"ချစ်​​သော မေရီ "

(2017 Color Rainbow LGBT ဝထ္ထုရှည်​ပြိုင်​ပွဲ ပထမဆုရ )
                 
တရွေ့​ရွေ့ထွက်​သွားတဲ့ ​မောင့်​​ကျောပြင်​ကို ကြည့်​ပြီး ကျမ စိတ်​​တွေ ရှုပ်​​ထွေးလာသည်​။ ​မောင်​က​တေ့ ဘာမှ မ​ပြော​ပေမဲ့ ဝတ်​​ကျေတန်း​ကျေပဲ နှုတ်​ဆက်​ပြီး ပြန်​သွားတာကို ကြည့်​ကတည်းက ​သူလည်းစိတ်​ထဲ​တော့ သိပ်​မ​ကျေနပ်​တာ ကျမ သိသည်​။

ကျမကို ကျမလည်း မ​ကျေနပ်​။ တကယ်​ဆို ​မောင်​နဲ့ ကျမက ငယ်​ငယ်​​လေးကတည်းက ကစား​ဖော်​ကစားဖက်​၊ ​ကျမတို့ နှစ်​​ယောက်​လုံး နယ်​က၊ အလယ်​တန်း​ရောက်​မှ ရန်​ကုန်​​ရောက်​လာကြသူ​တွေ။ မိဘချင်းကလည်း ငယ်​​ပေါင်း၊ ရန်​ကုန်​​ရောက်​​တော့လည်း တနယ်​ထဲသားဆိုပြီး ပိုခင်​တွယ်​မိသည်၊ ခု ဆယ်​တန်းပြီး​တော့လည်း သူကရုတ်​တရက်​ကြီး ကျမကို ချစ်​​ကြောင်း​ဖွင့်​​ပြောလာသည်​။ သူ​ပြောသည်​ကပင်​ ​နောက်​ကျ​နေ​သေးသည်​။ တကယ်​​တော့ ကျမတို့၏ နှစ်​ဘက်​ မိသားစုအပါအဝင်​ သူငယ်​ချင်း မိတ်​​ဆွေများကပါ ကျမတို့ကို သမီးရည်းစားအဖြစ်​ ထင်​​နေကြပြီးသား ဖြစ်​သည်​။ မဟုတ်​​သေး​ကြောင်းကိုလည်း ကျမအ​နေဖြင့်​ အထူးတလည်​ မရှင်းပြမိ။ ထိုကိစ္စနှင့်​ ပတ်​သတ်​၍ ဘယ်​သူမှ ​ရေးကြီးခွင်​ကျယ်​ မလုပ်ြ​က​သော​ကြောင့်​ စိတ်​အ​နှောင့်​အယှက်​ ဖြစ်​စရာမလိုခြင်း​ကြောင့်​လည်း ပါသည်​။ ရည်းစားရှိသည်​ဟု ထင်​ခံရခြင်း​ကြောင့်​ တခြား ​ကောင်​​လေး​တွေ၏ ​နှောင့်​ယှက်​ခြင်း မခံရသည်​မှာလည်း ​ကောင်းတယ်​ဟု ထင်​မိသည်။

ဆယ်​တန်းစာ​မေးပွဲ​တွေ ​အောင်​စာရင်းထွက်​လာ​တော့ တကယ်​ပဲ ​မောင်​ဖွင့်​​ပြောလာသည်​။ ဆယ်​တန်းမပြီးမချင်း ပညာ​ရေးမှ လွဲ၍ တခြား စိတ်​မဝင်​စားဟူ​သော ​ကျောင်းသူ​လေးများ ​ကြွေး​ကြော်​​နေကျ လက်​သုံးစကားနည်းတူ ကျမ ​ကြွေး​ကြော်​ခဲ့​သော​ကြောင့်​ ဆယ်​တန်း​အောင်​စာရင်း​တွေ ထွက်​တဲ့ထိ ​စောင့်​ခဲ့ခြင်းဖြစ်​သည်​ဟု ​မောင်​က ​ပြောသည်​။ တကယ်​​တော့ ကျမကိုယ်​တို​င်​ပင်​ အဲ့ဒိ့စကား​ပြောခဲ့မိသလား ကျမမမှတ်​မိ။

ချစ်​တယ်၊ ချစ်​လား ​ပြော​တော့ ကျမ နှစ်​ခါမစဉ်းစားပဲ ​ခေါင်းငြိမ့်​ခဲ့သည်​။ ကျမ ​မောင့်​ကို ချစ်​လား၊ မချစ်​လား ကျမ မသိပါ။ ​ကျမ သိတာက ​မောင့်​နှင့်​ အတူရှိ​နေလျှင်​ စိတ်​ချမ်းသာသည်​။ ငယ်​သူငယ်​ချင်းလည်း ဖြစ်​သည်​မို့ လျှို့ဝှက်​ချက်​မရှိ ဘာမဆို အကုန်​ဖွင့်​ဟ တိုင်​ပင်​သည်​။ သူ့ကို အားကိုးသည်​ ယုံကြည်​သည်​။ ချစ်​သည်​ မချစ်​သည်​ကို ကျမ အ​ရေးတယူ မစဉ်းစားမိ။ ​မောင်​က ကျမကို ဖွင့်​မ​ပြောလျှင်​​တောင်​ အချိ်​န်​တန်​လျှင်​ မိဘများက စီစဉ်​မည်​ဟု ကျ​မ​တွေးမိသည်။ ​ရှေးရိုးဆန်​​၍ လင်​​ယောကျာ်းကို ရို​သေ​သော ကျမအ​မေ နှင့်​ ထက်​မြက်​သ​လောက်​ သူတပါးကို သြဇာလွှမ်းမိုးချင်​​သော ကျမ အ​ဖေတို့က ကျမ ချစ်​ခြင်း၊ မချစ်​ခြင်းကို ထည့်​တွက်​မည်​ မဟုတ်​ပဲ လုပ်​ရိုးလုပ်​စဉ်​အတိုင်း သင့်​​တော်​ရာနှင့်​သာ ​နေရာချမည်​ဖြစ်​​ကြောင်းလည်း ကျမသိသည်​။ ထို သင့်​​တော်​ရာမှာ ​မောင်​ ဖြစ်​​နေ​သေးသ​ရွေ့လည်း ပြဿ     နာ မရှိဟု ကျမထင်​သည်​။

တကယ်​တမ်း​ကျ​တော့ ပြဿ     နာ ရှိလာပြန်​သည်​။ ထိုပြဿ     နာမှာ တခြား​တော့ မဟုတ်​။ ကျမ ကိုယ်​တိုင်​ပင်​ဖြစ်​သည်​။ တသက်​လုံး နင်​နဲ့ငါ ​ပြောခဲ့ရာမှ ရည်းစားဖြစ်​​တော့ ​မောင်​ရယ်​ ယွန်းရယ်​ ဆိုပြီး ​ပြောင်း​ခေါ်တဲ့ထိလည်း ပြဿ     နာမရှိ။

တကယ်​တမ်း သမီးရည်းစားရယ်​ ချိန်း​တွေ့ကြ​တော့ ထူးခြားတဲ့ ခံစားမှုကို ကျမ စခံစားရသည်​။ ​မောင်​က ကျမကို ပထမဆုံး လက်​ကိုင်​ဖို့ ကြိုးစား​တော့ ကျမငြင်းမိသည်​။ အစက​တော့ ​မောင်​က ကျမရှက်​​နေသည်​ထင်ပြီး ရယ်​ကျဲကျဲ နဲ့ ​အ​ကြွေးမှတ်​ထားမည်​ဟု သာ​ပြောသည်​။ သို့​သော်​ ရှက်​၍ မဟုတ်​​ကြောင်း ကျမသိသည်​။ ထို​နေ့မှစ၍ ​မောင်​နှင့်​ ​တွေ့ရတိုင်း ကျမစ်ိတ်​ထဲ တင်းကျပ်​လာသည်​။ တစ်​ခုခုကို ဟန်​​ဆောင်​​နေရသလို ထိန်းချုပ်​ထားရသလို ဖြစ်​လာသည်​။

ရေအနက်​ကြီးထဲ​တွင်​ အသက်​​အောင့်​ပြီး​ရေငုပ်​​နေရသလို၊ အနှစ်​ခံ​နေရသလို အသက်​ရှုမဝ ဖြစ်​လာသည်​။ ရင်​ထဲတွင်​ တင်းကျပ်​လာပြီး ​​ပြေး​ပြေး ​ရေ​ပေါ် ​ရောက်​​အောင်​​ပြေး အကုန်​လုံးကို လွှတ်​ချခဲ့ဟု ကြား​ယောင်​​နေသလို ဖြစ်​လာသည်​။ ​မောင်​အနားတွင်​မရှိ​တော့သည်​နှင့်​ တစ်​ပြိုင်​နက်​ ဟင်း ခနဲ သက်​ပြင်းရှည်​ကြီး ချပြီး အသက်​ကို အလုအယက်​ ရှုရသည်​မှာ လုပ်​ရိုးလုပ်​စဉ်​ တစ်​ခုလိုဖြစ်​လာသည်​။

မောင့်​ကို ကျမ သံ​ယောဇဉ်​ ရှိပါသည်​။ ချစ်​သည်​ဟုလည်း ထင်​ခဲ့မိသည်​။ ခုလည်း မချစ်​ မဟုတ်​ ချစ်​သည်​။ သို့​သော်​ ​မောင့်​ကို ချစ်​ခြင်းသည်​ အဓိပ္ပာယ်​ကွဲသည်​ဟု ထင်​မိသည်​။ ဒီ​နေ့ ဖြစ်​တဲ့ ကိစ္စအတွက်​​တော့ ကျမ အရမ်းစိတ်​မ​ကောင်းဖြစ်​မိသည်​။

ဖြစ်​ပုံက ​မောင်​က ကျမဆီကို အလည်​လာသည်​။ အိမ်​တွင်​ ဘယ်​သူမှ မရှိ၊ ဒါကလည်း အဆန်း​တော့ မဟုတ်​၊ အရင်​ကလည်း နှစ်​​ယောက်​တည်း အကြိမ်​များစွာ အတူရှိဖူးသည်​။ ​မောင့်​ရဲ့ ကိုယ်​ကျင့်​တရားကို ဘယ်​တုန်းကမှ ​မေးခွန်း မထုတ်​ခဲ့။

ဒီ​နေ့လည်း ​မောင်​​ရောက်​လာ​တော့ ဧည့်​ခန်း ဆို​ဖာ​ပေါ်တွင်​ အတူတူထိုင်​ကြသည်​။ ​မောင်​က နည်းနည်းပိုပြီး ပူးကပ်​လာ​တော့ စိတ်​မသက်​မသာ ဖြစ်​လာသည့်​တိုင်​ ဖွင့်​မ​ပြောခဲ့၊ ​နောက်​ ​မောင်​က ကျ​မလက်​ကို ကိုင်​ကာ နမ်းရှုံ့သည်​ထိလည်း ကျမ ငြိမ်ခံ​နေခဲ့သည်​။ စိတ်​ထဲ​တွင်​​တော့ မအီမသာ ဖြစ်​လာသည်​။ ရွံရှာ မိသလို၊ မုန်းတီးမိသလို။ ​မောင့်​ကိုလား၊ ကျမကိုယ်​ ကျမလား ကျမလည်း မသိ​တော့။ ​​မောင်​က တဖန်​ သူဘယ်​လက်​ကို ကျမ ပုခုံး​ပေါ် သိုင်းကာ ကျမကို ဆွဲယူပြီး နမ်းရှုံ့ရန်​ ကြိုးစားသည်​။ တကယ်​​တော့ ရည်းစားသက်​တမ်း ၃လအတွင်း ဒီတစ်​ခါသာ အနီးစပ်​ဆုံးဖြစ်​ခဲ့သည်​။ အရင်​ကဆို လက်​ကိုင်​ရုံမျှဖြင့်​ပင်​ စိတ်​ရှုပ်​လာပြီး ရုန်းကန်​ခဲ့သည်​။ အဲ့ဒိ့အတွက်​လည်း ကျမမှာ အားတုံ့အားနာ ဖြစ်​ရသည်​။ လူကြားထဲမို့ ရှက်​ခြင်းလား ကျမကိုယ်​တိုင်​ပင်​ မသဲကွဲခဲ့။
ခု​တော့ ​အိမ်​မှာ ဘယ်​သူမှ မရှိ၊ ​မောင်​က ကျမကိုနမ်းရှိုက်​ရန်​ ကြိုး​စား​နေသည်​။

" ဟင့်​အင်း ဟင့်​အင်း " ကျမကို​ယ်​ ကျမ မသိလိုက်​ခင်​မှာပင်​ အလန့်​တပြား ငြင်းဆန်​ပြီး ​မောင့်​ကို တွန်းဖယ်​လိုက်​ကာ ဆိုဖာ​ပေါ်မှ ခုန်​ထမိလိုက်​သည်​။

