Tuesday, October 27, 2015

ကြယ်တို့သည်ပင်ကြွေတတ်သည် (အပိုင်း လေး)




"အဲ့ဒါရှင့်ကြောင့် ..အဲ့ဒါရှင့်ကြောင့် ''

ရွှေကြာအံကြိတ်သံဖြင့်ပြောရင်းလရောင်ရင်ဘတ်ကိုရိုက်နှက်ရင်းငိုသည်။လရောင်သွေးသံရဲစွာပါသွားသောမိုးစစ်မျက်နှာက်ိုမြင်ယောင်ရင်းရွှေကြာရိုက်တာကိုငြိမ်ခံနေမိသည်။မိုးစစ်သေသွားမှာလားးဟင့်အင်း....မဖြစ်နိုင် မိုးစစ်သည်သူ့အားဒီလိုပုံမျိုးဖြင့်ခွဲခွာသွားမည့်သူုမဟုတ်။ အော်ပရေးရှင်းအခန်းရဲ့တံခါးဗျန်းကနဲပွင့်လာပြီးဆရာမနစ်ယောက်ထွက်လာကာ

''လူနာအတွက်သွေးလိုတယ် ...ဆေးရုံမှာယူပေးနိုင်မလား ...တစ်ယောက်ယောက် ''

''ကျွန်တော်ပေးပါရစေ...ကျွန်တော် -သွေးပါ ..လူနာနဲ့တူတူပါဘဲ''

''ကျွန်မလည်းတူတယ်...ကျွန်မပေးပါ့မယ်ဆရာမ....ဒီမှာ...ရှင်ထွက်သွားနောက်တခါမိုးစစ်နားကိုဘယ်တော့မှမလာပါနဲ့...ရှင်နဲ့ပတ်သတ်သမျှသူ့မှာနာကျင်ရတယ် ...ယောက်ျားခြင်းချစ်တာရှင်မရှက်ဘူးလားး .....ရှင်အသိစိတ်ရှိပါတော့ကိုလရောင် ...ဖြစ်နိုင်ရင်ရှင်....ဒီနားမှာ နေကိုမနေပါနဲ့....သွားးးရှင် .....ထွက်သွားးးး''

ရွှေကြာ့အသံကတဖြည်းဖြည်းကျယ်လောင်လာတာမို့အနားပတ်ဝန်းကျင်မှတချို့လူတွေကစူးစူးစမ်းစမ်းကြည့်ကုန်ကြသည်။လရောင်ခေါင်းငုံ့ငြိမ်သက်နေရာမှမျက်ရည်တို့ကတာကျိုးသလိုတတုတ်တုတ်ကျလာပြီး

''နေပါရစေရွှေကြာ ...မိုးစစ်အတွက်လိုတာမှန်သမျှလုပ်ပေးပါရစေ ...ပြီးရင်...ပြီးရင်ကျွန်တော်ထွက်သွားပါ့မယ် ....မိုးစစ်ဘာလို လိုကျွန်တော်ပေးပါရစေ..ခွင့်ပြုပေးပါဗျာ ''

''မပေးရဘူးး...ကွန်မချစ်သူကိုယ်ထဲကိုရှင့်သွေးစီးစရာမလိုဘူး၊ ရှင်ဘာလုပ်ပေးနိုင်ပေးနိင် ရှင့်ဆီကဘာမှမလိုချင်ဘူး... ရှင်ထွက်သွား ရှင်ထွက်သွား''

''ရှင်တို့ဒီနေရာမှာဘာလုိ့ဆူနေတာလည်း ...တခြားလူနာစောင့်တွေအားနာပါဦး..''

အပြာဝတ်ဆရာမတစ်ယောက်ပြောသံကြောင့်ရွှေကြာသူ့ကိုမုန်းတီးစွာကြည့်ရင်း ''မိုးစစ်နဲ့မပတ်သတ်ဖို့သတိထားပါ..ရှင်ထွက်သွားတော့ ''

လရောင်မမြင်နိုင်မှန်းသိရက်နှင့် မိုးစစ်ကိုထားရာအခန်းကိုတစ်ချက်ကြည့်ရင်းတိတ်ဆိတ်စွာလှည့်ထွက်လာလိုက်သည်။ တကယ်ဆို သူ့ကြောင့်မိုးစစ်ဒုက္ခရောက်ရတာသူ့စိတ်ထဲမကောင်း။သူသာဖြစ်လိုက်ပါတော့လား။အခုတော့သူ့လိုရောဂါသည်ကိုထားပြီးလောကမှာလူတော်တသ်ယောက်ဖြစ်မယ့်တောက်ပလာမယ့်ကြယ်လေးကိုမှ။သူသွားရင်းရှိုက်ကြီးတငင်ငိုပစ်လိုက်သည်။

