Tuesday, May 26, 2015

He is not my son...



တမ်းတဟစ်အော်၊ ခေါ်ဆိုပါသည် ၊ အကြင်သူကြားနိုင်ပါလေစ။

“သူ” အခန်းတံခါးကိုတွန်းဖွင့်လိုက်သည်။ လရောင် လင်းလင်းက အခန်းထဲအထိ ကျူးကျော်ဝင်ရောက်လာခြင်း မှအပ အခန်းထဲက ပကတိ မှောင်တိတ်နေသည်။ အခန်းတံခါးကို ပြန်ပိတ်ပြီး မှီထားလိုက်သည်။  နံရံပေါ်မှ မီးခလုတ်ကို ဖိနှိပ်လိုက်ချိန်တွင် သူ့မျက်လုံးအစုံကို မှိတ်ထားလိုက်သည်။ မျက်ခွံများကို ထိုးဖောက်လာသော အလင်းတန်း လေးများကို ရင်ဆိုင်နိုင်သည့်အချိန်ကျမှ သူ့မျက်ခွံများကို ပင့်တင်ဆွဲဖွင့်လိုက်သည်။

“.....................”

အခန်းထဲက ငြိမ်သက်ဆဲ၊ ငြိမ်သက်မြဲ။ နှုတ်ခမ်းတစ်စုံကို တင်းတင်းပိတ်ပြီး နှာခေါင်းပေါက်သက်သက်ဖြင့် အသက်ရှူသွင်းခြင်းနှင့် ရှူထုတ်ခြင်း တစ်ကြိမ်ဆီ ပြုလုပ်ပြီးမှ နံရံကို ခပ်ဖွဖွပွတ်သပ်ကာ ကုတင်ဆီသို့ ရွှေ့လျားလိုက်သည်။ 

“ဖေဖေ..”

ခေါ်သူမရှိသော ခေါ်သံသည် ယောင်ယမ်းပြီး ကြားနေရတာဖြစ်ကြောင်း သူသိနှင့်နေ နေသော်လည်း “သားရယ်..” ဟု ရင်ဘတ်တွင်းမှ ထူးနေလိုက်မိသည်။ မခေါ်ဖူးသော ဝေါဟာရအတွက် စကားလုံးများသည် လည်ချောင်းဝတွင် တစ်ဆို့နေဆဲ။ မျက်နှာကျက် ကျောက်ပြားများကိုသာ အဓိပ္ပါယ်မဲ့စွာ ငေးမော့ကြည့်နေမိသည်။ 

“အဓိပ္ပါယ်...”

ထို စကားလုံး၏ အဓိပ္ပါယ်ကို သူသေသေချာချာ နားမလည်နိုင်။ သားဆီမှ ထင်မှတ်မထားသော သတင်းစကားကြားရချိန်တွင် “အဓိပ္ပါယ်မရှိဘူး၊ အဓိပ္ပါယ် မရှိတာတွေ လာမပြောနဲ့..” ဟု ခါးခါးတူးတူးငြင်းဆန်ခဲ့ဖူးသည်။ “အဓိပ္ပါယ် မရှိတဲ့ လုပ်ရပ်တွေ ရပ်တန်းက ရပ်ပါတော့” ဟု အမိန့်ပေးဖူးသည်။ သို့သော် သူ “အဓိပ္ပါယ်မရှိဘူး” ဟု ယူဆထားသော အဖြစ်အပျက်က သူ့သား၏ ၊ သူ့သားဘ၀တစ်ခုလုံး၏ အဓိပ္ပါယ် ဖြစ်ခဲ့ရပြန်သည်။ 

စာပွဲပေါ်ရှိ ဓာတ်ပုံမှန်ဘောင်ထဲမှ ပြုံးချိုရွှင်ပျော်နေသော သား၏ပုံကို ကြည့်ရင်း ခေါင်းကိုတွင်တွင်ခါလိုက်သည်။ ဆံပင်ထိုးထိုးထောင်ထောင်၊ တက်တူးဗလပွနှင့် အချွန် အတက်များပြည့်နေသော အဆင်တန်ဆာများ.....။ ထိုပုံစံနှင့်သားနှင့်မလိုက်ဖက်။ မလိုက်ဖက် ဆိုသည်ထက် မအပ်စပ်ဟု ပြောရလိမ့်မည်။ အမှန်အတိုင်းပြောရလျှင် ထိုအ၀တ်အစား၊ အပြင်အဆင်၊ အပြုအမူများသည် လုံးဝမဖြစ်သင့်သော အချက်များဖြစ်သည်။ 

“သွေးသားက သွေးသားပါပဲ အစ်ကိုရယ်...”