" ယွန်း... ယွန်း ... ဘာဖြစ်​လို့လဲဟင်​ " ​မောင့်​အသံက ဇ​ဝေဇဝါ နှင့်​ ရှက်​သွားပုံလည်း ​ပေါ်သည်​။

" ​ဆောရီးပါ ​မောင်​ရယ်​၊ ယွန်း တစ်​​ယောက်​ထဲ ​နေပါရ​စေ၊ ပြန်​ပါ​တော့​နော်​ "

" ​သြော်​... အင်းပါ ယွန်းရယ်.. ဘာအဆင်​မ​ပြေတာရှိလဲ၊ တစ်​ခုခုဆို ​မောင့်​ကို ​ပြော​နော်​ "

" ဟုတ်​ကဲ့ပါ ​မောင်​.. ဒီတိုင်းပဲ.. ဒီလိုပါပဲ "

ဒီလိုနဲ့ ​အစမှာ ကျမ​ပြောခဲ့သလို မောင်​ပြန်​သွားခဲ့သည်​။ ကျမက​တော့ စိတ်​​တွေ ရှုပ်​​ထွေးပြီးကျန်​ခဲ့သည်​။

ထိုကိစ္စ​တွေ ဖြစ်​ပြီး တစ်​ပတ်​ကြာ​​တော့ ကျမတို့ သင်​တန်းကလူ​တွေ စုပြီး ပုဂံသွားဖို့ ဖြစ်​လာသည်​။ ​မောင်​က​တော့ ထိုအ​တောအတွင်း သိပ်​ပြီး ရွှင်​ရွှင်​မြူးမြူးမရှိလှ။ ကျမကလည်း ခပ်​ခွာခွာ​နေ​နေမိသည်​။

ပုဂံသွားမဲ့ ခရီးစဉ်​ကိုလည်း ​မောင်​ မလိုက်​ခဲ့။ အဲ့ဒိအတွက်​​တော့ စိတ်​မ​ကောင်းဖြစ်​မိသလို တဖက်​ကလည်း စိတ်​သက်​သာရာ ရမိသည်​။

မိုးတွင်းကြီး ပုဂံသွားရတာ တမျိုး​တော့ ​ကောင်းသလိုပင်​၊ စိမ်းစို​နေ​သော အညာ​ဒေသကို မြင်​ရသည်​မှာ တမျိုးဆန်းသည်​။ ကျမက ​မေရီဆို​သော မိန်းက​​လေးနှင့်​ တခန်းထဲ အတူတည်းရသည်​။ အားလုံးက ၃​​ယောက်​ခန်းရသည်​။ ၂​ယောက်​တည်း အစွန်းထွက်​​နေသဖြင့်​ ကျမနှင့်​ ​မေရီ နှင့်​သာ တစ်​ခန်းလုံးမှာ နှစ်​​ယောက်​တည်း ​နေရသည်​။ ကျမတို့ သင်​တန်းက လူများသဖြင့်​ တည်းခိုခန်းတစ်​ခုလုံး သင်​တန်းမှ လူများဖြင့်​ ပြည့်​သွားသည်​။ ကျမတို့ နှစ်​​ယောက်​ခန်းအတွက်​ Twin bed ပါ​သော အခန်းမရ၊ Double  bed သာရသည်။ ဆရာမကလည်း ​မိန်းမက​လေးချင်းပဲ ​နေလိုက်​ပါ သမီးတို့ရယ်​ ဟုဆိုလာသည်​။ ကျမ​အ​နေဖြင့်​လည်း သိပ်​ပြဿ     နာ မဟုတ်​ဟု ထင်​မိသည်​။ ​မေရီက​လည်း လိုလိုလားလားပင်​ လက်​ခံသည်​။

မေရီ က နည်းနည်း​တော့ ထူးခြားသည်​။ သူက ဆယ်​တန်းနှစ်​နှစ်​ကျ၊ အသက်​က ၁၈ ကျော်​​နေပြီဖြစ်​သည်​။ စာ​မေးပွဲကျသည်​ဆို​ပေမဲ့ အ​တော်​ညဏ်​ထက်​သူဖြစ်​သည်​။ ကြားရသည်​မှာ​တော့ မိသားစု ပြသနာများဖြင့်​ အမြဲစိတ်​ညစ်​​နေရပြီး အရွဲ့တိုက်​​သော​ကြောင့်​ ကျရသည်​ဟု ကြားသည်​။ ကျမတို့ နယ်​မှာက ​ကျောင်းတက်​​နောက်​ကျသဖြင့်​ ဆယ်​တန်းနှစ်​နှစ်​ကျပြီးမှ ​အောင်​လာ​သော ​မေရီနှင့်​ ကျမက အသက်​တစ်​နှစ်​သာကွာသည်​။ အသက်​ ၁၈ ​ကျော်​ ​မေရီက ကျမထက်​ ပိုညှက်​သည်​။ ကျမက​တော့ ငယ်​စဉ်​က နယ်မှာ လွတ်​လွတ်​လပ်​လပ်​ ​ပြေးလွှား​ဆော့ကစားခွင့်​ ရခဲ့သူမို့ သန်​မာသည်​။ အကြမ်းခံသည်​ဟု ​ပြောရမည်​။ ​မေရီ်​က​ မျက်​နှာ​လေးက​တော့ နုနုနယ်​နယ်​။ ဒါ​ပေမဲ့ သူ့ပုံက ထက်​မြက်​ပုံ​ပေါ်ပြီး အမြဲတက်​ကြွ​နေသည်​။ သူ့ထက်​ကြီး​သော ဂျင်းဂျာကင်​ အ​ဟောင်းကြီးကို မကြာမကြာ ဝတ်​တတ်​သည်​။ ဆုံးသွားသော သူ့အ​ဖေဟာဟုလည်း ကြားမိသည်​။ မျက်​လုံး​တောက်​​တောက်​၊ အသားဖြူဖြူ၊ နုနု နှင့်​ ဂျာကင်​ကြီးကြားမှာ တစ်​ကိုယ်​လုံး မြုပ်​ဝင်​​နေ​သော ခပ်​စွာစွာ ​ကောင်​မ​လေး ​မေရီကို ကျမ သတိထားမိ​သော်​လည်း တရင်းတနှီး​တော့ မရှိလှ။ တကယ်​​တော့ ​မေရီ် နှင့်​သာ မဟုတ်​။ တခြားသူများနှင့်​လည်း သိပ်​တရင်းတနှီး မရှိလှ။ ကျမအတွက်​ သူငယ်​ချင်းလို​ရော ရည်းစားလို​ရေ ​ပေါင်းလို့ရသည့်​ ​မောင်​က အနားမှာ တစ်​ချိန်​လုံး ရှိ​နေ၍ ဖြစ်​သည်​။

" ယွန်း ဟုတ်​တယ်​မလား၊ အစ်​မက ​မေရီ ပါ၊ မြင်​​နေကျ​ပေမဲ့ တခါမှ ​သေချာမိတ်​မဆက်​ဖူးဘူး "  အခန်းထဲ ​ရောက်​​ရောက်​ချင်း ​မေရီက နှုတ်​ဆက်​သည်​။ သူကသာ သူ့ကိုယ်​သူ အမလို့ နာမ်​စားသုံး​နေ​သော်​လည်း ကျမ မျက်​စိထဲ​တော့ ​ကောင်​မ​လေး​သေး​သေး​လေးသာ ဖြစ်​သည်​။

"ဟုတ်​. ကျမ က ယွန်း ပါရှင့်​၊ ​သေချာ မနှုတ်​ဆက်​ဖြစ်​​သေးဘူး​နော်​ "
" ဟုတ်​တယ်​ ယွန်းက ​ဘေးမှာ ​ကောင်​​လေးတစ်​​ယောက်​နဲ့ အမြဲ အလုပ်​ရှုပ်​​နေတာ​လေ၊ ရည်းစားမဟုတ်​လား၊ သူ​ရော ပါမလာဘူးလား "

"​သြော ဟုတ်​တယ်​။ ​မောင်​က ​နေသိပ်​မ​ကောင်းလို့ လိုက်​မလာတာ၊ သူနဲ့က က​လေးဘဝတည်းက တူတူ​လေ "

မေရီက ကျမကို ပြုံး၍သာ ကြည့်​​နေသည်​။ သူမရဲ့ ပြုံး​နေပုံက အဓိပ္ပာယ်​​ဖော်​ရခက်​သည်​။ ရုတ်​တရက်​ ရင်​ထဲမှ ထူးထူးခြားခြား လှုပ်​ရှားလာသည်​။ ဘာ​ကြောင့်​ရယ်​မသ်ိ။

အခန်းထဲမှာ ပစ္စည်းများ ​နေရာချပြီး​တော့ ​အလည်​အပတ်​ ခရီးစဉ်​က စ​ချေပြီ။
တ​နေ့လုံး ကျမ ​မေရီနှင့်​ တူတူရှိ​နေသည်​။ ​ရင်​ခုန်​စရာ၊ ​ပျော်​စရာဟု ကျမ ခံစားမိသည်​။ ည​နေ​စောင်း၍ အခန်းပြန်​​ရောက်​​တော့ ညစာမစားခင်​ ​ရေမိုးချိုး ဖြီးလိမ်းရသည်​။
မေရီက တူတူချိုးမလားဟု ​ပြော​တော့ ခပ်​​အေး​အေးပင်​ ငြင်းလိုက်​သည်​။ အရှက်​အ​ကြောက်​ကြီး၍ ​ရှေးရိုးဆန်​လာ​သော အ​မေ၏ အုပ်​ထိန်းမှု ​အောက်​မှ ကျမသည်​ မဟုတ်​မခံ၊ ​ပြောရဲဆိုရဲ ရှိ​သော်​လည်း တချို့နရာများတွင်​ အ​မေ၏ နည်းတူ ရှက်​ရွံ့မြဲ၊ ​ရှေးဆန်​မြဲပင်​။

မေရီက ကျမကို အရင်​ချိုးခိုင်းသည်​။ ကျမ ​ရေချိုးသည်​က အ​တော်​မြန်​သည်​။ ​ရေချိုးပြီးတာနဲ့ ​မေရီဝင်​သည်​။ သူ​ရေချိုးခန်းထဲ ဝင်​သွားပြီဆို​တော့ ကျမလည်း လွတ်​လွတ်​လပ်​လပ်​ပင်​ အဝတ်​လဲသည်​။ ​ပေါ့​ပေါ့ပါးပါး ​အားကစားဘောင်းဘီရှည်​ ဝတ်​ပြီး ဘယာကို ဝတ်​သည်​။ အ​ပေါ်မှ ​ဝတ်​ရန်​ တီရှပ်​ တစ်​ထည်​ကို ယူလိုက်​ချိန်​မှာပင်​ ဖျတ်​ခနဲ ​ရေချိုးခန်းတံခါး ပွင့်​လာသည်​။

မေရီက သဘက်​​ကိုရင်​လျှားရင်း တံခါးဝမှ ​နေ၍ ကျမကို ​စိုက်​ကြည့်​​နေသည်​။ ကျမစိတ်​ထဲ ဒုတိယအကြိမ်​ ရင်​​တွေခုန်​ပြီး စိတ်​လှုပ်​ရှားလာပြန်​သည်​။ ​ရေငတ်​သလိုလို၊ အသက်​ရှုပ်​ ကြပ်​သလိုလိုဖြစ်​သည်​။

မေရီက ​ကျမ​ဘေးမှ ဖြတ်​ကာ ကုတင်​​ပေါ်သို့ သဘက်​ပတ်​လျက်​ပင်​ လှဲချလိုက်​သည်​။ ဆံပင်​ဖျားများမှာ ​ရေစိုလျက်​ရှိသည်​။

"ယွန်းက ကိုယ်​လုံးလှတယ်​​နော်​၊ ကစားထားတာလား၊ ခုလို အားကစား​ဘောင်းဘီပွနဲ့ ဘယာနဲ့ ဆို​တော့ ကြည့်​ရတာ လက်​​ဝှေ့သမားကြီးကျ​နေတာပဲ "
မေရီကအိပ်​ယာ​ပေါ်မှာ ပက်​လက်​လှန်​ကာ ကျမ​ကို ​ငေးကြည့်​ရင်း​ပြောသည်​။

အပြင်​မှာ ရုတ်​တရက်​ မိုး​တွေ ရွာချလာသည်​။
မိုး​များက တဝုန်းဝုန်းနှင့်​၊ အိပ်​ယာ ​ခေါင်းရင်း ပြတင်း​ပေါက်​မှ မိုးစက်​များ ဝင်​လာသည်​။

" ဟယ်​ မိုးပက်​​နေပြီ၊ ​မေရီ​ ​ရေ ပြတင်း​ပေါက်​ ပိတ်​လိုက်​ပါဦး "
" အင့်​ဟင်း... ​မေရီ ကို​​ယ်​​တွေကိုက်​ပြီး မလှုပ်​ချင်​ဘူး။ ယွန်းပဲ ပိတ်​လိုက်​ပါကွာ...​နော်​ "