''ငါ့ကိုခွင့်လွှတ်ပါ...မိုးစစ်ရယ် ''

+++++++++++++

'ချပ်’ကနဲတံခါးဖွင့်သံကြောင့်လရောင်ဒရင်းဘတ်ပေါ်မှိန်းနေရာကဆက်ကနဲထကာအခန်းတခါးကိုဖွင့်လိုက်သည်။မိုးစစ်တပည့်လေးကမိုးစစ်အခန်းတံခါးကိုဖွင့်ရင်းသူ့ကိုတွေ့တော့ခပ်နွမ်းနွမ်းပြုံးရင်း ''အကိုလရောင် ...မအိပ်သေးဘူးလား ''

''အင်း....လရောင်..သတ်ိရပြီလားဟင်....ဘာထူးလည်းအခြေအနေ''

''အက်ိုနံရိုးတစ်ချောင်းကျိုးတယ်ကံကောင်းလို့အသည်းကိုမထိုးမိတာတဲ့..ထိုးမိရင်သေနိုင်တယ်တဲ့...ဒါပေမယ့်မျက်လုံးတွေကတော့အခြေအနေမကောင်းဘူးး''

''အခုဘာလာလုပ်တာလည်းး''

''အကို့အတွက်လိုတာလေးတွေလာယူတာ ''

''အင်း…ပြင်ထားတယ် ...အကုန်လုပ်ပြီးသားငါ့အခန်းထဲမှာ ..ပြောပါဦးသူ...အသက်အန္တရာယ်စိုးရိမ်လားး ''

''မသေနိုင်ပေမယ့်မျက်စိကတော့မလွယ်ဘူးတဲ့ မှန်ကွဲစတွေထုတ်နိုင်ရင်တောင် ...ပြန်မြင်ပါ့မလားမသိဘူးလို့ပြောတယ်.. ကျွန်နော်လည်းသေချာမသိဘူးအကို ''

လရောင်ပူပန်ကြီးစွာဖြင့် ''အကိုလိုက်ခဲ့မယ် ....''

''အကိုလိုက်လို့မရဘူးထင်တယ်...သူ့အဖေဆိုတာလည်းရောက်နေတယ် ..အကိုမိုးစစ်ကသူ့အဖေသဘောမတူတာလုပ်လို့ မောင်းချထားတာလို့ပြောတယ်....အကိုလိုက်တာကြိုက်ပါ့မလား ...မသိဘူးး''

လရောင်သူ့အခန်းထဲကလက်ဆွဲအိတ်လေးသွားပြန်ယူခဲ့ပြီး

''ဒါသူလဲလို့အဆင်ပြေအောင်ပုဆိုးနဲ့အင်္ကျီမျက်နှာသူတ်ပုဝါနဲ့တခြားလိုမယ်ထင်တာလေးတွေမင်းသွားတဲ့အခါယူသွားပေါ့ ...တခြားဘာလိုသေးလည်း''

''အကိုသတိရမှဘဲလိုတာထပ်လာယူတော့မယ် ...အခုတော့ဒါယူပြီးပြန်လိုက်တော့မယ်လေ ''

''အကို့ကိုသော့ပေးထားခဲ့ ..လိုတာရှိရင်ဖုန်းဆက်လိုက်အကိုပြင်ထားပေးမယ်...''

ကောင်လေးကသူ့လက်ထဲကသော့ကိုပေးကာပြန်သွားသည်။သူလင်းညိုကိုဖုန်းဆက်လိုက်တော့ လင်းညိုကဆေးရုံရောက်နေပြီမို့ ခဏနေပြန်ဆက်မည်ဟုဆိုကာဖုန်းချသွားတာမို့ သူမိုးစစ်အခန်းကိုသော့ဖွင့်ကာဝင်လာခဲ့လိုက်သည်။ ရှင်းလင်းသောအခန်းရဲ့ ဘေးဘက်ဆီကလူတစ်ရပ်စာဗီဒိုကျယ်ကြီးတွေထဲကအထည်တွေကိုသူကြည့်ရင်းမျက်ရည်စို့လာရပြန်သည်။မျက်လုံးကိုထိသွားသည်တဲ့။မျက်နှာကရော ...အရင်လိုရှင်းသန့်ချောမွေ့နေပါ့မလား။ မိုးစစ်ရယ် ..........။

