒါပေမယ့် ကျမ သိတာက ဂန်ဒူးဆိုတာ မိန်းမတယောက်လို နေထိုင်ချင်တဲ့ ယောက်ျားတွေကို ခေါ်တာလို့ပဲ အဲဒီတုန်းက သိတာကိုး။
ဂန်ဒူး xxx မိန်းမလျာ xxx သုံးဘီးကားနဲ့လာ xxx သုံးဘီးကား ဂီယာထိုး xxx ဂန်ဒူး-ီးချောင်းကျိုး... ဟား ဟား ဟား… ဟား ဟား ဟား

ဒီလိုမျိုး သီချင်းလိုလို ကဗျာလိုလို သံချပ်လိုလို စကားစုတစ်ခုကို ၀ိုင်းပြီးတော့ ဆိုပြီး စနောက်ခံလိုက်ရတဲ့အချိန်မှာဆိုရင် ကျမ အဲဒီနေရာမှာတင် သေသွားချင်စိတ် ပေါက်မိတယ်။ ကျမ ထူပူပြီးတော့ ဘာလုပ်လို့ လုပ်ရမှန်းတောင် မသိလောက်အောင်ပါပဲ။ ကျမ စိတ်ထဲမှာ အဲဒီလိုအဖြစ်မျိုးနဲ့ ကြုံလာတဲ့အချိန်ဆိုရင် ကိုယ့်ကိုကိုယ် သတ်သေချင်တာ တစ်ခုပဲ ရှိတော့တယ်။

ဘာဖြစ်လို့လဲဆို ကျမ လူမှန်းစသိတတ်ကတည်းက သူများနဲ့မတူပဲ နည်းနည်းထူးခြားနေခဲ့တယ်လေ။ ကျမ သူများ ယောက်ျားလေးတွေလို ကြမ်းကြမ်းတမ်းတမ်း ကစားရတာမျိုး မကြိုက်ဘူး။ ပြီးတော့ ကျမ စတင်ရင်ခုန်စတတ်တဲ့အချိန်မှာ ယောက်ျားလေး အချင်းချင်းကိုပဲ သာယာတတ်မက်နေခဲ့တယ်။ ချစ်ခင်နှစ်သက်နေခဲ့တယ်။ အဲဒါတွေကို ကျမ စတင်ခံစားမိလာတဲ့အချိန်ကတည်းကစလို့ အခုဏက ဂန်ဒူး… ဂန်ဒူး ဆိုတဲ့ စကားလုံးတစ်ခုဟာ ကျမကို တော်တော်လေး ခြောက်လှန့်နေခဲ့တယ်။

အမှန်တိုင်းပြောရရင် ကျမက ယောက်ျားလေးအချင်းချင်းကို သဘောကျတယ်ဆိုပြီးတော့ ကိုယ့်ဖာသာကိုယ် မိန်းကလေးတယောက် ဖြစ်ချင်တဲ့သူ မဟုတ်ပါဘူး။ ကျမ ဆီမှာ မိန်းမသွေးတွေ ကြွတက်နေလိမ့်မယ်။ အဲဒါတွေက ကျမ မိန်းကလေးတယောက်လိုပဲ ၀တ်စားဆင်ယင်ပြီးတော့ နေထိုင်ချင်တာ မဟုတ်ပါဘူး။ ကျမ က ယောက်ျားလေးတယောက်ဆိုတဲ့ ပုံစံမျိုးနဲ့ပဲ နေထိုင်ချင်တယ်။ ကျမ ချစ်သူကိုလည်း ယောက်ျားလေး တယောက်လို ပုံစံမျိုးကိုပဲ ချစ်ခင်နှစ်သက်တာပါ။ ဆိုတော့ တစ်ခုရှိတာက ယောက်ျားချင်းကို စိတ်ဝင်စားပြီး ချစ်ပြီ ကြိုက်ပြီဆိုတာနဲ့ပဲ လူတိုင်းဟာ မိန်းကလေးဖြစ်ချင်တဲ့သူတွေ မဟုတ်ဘူး ဆိုတာပါ။ ဒါပေမယ့်ပေါ့လေ ကျမ က ကိုယ့်ကိုကိုယ် ကျနော်လို့ ပြောရတာထက် ကျမ… ကျမ နဲ့ ပြောရတာကို ပိုသဘောကျလို့ ဒီလိုပဲ ပြောတာပါ။