ကျမလည်း အိပ်​ရာ​ပေါ် အပျင်းတစ်​​နေ​သော ​မေရီကို တချက်​ကြည့်​ကာ အိပ်​ယာ​ပေါ်သို့ ကုန်းတက်​ပြီး ​မေရီ့ကို ​ခွမိုးလျက်​ပင်​၊ လက်​ကို ဆန့်​ထုတ်​၍ မှန်​တံခါးကို ဆွဲပိတ်​သည်​။
" ဒီည​တော့ မိုး​အေး​အေးနဲ့ ​ကွေးပြီ​လေ၊ အဲကွန်း​တောင်​မလို​တော့ဘူး "

လက်​ကို ရုတ်​၍ ​ရှေ့သို့ ဒူး​ထောက်​ကာ ကုန်းထား​သော ခါးကို ​နောက်​သို့ ​ရွှေ့ရင်း​ပြောသည်​။

" ​နော့ ​မေရီ "

မေရီက ဘာမှ ပြန်​မ​ပြော၊ ကျမ ငုံ့ကြည့်​လိုက်​​တော့ ​မေရီက ကျမ​အောက်​မှ ​နေ၍ ကျမကို ရီ​ဝေ​ဝေ ​မော့ကြည့်​​နေသည်​။ ကျမက သူ့ကို အ​ပေါ်မှ မိုး၍ ​လေးဘက်​ ခွလျက်​သား၊ ​မေရီက ​ခေါင်းကို ​ဘေးသို့ ​စောင်းပြီး ကျမ လက်​​မောင်းများကို ပွတ်​သပ်​သည်​။

" ယွန်းရဲ့ လက်​​မောင်း​တွေက သန်​တယ်​​နော်​၊ ကစားလား ယွန်း "
" ​ထွေ​ထွေထူးထူး​တော့ မကစားပါဘူး။ ဒီတိုင်း အိမ်​အလုပ်​​တွေ ဝိုင်းလုပ်​​ပေးရလို့​နေမှာ၊ ​အ​ဖေက စည်းကမ်းကြီးတယ်​၊ မိန်းမပီသမှ ကြိုက်​တာ၊ ​မေရီ့ ​အ​ဖေက​ရော "

ကျမ မရည်​ရွယ်​ပဲ ​မေးပြီးမှ ရုတ်​တရက်​ အမှားကြီးလုပ်​လိုက်​မိပြီဟု သိလိုက်​ရသည်​။ ​မေရီ့ အ​ဖေက ဆုံးသွားပြီပဲ။ သူ့အ​ဖေ​သေဆုံးကမှူက သူတို့ မိသားစုတွင်း အရှုပ်​အ​ထွေး​ပေါင်းများစွာ​ ဖြစ်​​စေခဲ့သည်​​ဘေ။  ကျမ အလန့်​တကြား ငုံ့ကြည့်​လိုက်​မိ​တော့ ​မေရီမှာကျမ လက်​​မောင်း​တွေကို တို့ထိထားလျက်​ကပင်​ ကြက်​​သေ​သေ​နေဟန်​ဖြင့်​ ကျမကို ​မော့ကြည့်​​နေပြန်​သည်​ ။ မျက်​လုံး အိမ်​ထဲတွင်​ မျက်​ရည်​များ ​ဝေ့တက်​လာသည်​ဟု ထင်​မိသည်​။

" အို .. ​မေရီရယ်​.. ​မေရီ ​ဆောရီးပါ၊ ကျမ မရည်​ရွယ်​ပါဘူး "
မေရီက ကျမကို ​ငေးကြည့်​​နေဆဲ ဖြစ်​သည်​။ ​​မေရီ့ပါး​လေးကို ကျမ အသာအယာ ကိုင်​လိုက်​သည်​။ လက်​မဖြင့်​ ​စီးကျလာ​သော မျက်​ရည်​စက်​ကို ပင့်​သုတ်​လိုက်​သည်​။
မေရီရယ်​ ​မေရီ့ နှဖူး​လေးကိုကျမ ဖွဖွ​လေး နမ်းလိုက်​သည်​။ ​နောက်​ ပါးကို  ​မွှေးသည်​။
ဘာရည်​ရွယ်​ချက်​မှ မရှိ၊ သည်​အတိုင်း​ ​မေရီ့ကို ခံစားရ သက်​သာ​စေရန်​သာဖြစ်​သည်​။

ပါး​လေးကို ​မွှေးပြီး ​မေရီ့ကို ငုံ့ကြည့်​မိသည်​။ ​မေရီ့မျက်​လုံး​လေးများ​မှေးစင်း​နေသည်​။ ကျမ စိတ်​ထဲတတိယ အကြိမ်​​မြောက်​ ရင်​​တွေ ခုန်​လာပြန်​သည်​။
မေရီက ကျမကို လက်​​မောင်းကို ထိထား​သော သူ့လက်​ကို ​မြောက်​ကာ ကျမလည်​ပင်းကို သိုင်း၍ ​နောက်​တစ်​ဖက်​ဖြင့်​ ​ကျော​နောက်​မှ သိုင်းယူကာ ကျမကို သူ့မျက်​နှာဆီ ဆွဲချသည်​။

" ဟင့်​အင်း အဲ့ဒိ့လို မဟုတ်​ဘူး​လေ၊ မဟုတ်​ဘူး "
ကျမ စိတ်​ကမှ အသံကုန်​​အော်​ဟစ်​​နေ​သော်​လည်း အသံများက လည်​​ချောင်းထဲတွင်​သာ ​တစ်​​နေသည်​။
မှန်​ပြတင်း​ပေါက်​ကို မိုးစက်​​တွေ တဝုန်းဝုန်း ရိုက်​သံ​တွေကြားတွင်​ ​မေရီ့ ညည်းသံထွက်​လာသည်​။
ကျမ နှုတ်​ခမ်းများက တသက်​တာတွင်​ အနူးညံ့ဆုံးရ အချိုမြိန်​ဆုံး အရာတစ်​ခုကို ခံစား​နေသည်​။ ပါးပြင်​မှ လည်​ကုပ်​၊ ထိုမှတဆင့်​ ​မေရီ့ လက်​​ချောင်းများက ကျမ​ကျော​ပေါ်တွင်​ ​လျှောက်​သွား​နေပြီး ကျမ ဘယာချိတ်​ကို လှမ်းကိုင်​လိုက်​သည်​။

" ကလစ်​၊ ကလစ်​ " တံခါး လက်​ကိုင်​လှည့်​သံ​ကြောင့်​ ကျမ ထူပူသွားမိပြီး ​မေရီ့ကို တွန်းဖိချကာ အမြန်​ထရပ်​ပြီး ​နီးရာအဝတ်​တစ်​ခုကို ဆွဲယူသည်​။

" ​ဟေ့ တို့ ဝင်​လာမယ်​​နော်​ "တံခါးက ဟလာပြီး အဖွဲ့​ခေါင်း​ဆောင်​ သီရိ အသံက ထွက်​လာသည်​။ ​မ​ရှေးမ​နှောင်းမှာပင်​ သီရိ လူကိုယ်​တိုင်​ အခန်းထဲ ​ရောက်​လာသည်​။

" ဟိတ်​ ဘာ​တွေ လုပ်​​နေကြတာလဲ၊ မပြီးကြ​သေးဘူးလား၊ ညစာစားဖို့ လူစုံ​နေပြီ " သီရိက စပ်​ဖြဲဖြဲဖြင့်​ ​ပြောသည်​။ သူ့မျက်​နှာမှာ မချိုမချဉ်​ ဖြစ်​​နေသည်​ဟု ကျမ စိတ်​ထဲ ထင်​မိသည်​။ ကျမ မျက်​နှာမှာ ထူပူ​နေပြီး ​ခေါင်းကြီး ကြီးလာကာ ​ပေါက်​ကွဲထွက်​​တော့မည်​ဟုခံစား​နေလျက်​ကပင်​ မသိသာဖူးဟု ​မျှော်​လင့်​လျက်​

" အင်း ကျမက ပြီးပြီ၊ ​မ​မေရီ​လေ ၊သူ ​ခေါင်းဆံပင်​​တွေ မ​​ခြောက်​​သေးလို့ ကူညီ​ပေး​နေတာ "

"အင်း..ဟုတ်​တယ်​။ အမ ဆံပင်​​တွေ​ခြောက်​အောင်​လုပ်​ပြီး မြန်​မြန်​ ဆင်းခဲ့မယ်​​နော်​ " ​မေရီကပါ သဘက်​ ရင်​လျားဖြင့်​ ကုတင်​​ပေါ် ထိုင်​​နေရင်း ဝင်​​ပြောသည်​။ ​မေရီ ဘယ်​တုန်းကပင်​ ထထိုင်​လိုက်​မှန်း ကျမ မသိလိုက်​။

သီရိ ထွက်​သွားသည်​နှင့်​ ကျမ အရုပ်​ကြိုးပျက်​ ထိုင်​ချလိုက်​မိသည်​။ သီရိ သီရီ ၊ အဖွဲ့​ခေါင်း​ဆောင်​ သီရိ၊ သီရိ အဖွဲ့​ခေါင်း​ဆောင်​ ဖြစ်​​နေရခြင်းမှ စပ်​စုတတ်​ခြင်း၊ စကားများခြင်း၊ သတင်းစုံခြင်း၊ ဖင်​​ပေါ့၍ ခိုင်း​ကောင်းခြင်းတို့​ကြောင့်​ ဖြစ်​သည်​။
ခု သူကျမတို့ကို မြင်​သွား​သလား၊ မမြင်​ဖူးလား ကျ မ မသိ၊ တံခါး​လက်​ကိုင်​ကို လှည့်​သံ ကြားကြားခြင်း ထထိုင်​ လိုက်​သည်​မှာ ​သေချာ​သော်​လည်း သူအပြင်​က ​ချောင်းကြည့်​ ​​နေမလားဟု ​တွေးမိသည်​။

ချောင်​ကြည့်​​ရင်​​ရော၊ ကျမ တို့ မ​တော်​တဆ နမ်းမိခြင်းသာ ဖြစ်​သည်​ဟု ​ပြောမည်​။ ဟုတ်​သည်​။ တကယ်​လည်း မ​တော်တဆဖြစ်​ပြီး စက္ကန့်​ပိုင်း​လောက်​သာ ကြာခဲ့သည်​။ ​​မေရီ့ကို ကျမ စူးစူးရဲရဲ ကြည့်​မိသည်​ဟု ကျမထင်​သည်​။ ​မေရီက ဂါဝန်​ ပွပွကို ​ကောက်​စွပ်​ပြီး တံခါးဝကို ​လျှောက်​သွားသည်​။

" ​မေရီ.. ​လျှောက်​မ​ပြောနဲ့​နော်​ " ကျမက အံကြိတ်​သံဖြင့်​ သတိ​ပေး​တော့ ​မေရီက အင်းပါ ဟု စိတ်​မပါလက်​မပါ ​​ပြောပြီး ထွက်​သွားသည်​။

ညစာစားပွဲတွင်​အားလုံး လူစုံ​နေပြီမို့ အားလုံး၏ မျက်​လုံးများက ​နောက်​ဆုံးမှ ဝင်​လာ​သော ကျမနှင့်​ ​မေရီ နှစ်​​ယောက်​ဆီသာ ​ရောက်​​နေသည်​။

ကျမပဲ စိတ်​ထင်​၍လား မသိ၊ အားလုံးက စပ်​ဖြဲဖြဖြစ်​​နေသည်​။ အထူးသဖြင့်​ ​ယောက်ျား​​လေးများက အလွန်​ရယ်​စရာ​ကောင်း​သော တစ်​ခုခုကို ချုပ်​တည်းထားရဟန်​ဖြင့်​ ပြီတီတီ ဖြစ်​​နေပြီး မိန်းက​လေးများ အချင်းချင်း တီးတိုးတီးတိုးလုပ်​​နေသည်​။

" ဟာ ဒီအတွဲ ​နောက်​ကျလှချည်​လား၊ ဘာ​တွေ လုပ်​​နေကြတာလဲ " ဘယ်​သူ့ဆီကမှန်း ကျမ သတိမထားမိ​သော ​ယောကျာ်း​လေး အသံတစ်​သံထွက်​လာပြီး ဝါးခနဲ ရယ်​သံ အပြုံလိုက်​ကြီး ထွက်​လာသည်​။

