အချစ်ငတ်ကြတဲ့ ကိုယ်တွေ LGBTQIA + community က သူများအတွက် ပေးစာ

 

Dating တွေ့ဆုံမှုများတွင် ဘေးကင်းလုံခြုံစေရန် လက်တွေ့အသုံးဝင်သော အကြံပြုချက်များ

အခုအားလုံးသိကြတဲ့ လက်ရှိဖြစ်သွားတဲ့ ကျွန်တော်တို့ LGBTQIA community မှ တစ်ယောက်ရဲ့ ဖြစ်ရပ်လေးကတော့ အင်မတန်မှ စိတ်မကောင်းစရာဖြစ်ပါတယ်။ ေ-သ ဆုံး သွားတဲ့ ရိန်းဘိုးလေးအတွက်လည်း ကောင်းရာမွန်ဘဝကို ရောက်ရှိပြီး အေးချမ်းစွာ အနားယူနိုင်ပါစေလို့ ဆုတောင်းပေးလိုက်ရပါတယ် 

ဒီအဖြစ် အပျက်လေးကနေပြီးတော့ Dating လုပ်ခြင်းများတွင် အန္တရာယ်များစွာရှိနိုင်ကြောင်း ကို ကျွန်တော်တို့ လူမှုအသိုင်းအဝိုင်းအတွက် ထပ်မံသတိပေးနေသလိုဖြစ်ပါတယ်။

Dating လုပ်ခြင်းဆိုတာ  သာမန်နှင့် အဓိပ္ပာယ်ရှိသော လူနေမှုပုံစံတစ်ရပ်ဖြစ်သော်လည်း သတိပြုပြီး ဂရုတစိုက် ဆောင်ရွက်ရန် အရေးကြီးပါသည်။ ယခုဖြစ်ရပ်လေးနဲ့ ဆက်စပ်ပြီးပိုမိုဘေးကင်းစွာ Dating လုပ်နိုင်ရန် ကျွန်တော်တို့ အသိုင်းအဝိုင်းမှ  ကိုယ်တိုင်ရော တစ်ဦးကိုတစ်ဦး ပါ စောင့်ရှောက်ကြရန် အားပေးရန် Dating တွေ့ဆုံမှုများတွင် ဘေးကင်းလုံခြုံစေရန် လက်တွေ့အသုံးဝင်သော အကြံပြုချက်များ မျှဝေလိုက်ပါသည်။

၁။ တစ်စုံတစ်ဦးနဲ့ Dating မလုပ်ခင်တွင် 

· လူတစ်ဦးကို နားလည်ရန် အချိန်ယူပြီး စကားပြောပါ။

· တစ်ဦးနှင့်တစ်ဦး ကိုယ်တိုင်မတွေ့မီ ဗီဒီယိုခေါ်ဆိုမှု (Video Call) ပြုလုပ်ပါ။

· အောက်ပါအချက်အလက်များ မျှဝေခြင်းကို ရှောင်ကြဉ်ပါ -

  · အိမ်လိပ်စာ

  · အလုပ်လုပ်ရာ နေရာ

  · ငွေကြေးဆိုင်ရာ အချက်အလက်

တစ်စုံတစ်ဦးက အလျင်စလို တွေ့ဆုံရန် ဖိအားပေးခြင်း သို့မဟုတ် သင့်ကိုယ်သင် အတည်ပြုခွင့် (verification) ကို ရှောင်ဖယ်နေပါက ပြောဆိုဆက်သွယ်နေတာတွေကို  ခေတ္တရပ်တန့်ထားပါ။

၂။ တွေ့ဆုံမည့်နေရာကို ဘေးကင်းစွာ ရွေးချယ်ခြင်း

· လူစုလူဝေးများတဲ့နေရာ လူအများအပြားရှိတဲ့နေရာတွေမှာ တွေ့ဆုံသင့်ပါတယ်။

· နေ့ခင်းဘက် သို့မဟုတ် ညနေစောစောအချိန်များကို ဦးစားပေးရွေးချယ်ပါ။

· သီးသန့်နေရာများ (အိမ်များ၊ ဟိုတယ်များ၊ လူသူကင်းမဲ့သောနေရာများ) ကို အထူးရှောင်ကြဉ်ပါ။

၃။ တစ်စုံတစ်ဦးကို ကြိုတင်အသိပေးထားခြင်း

· သင်သွားမည့်နေရာကို စိတ်ချရသူတစ်ဦးဦးအား ပြောပြထားပါ။

· သင်တွေ့ဆုံမည့်လူ၏ အမည် သို့မဟုတ် ပရိုဖိုင်အချက်အလက်ကို မျှဝေထားပါ။

· ဖြစ်နိုင်ပါက သင်၏ တည်နေရာကို တိုက်ရိုက်မျှဝေပေးထားပါ (Live Location Share)။

၄။ တွေ့ဆုံနေစဉ်အတွင်း

· သင့်ပတ်ဝန်းကျင်ကို သတိထားပါ။

· အထူးသဖြင့် ပထမဆုံးအကြိမ် တွေ့ဆုံချိန်တွင် အရက် သို့မဟုတ် မူးယစ်ဆေးဝါးသုံးစွဲမှုကို ကိုယ်တိုင်ရော တခြားသူကိုပါ မသုံးစွဲမိပါစေနဲ့။

· သင့်ကိုယ်ပိုင်ပစ္စည်းများကို မျက်ခြည်မပြတ် ထားခဲ့ခြင်း မပြုပါနှင့်။

· သင့်အတွင်းစိတ် (Instinct) ကို ယုံကြည်ပါ။

၅။ သင်မလုံခြုံဟု ခံစားရပါက

· လူစုလူဝေးရှိရာ သို့မဟုတ် အလင်းရောင်ကောင်းစွာရှိရာနေရာသို့ သွားပါ။

· သင်စိတ်ချရသူတစ်ဦးကို ချက်ချင်းဆက်သွယ်ပါ။

· လိုအပ်ပါက အနီးအနားရှိ လုံခြုံရေးဝန်ထမ်း သို့မဟုတ် အကူအညီပေးရန်ဝန်ဆောင်မှုများထံမှ အကူအညီတောင်းခံပါ။

နောက်ဆုံးအနေနဲ့ ကျွန်တော်တို့ အသိုင်းအဝိုင်းက သူတွေအတွက် ပြောချင်တာက

အကြမ်းဖက်မှုဟာ ဘယ်သောအခါမျှ ကျူးလွန်ခံရသူရဲ့ အပြစ်မဟုတ်ပါဘူး အချင်းချင်းအပြစ်စကားဆိုခြင်းထက် ဘေးကင်းရေးအချက်အလက် မျှဝေခြင်း ၊ ဂရုစိုက်မှု၊ ကြိုတင်ကာကွယ်မှုတွေ ပြုလုပ်ခြင်းဖြင့် ရှေ့ဆက်ပေးဖို့ တောင်းဆိုချင်ပါတယ်။ 

#tvop

#safedating

#awarenessraising

***The Voice of Pride စာမျက်နှာမှကူးယူဖော်ပြသည်။