ကျမ ငယ်ငယ်တုန်းက ရင်ခုန်တတ်စအရွယ် ကျမ ချစ်ခဲ့ဖူးတဲ့ ကောင်လေးတယောက်ရှိခဲ့တယ်။ အဲဒီတုန်းက ကျမ သိခဲ့တာက ကျမက ယောက်ျားလေးတယောက်ကို သွားချစ်တယ်ဆိုတော့ ကိုယ်က မိန်းကလေးဖြစ်ရမယ်ဆိုတဲ့ အသိစိတ်ပေါ့။ အဲဒါနဲ့ ကိုယ့်စိတ်ထဲမှာ ဒွိဟဖြစ်ရတာပေါ့။ အမှန်တိုင်းဆိုရင် ကိုယ်က မိန်းကလေး မဖြစ်ချင်ဘူး။ ဒါပေမယ့် ယောက်ျားလေးကို ချစ်ခင်တော့လည်း မိန်းကလေးအနေနဲ့ပဲ နေရမယ်ဆိုတဲ့ အသိစိတ်က ဘယ်သူမှ ရိုက်ထည့်ပေးစရာမလိုပဲ ကိုယ့်အလိုလို ထင်နေမိတာ။

အဲဒါနဲ့ပဲ တိတ်တိတ်ပုန်းနေထိုင်ရင်း ကိုယ့်စိတ်ကို အမျိုးမျိုးပြုပြင်တာပေါ့နော်။ ငါက ယောက်ျားလေး ဖြစ်တဲ့အတွက် သူတပါးတွေလိုပဲ မိန်းကလေးကို ကြိုက်နိုင်အောင် ကြိုးစားရမယ်ပေါ့။ ကျမ ပတ်ဝန်းကျင်မှာကလည်း ကျမ တွေ့ရတာ ယောက်ျားအချင်းချင်းကြိုက်ပြီဆိုတာနဲ့ မိန်းကလေးတယောက်လို ၀တ်စားနေထိုင်ကြတဲ့ သူမျိုးတွေကိုပဲ တွေ့ရတာကိုး။ ဆိုတော့ကိုယ်ပဲ တစ်ခုခု မှားနေသလိုလို၊ ကိုယ့်ဖာသာကိုယ် မလုံးမလဲနဲ့ မဖြစ်နိုင်တဲ့ ပြုပြင်လုပ်ယူလို့မရတဲ့ ကိုယ့်ရဲ့စိတ်ကို ဖျောက်ဖျက်ပြစ်ဖို့ အတင်းကြိုးစားခဲ့တယ်။

ဆိုတော့ ကျမက ဘာဖြစ်လာလဲ… ယောက်ျားလေးအဖြစ် မွေးဖွားလာပေမယ့် မိန်းကလေးလို နေထိုင်ချင်ကြတဲ့ Transgender (Male to Female) တွေကို တွေ့ပြီဆိုတာနဲ့ ဆဲတာတို့၊ သူတို့က ကိုယ့်ကို စလာပြီ နောက်လာပြီဆိုရင်ပဲ ၀ိုင်းရိုက်တာ၊ ထိုးကြိတ်တာတွေဖြစ်တဲ့ ကိုယ်ထိလက်ရောက်တွေကို ကျူးလွန်တတ်လာခဲ့တာပေါ့။ ဘာဖြစ်လို့လဲဆို ကျမက ကျမစိတ်ကို ဖျောက်ဖျက်ဖို့ ကြိုးစားရင်းနဲ့ မုန်းတီးမှုတွေက စိတ်ထဲမှာ အခြေခံလာခဲ့ပြီလေ။ ဂျီမမြင်ရင် မုန်းတီးရမယ်ဆိုတဲ့စိတ်က အဲဒီမှာတင် စပြီးတော့ အခြေခံတော့တာပဲ။