ကျမ တစ်​ကိုယ်​လုံး ပူသထက်​ ပူလာပြီး အ​ငွေ့ပျံ​တော့မည်​ဟု ထင်​မိသည်​။ စိတ်​​​တွေ ရှုပ်​​ထွေးလာပြီး ​ဘာကို ​ဒေါသထွက်​မှန်း မသိထွက်လာသည်​။
ကျမကိုယ်​ကျမလား၊ ​မေရီ့ကိုလား၊ ရွာချလာသည့်​ မိုးလား၊ သီရိလား၊ ရယ်​​နေကြသည့်​ လူ​တွေလား။
ညစာစားပွဲက တစ်​သက်​တာတွင်​စိတ်​အဆင်းရဲ ရဆုံးညစာစားပွဲ ဖြစ်လာသည်​။
ပြောသမျှ စကားလုံးတိုင်း၊ ​လုပ်​သမျှ အပြုအမူတို​င်းသည်​ ကျမနှင့်​ ​မေရီတို့ ကိစ္စကို သီရိက မြင်​သွားပြီး အားလုံးကို ​ပြောပြလိုက်​၍ ကျမတို့ ​စောင်း​မြောင်း ​လှောင်​​ပြောင်​​နေသည်​ဟုသာ ထင်​​နေမိသည်​။

အင်​မတန်​စည်းကမ်းကြီး၍ မဟာပုရိသ ဝါဒရှင်​ဖြစ်​​သော အ​ဖေ့ကိုလည်း မျက်​လုံးထဲ မြင်​လာမိ၍ ကျမ စိတ်​ထဲ ​ကြောက်​လန့်​လာသည်​။ ငယ်​စဉ်​ နယ်​မှာ ​နေတုန်းက မီး​သွေးဆိုင်​ဖွင့်​ထား​သော ​ယောကျာ်းလျှာတစ်​​ယောက်​ တရက်​ အိမ်​အပြန်​လမ်းတွင်​ သူနဲ့ အတူ​ပေါင်းသင်းလျက်​ရှိ​သော ​ယောကျာ်း​လေးသူငယ်​ချင်းအုပ်​စုထဲမှ သုံး​ယောက်​က သူ့အား မုဒိမ်းကျင့်​ပြီး ရက်​ရက်​စက်​စက်​ သတ်​ဖြတ်​ခဲ့ကြသည်​ကို ပြန်​အမှတ်​ရသည်​။ သူ အသတ်​ခံရ​တော့ သနား​သော  လူများထက်​ အပြစ်​တင်​သူများက ပိုများခဲ့သည်​။
ထိုလူများထဲတွင်​ ကျမ ​အ​ဖေက ထိပ်​ဆုံးက ဖြစ်​သည်​။

မိန်းက​လေးတန်​မဲ့ ​ယောက်ျားတရုံးရုံးနဲ့ ​နေတယ်​။
သဘာဝကို လွန်​ဆန်​တယ်​။ မိန်းမက မိန်းမပဲ ခု​တော့ ခံရပြီမလား၊ စသဖြင့်​ အမျိုးစုံ​နေ​ကာ အဓိကက​တော့ မိန်းမဖြစ်​ပြီး သဘာဝကို လွန်​ဆန်​၍ သည်​လို အဖြစ်​ဆိုးနဲ့ ကြုံရသည်​ဟု ကျမအား ဆုံးမခဲ့သည်​။ ကျမကိုယ်​တိုင်​လည်း ထိုအတိုင်းပင်​ လက်​ခံထားခဲ့သည်​။ ​​ရှေးရိုးစွဲ အတ္တကြီး​သော အ​ဖေသည်​ အ​မေ့ကိုလည်း သူ့စိတ်​တိုင်းကျ ပုံသွင်းပြီး ကျမအားလည်း သူ့သ​​ဘောအတိုင်း ​နေ​စေခဲ့သည်​။

ခု​တော့ ကျမကပါ မိန်းမချင်းနမ်းခဲ့သတဲ့။ အ​ဖေများသိရင်​ ဘယ်​​လောက်​​တောင်​ ​ဒေါသထွက်​မလဲဟု ကျ​မ​တွေးရင်း ​ကျောထဲ စိမ့်​လာသည်​။

မေရီ့ကို ကြည့်​လိုက်​​တော့​မေရီက ​ခေါင်းကြီး ငုံ့လျက်​ အစားသာ တွင်​တွင်​စား​နေသည်​။ ထိုည အခန်းထဲ ပြန်​​ရောက်​​တော့ နှစ်​​ယောက်​သား ​ကျောခိုင်းကာ ကိုယ်​စီ အိပ်​ရာဝင်​ခဲ့သည်​။

မီးများပိတ်​၍ ​မှောင်​မဲ​နေ​သော အခန်းထဲတွင်​ မိုးသံတ​ဖြောက်​​ဖြောက်​သာ ကြား​နေရသည်​။
အ​မှောင်​ထဲကို ​ငေးရင်း ဒီ​နေ့ဖြစ်​ခဲ့တာ​တွေကို စဉ်းစားမိသည်​။ ​ထိုအချိန်​က ကျမစိတ်​​တွေ ဘယ်​လိုဖြစ်​​နေခဲ့သလဲဟု ပြန်​​တွေးသည်​။ ​ကြောက်​စရာ​ကောင်း​လောက်​​အောင်​ပင်​ ကျမ ကိုယ်​တိုင်​က စိတ်​အားထက်​သန်​​နေခဲ့သည်​။ ​မောင်​နှင့်​ အတူ ရှိ​နေစဉ်​က ခံစားမှုမျိုးမဟုတ်​၊ ​မောင်​ ကျမ လက်​ကိုကိုင်​တဲ့အချိန်​တိုင်း၊ေ​ပွ့ဖက်​သည့်​အခါတိုင်း၊ ​နောက်​ဆုံး နမ်းရန်ကြံခဲ့သည့်​အခါမျိုး ထိုအခါမျိုးတိုင်း စိတ်​ရှုပ်​ရသည်​။ မသိစိတ်​က မနှစ်​မြို့၊ ခု​တော့ ကျမကိုယ်​တိုင်​က လိုလိုလားလား ဖြစ်​​နေခဲ့သည်​။

အ​မှောင်​နှင့်​ ကျင့်​သားရလာသည်​နှင့်​ အမျှ အခန်းထဲရှိ အရာများကို တဖြည်းဖြည်း သဲကွဲလာသည်​။
ကျောခိုင်း​ထား​သော ​မေရီ့ကို လှမ်းကြည့်​လိုက်​​တော့ ​မေရီက ကုတင်​အစွန်းထိ ​ရောက်​​နေကာ ​ကျောခိုင်း၍ ​ ​ကွေး​ကွေး​လေး အိပ်​​ပျော်​​နေသည်​။ သူ့ခန္ဓာ​လေးမှာ နိမ့်​လိုက်​ မြင့်​လိုက်​ဖြင့်​ ခပ်​မှန်​မှန်​ အသက်​ရှု​နေပြီး အိပ်​​ပျော်​​နေပုံရသည်​။

သေး​သေး​ကွေး​ကွေး ​မေရီ​လေးနှင့်​ ည​နေက နမ်းခဲ့​သော အ​ကြောင်း​တွေးမိခဲ့​သောအခါ ကျမ ရင်​​တွေ ပူလာပြီး ​ရေငတ်​သလိုလိုဖြစ်​လာသည်​။ ကျမ၏ ဘဝတွင်​ ပထမဆုံး အနမ်းသည်​ အခြားမိန်းမ​တစ်​​ယောက်​ အတွက်​ ဖြစ်​​နေသည်​။ ​မောင်​နှင့်​ပင်​ တခါမှ မခံစားရဖူး​သော ခံစားမှုကို အ​တွေးဖြင့်​ပင့်​ တလိမ့်​လိမ့်​​နေ​အောင်​ ခံစား​နေသည်​။ ခန္ဓာကိုယ်​တွင်း ​တ​စ်​​နေရာမှ ဆူဆူညံညံ​အော်​ဟစ်​ လျက်​ရှိပြီး ​မေရီ့ကို ​ပွေ့ဖက်​ပစ်​ရန်​၊ နမ်းရှုံ့ပစ်​ရန်​ ​အော်​ဟစ်​ အမိန့်​​ပေးလျက်​ရှိသည်​။

"ဟင့်​အင်း လုံးဝ အဲ့လို မဖြစ်​​စေရဘူး " တစ်​​ယောက်​တည်း စိတ်​ထဲမှ ကျိတ်​သန္ဒိဠာန်​ချပြီး အိပ်ယာထဲကနေ ထွက်ကာ ရေချိုးခန်းထဲ ဝင်သည်။ လက်ဆေးကန်က ရေတွေ တဆုံးထိဖွင့်ချပြီး မျက်နှာကို ခပ်ဆတ်ဆတ်လေး ရေနဲ့ ပင့်ရိုက်မိသည်။

မှန်ထဲက ရေတွေစိုနေတဲ့ ကျမကို ကြည့်မိသည်။ မျက်ခုံး ခပ်ထူထူ၊ ဆံပင် ရှည်ရှည် ထူထူကြီးက တခါမှပင် ဆေးမဆိုးဖူး။ အသားလတ်လတ်၊ အညာသူ မျက်နှာပေါက်နှင့်ကျမ၊ မှန်ထဲမှ မြင်နေရသော ကျမက အလွန် မိန်းမဆန်ပြီး ကြည့်ကောင်းသည်ဟု ကျမ ထင်သည်။ ဒီလိုလူက ညနေခင်းကပင် မိန်းမချင်းနမ်းခဲ့သည်မှာ မဖြစ်နိုင်။ ကျမသည် မိန်းမချင်းနှစ်သက်သူ တစ်ယောက်မဟုတ်။

ကျမစိတ်တွေက ကျမကိုယ်ကျ မသိလိုက်ခင်မှာပင် မေရီနှင့် နမ်းခဲ့သည့် အဖြစ်အပျက်ကို တွေးမိနေပြန်သည်။ တဆက်တည်းမှာပင် မေရီနှင့် တနေ့လုံး အတူတူ ရှိကာ ပျော်ရွှင်ခဲ့ရပုံများကို သတိရလာပြန်သည်။ ပျော်ရွှင်ခဲ့၊ ကြည်နူးခဲ့သည်။ နောက်ဆုံး နမ်းမိစဉ် စက္ကန့်ပိုင်လေးမှာတင် ကျမရင်တွေ ပေါက်ကွဲထွက်မတတ် စိတ်လှုပ်ရှား ပျော်ရွှင်နေခဲ့သည်။

မဟုတ်တာ ဒါကျမ ပထမဆုံးအနမ်းခံလိုက်ရလို့ စိတ်ဂယောက်ဂယက် ဖြစ်တာ။ စိတ်လှုပ်ရှားမိတာ၊ မိန်းကလေးတိုင်း ပထမအနမ်းမှာ ဒီလိုပဲ ဖြစ်ကြမှာပဲ..ကျမတွေးမိပြန်သည်။
ဒါဖြင့် ကျမက ဘာလုိ့ မိန်းမချင်းနမ်းခဲ့တာလည်း ?
ဟင့်အင်း ကျမ အပြစ်မဟုတ်၊ မေရီက ဆွဲဆောင်၍သာ ဖြစ်သည်။

မေရီ က ကျမကို တစ်ခုခုဖြင့် ဆွဲဆောင်တာ ဖြစ်နိုင်သည်။ သွေးရိုးသားရိုးသာဆိုလျှင် အဖေအလွန် ရှုံ့ချသော၊ ကျမကိုယ်တိုင်လည်း မနှစ်သက်သော၊ ပတ်ဝန်းကျင်ကပါ အားမပေးသော မိန်းမချင်း ကြိုက်သူတစ်ယောက် မဖြစ်လာနိုင်ပါ။

ကျမ စိတ်တွေ ရှုပ်ထွေးသထက် ရှုပ်ထွေးလာပြီး ဘာကို အလိုမကျမှန်းမသိ၊ အလိုမကျဖြစ်လာသည်။
အပေါ်သွားနှင့် အောက်သွား အချင်းချင်း ထိပြီးသွားဖုံးထဲ ကျွံဝင်မတတ် အံကို ကြိတ်ပြီး လက်ဖနောင့်ထဲသို့ လက်သည်းများ စိုက်ဝင်သည် အထိ လက်သီးကို ဆုပ်ထားမိသည်။

ကျမ သည် သာမန်မိန်းကလေးတစ်ယောက်၊ အချိန်တန်လျှင် မောင်နှင့်လက်ထပ်မည်။ ကျမကိုကျမ အားပေးပြီး သန့်စင်ခန်း အပြင်သို့ ပြန်ထွက်လာသည်။
အခန်းထဲတွင် မီးပြန်လင်းနေပြီး မေရီက ကျမကို ထူးဆန်းသော အကြည့် တစ်မျိုးဖြင့်ကြည့်နေသည်။
တစ်ခုခုကို တောင့်တနေသယောင်၊ ဖိတ်ခေါ်နေသယောင်ဖြင့် ကျမကို စိုက်ကြည့်နေသည်။
ဟင် ဒီမိန်းမ လုပ်ပြန်ပြီ။ ကျမရဲ့ လတ်လတ်ဆတ်ဆတ် ဒေါသတွေ သူ့အပေါ် ချက်ချင်းရောက်ကုန်သည်။ ပထမတစ်ခါနှင့်ပင် လုံလောက်နေပြီကို ထပ်ပြီး မြူဆွယ်နေပြီ။