လရောင်မိုးစစ်အိပ်ခန်းတံခါးကိုဖွင့်ကြည့်လိုက်သည်။ဖြူလွလွအိပ်ယာခင်းပေါ်ထိုင်ရင်းမိုးစစ်ခေါင်းဦးလေးကိုသူရင်ခွင်ထဲထည့်ကာပိုက်ထားလိုက်စဉ်သူ့ကိုယ်ထဲ ..ချစ်ခြင်းရားသည်အရှိန်တစ်ခုဖြင့်စီးဆင်းသွားသလိုခံစားလိုက်ရသည်။ သူမိုးစစ်အိပ်ယာဘေးကစားပွဲတစ်ခုရဲ့အံဆွဲလေးကိုဖွင့်လိုက်စဉ်သူ့ဖုန်းကမီးလေးပွင့်ကာမြည်လာတာမို့ကြမ်းပြင်ပေါ်ဒူးထောက်ဆင်းကာဖုန်းကိုဖွင့်လိုက်သည်။သူ့အသံကတိုးတိမ်စွာဖြင့်

''လင်းညို ......''

''အင်း....အခြေအနေမကောင်းဘူးးးမိုးစစ်ကခုနကလေးကတော့သတိရလာသေးတယ်အခုပြန်မေ့နေလားမှိန်းနေလားမသိဘူးးမျက်နှာကမှန်ကွဲတွေတော့ရှင်းပြီးပြီ..ဒါပေမယ့်မျက်လုံးကိုထိတာကတော့မျက်စိကအမြင်လွှာကိုပျက်စီးသွားတယ်တဲ့အာရုံကြောတွေတော့မထိဘူးတဲ့ ''

''အင်းးးးး''

''မျက်ကြည်လွှာပျက်စီးသားနာမို့အခုနေတော့ခပ်ဝါးဝါးမြင်နေရသေးမယ် ...နောက်ကြာလာရင်တော့လုံးဝကွယ်သွားမယ်တဲ့ ''

သူတိုးတိုးရှိုက်ကာငိုမိသည်။မိုးစစ်သည်သူ့ကြောင့်လူတောမတိုးသည့်မျက်မမြင်ဘဝကိုရောက်ရပြန်သတဲ့။သူဆိုတာလည်းမိုးစစ်အတွက်ဆူးညှောင့်ခလုပ်သက်သက်ပါလား။လရောင်အံဆွဲထဲကဖိုင်ဖြင့်ထပ်ထားသောစာရွက်တွေကိုစားပွဲစွန်းပေါ်တင်လိုက်သည်။စာရွက်တစ်ချို့ကစားပွဲပေါ်မှလျောကျပြီးသူ့အနားပတ်လည်မှာပြန်ြ့ကဲသွားသည်။

''နင်ကလည်ငိုမနေနဲ့မျက်ကြည်လွှာအလှုရှင်ရှိရင်ပြန်ကောင်းသွားမှာပါဟာ ''

''ဟင် ''

''ဘာဖြစ်တာလည်းလရောင် ''

''ဘာမှမဟုတ်ဘူး...ငါဖုန်းချလိုက်မယ်ပြန်ခေါ်မယ် ''

လရောင်ဗီဒိုအံဆွဲထဲကနောက်ထပ်စာရွက်တွေကိုထုတ်လိုက်သည်။နှလုံးအစားထိုးခြင်းနှင့်ပတ်သတ်သောအထောက်အထားနှင့်စာရွက်ဖြတ်ပိုင်း ကိုရီးယား၊ အိန္ဒိယဘက်မှဆေးရုံတစ်ချို့ရဲ့မှတ်ချက်များနှင့်ဖြေကြားချက်များကိုကော်ပီလုပ်ထားသောစာရွက်များ။ လရောင်ခေါင်းတွေချာလည်မူးကာရင်ခေါင်းထဲတလှပ်လှပ်ဖြစ်လာသည်။မိုးစစ်သည်သူ့အား........။ဒါဆိုယာဉ်တိုက်မှုကရောတကယ်မတော်တဆလား။ လရောင်စိတ်လှုပ်ရှားစွာနောက်အံဆွဲတစ်ခုကိုဆွဲဖွင့်လိုက်သည်။ ထွက်လာသောအိတ်အကြည်လေးတစ်အိတ်က လရောင်ရင်ကိုပြင်းစွာခုန်လှုပ်သွားစေသည်။

''ဟင် ''


xxxxxx

"နင်သိနေခဲ့တာလားးလင်းညို ''

''............''