ဇနီးဖြစ်သူ၏ နှစ်သိမ့်မှုကို ခေါင်းမာစွာငြင်းဆန်ခဲ့သော အချိန်များကို ပြန်အမှတ်ရမိ သည်။ ငယ်စဉ်ကလေးဘ၀ကတည်းက အရိပ်တကြည့်ကြည့် ချစ်ခဲ့ရသော၊ ကျောင်းတွင် စာတော်လိမ္မာသော၊ ပတ်ဝန်းကျင်တွင် ယဉ်ကျေးသိမ်မွေ့လွန်းခဲ့သော၊ အသိုင်းအ၀ိုင်းကြား တွင် ရိုကျိုး၊နာခံတက်သော ကလေးတစ်ယောက်က ရုတ်ချည်းပြောင်းလဲလာသောအခါ တစ်စုံ တစ်ခု သို့မဟုတ်၊ တစ်စုံတစ်ရာကို အပြစ်တင်ပစ်လိုက်ချင်သည်။ 

“ရွေးချယ်မှု ဟုတ်လားဖေဖေ။ ဟုတ်တယ်၊ ဖေဖေပြောသလို ဒါဟာ ရွေးချယ်မှုပဲ ထားလိုက်။ ဒါပေမယ့် ကိုယ့်ဘာသာကို ရွေးချယ်တာ မဟုတ်ဘူး၊ ကံကရွေးချယ်ခဲ့တာ၊ ဒီလမ်းကို မဖောက်ပဲ လျှောက်နေရတာပါ..”

မျက်ရည်ကြားမှ အံကြိတ်ရင်းပြောခဲ့သော သား၏ အရိပ်များက ရုပ်ရှင်ပြကွက် ဆန်ဆန် ခေါင်းထဲတွင် စီတန်းပေါ်လာသည်။ ထိုနေ့ကသားနှင့် အကြီးအကျယ်ရန်ဖြစ်၊ စကားများခဲ့သည်။ (ဇနီးသည်ပြောသလို) ကိုယ့်သွေးသားကို ကိုယ်လိုရာ ပုံသွင်းချင်မိခြင်းကို အပြစ်ဟု လုံးဝမယူဆ မိလောက်အောင် ဒေါသမိုးမွှန်နေခဲ့သည်။ 

“ငါ့အိမ်မှာနေရင် ငါ့စကားနားထောင်ရမယ်။ ငါချမှတ်စည်းကမ်းကို လိုက်နာရမယ်။ အေး ငါ့စကားကို နားမထောင်နိုင်ဘူး၊ ငါ့စည်းကမ်းကို မလိုက်နာနိုင်ဘူးဆိုရင် ငါ့အိမ်မှာမနေနဲ့ င့ါအိမ်ပေါ်ကနေဆင်း။ ဒါပဲ။”

အဲဒီတုန်းက အာဏာဆန်ဆန် အမိန့်ထုတ်ချင်ခဲ့တာလား။ ‘ဒီနည်းနဲ့ ခြိမ်းခြောက်ရင် ရလောက်တယ်။’ ဟု တွေးခဲ့သလား။ ဒါမှမဟုတ် ‘သူဆင်းမသွား လောက်ဘူး’ ဟု ပေါ့ပေါ့တန်တန် ယူဆခဲ့လေသလား။ ဒါဆို တကယ်ဆင်းသွားချိန်မှာ ဘာလို့မတားမြစ်ခဲ့ ရတာလဲ...။

ကိုယ့်ကိုယ်ကိုယ် နှိပ်စက်သော မေးခွန်းပေါင်းများစွာကို ခေါင်းခါ ထုတ်ရှင်းပစ်လိုက် သည်။ ကုတင်ဘေးမှ စာပွဲပေါ်တွင် တင်ထားသောသားရေဖုံး diary စာအုပ်လေးကို လှန်လှော ကြည့်လိုက်သည်။ 

“အိမ်ပေါ်က ဆင်းတဲ့လားဖေဖေရယ်...။ ပြောရက်လိုက်တာ။ အမှန်တိုင်းပြောရရင် ကျွန်တော် အပြင်ကို ကြောက်တယ်။ လူတွေကိုကြောက်တယ်။ လူတွေရဲ့မျက်လုံးတွေကို ကြောက်တယ်။ အမှောင်ကို အခွင့်ကောင်းယူပြီး အနိုင်ကျင့်တဲ့ လူတွေကို ကြောက်တယ်။ သူတို့ကြားမှာ ကျီးလန့်စာစား ဖြစ်နေရတဲ့ဘ၀၊ ကြောက်ကြောက်ရွံ့ရွံ့ရှင်သန် နေရတဲ့ဘ၀။...............”