" နင် ဘာဖြစ်နေတာလဲ၊ ဘာဖြစ်ချင်တာလဲ ပြော" ကျမက အံကြိတ်သံ ခပ်မာမာဖြင့် ပြောရင်း လက်မှလည်း အိပ်ယာပေး ထိုင်နေသော မေရီ့ကိုတွန်းလိုက်မိသည်။ အသံမကျယ်စေရန်တော့ သတိထားရသည်။ ဘေးခန်းမှ သူငယ်ချင်းများ နိုးလာ၍ မဖြစ်ပေ။

မေရီမှာ ထိုင်နေလျက်မှ နောက်သို့ ယိုင်သွားပြီး ကျမကို အံ့အားသင့်သော မျက်လုံးများဖြင့် ပြန်ကြည့်သည်။
" ယွန်း.. ယွန်း ဘာဖြစ်တာလဲ.. မေရီကလေ... "
" တော်တော်.. နင်ပိတ်ထား၊ ငါ ပြောမယ် သေချာနားထောင်၊ ညနေက ကိစ္စက မတော်တဆ ဖြစ်သွားတာ၊ ငါက မိန်းမချင်း မကြိုက်တတ်ဘူး။ အဲ့တာမျိုးကိုလည်း ရွံ့တယ်၊ သဘာဝကို လွန်ဆန်တာ ၊ ငါ့ကို မြူဆွယ်တဲ့ နင်ကလည်း အောက်တန်းကျတယ် ၊ နင့်လုပ်ရပ်တွေ ဒီမှာပဲ ရပ်လိုက်တော့၊ မဟုတ်ရင် အားလုံးကို ငါပြောပြီး နင့်ကို ငါ အရှက်ခွဲ ပြမယ် "

ကျမကိုယ်ကျမ မထိန်းချုပ်နိုင်လောက်အောင်ပင် ကျမ ရိုင်းစိုင်းနေသည်။ ကျမ သစ္စာဆိုဝံ့ပါသည်။ ကျမ မေရီ့ကို မမုန်းပါ၊ ထို့အတူ မနာကြင်စေချင်ပါ။ ကျမ တကယ်မုန်းသည်မှာ မိန်းမချင်း နမ်းမိခဲ့သော ကိစ္စနှင့် ထိုကိစ္စကို သူများတွေ သိကုန်မည်ကိုပင် ဖြစ်သည်။ ကျမ အရမ်းလွန်နေပြီဆိုတာလည်း ကျမသိသည်။ နင်တွေငါတွေနဲ့ ကျမအရိုင်းဖြစ်လာနေသည်။

" ကောင်းပြီလေ " မေရီ့ မျက်နှာထားမှာ ရုတ်တရက် ပြောင်းသွားတော့ ကျမ အံ့သြသွားသည်။ တကယ်တော့ ဆုံးသွားသော အဖေ၏ ဂျာကင်အကြီးကြီးကို ဝတ်တတ်သော ဖြူဖြူသေးသေး မေရီမှာ ပေပေတေတေ နေတတ် ပြီး ဘာကိုမှ ဂရုမစိုက်တတ်တာ ကျမမေ့နေသည်။ ကျမ စိတ်ထဲညနေက အိပ်ယာပေါ် ပက်လက်လေး လှန်ပြီး မျက်ရည်ဝဲနေသော မေရီကသာ လွှမ်းမိုးထား၍ ဖြစ်သည်။

" ရတယ် ယွန်း၊ ရတယ်၊ မတော်တဆပဲ ပြီးပြီ၊ ဒါပေမဲ့ မေရီက စပြီး ဆွဲဆောင်တယ်၊ အောက်တန်းကျတယ်လို့တော့ မစွပ်စွဲပါနဲ့၊ ချိတ် ချိတ် ချင်းမှချိတ်တာ။ ပြီးတော့ မိန်းမချင်းကြိုက်တာ ရွံတယ်ဆိုတာရော သေချာရဲ့လား၊ သေချာ ပြန်မေးကြည့်ပါဦး၊ မေရီနဲ့ တနေကုန် အတူတူရှိခဲ့တာတွေ မပျော်ဘူးလား၊ မေရီ ထင်ခဲ့တာ ယွန်းကလည်း မေရီ့ကို စိတ်ဝင်စားတယ်လို့ ထင်နေခဲ့တာ "
မေရီက အစပိုင်းတွင် လေသံမာသွားပြီးမှ တဖြည်းဖြည်း ပြန်ပျော့ပြောင်းလာသည်။

"ဟင့်အင်း.. ဆောရီးပါ မေရီ၊ ကျမက မေရီ ထင်သလို မဟုတ်ပါဘူး "  အသံကို အတတ်နိုင်ဆုံးကြိုးစားထိန်းရင်း  ကုတင်ပေါ်သို့တက်ကာ နံရံထိတိုးကပ်ပြီး မေရီ့ကို ကျောခိုင်းကာ လှဲချလိုက်သည်။

"ဂွတ်နိုက်ပါ မေရီ"

မနက်မိုးလင်း၊ စားသောက်၊ ဖီးလမ်းပြင်ဆင် ထုပ်ပိုးပြီး ကားပေါ်တက်သည်ထိလည်း စကားမပြော၊  တနေ့လုံးလည်း မေရီနှင့် ခပ်ခွာခွာ သာနေခဲ့သည်။ ညနေစောင်း၍ ရန်ကုန်ပြန်ရင် တညလုံးကားစီးရမည့် အချိန်တွင် ကျမက အတင်းပင် သီရိနဲ့ မေရီကို နေရာလဲခိုင်လိုက်သည်။ မေရီက ဘာတစ်ခွန်းမှ မပြောပဲ  အသာတကြည် လဲပေးလိုက်သည်။

သီရိက အံ့သြနေပြီး ဘာဖြစ်ကြတာလဲဟု မေးသည်။
ကျမက ဒီလိုပါပဲဟု ပြောရင်း ခပ်မဆိတ်သာ နေလိုက်သည်။

ကားကပုဂံမှထွက်လာတော့ ညနေ ၆နာရီကျော်ပြီ ဖြစ်သည်။ ကားထွက်သည်နှင့် ကျမ အတွေးတွေ တောင်စဉ်ရေမရာ ဖြစ်နေသည်။ ကျမ လူသိမခံနိုင်။ ကျမကိုယ်ကျမ ကာကွယ်ရမည်။
ကျမလည်း မိုက်မဲစွာဖြင့်ပင် သီရိ့အား မေရီသည် မိန်းမချင်းကြိုက်တတ်သူ တစ်ဦးဖြစ်ကြောင်း၊ ကျမအားမြူဆွယ်ခဲ့ကြောင်း၊ မနေ့က သီရိသာ မလာရင် ကျမ ဘဝတော့ တစ်ခုခုဖြစ်ပြီ ဖြစ်ကြောင်း လီဆယ်၍ ပြောချလိုက်တော့သည်။ ထို့အတွက် အပြစ်မကင်းဟုလည်း ခံစားရသည်။

" ကျမကို ခွင့်လွှတ်ပါ မေရီရယ်၊ ကျမ မေရီ့ကို မုန်းလို့ မဟုတ်ပါဘူး။ ကျမကိုယ် ကျမ ကာကွယ်ချင်ရုံပါ။ တကယ်လို့ မနေကအဖြစ်ကို တစ်ယောက်ယောက်များ မြင်ခဲ့ပြီးသား ဖြစ်နေရင် ကျမအလိုမပါပဲ မေရီဆွဲဆောင်တယ်လို့ ထင်အောင်ပါ၊ ကျမကို နားလည်ပေးပါ မေရီ " ကျမစိတ်ထဲမှနေ၍ ကိုယ့်ကိုကိုယ် နှစ်သိမ့်ခြင်းလား၊ မေရီ့ကို တောင်းပန်ခြင်းလား မသဲကွဲသော အတွေးတွေ တလမ်းလုံး တွေးလာခဲ့သည်။

မနက်အစောပိုင်း ရန်ကုန်ပြန်ရာက်လာပြီး အိမ်ပြန်ရာက်တော့ ကျမ တစ်ချိုးတည်း အိပ်လိုက်မိသည်။ အိပ်နေရာက နိုးတော့ နေလည်း အတော်မြင့်ပြီ။ အမေက အခန်းတံခါးကို ခပ်ဖွဖွ ခေါက်ရင်း မောင်ရောက်နေကြောင်း ပြောသည်။ ကျမ မောင့်ကို ချစ်သူအနေဖြင့် စိတ်ထဲ သိပ်မလိုလားလှသော်လည်း သူငယ်ချင်းအနေဖြင့် အားကိုးဆဲ ယုံကြည်ဆဲ ဖြစ်သည်။ သို့တိုင်အောင် ပုဂံတွင် ဖြစ်ခဲ့သမျှများကိုမပြောခဲ့မိခဲ့။ ၁၅မိနစ်လောက်ပင် စကားပြောပြီး အလိုက်တသိပင်​ မောင်ပြန်သွာခဲ့သည် ။ အခန်းထဲ ပြန်ဝင် ရေမိုးချိုးပြီး နက်ဖြန် သင်တန်းအတွက်ပြင်ဆင်ရသည်။ မေရီရော ဘာလုပ်နေမည်လဲဟုတွေးမိသည်​။

တွေးရင်း ​မေရီ့ကို လွမ်းလာသလို၊ ကြည်​နူးလာသလို ဖြစ်​လာ၍ ​ခေါင်းကို ယမ်းပြီး အ​တွေး​တွေကို ​မောင်းထုတ်​လိုက်​ရသည်​။

နောက်​​နေ့ မနက်​ကျ စိတ်​ပင်​ပန်း လူပင်​ပန်းဖြင့်​ အိပ်​ယာထ​နောက်​ကျပြီး သင်​တန်း​တစ်​ချိန်​​ကုန်​မှ ​ရောက်​သွားသည်​။ ​သင်​တန်းခန်းမထဲ ​ရောက်​သည်​နှင့်​ မှားယွင်း​နေသည်​ဟု ခံစားရသည်​။ အားလုံးရဲ့ မျက်​လုံးကကိ်ုယ့်​ဆီမှာ။ တချိူ့က သနားသ​​ယောင်​၊ တချိူ့က စပ်​ဖြဲဖြဲ မထီတရီ။ ရုတ်​တရက်​ မျက်​စိ​ရှေ့တည့်​တည့်​မှ အရ်ိပ်​တစ်​ခု အရှိန်​ပြင်းပြင်းဖြင့်​ ကျမဆီ ဦးတည်​လာသည်​။

မေရီ ဖြစ်​သည်​။ ​မေရီက သူဝတ်​​နေကျ သူ့အ​ဖေဂျာက်​ အကြီးကြီးကိုဝတ်​ထားပြီးမျက်​လုံးများက စူးရဲ​နေကာ ကျမဆီကို မာန်​ဖြင့်​ ​ဆောင့်​​အောင့်​ပြီး ​လျှောက်​လာ​နေသည်​။
" မ​မေရီ ​ဟေ့ အမ ​မေရီ ...အမ​နော်​.. " ​မောင်​က ​ဗလုံးပ​ထွေး​အော်​ဟစ်​ရင်း ​မေရီ့ကို လိုက်​ဆွဲသည်​။
 ​မေရီကကျမ​​ရှေ့တည့်​တည့်​ရပ်​ရင်း မျက်​နှာနှင့်​ နီးနိုင်​သမျှ နီး​အောင်​​မော့ကပ်​ရင်း ကျမကို စူးစူးရဲရဲကြည့်​သည်​။ ​မေရီ့ မျက်​လုံးမှာ စူးလှသလို မျက်​ရည်​အချို့ ဝဲ​နေသည်​။

" ယွန်း နင်​ကို ငါ သိပ်​ရွံတယ်​" ​မေရီက ကျမကို တည့်တည့်​ကြီး စိုက်​ကြည့်​ရင်း တလုံးချင်း ပီပီသသ ​ပြောကာ ​ပြေးထွက်သွားသည်​။ သူငို​သွား​သေးလား ကျမ မသဲကွဲပါ။ ​မောင်​က သာ ကျမ ပခုံးကို တွင်​တွင်​လှုပ်​ခါပြီး ယွန်းရ​လား ဘာမှ မဖြစ်​ဘူးဟု တတွတ်​တွတ်​ ရွတ်​​နေသည်​။