''မိုးစစ်ငါ့အတွက်နှလုံးလှုမယ်ဆိုတာနင်သိနေခဲ့တာလားးလင်းညိုဖြေစမ်းပါ ...နင်ဘာကြောင့်ဒီလိုလုပ်ရက်နိုင်တာလည်း ''

လရောင်အသံကမှန်အလုံပိတ်ထားတဲ့ကားထဲမှာခြောက်ကပ်ကပ်ထွက်လာသည်။မိုးစစ်ဗီဒိုထဲမှသွေးစစ်ထားသောအဖြေများနှင့်အတူလေယာဉ်လတ်မှတ်များကိုတွေ့ပြီးလရောင်ဆေးရုံကိုလိုက်လာကာလင်းညိုကိုဖုန်းဆက်ခေါ်ပြီးမေးမိသည်။အဘယ်ကြောင့်ဆိုသော်ဆေးသွားကုမည့်လူစာရင်းထဲသူမိုးစစ်နှင့်အတူလင်းညိုပါလာသောကြောင့်ပင်။

''ငါ့ကိုဖြေပေးပါဦးလင်းညိုကျေးဇူးပြုပြီး ...ငါခံစားနေရတာတွေကိုကိုယ်ချင်းစာပေးပါ ''

''ငါ ...နင့်ကိုချစ်တယ်လရောင်...လူတိုင်းလူတိုင်းကသူတို့ချစ်မြတ်နိုးတဲ့တစုံတခုကိုမပိုင်ဆိုင်ကြရင်တောင် မပျက်စီးစေချင်တဲ့အတ္တရှိကြတာဘဲ...အဲ့အတွက်ငါ့မှာပြောစရာမရှိပါဘူးး''

''နင်ရက်စက်လိုက်တာလင်းညို .....အတ္တကြီးလိုက်တာ .....ဒါပေမယ့်နင်မှတ်ထား ...ကိုယ်ချစ်တဲ့သူကိုစွန့်လွှတ်ပြီးချစ်တတ်တာကလည်း ပိုင်ဆိုင်မှုကင်းတဲ့ချစ်ခြင်းဘဲ ...မိုးစစ်ငါ့အပေါ်အဲ့လိုချစ်ခဲ့တယ် ...ဘဝမှာလေ ...ငါတို့လိုလူစားမျိုးအဖို့အသက်ပေးချစ်တယ်ဆိုတာနဲ့ဘဲ သေပျော်ဖို့သင့်နေပြီ ....ငါမိုးစစ်ကိုဘယ်လိုဘယ်လောက်ထိချစ်တယ်ဆိုတာ ..မိုးစစ်ငါ့အပေါ်ဘယ်လောက်ချစ်တယ်ဆိုတာ.. တလောကလုံးသိဖို့ငါမမျှော်လင့်ပါဘူးးငါတို့နှစ်ယောက်သိနေဖို့ဘဲလိုတယ် ''

လင်းညိုပြုံးရင်း

''ငါသွားမယ် ...လရောင် ....ငါမိုးစစ်လောက်မချစ်ပြနိုင်ပါဘူးးးဒါကိုငါမရှက်ပါဘူးးးငါတို့ခံယူပုံခြင်းမတူကြတာပါ ...ဘာဖြစ်ဖြစ် ..လေးစားခဲ့ပါတယ် ....''