မျက်ဝန်းအိမ်မှ မျက်ရည်များကျလာသဖြင့် စာသားများေ၀၀ါးသွားရသည်။ ခိုကိုးရာ နေမဲ့သော၊ ဒုက္ခပင်လယ်ဝေနေသော၊ လူအများက အနိုင်ကျင့်၊ စော်ကားနေမည့် ကလေး တစ်ယောက်ကို မျက်ဝန်းထဲ ပုံဖော်ကြည့်လိုက်ယုံဖြင့် ကျင်စက်နှင့်အတို့ခံရသလို နာကျင် နေသည်။ အသည်းဆိုင်က ပြုတ်တူနှင့်ညှပ်ထားသလို ခံစားရသည်။ ပါးပြင်ပေါ်က စိုထိုင်းထိုင်း နှင့်ပူနွေးနေသော အာရုံကို သတိထားမိသည်။ 

မျက်လုံးများကို စာအုပ်မှခွာပြီး ညာဖက်လက်မလက်သည်းကို ကိုက်နေလိုက်မိသည်။ မျက်ရည်များကို မသုတ်ပစ်ရက်။ မျက်ရည်များကို သုတ်ပစ်လိုက်ရုံမျှဖြင့် ရင်ဘတ်ထဲမှ မီးလျှံများ ငြိမ်းမသွားနိုင်ကြောင်း သူသိနှင့်ပါသည်။ 

 “သားသမီးနဲ့ မိဘဆိုတာ အခန့်မသင့်တာ အဆင်မပြေတာ ပြဿနာရှိတယ်။ ဒါဓမ္မတာပါပဲ။ အဲဒီမှာ တစ်ခုသတိထားရမှာက ‘ငါ’ ဆိုတဲ့ အတ္တတွေ အရမ်းများနေရင်၊ ဖြေရှင်းနည်းတွေက လွဲသွားတတ်တယ်။ အဲဒီအခါကျရင် မိဘက  အပြည့်မှန်တယ်လို့ ပြောလို့မရတော့ဘူး။”

ဆရာကြီးတစ်ဦး၏ စကားလုံးများကို ကြားယောင်မိသည်။

ငါမှားခဲ့သလား၊ ဒါမှမဟုတ် မှန်ခဲ့သလား။ မှန်ခဲ့တယ်ဆိုရင်တောင် ရာနှုန်းပြည့်မမှန် ခဲ့ဘူးပေါ့။ အင်း ဒီလိုဆုံးရှုံးမှုကြီးတွေ ဖြစ်ပြီးတော့မှ အတ္တကြီးကြီး တဇွတ်ထိုးဆန်ဆန်နဲ့ အမှားအမှန်တွေ တွက်ချက်နေရဦးမှာလား။ ခွဲတမ်းချနေရဦးမှာလား။ ကိုယ့်ကိုယ်ကိုယ် ဘယ်လောက်ပဲမှန်ပါတယ် ပြောပြော ဒီဆုံးရှူံးမှုအတွက် အစားထိုးနိုင်မယ်တဲ့လား။ ဖြေသာမယ် တဲ့လား။ ဘယ်သူမပြု မိမိမှုပါပဲ။

ဖြစ်နိုင်လျှင် အော်ဟစ်ငိုကြွေးပစ်ချင်သည်။ ရင်ဘတ်ကြီးတစ်ခုလုံးပေါက်ကွဲပွင့်ထွက် သွားအောင် အော်ဟစ်လိုက်ချင်သည်။ ရင်ထဲစို့နစ်မှုများကို ဖြစ်သည့်နည်းဖြင့် ဖြေလျှော့ပစ် လိုက်ချင်သည်။ ကြည့်မှန်ထဲမှ ပုံရိပ်ယောင်ကိုကြည့်ရင်း ကိုယ့်ကိုယ်ကို လူသတ်တရားခံ တစ်ဦးပမာ အော်ဂလီဆန် ရွံရှာနေမိသည်။ 

ဧည့်ခန်းမှ ဖုန်းမြည်သံ သဲ့သဲ့ကို လှမ်းကြားလိုက်ရသည်။ ဇနီးဖြစ်သူ လက်ခံဖြေကြားလိမ့်မည်။ ဦးနှောက်ထဲသို့ ခြောက်ခြားဖွယ် ဖုန်းမြည်သံကိုကြားရသော မိုးသည်းည တစ်ည၏ အဖြစ်အပျက်များရောက်လာပြန်သည်။ 