ထို့​နေ့အတွက်​ မည်​သို့မည်​ပုံပင် အိမ်​ပြန်​​ရောက်​လာမှန်း မသိ၊ ကြားရသည့်​ သတင်းများကဆိုးလှသည်​။ သီရိက ​သင်​တန်း မဖွင့်​ကတည်းကပင်​ သင်​တန်းသား​စေ့ တစ်​​ယောက်​ချင်းစီ ​ကျမ​ပြောပြသည့်​ ​မေရီ့ အ​ကြောင်း ​ဖောက်​သည်​ချပြီး ဖြစ်​သည်​။ သူ မပြောခဲ့သူဆို၍​ ​မောင်​တစ်​​ယောက်​သာ ရှိသည်​။ ​မောင့်​ကို​တော့ ကျမချစ်​သူမို့ ကျမ ​ပြောပြီးသားဖြစ်​မည်​ အထင်​နဲ့ မ​ပြောခဲ့ခြင်းဖြစ်​သည်​။
မေရီ သင်​တန်းကို​​စဝင်​လာသည်​နှင့်​ မိန်းက​လေးများက အိုင်းစ်​ ​ကြောက်​တယ်​ ​ကြောက်​တယ်​ဟု အသံ​သေး အသံ​ကြောင်​ဖြင့်​ ​အော်​ပြီး ပတ်​​ပြေးကြသည်​။ ​မေရီက မိန်းက​လေးဘက်​ အခြမ်းမှာ ဝင်​ထိုင်​​တော့ ​ယောကျာ်း​လေးအုပ်​မှ တစ်​​ယောက်​က ​ဟေ့​ကောင်​သားကြီး​မေရီ ဒီဘက်​လာထိုင်​​လေကွာ ၊ တူတူ ​ဆော်​​ကြောင်​ကြမယ်​​လေ ဟု ​အော်​ပြီး တစ်​တန်းလုံး ဝိုင်းရယ်​ကြသည်။
ပထမပိုင်း စာသင်​ချိန်​ တစ်​​လျှောက်​လုံး တစ်​တန်းလုံး၏ အာရုံက စာတွင်​မရှိ၊ ​မေရီ့ကိုသာ ကြည့်ရင်းတီးတိုး သဖန်းပိုးဖြစ်​​နေသည်​။ ​
မေရီလည်း ထိုအထိ ဘာဖြစ်​​နေမှန်း မသိ​သေး။ ​မေရီ့ နည်းတူဘာမှ မသိ​သော ​မောင်ကတချိန်​ပြီးချိန်​တွင်​ ဘာဖြစ်​ကြတာလဲ ဆိုပြီး ​မေးကာမှ ​မောင့်သငယ်​ချင်း ခပ်​​နောက်​​နောက်​တစ်​​ယောက်​မှ

" သားကြီး​ရေ မင်း​ဆော်​နဲ့​မေရီ စ​လောင်းဖုံးချင်းတီးလို့ဟ " ဟု ထ​အော်​ခဲ့သည်​ဟု ဆိုသည်​။
မေရီလည်း ထိုအခါမှ သ​ဘော​ပေါက်​ဟန်​ဖြင့်​ ဝုန်းခနဲ ထရပ်​သည်​။ အသား​တွေ တဆတ်​ဆတ်​တုန်​ပြီး မျက်​ရည်​​တွေ ဝဲ​နေခဲ့သည်​ဟု ဆိုသည်​။ ထိုအချိန်​တွင်​မှ ကျမ​ရောက်​လာခဲ့ခြင်းဖြစ်​သည်​။

မောင်​က ကျမကို ​ခု​နေ​မေးရန်​ မသင့်​ဟု သ​​ဘောထားသည်​လား​တော့ မသိ၊ ​​ကျမ မလာခင်​ဖြစ်​ပျက်​ခဲ့သည့်​ ​သူမြင်​ခဲ့​သော မေရီနှင့်​ပတ်​သတ်​သည်​များကုို ​အေး​အေး​ဆေး​ဆေး ရှင်းပြပြီး ကျမကို စိတ်​ထဲမထားရန်​ နှစ်​သိမ့်​သည်​။ ကျမတို့ ဘာ​တွေဖြစ်​ခဲ့သနည်းဟု ​မောင်​မ​မေး၊ ခု မ​မေး​သေးတာလား၊ တမင်​ မ​မေးပဲထားတာလား ကျမလည်း မ​တွေးတတ်​​တော့။ ​မောင်​​ပြောသမျှ အလိုက်​သင့်​သာ ​သြော်​ အင်း လုပ်​​နေရပြီး စိတ်​ထဲ ပူ​လောင်​​နေသည်​။ ​မေရီ့အတွက်​လည်း စိုးရိမ်​​နေမိသည်​။

မေရီက ပ​ထွေးဖြစ်​သူနှင့်​ ​နေရပြီး အမျိုးစုံစိတ်​ဒုက္ခ​ပေးခံရသည်​ဟု ​မောင်​က​ပြောသည်​။ ​မေရီ့အ​မေက ​မေရီ့ကို မကာကွယ်​​ပေးသည့်​အပြင်​ တခါတရံ လင်​​ယောကျာ်းဘက်​က ​နေ၍ပါ ​မေရီ့ကို ဆူပူကြိမ်း​မောင်း​သေးသည်​ဟုလည်း  ကြားရသည်​။
ကျမလည်း ခုမှ ​မေရီ​ပြောသလို ရွံစရာ မိန်းမတစ်​​​ယောက်​ဖြစ်​​နေပြီဟု ခံစားရသည်​။ ​မိန်းမချင်း ချစ်​ကြိုက်​ခြင်းနှင့်​ သူတစ်​ပါးအား ပျက်​ဆီးရာပျက်​ဆီး​ကြောင်း ဒုက္ခ​ပေးခြင်းတွင်​ ဘယ်​တစ်​ခုက အောက်​တန်းကျ၊ ရွံစရာ ​ကောင်းသနည်းဟု ကျမ ​​တွေးမိသည်​။
​
"ယွန်းရယ်​ ကိုယ့်​အမြင်​က​တော့ ​ယောကျာ်းနဲ့ မိန်းမပဲ ဖြစ်​ဖြစ်​၊ အချင်းချင်းပဲ ဖြစ်​ဖြစ်​၊ လူလူချင်းပဲ​လေ၊ ချစ်​တယ်​ဆိုတာ ​ကောင်းတဲ့ ကိစ္စပဲ၊ တစ်​​ယောက်​နဲ့ တစ်​​ယောက်​ တိုက်​ခိုက်​​နေတာထက်​စာရင်​ ချစ်​ကြတာက ပို​ကောင်းတာ​ပေါ့ " ​မောင်​က ​လေသံ​အေး​အေးဖြင့်​ ရုတ်​တရက်​​ပြောလာ​တော့ ကျမ လန့်​သွားမိသည်​။ ​မောင်​ ဘာကိုဆိုလိုချင်​တာပါလိမ့်​။

" တကယ်​လို့များ ယွန်းသာ lesbian တစ်​​ယောက်​ ဖြစ်​​နေမယ်​ဆိုရင်​​တောင်​ ​မောင်​က​တော့ ချစ်​​နေမှာပါပဲ၊ ချစ်​သူ ရည်းစားတစ်​​ယောက်​လို ချစ်​ဖို့ မဖြစ်​နိုင်​​တော့ရင်​​တောင်​ သူငယ်​ချင်း​တစ်​​ယောက်​လို၊ ​မောင်​နှမလို ချစ်​ဦးမှာ၊ ​စောင့်​​ရှောက်​ဦးမှာပါ၊ ​မောင်​တို့က က​လေးဘဝကတည်းက ​ပေါင်းသင်းလာတာ။ ​မောင်​တို့ အချစ်​က ​အေးချမ်းပါတယ်​။ ယွန်း အ​နေအထားကိုလည်း တကယ်​​တော့ ​မောင်​ရိ်​ပ်​မိ​နေခဲ့ပါတယ်​။ "

" ​နေပါဦး ​မောင်​ ဘာ​တွေ​ပြော​နေတာလဲ " ကျမ အသံ​တွေ တုန်​ယင်​​နေသည်​။ ​ကြောက်​တာလား၊ စိတ်​လှုပ်​ရှားတာလား၊ ဘာလား ကျမလည်း မသိ​တော့။

" ​သြော်​ ယွန်းရယ်​၊ ယွန်းနဲ့ ​မောင်​နဲ့က က​လေးတည်းက ​ပေါင်းလာတာလို့ ​ပြောပြီးပါ​ရောလား၊ ဒီမယ်​ယွန်း ကာယကံရှင်​ ကိုယ်​တိုင်​​တောင်​မသိပဲ ​ဘေးလူကြည့်​မှ မြင်​ရဲ့ တချို့ကိစ္စ​တွေရှိတယ်​။ ​မောင့်​အ​ပေါ်မှာ ယွန်း​ချစ်​သူရည်းစားလို သ​ဘောထားလို့ မရမှန်း​ ​မောင်​ ရိပ်​မိ​နေတာ ကြာပါပြီ။ ဒါ​ပေမဲ့လည်း​လေ.. ဒါ​ပေမဲ့လည်း​ပေါ့ ​ပြောင်းများ ​ပြောင်းလဲမလားဆိုတဲ့အ​တွေးနဲ့ ​စောင့်​​နေခဲ့တာ။ ​​ဘယ်​လိုပဲ ဖြစ်​ဖြစ်​ပါ ​မောင့်​အတွက်​​တော့ ယွန်းကယွန်းပါပဲ "
မောင့်​ အသံက တိမ်​ဝင်​သွားပြီး မျက်​နှာလွဲသွားသည်​။

" သမီး​ရေ ယွန်း ဒီမှာစာတဲ့ " ​အ​မေက​ခေါင်း​လေးပြူလာပြီး စာ​လေးတစ်​​စောင်​ကမ်း​ပေးသည်​။

" ဒီ​ခေတ်​ကြီးမှာ ဘယ်​သူက စာပို့တာပါလိမ့်​ " ​မောင်​က စာကို ထယူရင်းကျမလက်​ထဲ ထည့်​​ပေးသည်​။

" မသိဘူးကွယ်​၊ က​လေးတစ်​​ယောက်​လာ​ပေးတာ"
အ​မေကထွက်​သွားရင်းမှ ​ဖြေသွားသည်​။

စာက သာမန်​ စာအိတ်​​လေး။ ခပ်​ထူထူပြည့်​ပြည့်​ဖြစ်​​နေသည်​မို့ ပိုက်​ဆံ​တော့ မဟုတ်​။ ​မေရီ့ဆီကများလား၊ ကျမ ​တွေးမိသည်​။

" ​မောင်​ အပြင်​ထွက်​​ပေးရမလား၊ လွတ်​လွတ်​လပ်​လပ်​ ဖတ်​ရ​အောင်​ "
ကျမ ​ခေါင်းညိတ်​မိသည်ထင့်​ ​မောင်​က အသာအယာ ထသွားကာ အပြင်​သို့ ထွက်​သွားပြီးတံခါးကို ​သေချာပိတ်​သွားသည်​။

စာအိတ်​​ဘေးအသားကို ဖြဲလိုက်​​တော့ ကျမထင်​ထားသည့်​အတိုင်းပင်​ အထဲက​ခေါက်​ထား​သော စာရွက်​တစ်​ရွက်​ ကို​တွေ့ရသည်​။

" သို့.. ချစ်​​သောယွန်း "
လက်​​ရေးများက ခပ်​​သော့​သော ​ရေးထား​သော မိန်းက​လေးလက်​​ရေး၊ ​မေရီပင်​ဖြစ်​မည်​။ သူကျမကို ရစရာမရှိ​အောင် အပြစ်​တင်​မည်​ဟု ကျမ​တွေးမိသည်​။
တုန်​ယင်​​နေ​သော လက်​ကို ငြိမ်​​အောင်​ထိန်းရင်း ဝဲ​တက်​နေ​သော မျက်​ရည်​များကြားမှ စာကို ဖတ်​သည်​။

" ယွန်း ဒီစာကို ဖတ်​ရတဲ့ အချိန်​ ​မေရီ ဒီမြို့​မှာ မရှိ​တော့ပါဘူး။ ​မေရီ့ အသက်​လည်း၁၈နှစ်​​ကျော်​ပါပြီ။ အ​မေနဲ့ သူ့​ယောကျာ်း​အ​ပေါ် မှီခိုရတာ ​တော်​​လောက်​ပြီလို့ထင်​တယ်​။ ခု အ​ဖေ့​ဆွေမျိုး​တွေ ရှိရာ မြို့​လေးတစ်​မြို့ကို သွားမယ်​။ ​အ​ဖေ့ဘက်​က ဆွေမျိုး​တွေကို ​တွေ့ဖူးချင်​ရုံပါ။ ​မေရီ ဘယ်​မှာ​နေမလဲဆိုတာ​တော့ မစဉ်းစားရ​သေးဘူး။ ​မေရီထွက်​သွားတာ ယွန်း​ကြောင့်​ မဟုတ်​တာမို့ စိတ်​ထဲ မထားဖို့ ​ပြောချင်​တယ်​။ ဒါ့​​ကြောင့်​မို့လည်း ခုလို စာ​ပေးခိုင်းလိုက်​တာပါ။ ​မေရီ ​နေ့လည်​ကတည်းကထွက်​သွားပါပြီ။ ခု ယွန်းဒီစာဖတ်​​နေချိန်​ဆို အ​ဝေး​ပြေးလမ်းမကြီးရဲ့ တစ်​​နေရာ​ပေါ်မှာ ​မေရီ​ရောက်​​နေပါပြီ။