လရောင်လင်းညိုရဲ့မျက်နှာကိုသူစိမ်းတစ်ယောက်လိုကြည့်ရင်း

''ငါမအံ့သြပါဘူးလင်းညို ...လူတိုင်းကချစ်တယ်လို့ပြောတတ်ကြတာဘဲ ..လူတစ်ယောက်ရဲ့နှလုံးသားကိုမမြင်တတ်သူတွေက အဲဒီလူကိုအရူးတစ်ယောက်လို့ထင်မှာဘဲ... ငါတို့သူငယ်ချင်းဆက်ဖြစ်နိုင်သေးလားလင်းညို ''

'' ငါအဲ့လောက်မနုပါဘူး....နင်နဲ့ငါသူငယ်ချင်းပါ ....ကဲ..ဆေးရုံကိုသွားမလားမိုးစစ်သတိရနေပြီပြောတယ် ...သူ့အဖေနဲ့ ပြဿနာတော့ရှိလ်ိမ့်မယ်နင်သွားချင်ရဲ့လား''

''ငါအစစအရာရာအတွက်မိုးစစ်ကိုရောသူ့အဖေကိုပါတောင်းပန်ရဦးမယ်....တလောကလုံးကလက်ညိုးထိုးကဲ့ရဲ့တာကိုတောင်ငါမကြောက်ခဲ့တာ ...သူအဖေငါ့ကိုထိုးထိုးရိုက်ရိုက်ငါသွားရမယ်လင်းညို ''

လင်းညိုကားစက်ကိုနိုးလိုက်စဉ်လရောင်မိုးစစ်ကိုမြင်ယောင်ရင်းဘယ်ဘက်ရင်အုံကခပ်နွေးနွေးလှုပ်ရှားလာသည်။


+++++++++


'' ဟေ့ကောင်....မင်းထွက်သွားစမ်း ''

တံခါးဖွင့်ကာဝင်ဝင်ခြင်းလူတစ်ယောက်ကသူ့ကိုမုန်းတီးသောအကြည့်ဖြင့်ကြည့်ကာမောင်းထုတ်သည်။မိုးစစ်ရဲ့မျက်နှာကျဆင်သောကြောင့်မိုးစစ်ရဲ့အဖေမှန်းသိစွာလရောင်ကျိုးက်ျိုးနွံနွံရပ်ရင်း

''တောင်းပန်ပါတယ်အန်ကယ်...မိုးစစ်ကိုအခုလိုဖြစ်စေဖို့မရည်ရွယ်ပါဘူး....ကျွန်တော်က ''

''မင်းကိုထွက်သွားလို့လူလိုနောက်ဆုံးပြောမယ်...တောက်..အလကားအခြောက်...ကိုယ့်ဘဝကိုယ်နားမလည်ဘဲကိုယ့်ထက်ငယ်တဲ့ကလေးတစ်ယောက်ကိုအညွန့်ချိုးပစ်တယ်....မင်းကိုငါသတ်ချင်လောက်အောင်မုန်းတယ်...မင်းကြောင့်ငါ့သားဒီလိုအဖြစ်မျိုးဖြစ်ရတာ..မင်းအရှက်မရှိဘူးလားဟင်''

အခန်းထဲရှိသူနာပြုဆရာမလေးကသူ့ကိုအားနာစွာကြည့်သည်။လရောင်မျက်လွှာကိုချခေါင်းငုံ့ရင်း

''တောင်းပန်ပါတယ် ..အန်ကယ်..ကျွန်တော်မိုးစစ်နားမှာခဏလေးနေပါရစေ....မိုးစစ် ..ကျွန်တော့ကိုလိုအပ်နေသရွေ့နေပါရစေ... .မိုးစစ်သတိရလာရင်ကျွန်တော်တောင်းပန်ပြီးသူ့အနားမှာနေပါရစေ......''

''ဟေ့ကောင်...မင်းကိုငါသတ်မိတော့မယ် ''

မိုးစစ်အဖေကလရောင်အကျီစကိုဆွဲကာထိုးမည့်ဟန်ဖြင့်အရှေ့သို့တိုးလာသည်။

''အကို...ထွက်...သွားလိုက်ပါ ''

မိုးစစ်ထံမှခပ်တိုးတိုးအားယူပြီးပြောသံထွက်လာသည်။လရောင်ရှေ့သို့ခြေတစ်လှမ်းတိုးရင်း

'' မိုးစစ် ''

မိုးစစ်ကသူရှိရာဖက်ကိုအသံနားထောင်ပြီးပက်လက်လှန်နေရာမှခေါင်းကိုတဖြည်းဖြည်းလှည့်လာသည်။လရောင်မိုးစစ်မျက်နှာပြင်ကပတ်တီးစဖြူဖြူများကိုမြင်ပြီးရင်တစ်ခုလုံးဆို့နစ်ကြေကွဲစွာမျက်ရည်တို့အဆီးအတားမဲ့စွာကျလာမိသည်။မိုးစစ်တစ်ကိုယ်လုံးကိုသွယ်တန်းချိတ်ဆက်ထားသောပိုက်ကြိုးများကိုမြင်ပြီးလရောင်တကိုယ်လုံးနောင်တတရားတို့ဖြင့်နာကျင်လွန်းလှပါသည်။

''မိုးစစ်ရယ် ...''