မှတ်မှတ်ရရထိုညက သန်းခေါင်ကျော်အချိန်တွင် မြည်သော ဖုန်းကို သူကိုယ်တိုင် လက်ခံစကားပြောခဲ့သည်။ တယ်လီဖုန်းကို ဖြတ်ဆီးလာသော အသံလှိုင်းက မိုးသံ၊ လေသံများ အပြင်ကို ကားသံ၊ လူသံများနှင့် ဆူညံ ပွတ်လောရိုက်နေမှန်းလည်း သူ မှတ်မိသည်။ 

“ဦး............ခင်ဗျားရဲ့..................လုယက်ကြရင်း................၀ိုင်းပြီး.................. အသက်အန္တရယ်.............ပြည်သူ့ဆေးရုံကြီးမှာ.............သက်ဆိုင်ရာကတော့.............”

ဖုန်းလိုင်း၏ အားနည်းချက်အပြင် သူ့အသိများက မိတစ်ချက် မမိတစ်ချက် ဖြစ်နေခဲ့သည်။ ကြောက်လန့်ခြင်း၊ စိုးရွံ့ခြင်း၊ ထိတ်လန့်အံ့သြခြင်း၊ ကြေကွဲပူလောင်ခြင်းများ၊ ဒေါသမီးတောက်များ၊ ခံစားချက်ပေါင်းမြောက်များစွာနှင့် ကမ္ဘာမြေကြီး ချာချာသွားခဲ့သည်။ ဇနီးသည်၏ ဖေးမမှုကို အထိအတွေ့တစ်ခုအဖြစ် သိရှိလိုက်ရသေးသည်။ 

“ဟင်း............”

သက်ပြင်းငွေ့ငွေ့ချပြီး မျက်နှာပြင်တစ်ခုလုံးကို လက်ဖ၀ါးနှစ်ဖက်ဖြင့် ခပ်ကြမ်းကြမ်းပွတ်ချေပစ်လိုက်သည်။ စာရွက်ပေါ်ရှိ စာသားတစ်ချို့ကို အသံထွက် ရွတ်ဖတ်ကြည့်လိုက်သည်။ 

          I  LOVE YOU, Dad

လူမှန်းသိတတ်စအရွယ်ကတည်းက၊
အဖေလို့စခေါ်တတ်ကတည်းက
ချစ်ခဲ့ရတဲ့ဖေဖေ...............။

ဒါငါ့အဖေလေလို့အမြဲတမ်း
ဂုဏ်ယူခဲ့ရတဲ့ဖေဖေ...........။

အကြိမ်ကြိမ်အခါခါပြိုလဲတိုင်း
ဖေဖေတစ်ယောက်လုံးရှိသေးတယ်ဆိုတဲ့စကားနဲ့
ခွန်အားတွေဖြည့်ပေးခဲ့တဲ့ ဖေဖေ

ရင်ထဲမှာလေးလေးနက်နက်
ပြောချင်တဲ့စကား လေးတစ်ခွန်းရှိတယ်ဖေဖေ...။

  Dairy စာရွက် တစ်ရွက်လှန်လိုက်တိုင်း ရင်ဘတ်ထဲက ဒဏ်ရာက ပိုပိုတိုးသွားသည်။ အဆိပ်လူးမျှားများ ထိုးစိုက်လာသလို၊ မီးဖုတ်ဓားဖြင့် မွှန်းနေသလို နာကျင်ခံစားရသည်။ အသက်၀၀ မရှူနိုင်အောင် မွန်းကျပ်နေရသည်။ ဆေးရုံးပေါ်မှ ခါးသီး ရင့်ထော်နေသော နေ့ရက် အချိန်များက အသိအာရုံထဲသို့ အလုအယှက်ဝင်လာကြသည်။ 

ဆေးရုံကုတင်ပေးတွင် အားပျော့နွမ်းရိစွာ လဲလျှောင်းနေသော သားကို စိတ်ထဲမှ အကြိမ်ကြိမ် တောင်းပန်နေမိသည်။  ထားရှိခဲ့သော အတ္တများ၊ ကြီးမားလွန်းခဲ့သော မာနများ၊ စွဲလမ်းခဲ့သော တစ်ယူသန်စိတ်များ............။ အရာရာသည် လူနာကုတင်ဘေးတွင် ပုံကျ၊ ပြာကျခဲ့ရသည်။ အချိန်များကို နောက်လှည့်ပစ်လိုက်ချင်သည်။ 

“ခွင့်လွှတ်ပါ။ ဖေဖေ့ကို ခွင့်လွှတ်ပါ။”

အကြိမ်ကြိမ်ရေရွတ်နေမိသည်။ 

“ဖေဖေ............”