ဒီလိုစိတ်ဓါတ်ရဲ့ နောက်ဆက်တွဲမှာ ဘာတွေဖြစ်လာလဲဆိုတော့ လိင်စိတ်ခံယူမှုကွဲပြားတဲ့သူတယောက်ဟာ ကိုယ်တိုင်ဖြစ်နေပေမယ့် ကိုယ့်ရဲ့စိတ်ကို ကျိုးစားဖုံးကွယ်လိုမှုနဲ့ တပါးသူအပေါ် ရန်မူတာ အမုန်းထားတာ ကိုယ်ထိလက်ရောက်ကျူးလွန်တာမျိုးတွေအထိ ဖြစ်လာစေတာပေါ့။ နောက်ပြီး ကိုယ်နေထိုင်တဲ့ ပတ်ဝန်းကျင် အသိုင်းအ၀ိုင်း၊ ကိုယ်မိသားစုတွေကို မုန်းတီးလာတယ်။ သူတို့တွေအားလုံးရဲ့ ဝေးရာကို ထွက်ပြေးချင်စိတ်တွေ ဖြစ်ပေါ်လာတယ်။ နောက်ဆုံး ကိုယ့်ဖာသာကိုယ် မုန်းတီးမှုတွေ ၀င်လာရင်းနဲ့ ကိုယ့်အသက်ကို တန်းဖိုးမထားတော့ဘူး။ သတ်သေဖို့ဆိုတဲ့အတွေးတွေ တခါတလေ ဖြစ်ပေါ်လာခဲ့ဖူးတာပေါ့။

ဒါပေမယ့် ကျမ ကံကောင်းခဲ့ပါတယ်။ ကျမ စိတ်ကို ကျမ နားလည်ပြီးတော့ လက်ခံလာနိုင်တဲ့ အခွင့်အရေးတွေ ရရှိခဲ့ရပါတယ်။ ကျမ ကျေနပ်တယ်။ အခုချိန်မှာ ကျမ စိတ်ကို ကျမ နားလည်တယ်။ ကျမ လက်ခံတယ်။ ကျမ … ဟုတ်တယ်… အမျိုးသား အချင်းချင်းကိုပဲ ချစ်ခင်နှစ်သက်တဲ့။ ကျမ ဟိုမိုဆယ်ချူရယ် တယောက်ဖြစ်တယ်။ ဟိုမိုဆယ်ချူရယ် တယောက်ဖြစ်တော့ ဘာဖြစ်လဲ။ ကျမလည်း လူသားထဲက လူသားပဲလေ။

အဓိက အရေးကြီးဆုံးကတော့ လူတိုင်းလူတိုင်းက လွယ်လွယ်နဲ့ တသက်လူသားတွေကို ထိခိုက်အောင် ခေါ်ဝေါ်လိုက်တဲ့ အသုံးအနှုန်းတစ်ခုဟာ ခံစားရတဲ့သူတယောက်အဖို့ အသက်အန္တရာယ်ကိုပါ ထိခိုက်စေနိုင်တယ်၊ တဘ၀လုံးအတွက် နာလန်မထူနိုင်အောင် စိတ်သောက ခံစားရစေနိုင်တယ် ဆိုတာမျိုးကို သတိထားကြဖို့ပါပဲ။
 

 
ကိုယ့်အနေနဲ့ကတော့ ဂန်ဒူး… အခြောက်… စသဖြင့် လွယ်လွယ်နဲ့ ခေါ်လိုက်တယ်။ အဲဒီလို ခေါ်လိုက်တဲ့အချိန်မှာ ကိုယ့်ရဲ့စိတ်ထဲက ဘယ်လိုမျိုးစိတ်ဓါတ် အခြေခံနဲ့ ခေါ်လိုက်လဲ။ တဖက်သားကို အနိုင်ယူလိုတဲ့ အချိန်တို့၊ အရှက်ခွဲချင်တဲ့အချိန်တို စတဲ့ ခွဲခြားဆက်ဆံလိုတဲ့ စိတ်ဓါတ်လေးကို အခြေခံခဲ့မယ်ဆိုရင် ယနေ့ခေတ်ကာလမှာ ပြောနေကြတဲ့ လူ့အခွင့်အရေးချိုးဖောက်မှု၊ လူ့ဂုဏ်သိက္ခာကို မလေးစားပဲ တဖက်သူအပေါ် စော်ကားချိုးဖောက်မှုတွေဖြစ်စေမယ်ဆိုတာ လူသားတိုင်း သတိထားသင့်ပါတယ်။