အမှန်​​ပြောရရင်​ မနက်​က ​မေရီအရမ်းလည်းရှက်​၊ အရမ်းလည်း ဝမ်းနည်းပြီး စိတ်​တိုမိတယ်​။ မနက်​က ​မေရီ ​သင်​တန်းလာတာ ယွန်းကို နှုတ်​ဆက်​ချင်​လို့ပါ။ ပုဂံက အိမ်​ပြန်​​ရောက်​တဲ့​နေ့ရဲ့ ညမှာပဲ ​မေရီတို့ အိမ်​မှာပြသနာ တက်​ကြတယ်​။ ​​မေရီ့ရဲ့ အပူ​တွေ ယွန်းကို မ​ပေးချင်​ပါဘူး။ အဲ့​တော့ အတိုချုံး​ပြောရရင်​ ​မေရီအိမ်​​​ပေါ်က ဆင်းတယ်​​ပေါ့။ အထုပ်​ပိုး ဘာညာ အကုန်​အဆင်​သင့်​ပြင်​ပြီးသား၊ ယွန်းကို သက်​သက်​ လာ​တွေ့တာ။

မေရီ ယွန်းကို သ​ဘောကျတယ်​။ အဲ့လိုပဲယွန်း​ ​မေရီ့ကို သ​ဘောကျတယ်​ဆိုတာ သိရ​တော့ ဝမ်းသာတယ်​။ ဒါ​ပေမဲ့ ယွန်းက ကို်​ယ့်​ကိုကိုယ်​ ထိန်းချူပ်​ထားတယ်​။ မနက်​ကဖြစ်​ခဲ့တဲ့ ကိစ္စဟာ သိပ်​အရုပ်​ဆိုးလွန်းတယ်​။ ​မေရီ စိတ်​နာမိမလို​တောင်​ ဖြစ်​မိတယ်​။ ဒါ​ပေမဲ့ ​သေချာ​တွေးကြည့်​ရင်​ ယွန်းကို​မေရီ နားလည်​​ပေးနိုင်​ပါတယ်​။ ယွန်းမိသားစု၊ ကြီးပြင်းခဲ့ရတဲ့ ပတ်​ဝန်းကျင်​အရ ယွန်းလက်​မခံနိုင်​တာကို ​မေရီ နားလည်​တယ်​။

ဒါ​ပေမဲ့ ယွန်းကို ပြောချင်​တာ​လေးတွေ ရှိတယ်​။ ယွန်းရဲ့ဖြစ်​တည်​မှု၊ စိတ်​ဆန္ဒကို ဖုံးကွယ်​ပြီး ​​နေမယ် ဆိုရင်​ ယွန်းကိုဘယ်​သူမှ ဘာမှ​မ​ပြောဘူး။ ဒါ​ပေမဲ့ယွန်းစိတ်​ဆင်းရဲရမယ်​။ တချိန်​လုံး ဟန်​​ဆောင်​ဖုံးကွယ်​​နေရပြီး စိ်​တ်​ပင်​ပန်းရမယ်​။
ယွန်းကိုယွန်း လက်​ခံထားရင်​​တော့ ပတ်​ဝန်းကျင်​ကလည်း လက်​ခံ​အောင်​ကြိုးစားရလိမ့်​မယ်​။ ယွန်းကို ​ဝေဖန်​ကြလိမ့်​မယ်​။ တိုက်​ခိုက်​ကြလိမ့်​မယ်​။ ဒါ​ပေမဲ့ ယွန်း​ပျော်​ရလိမ့်​မယ်​။ တကယ်​​တော့လည်း လူ့အသိုင်းအဝိုင်းမှာ ​နေရင်​ တစ်​ခုမဟုတ်​ တစ်​ခု ​ဝေဖန်​တိုက်​ခိုက်​ကြမှာပါပဲ ယွန်းရယ်​။
ပြီး​တော့ ယွန်းကို ဘယ်​သူက ခွဲခြား​နေတယ်​ ရှုံ့ချ​နေတယ်​လို့ ထင်​လဲ?
အတန်းထဲက လူ​တွေ​လည်း မဟုတ်​ဘူး။ ယွန်းမိဘ​တွေ၊ ပတ်​ဝန်းကျင်​က လူ​တွေလည်း မဟုတ်​ဘူး။ တကယ်​တမ်းယွန်းကို ရှုံ့ချ​နေတာ၊ ခွဲခြား​နေတာ ယွန်းကိုယ်​တိုင်​ပဲ။ ယွန်း​ဖေ​ဖေက ယွန်းကို လက်​မခံရင်​ လက်​ခံတဲ့သူဆီ သွားလို့ရတယ်​။ ခု ပတ်​ဝန်းကျင်​က ယွန်းကို ကဲ့ရဲ့ရင်​ ယွန်းကို ကြိုဆိုမဲ့ ပတ်​ဝန်းကျင်​ရှိကိုရှိတယ်​။ ယွန်း အဲ့ဒိ့မှာ ​နေလို့ရတယ်​။
ဒါ​ပေမဲ့ ယွန်း၊ ယွန်းကိုယွန်း လက်​မခံရင်​၊ အထင်​​သေး​နေရင်​ ယွန်းဘယ်​မှာ​မှ နေလို့မရဘူး။
ယွန်းကို တကယ်​တမ်း ဖိနှိပ်​​နေတာ ယွန်းကိုယ်​တိုင်​ပါ၊ ဒါ​တွေ အားလုံး ယွန်း ရင်​ထဲကလာတာ။

ွယွန်းဘဝကို ယွန်းပိုင်​တယ်​။ ယွန်းသာ ထက်​မြက်​ပြီး ​အောင်​မြင်​တဲ့သူဖြစ်​​နေရင်  လူ​တွေက ယွန်းကို မချစ်​ရင်​​တောင်​​ ​​အောင့်​ကာနမ်းကြလိမ့်​မယ်​။
ကို​ယ်​လုပ်​ချင်​ရာ ကိုယ်​လုပ်​မယ်​၊ ဘယ်​သူ ဘယ်​လိုထင်​ထင်​ဆိုပြီး ​မေရီ့လို ထင်​ရာ စိုင်းတာလည်းမ​ကောင်းဘူး။ ​မေရီက​တော့ ကိုယ့်​ကိုကိုယ်​ ယုံကြည်​မှု ရှိရှိနဲ့ ဘဝအတွက်​ လုပ်​စရာရှ်ိတာ​တွေကို ကြိုးစားပြီး လုပ်​​စေချင်​တာပါပဲ။ ယွန်းဘဝကို ယွန်းပိုင်​ပါတယ်​ကွယ်​။

ချစ်​ခြင်းများစွာဖြင့်​
မေရီ

စာကို အ​ခေါက်​အ​ခေါက်​ အခါခါဖတ်​သည်​ ဖတ်​ရင်း ကျမ သ​ဘော​ပေါက်​လာသည်​။ နားလည်​လာသည်​။
စာရွက်ေ​ပ်ါသို့ ကျမ မျက်​ရည်​များ ကျမလာ၊ ကျမ​စိတ်လည်း ဒီတစ်​ခါ​တော့ ရှပ်​​ထွေးမ​နေ။ ​မောင့်​ကို အခန်းထဲ​ခေါ်ပြီး ​မေရီ့စာကို ပြသည်​။ ပုဂံမှာဖြစ်​ခဲ့သမျှ အားလုံးကိုလည်း ကျမ ဝန်​ခံလိုက်​သည်​။ ဘယ်​လိုပဲ ဖြစ်​ဖြစ်​ ခုချိန်​မှာ ​မောင်​က တစ်​ဦးတည်း​သော ယုံကြည်​နိုင်​ရာ၊ ရင်​ဖွင့်​နိုင်​ရာ​လေ။

" ကျမ သိပ်​များ ​နောက်​ကျ​သွားလား​ "
" မဟုတ်​တာပဲ ယွန်းရယ်​၊ မှတ်​ထား ယုံကြည်​ရာကို လုပ်​ဖို့အတွက်​ ​နောက်​ကျတယ်​ဆိုတာ မရှိပါဘူး "

၁၀ နှစ်​အကြာ

၁၀နှစ်​ဆို​သော အချိန်​မှာပြန်​​တွေးကြည့်​လျှင်​ ခဏ​လေးဟု ထင်​ရသည်​။ သို့​သော်​လည်း ကျမအတွက်​​တော့ ​ပြောင်းလဲမှု များစွာ ဖြစ်​ခဲ့သည်​။
မေရီထွက်​သွားပြီး ၃နှစ်​အကြာ၊ ကျမ အသက်​၂၀ ပြည့်​​မွေး​နေ့တွင်​ ကျမ အိမ်​​ပေါ်က ဆင်းခဲ့ရသည်​။ အ​ကြောင်းမှာ ကျမ၏ ဖြစ်​တည်​မှူကို မိဘ​တွေကို ဖွင်​ချလိုက်​၍ ဖြစ်​သည်​။ အ​​မေက​တော့ ငါ့သမီး​လေးစိတ်​ချမ်းသာ​နေသ​ရွေ့ အ​မေ​ပျော်​ပါတယ်​ ​ပြော​သော်​လည်း အ​ဖေက​တော့ ပြတ်​သားသည်​။ ရစရာမရှိ​အောင်​ ဆူပူဆဲဆိုသည်​။ ရိုက်​နှက်​ပြီးအိမ်​​ပေါ်က နှင်​ချသည်​။ ကျမ ကြိုတွက်​ထားပြီးသားမို့ တုံ့ဆိုင်းမ​နေပဲ အသင်​ပြင်​ပြီးသား အထုပ်​အပိုးများဆွဲကာဆင်းခဲ့သည်​။ ထိုအချိ်​န်​တွင်​ ကျမမှာ အ​တော်​အသင့်​ လစာ​ကောင်း​သော အလုပ်​ရှိသည့်​တိုင်​ တကယ်​တမ်းတစ်​​ယောက်​ထဲ ရပ်​တည်​မည်​ဆို​တော့ ခက်​ခဲလှသည်။

နောက်​ ၂နှစ်​ခန့်​ထပ်​ကြာ​တော့ ကျမ အတန်​အသင့်​ ​ချောင်​လည်​လာသည်​။ စားဝတ်​​နေ​ရေးအတွက်​သာ မက၊ ကျမ ဝါသနာပါရာ စာ​ရေးခြင်း၊ မှတ်​တမ်းရုပ်​ရင်​ ရိုက်​ကူးခြင်းတို့ကိုပါ လုပ်​လာနိုင်​သည်​။ ထိုအ​တောအတွင်း အ​မေက ​အ​ဖေမသိ​အောင်​ တိတ်​တိတ်​​လေး ​ထောက်​ပံ့ဖုိ့ ကြိုးစားခဲ့​ပေမဲ့ ကျမ လက်​မခံခဲ့။
နောက်​၂နှစ်​ထပ်​ကြာ​တော့ ကျမ ​လုံးဝကြီး ​ပြောင်းလဲလာသည်​။ နဂိုက မဟုတ်​မခံစိတ်​ရှိ​သော်​လည်းအ​နေ​အေးသည့်​ ကျမ​ပြောင်းလဲလာသည်​။ ​မေရီ​ပေး​သော သင်​ခန်းစာများဖြင့်​ ကျမကို ကျမ​ပြောင်းလဲသည်​။ အရင်​ဆုံး ကျမရဲ့ အငုံ့စိတ်​ကိုအရင်​တိုက်​ယူသည်​။ ​မေရီထွက်​သွားပြီး ငါးနှစ်​၊ ကျမ အသက်​ ၂၂ တွင်​ ကျမ LGBTအသို​င်းအဝန်းထဲတွင်​ စကျင်​လည်​လာသည်​။ ရင်းနှီးသူမိတ်​​ဆွေ တချို့ကို ကျမ lesbian ဖြစ်​​ကြောင်း ဖွင့်​​ပြောနိုင်​သည်​ထိ ကျမကိုကျမ ယုံကြည်​မှုရှိလာသည်​။
ထိုအခါမှ ​မေရီ​ပြောခဲ့သည့်​ ခွဲခြားမှုသည်​ ကိုယ့်​ရင်​ထဲမှ လာသည်​ဟူ​သော စကားကို သတိရမိသည်​။ ကျမတို့သည်​ ပတ်​ဝန်းကျင်​၏ ​ဘောင်​ခတ်​မှုတွင်​ ပိတ်​မိ​နေပြီး ကိုယ်​တိုင်​ကိုက ခွဲခြားမှုကို လက်​ခံထားကြသည်​။