အားများကို ခြစ်ချုပ်စုယူပြီးပထမဦးဆုံးထွက်ပေါ်လာသော အသံကြောင့် သူအားတက် ခဲ့ရသည်။ 

“ဖေဖေရှိတယ်လေ... ဖေဖေရှိတယ်”

“ဖေဖေ.............ကျေးဇူးပြုပြီး......... ‘သား’ .............လို့ တစ်ခွန်းလောက်............ တစ်ခွန်းလောက်ခေါ်ပေးပါဗျာ။”

စိတ် စေတသိက်၏ ၀ိရောဓိတရား လွန်ဆွဲနေချိန် တဒင်္ဂအချိန်လေးကို မစောင့်နိုင်ပဲ သားကထွက်သွားခဲ့သည်။ သို့သော် နာကျင်ခါးသီးမှု၊ မွန်းကြပ်ပိတ်ဆို့များကြားတွင် “သား” ဟု သူ မခေါ်ထွက်ခဲ့ပါ။ ရင်ဘတ်ကိုသာ လက်ဖနောင့်နှင့် ဖိထားလိုက်သည်။ 

အသက်ကို ခပ်ပြင်းပြင်းရှူပြီး တုန်ရီနေသော လက်များဖြင့် Diary ထဲမှ စာမျက်နှာ တစ်ချို့ထပ်လှန်လိုက်သည်။ 

“အမြဲတမ်းနားလည်ခွင့်လွှတ်ပေးနိုင်ခဲ့တဲ့ဖေဖေ။ ကျွန်တော့်ရဲ့ စိတ်ခံစားမှုကိုလည်း နားလည်ပါစေလို့ အကြိမ်ကြိမ်ဆုတောင်းခဲ့ပေမယ့်.......................။ ဒါက ခြွင်းချက်လား။ ဒါလေးကိုပါ နားလည်ပေးလိုက်ပါတော့လား လို့ မတောင်းဆိုရက်ပါဘူးဖေဖေရယ်။ ဖေဖေ့အတွက် ဂုဏ်ယူချင်စရာမကောင်းတဲ့ ကျွန်တော့်ကို ဖေဖေနားလည်နိုင်မှာ မဟုတ်ဘူးဆိုတာ ကျွန်တော်သိပါတယ်။ အဲဒီအတွက် ဖေဖေ့ကို ကျွန်တော် စိတ်မကွက်ပါဘူး ဖေဖေ။ ညအိပ်ရာဝင်တိုင်း ဖေဖေ့ကို ရှိခိုးပြီးမှ အိပ်ရာဝင်တာပါ။”

သွားပြီ......။ အရာရာ ပြီးဆုံးသွားပြီ။ မရှုမလှ ရှုံးပန်းဆင်ရတဲ့ ကစားပွဲတစ်ခုလို၊ အကျည်းတန် နာကျင်စရာကောင်းတဲ့ စစ်ပွဲတစ်ပွဲလို၊ မုန်တိုင်းဆင်ပြီးစ စားကျက်မြေ တစ်ခုလို အရာရာဟာ ဖရိုဖရဲ ပြီးဆုံးသွားပြီ။ 

Diary စာအုပ်မှ နောက်စာမျက်နှာများကို ဖတ်ပြီးချိန်တွင် ပိုမိုနာကျင်ရသည်။ နာကျင်စူးရှသော ရင်ဘတ်တွင်းမှ နာမည် တစ်ခုကို ခေါ်ဆိုရေရွတ်နေမိသည်။ နှုတ်ဖျားမှ ထွက်မလာရန် တားဆီး ပိတ်ဆို့ခဲ့သော အတ္တ၊ မာန၊ ဒေါသများကို ထိုးဖောက်ကျော်လွန်ပြီး တမ်းတမ်းတတ ခေါ်ဆိုအော်ဟစ်လိုက်မိသည်။

“သားးးးးးးးးးး................၊ သားရယ်..................”

*        *        *        *        *        *        *        *        *        *        *        

တစ်သက်နှင့်တစ်ကိုယ် ပထမဦးဆုံးအကြိမ် သူ အသံထွက် အော်ခေါ်လိုက်တဲ့ အဲဒီခေါ်သံ ကို သူ့“သမီးလေး” က ကြားနိုင်၊ မကြားနိုင်ဆိုတာကတော့..............................