ဆိုတော့ မိမိတို့အနေနဲ့သာ တပါးသူအပေါ် မေတ္တာထားမယ်၊ စေတနာထားမယ်၊ ညှာတာသနားတတ်မယ်၊ ကြင်နာတတ်မယ် အရေးကြီးဆုံး လူ့အခွင့်အရေးများကို လေးစားလိုက်နာတတ်မယ်ဆိုရင်တော့ စကားလုံးလေးတွေကအစ သတိကြီးစွာထားပြီးတော့ တဖက်သားတွေအပေါ်ကို ဆက်ဆံပေးကြဖို့အတွက် အလွန်ကို ရေးကြီးပါပေတယ်။

ကျမ အတွက်ကတော့ ဒီကနေ့အချိန်ထိ … ဂန်ဒူး xxx မိန်းမလျာ xxx သုံးဘီးကားနဲ့လာ xxx သုံးဘီးကား ဂီယာထိုး xxx ဂန်ဒူး-ီးချောင်းကျိုး... ဟား ဟား ဟား… ဟား ဟား ဟား…
ဆိုတဲ့ လှောင်ပြောင်စော်ကားသံ လေးတွေဟာ နားထဲနဲ့ ကျမရဲ့ အသည်းနှလုံးထဲအထိပါ ပျံ့နှံ့နေဆဲပါ။

ကျမလိုပဲ ကျန်တဲ့ ဟိုမိုဆယ်ချူရယ်တွေလည်း ဒီလိုမျိုးအဖြစ်အပျက်မျိုးတွေ တွေ့မြင်ဖူးတာဖြစ်ဖြစ် ကိုယ်တိုင်လုပ်ခဲ့ဖူးတာပဲဖြစ်ဖြစ် ပြုလုပ်ခဲ့မိမယ်ဆိုရင် ဆင်ခြင်နိုင်အောင်ပါ။ ကျမတို့ ဟိုမိုဆယ်ချူရယ်တွေ ကြားထဲမှာကိုလည်း အပုန်း၊ အပွင့်နဲ့ စောင်းမြောင်းရန်ဖြစ်ပြီး အယူအဆမတူပဲ ကွဲပြားနေတာတွေ များစွာရှိနေခဲ့တာပဲ။ အရေးကြီးဆုံးကတော့ ဟိုမိုဆယ်ချူရယ်ဆိုတဲ့ အုပ်စုထဲမှာပါဝင်နေပေမယ့် တယောက်နဲ့တယောက် မတူညီပဲ ကွဲပြားနေတာတွေ အများကြီးရှိပြီးတော့ မတူကွဲပြားမှုလေးတွေကို နားလည်ပေးနိုင်ကြဖို့ အရေးကြီးပါပေတယ်။ ကမ္ဘာလောကကြီးထဲမှာ လူအမျိုးမျိုးရှိကြတယ်မဟုတ်လား။ အဲဒီ လူအမျိုးမျိုးဟာလည်း တယောက်နဲ့တယောက် အားလုံးမတူညီနိုင်ကြဘူးလေ။

နောက်တစ်ခု အရေးကြီးတာကတော့ နောင်မွေးလာမယ့် ဟိုမိုဆယ်ချူရယ်တွေအတွက် ခွဲခြားဆက်ဆံမှုကင်းတဲ့ စကားလုံးအသုံးအနှုန်းတွေမရှိတဲ့ ပတ်ဝန်းကျင်အသစ်တစ်ခု ဖြစ်ပေါ်လာမယ်ဆိုရင်တော့ ကျေနပ်မိမှာပါပဲ။
စကားလုံး… စကားလုံး… လူတွေရဲ့ ဘ၀တွေအထိပါ စွဲထင်သွားစေနိုင်တဲ့ စကားလုံးတွေပေါ့လေ။

ရေးတတ်လို့ ရေးတာမဟုတ်ပါဘူး။ ကျမလည်း ရေးကြည့်မိတာပေါ့နော်... ဖတ်တဲ့အတွက် ကျေးဇူးပါပဲလို့။
သွက်သွက်ခါ

1 comment:

stebin aung said...

fri စာကိုဖတ်လိုက်ရတာကိုယ့်ကိုယ်ကိုပြန်ပြီးသုံးသပ်မိတယ်