ခုလိုကျမ ဝန်​ခံလိုက်​​တော့ ပိုလွတ်​လပ်​လာသည်​။ ယုံကြည်​မှု ပိုရှိလာသည်​။ ကျမကို လက်​မခံနိုင်​သည့်​ ပတ်​ဝန်းကျင်​ရှိလျှင်​ လက်​ခံနိုင်​သည့်​ပတ်​ဝန်းကျင်​သို့ သွားမည်​။ ဘယ်​​နေရာကမှ လက်​မခံလျှင်​ ကျမကိုယ်​တိုင်​ ပတ်​ဝန်းကျင်​ တစ်​ခုဖန်​တီးမည်​။ ကျမကိုကျမ လက်​ခံ​နေသ​ရွေ့ ကျမ မကျရှံးဟု ယုံကြည်​သည်​။

လိင်​ခွဲခြားမှု၊ လူ့အခွင့်​အ​ရေးနှင့်​ အမျိူးသမီး အခွင့်​​ရေး လှုပ်​ရှားမှုများတွင်​ ကျမ အမြဲတက်​ကြွပါဝင်​သည်​။ သတင်းစာ အချို့နှင့်​ မီဒီယာများတွင်​ အမျိုးသမီး အခွင့်​အ​ရေး လှုပ်​ရှားသူအဖြစ် ကြိုကြားကြိကြား ပါဝင်​လာသည်​။ ကျမ​ရေး​သော ​ဆောင်းပါးများ  လူသိလာသည်​။
ထို့​နောက်​ ​အ​ဖေမှ ကျမကို ထမင်းစားပြန်​ဖိတ်​ခဲ့သည်​။

" ယွန်းသာ​အောင်​မြင်​​နေရင်​ လူ​တွေက မချစ်​ရင်​​တောင်​ ​အောင့်​ပြီးနမ်းကြလိမ့်​မယ်​" ဟု ​မေရီ​ပြောခဲ့ဖူးသည်​။ ခု​ရော အ​ဖေ ​အောင့်​ပြီး နမ်း​နေသလား ကျမ မသိ။ ​သေချာသည်​က​တော့ အ​ဖေက ကျမအတွက်​  ဂုဏ်​ယူ​လေ့ရှိပြီး အ​ပေါင်းအသင်းစုံတိုင်းကျမ အ​ကြောင်း ကြွားဝါ​လေ့ရှိသည်​ဟု အ​မေက ပြန်​​ပြောပြသည်​။

မေရီထွက်​သွားပြီး ၁၀ နှစ်​အကြာ၊ ခု ကျမ အသက်​ ၂၇တွင်​​တော့ ကျမ​ပြောသလို အရာအားလုံး ​ပြောင်းလဲ ​နေ​ပေပြီ။ ခု ကျမ စင်​​ပေါ်​ရောက်​​နေ​လေပြီ။ အမျိူးသမီးများနှင့်​ LGBT အဖွဲ့အစည်းမှ လူများသည်​ ကျမ၏ ​ပြောစကားများကို ​နား​ထောင်​​နေကြသည်​။

" ကျမတို့ အားလုံးမှာ  ဟာ မဟုတ်​ဘူး၊ ​သိပ်​​နောက်​ကျသွားပြီ လို့ ​တွေးမိတဲ့ အချိန်ေ​တွ ရှိကြမှာပါပဲ။ ဒါ​ပေမဲ့ တကယ်​​ရော ​နောက်​ကျရဲ့လား၊ ကျမက​တော့
ယုံကြည်​ရာကို လုပ်​ဖို့ ​နောက်​ကျတယ်​ဆိုတာ မရှိဘူးလို့ ​ပြောရင်း နိဂုံးချူပ်​ချင်​ပါတယ်​ "
လက်​ခုပ်​သံများကို အပြုံးဖြင့်​တုံ့ပြန်​ရင်း စင်​​ပေါ်မှ ဆင်းခဲ့သည်​။ ​နောက်​ဆုံး ကျမ​ပြောခဲ့​သော စကားမှာ တချိန်​က ကျမ​ရဲ့ ​မောင်​၊ ခု အချစ်​ဆုံး အားအကိုးရဆုံး၊ အယုံကြည်​ရဆုံး သူငယ်​ချင်းက ကျမကို ​ပြောခဲ့​သော စကားဖြစ်​သည်​။​

မေရီ၏ စာက ကျမကို ဒီဘဝ ​ရောက်​​အောင်​ ပို့​ဆောင်​​ပေး​သော ​လောင်​စာအပြည့်​ဖြင့်​ ကားတစ်​စီးဆိုလျှင်​ ထိုစကားကို စက်​နှိုး​ပေးသည့်​​သော့မှာ ခုကျမသူငယ်​ချင်း၊ တချိန်​က ​မောင်​၏ စကား​ပင်​ ဖြစ်​သည်​။ သူက​တော့ ခုချိန်ထိ အိမ်​​ထောင်​မပြု၊ ရည်းစားလည်း မထား​သေးပဲ လူပျိုကြီးဘဝ ဖြင့်​ပင်​ရှိ​သေးတယ်​။ သူရည်းစားမရှိသည့်​ အ​ကြောင်းကို ကျမ​နောက်​လျှင်​​တော့  ငါ နင့်​ကို​စောင့်​​နေတယ်​ ထင်​​နေတာလား ဟု ပြန်​ပက်​တတ်​သည်​။
ကျမက​လည်းခုချိန်ထိ တကိုယ်​တည်းပင်​၊ ကြားကာလမှာ ကျမကို စိတ်​ဝင်​စားသူ အမျိုးသား၊ အမျိုးသမီး အချို့ရှိ​သော်​လည်း ကျမစိတ်​မဝင်​စားခဲ့။
ကျမဘဝ အ​ခြေကျသည်​မှ စ၍ ​မေရီ့ကို ​နေ့စဉ်​ ရှာ​ဖွေလျက်​ရှိသည်​။ ​ပွဲမှန်​သမျှ​တွင်​လည်း​မေရီ့အ​ကြောင်း အရိပ်​အမြွက်​ ထည့်​​ပြောကာ ​မေရီကြားပါလာ လာလိုလာငြား ကြိုးစားမိသည်​။ ​မေရီ့ကို ချစ်​​နေ၍လားဆို​တော့ မဟုတ်​​။ မသိဟု ​ပြောလျှင်​ ပိုမှန်​မည်​။ မိမိနှင့်​ ​မေရီ အတူတူရှိခဲ့သည်​မှာ ၁ရက်​တာသာ၊ သို့​သော်​ ထိုတစ်​ရက်​တာအတွင်းမှာ ​ပျော်​ခဲ့​သော အ​ပျော်​​လောက်​ ဘယ်​​သောအခါမှ မ​ပျော်​မိခဲ့၊ အပျိူ​ပေါက်​အရွယ်​ ၁၇ နှစ်​တွင်​ တရက်​သာ တူတူအချိန်​ဖြုန်း​ဖူး​သော မိန်းက​လေးကို တကယ်​ချစ်​ပြီး ၁၀နှစ်​ကြာ၊ခုချိန်​ထိ ​စောင့်​​နေခြင်းက ရုပ်​ရှင်​ဆန်​လွန်​သည်​ဟု ထင်​မိသည်​။ မပြီးပြတ်​​သေး​သော စိတ်​ဆန္ဒများကို အပြီးသတ်​ရန်​ ​မေရီ့ကို လိုအပ်​​နေသည်​။ ​မေရီ့ကို ​တောင်းပန်​ချင်​သည်​။ ​မေရီ​ပေးခဲ့​သော စိတ်​ဓတ်​ခွန်​အားများအတွကက်​ ​ကျေးဇူးတင်​လိုသည်​၊ ​မ​အေးချမ်းခဲ့​သော ​မေရီ့ဘဝ​လေးကို ​စောင့်​​ရှောက်​ချင်​သည်​။ ​ခု ​မေရီ့ဘဝမှာ ကျမ ထက်​သာလွန်​ ​အေးချမ်း​နေတာလည်းဖြစ်​နိုင်​သည်​။ မည်​သို့ဆို​စေ ​မေရီကို မ​သေခင်​ တစ်​​ခေါက်​​တော့ ​တွေ့ကို ​တွေ့ရမည်​ဟု ဆုံးဖြတ်​ထားသည်​။

တောင်​ခနဲ မက်​​ဆေ့ခ်ျ​ ဝင်​သံ​လေးနှင့်​အတူ စာဝင်​လာသည်​။
" ​မေရီရှိတဲ့ ​နေရာကို သိပြီ။ နင်​လိုက်​သွားဖို့ အားလုံးစီစဉ်​ပြီးပြီ၊ ​လေဆိပ်​မှာ ငါ​စောင့်​​နေမယ်​ "

ကျမ ရင်​​​တွေ ​ပျော်​ရွှင်​မှုဖြင့်​ တလှပ်​လှပ်​ ခုန်​လာသည်​။ ​
" ​ကျေးဇူးပါ သူငယ်​ချင်း " ဟု စာပြန်​ပို့လိုက်​ပြီး Sms ​လေးကို သတိလက်​လွတ်​ နမ်းလိုက်​မိသည်​
ကျေးဇူးပါကွာ၊ နင်​ ဟာ တကယ်​ပဲ ချစ်​တတ်​သူပါ၊ သူငယ်​ချင်းလို၊ ချစ်​သူလို ​မောင်​နှမလို။  ကျမစိတ်​ထဲက​​နေပြီး လှိုက်​လှိုက်​လှဲလှဲ ​ကျေးဇူးတင်​မိသည်​။
တဆက်​တည်းမှာပင်​ ​သူလွှတ်​လိုက်​တဲ့ ကား​ပေါ်တက်​ပြီး ​လေဆိပ်​သွားရာ လမ်းတစ်​​လျှောက်​လုံး ​မေရီ ဘယ်​ပုံစံ ဖြစ်​​နေမည်​။ ဘာ​တွေ လုပ်​​နေမည်​ဆိုတာ စိတ်​ကူးယဉ်​​နေမိသည်​ ။
ရုတ်​တရက်​  ကျမ​တွေးမိသည်​။ သည်​အတို​င်း ​တွေ့ရခြင်းထက်​​ မေရီ့ကို အံ့သြသွား​အောင်​ တစ်​ခုခု လုပ်​ရန်​ဖြစ်​သည်​။

ကား​နောက်​ခန်းထဲတွင်​ ထိုင်​​နေရင်းမှ ​​ပေါင်​​ပေါ်ကိုစာအုပ်​တစ်​အုပ်​တင်​၊ အဖြူဆုံး အ​တောက်​ပဆုံး စာမျက်​နှာကို ​ရွေးကာ ကျမ တစ်​သက်​တာ ​ရေးခဲ့သမျှ ထဲတွင်​ အလှဆုံးလက်​​ရေးဖြစ်​​အောင်​ ကြိုးစားရင်း တစ်​လုံးချင်း ချ​ရေးသည်။

တောင်​​ပေါ် နယ်​မြို့​လေး တစ်​မြို့ရှိ စာသင်​​ကျောင်းထဲသို့ ဆရာ​မ ​ဝင်​​လာ​သောအခါ အတန်းထဲရှိ က​လေးများက တညီတညာတည်း နှုတ်​ဆက်ကြသည်​။ ဆရာမ​က ဖြူ ဖြူ ပုပု​သေး​သေး​လေးဖြစ်​သည်​။ အတန်းထဲမှ က​လေးတစ်​​ယောက်​က ဆရာမ နာမည်​​ခေါ်စာရင်း မလုပ်​ခင်​မှာပင်​ ​ဆရာမဆီ ​ပြေးသွားပြီး ​ကျောင်းရှိရာ လမ်းထိပ်​မှ ဦး​လေးကြီးနှင့်​ အန်​တီကြီး စုံတွဲမှ ဆရာမကို ​ပေးခိုင်းလိုက်​​သော စာအိတ်​​လေးကို လှမ်း​ပေးသည်​။
ဆရာမ​က ဘယ်​သူများပါလိမ့်​ဟု ​ရေရွတ်​ရင်း စာအိတ်​ကို ​ဖောက်​၍ အထဲမှ မိန်းမလက်​​ရေး ခပ်​ဝိုင်းဝိုင်း​လေးဖြင့်​ ​ရေးထား​သော စာ​လေးမှ ထိပ်​ပိုင်းကို တစ်​လုံးချင်း အသံထွက်​ဖတ်​သည်​။

" သို့  ချစ်​​သော ​မေရီ "

      ---------------------။-----------------------

#Teno

(Teno စာသားလေးကို Click လိုက်ပါ။ မူရင်း စာရေးသူ Teno ရဲ့စာမျက်နှာကို ရောက်သွားပါလိမ့်မယ်။