For The People Like Us 

Note: ညီလေး ဆလိုင်းလီယိုရဲ့ဝတ္ထုတိုလေးတစ်ပုဒ်ပါ။ သဘောကျလို့တောင်းယူပြီး တင်ဆက်လိုက်ပါတယ်။
 

Sunday, May 24, 2015

HIV and Oral practice ပါးစပ်သုံးပြီး ဆက်ဆံတာနဲ့ (အိတ်ခ်ျအိုင်ဗွီ)



ဆက်ဆံရာမှာ ပါးစပ်ကိုသုံးရင် ဘာရောဂါတွေ ကူးစက်နိုင်သလဲ။ HIV ကူးသလား။ တခြားရောဂါတွေ ကူးမလား။ ဘာမှမဖြစ်ဘူးလား။ မေးကြသူတွေဟာ အမေးကောင်းသူတွေ ဖြစ်တယ်။ ကျန်းမာရေး ကောင်းကြအောင် အဖြေကောင်းကောင်း ပေးပါရစေ။ အမှန်က မဖြစ်ဘူး မဟုတ်ပါ။ STDs ရော HIV ပါ ကူးစက်နိုင်စရာ ရှိပါတယ်။

တိတိကျကျ ပြောရရင်
(၁) Serodiscordant couples ခေါ်တဲ့ တယောက်က HIV positive နဲ့ နောက်တယောက်က ပိုးမရှိတဲ့အတွဲဆိုရင် ပိုဖြစ်နိုင်ခြေရှိတယ်။
(၂) Monogamous တလင်-တမယား မဟုတ်ရင် ကူးစက်နိုင်ခြေ ပိုများတယ်။
(၃) မူးယစ်ဆေး သွေးပြန်ကြောထဲ ထိုးရင်၊ ဒါမှမဟုတ် ဆေးထိုးအပ် တွဲသုံးရင်၊ ကူးစက်နိုင်ခြေ ပိုများတယ်။
(၄) လုံးဝ ဘာမှကူးစက်တာ မခံချင်ရင်တော့ Abstaining ကင်းရှင်း-ရှောင်ကျဉ်ပါလေ။ ဒါက ပြောရပေမဲ့ လက်တွေ့မကျလို့ ဒုတိယ အကောင်းဆုံး အကြံဥာဏ်တွေကို ဆရာဝန်တွေက ပေးကြရတယ်။

What are the Risks of Oral Sex? လိင်ဆက်ဆံရာမှာ ပါးစပ်သုံးရင် ဘာကျန်းမာရေး-အန္တရာယ် ရှိသလဲ။ Risk ကျန်းမာရေး-အန္တရာယ်ကို အဆင့်အတန်းခွဲ ပြောဘို့ လိုပါတယ်။ (၁) Documented အထောက်အထားရှိတာ နဲ့ (၂) Theoretical သီအိုရီအရ ဖြစ်နိုင်ခြေရှိတာ။

Anal sex စအိုလမ်းသုံးပြီးဆက်ဆံတာ နဲ့ Vaginal intercourse (ဗဂျိုင်းနား) သုံးပြီးလိင်ဆက်ဆံတဲ့ နည်း လမ်း ၂ မျိုးထက် Oral sex ပါးစပ်ကိုသုံးတာက အများကြီး ဖြစ်နိုင်ခြေနည်းတယ်လို့ အထောက်အထားနဲ့ ပြောနိုင်ပါတယ်။ ကိန်းဂဏန်းနဲ့ ပြောရတာတော့ ခက်ပြန်တယ်။ သိတဲ့အတိုင်း ပါးစပ်အဆင့်တခုထဲနဲ့ အဆုံးသတ်တာချည်းထဲ မဟုတ်ကြဘူး။ ဒါ့ကြောင့် အင်္ဂါတခုချင်းစီကနေ ရာနှုန်း ဘယ်လောက် ကူးတယ်ဆိုတာ ဆရာဝန်တွေက မပြောနိုင်ဘူး။ ဒါပေမဲ့ Oral sex သန့်သန့် လေးကနေ ကူးစက်မှုရှိဘူးတာကို အထောက်အထား ရှိပါတယ်။

Which Behaviors are the Riskiest? ဘယ်အမူအကျင့်တွေက အန္တရာယ် အများဆုံးလဲ။
(က) Fellatio ခေါ်တဲ့ Oral-Penile Contact (ကျားလိင်အင်္ဂါ + ပါးစပ်) နည်းလမ်း
သီအိုရီအရ ဖြစ်နိုင်တယ်။ ပိုးရှိသူရဲ့ ကျားလိင်အင်္ဂါကနေ ဆက်ဆံမှု မပြီးခင်မှာထွက်လာတဲ့ Pre-cum အရည်ထဲမှာရော Semen (Cum) ပြီးလို့ ထွက်တဲ့အရည် ထဲမှာပါ ပိုးပါနေနိုင်တယ်။ နောက်ပြီး ပိုးရှိနေသူရဲ့ ပါးစပ်မှာ အနာ-အဆာရှိနေရင် ပိုးမရှိထဲ့ ယောက်ျားကို ကူးသွားစေနိုင်တယ်။ အထောက်အထား သက်သေအရတော့ ကူးစက်တာ အလွန်နည်းပါးတယ်။

(ခ) Cunnilingus ခေါ်တဲ့ Oral-Vaginal Contact (ပါးစပ် + ဗဂျိုင်းနား) နည်းလမ်း
သီအိုရီအရ ဖြစ်နိုင်တယ်။ Infected vaginal fluids and blood ဗဂျိုင်းနာကထွက်တဲ့ အရည် နဲ့ သွေးမှာ ပိုးပါနေရင် ကူးနိုင်တယ်။ သွေးဆိုတာ Menstrual blood ရာသီသွေးရော တခြားသွေးကိုပါဆိုလိုတယ်။ အတူတူဘဲ မိန်းမက သန့်နေပေမဲ့ မ-အင်္ဂါကိုထိတွေ့လာမဲ့ ပိုးရှိနေသူရဲ့ ပါးစပ်က သွေး-အနာ-အဆာ ရှိနေရင် ကူးစက်နိုင်ခြေရှိတယ်။ အထောက်အထား သက်သေအရ ကူးစက်တာ အလွန်မတန် နည်းပါးတယ်။

(ဂ) Anilingus ခေါ်တဲ့ Oral-Anal Contact (ပါးစပ် + စအို) နည်းလမ်း
သီအိုရီအရ ဖြစ်နိုင်တယ်။ လက်ခံသူမှာ သွေး၊ အနာ-အဆာရှိနေရင် ပါးစပ်သုံးတဲ့သူကို ကူးစေနိုင်တယ်။ အလားတူး ပိုးရှိနေတဲ့ ပါစပ်သုံးသူက သွေး၊ တံတွေး ကနေတဆင့် ကူးစေနိုင်တယ်။ အထောက်အထား သက်သေ တခုရှိထားတယ်။

Which body fluids transmit HIV? ကိုယ်ခန္ဒာကထွက်တဲ့ ဘယ်အရည်တွေမှာ HIV ပိုးပါနေနိုင်သလဲ။
- Blood သွေး၊
- Semen သုက်ရည်၊
- Vaginal fluid ဗဂျိုင်းနားအရည်၊
- Breast milk နို့
- Other body fluids containing blood သွေးပါတဲ့ တခြားအရည်မှန်သမျှမှာ ပါနေနိုင်တယ်။

ဆရာဝန်-ဆရာမတွေနဲ့ ထိတွေ့နိုင်တဲ့ တခြားအရည်တွေကတော့
- Brain and the spinal cord ဦးနှောက်နဲ့ ခါးရိုးထဲက အာရုံကြောဘေးက အရည်တွေ၊
- Bone joints အဆစ်ထဲက အရည်တွေ၊
- Amniotic fluid ရေမြွာရည်။

STDs transmitted via oral sex လိင်ဆက်ဆံရာမှာ ပါးစပ်ကိုသုံးရင် ကူးစက်စေနိုင်တဲ့ လိင်ကတဆင့်ကူးစက်ရောဂါတွေ
၁။ Herpes ရေယုံ၊ အများဆုံးဖြစ်တယ်။ Herpes simplex virus (HSV) ရေယုံပိုး ၂ မျိုးထဲမှာ HSV type 1 ကနေ Cold sores ပါးစပ်အနာမျိုး ဖြစ်စေပြီး၊ HSV type 2 ကနေ လိင်လမ်း ရေယုံဖြစ်စေတယ်။ နှစ်မျိုးစလုံးကနေ အပြန်အလှန် ကူးစက်စေနိုင်တယ်။ ၂ ကနေဖြစ်စေတာ နည်းတယ်။
၂။ Gonorrhoea ဂနိုရီးယား၊ လွယ်လွယ်နဲ့ ကူးစက်စေနိုင်တယ်။ လိင်အင်္ဂါ-ပါးစပ် အပြန်အလှန် ကူးနိုင်တယ်။ ပါးစပ်နဲ့ လည်ချောင်းမှာဖြစ်ရင် ကိုယ်ခန္ဒာ စနစ်ကနေ ၃ လအတွင်း တိုက်ဖျက်နိုင်ပေမဲ့ လိင်အင်္ဂါမှာ လာဖြစ်ရင်တော့ Antibiotics ပဋိဇီဝဆေး ပေးရမယ်။
၃။ Syphilis (ဆစ်ဖလစ်)၊ ကူးစက်စေနိုင်တယ်။ လိင်အင်္ဂါ-ပါးစပ် အပြန်အလှန် ကူးနိုင်တယ်။
၎။ Genital warts လိင်လမ်း ကြွက်နို့ဟာ Human papillomavirus (HPV) ဗိုင်းရပ်စ် ကြောင့်ဖြစ်တယ်။ ကူးစက်နိုင်ပေမဲ့ အဖြစ်နည်းတယ်။
၅။ Chlamydia (ကလာမိုင်ဒီးယား) ကူးစက်နိုင်ပေမဲ့ အဖြစ်နည်းတယ်။ ပိုးရှိနေတိုင်း ဝေးနာမခံစားတာရှိသလို၊ မကူးစက်တာလဲ ရှိတယ်။
၆။ Hepatitis A အသဲရောင် အေ အမျိုးအစားဟာ အများဆုံးဖြစ်တဲ့ အသားဝါရောဂါတခုပါ။ စအိုကနေထွက်ပြီး ပါးစပ်ထဲဝင်လာ ကူးစက်တယ်။ Anal-oral sex ကနေ ကူးစက်နိုင်တယ်။
၇။ Hepatitis B အသဲရောင် ဘီ ရောဂါကလဲ HIV လိုဘဲ အတူတူကူးစက်နိုင်တယ်။
၈။ Hepatitis C အသဲရောင် စီ ရောဂါက သွေးကတဆင့်ကူးစက်တာ အများဆုံးဘဲ။ Oral sex လုပ်ရင်း သွေးနဲ့ထိစပ်ရင် ကူးစက်မယ်။
၉။ Gastrointestinal infections and parasites အစာခြေလမ်း ကူးစက်ရောဂါတွေနဲ့ သန်ကောင်ရောဂါတွေလဲ Oral sex လုပ်လို့ ကူးစက်နိုင်တယ်။

San Francisco (ဆန်ဖရန်ဆစ္စကို) မှာ ဂေးနဲ့ ဂေးမဟုတ်တဲ့ ယောက်ျား ၁၉၈ ယောက်ကို လေ့လာခဲ့တယ်။ (အိုရယ်လ်-ဆက်စ်) တနှစ် လုပ်ခဲ့တယ်လို့ ပြောကြသူတွေ ဖြစ်တယ်။ ၃၉ ယောက် (၂ဝ%) ဟာ သူတို့ရဲ့ အဖေါ်မှာ HIV positive ရှိတာကိုသိတယ်။ ၃၅ ယောက်က (ကွန်ဒွမ်) မသုံးကြဘူး။ ၁၆ ယောက်က သုက်ရည်ကို မျိုချတယ်။ အဖြေထုတ်တဲ့အခါ HIV ရှိသူတွေနဲ့ အတူနေသူထဲက ၂့၈% ထက်နည်းပြီး ကူးစက်တယ်။ ဒါက ၁ နှစ်တာအတွက်သာ ဖြစ်ပါတယ်။

၂ဝဝဝ ခုနှစ်မှာ (ဆန်ဖရန်ဆစ္စကို) မှာဘဲ နောက်လေ့လာမှုတခုကို ဂေးတွေကိုလုပ်ခဲ့တယ်။ ကူးစက်ခံရသူတွေထဲက ၇့၈% (အိုရယ်) နည်းကြောင့်ဖြစ်တာ သိရတယ်။ ဒါပေမဲ့ ဒီကိန်းဂဏန်းတွေကို တကယ့် သုတေသနအဆင့်လို့ လက်ခံလို့ မရသေးဘူး။

၂ဝဝ၂ မှာ စပိန်မှာ Heterosexuals ကျား-မ ဆက်ဆံသူ HIV negative ပိုးမရှိသူ ၁၃၅ ယောက်ကို လေ့လာမှု လုပ်တယ်။ သူတို့က HIV positive ပိုးရှိသူတွေနဲ့ ဆက်ဆံကြတယ်။ အကာကွယ်မဲ့ လိင်ဆက်ဆံမှုပေါင်း ၁၉ဝဝဝ မှာ HIV ကူးစက်တာ မတွေ့ရဘူး။

၂ဝဝ၉ မှာ ကျင်းပခဲ့တဲ့ စတုတ္ထအကြိမ် International Oral AIDS Conference နိုင်ငံတကာ ညီလာခံမှာ ပါးစပ်သုံးလိင်ဆက်ဆံနည်းကြောင့် AIDS ဖြစ်ဘို့ရာ ဝ့ဝ၄% ခန့်ရှိမယ်လို့ သိရတယ်။

Dr. တင့်ဆွေ