သူအတင်းမိုးစစ်နားသွားရန်ပြင်မိသည်။မိုးစစ်အဖေကလရောင်ရင်ဘတ်ကိုလွှတ်ရင်းဆောင့်တွန်းလိုက်သည်။လရောင်မထင်မှတ်ထားသောကြောင့်တမံသလင်းပေါ်အရှိန်ဖြင့်လဲပြိုကျသွားသည်။သူမိုးစစ်ရှိရာကိုကြည့်ရင်းတဖြည်းဖြည်းအားယူကာပြန်ထရင်း

''မိုးစစ်...အကို့ကြောင့်ဖြစ်ခဲ့တဲ့ပြဿနာတွေကိုအကိုတောင်းပန်ပါတယ်...မိုးစစ်ခဏလေးဒုက္ခခံပေးပါနော်....အကိုမိုးစစ်မျက်လုံးတွေအလင်းပြန်ရတဲ့အထိတာဝန်ယူပါတယ် ''

''ဟေ့ကောင်..မင်းသွားတောာ့ကွာ ..မင်းနောက်ဆိုဒီဖက်ကိုခြေဦးတောင်မလှည့်နဲ့ ....''

မိုးစစ်အဖေကသူ့ကိုအတင်းတွန်းလွှတ်တာမို့သူဆေးရုံအပြင်ဖက်သို့ခပ်ဖြေးဖြေးထွက်လာခဲ့လိုက်သည်။သူ့ခြေလှမ်းတို့ကဆောက်တည်ရာမဲ့စွာလေးလံလွန်းသလိုသူ့နလုံးခုန်သံကလည်းအဆမတန်မြည်လွန်းလှသည်။ဆေးရုံရဲ့နံရံကိုမှီရင်းသူမောပန်းစွာအသက်ကိုရှုလိုက်မိသည်။သူအဖြစ်ကိုမြင်သောလင်းညိုကကားတံခါးဖွင့်ဆင်းလာကာသူ့ထံပြေးပြီးလာတွဲရှာသည်။ထိုအဖြစ်ကိုဆေးရုံကိုလာသောရွှေကြာကမြင်ပြီးသူ့ကိုခပ်မဲ့မဲ့ပြုံးပြသွားသည်။ရွှေကြာလည်းသူ့ကိုအထင်ပိုလွဲလေပြီ။


+++++


''ငါ့ကိုမက်ဆေ့နစ်စောင်ရေးခိုင်းတယ် ..နင့်ကိုတစ်စောင်ရွှေကြာ့ကိုတစ်စောင်ပို့ပေးပါလို့ပြောတယ် ..သူဒီညပို့လိမ့်မယ် ''

လင်းညိုရဲ့အသံကိုဖုန်းထဲကကြားပြီးလရောင်တုန်လှုပ်ခြောက်ခြားနေမိသည်။စိတ်နှင့်ကိုယ်တို့သည်သေချာမရှိစွာအလွဲအချော်ပေါင်းများစွာဖြင့်။

ညအိပ်မီးရဲ့အလင်းဖျော့ဖျော့အောက်မှာသူခပ်ငူငူထိုင်ရင်းစားပွဲခုံပေါ်တင်ထားတဲ့ဖုန်းက်ိုမမှိတ်မသုန်ကြည့်နေမိသည်။ညကျရင်မက်ဆေ့စ်တစ်စောင်ပို့လိုက်မယ်ဆိုသောမိုးစစ်ရဲ့အသံကိုသူအလွမ်းမပြေစွာကြားလိုက်ရသလိုဘာအကြောင်းအရာလည်းဆိုတာကိုပါသူတပ်အပ်နားလည်ပါသည်။မိုးစစ်သူ့ကိုထားခဲ့တော့မည်။ဒုက္ခိတတစ်ယောက်လို့သူ့ကိုယ်သူမှတ်ယူပြီးသူ့အနားကထာဝရထွက်သွားဖို့လင်းညိုကိုခေါ်ကာတိုင်ပင်တာမှန်သမျှလရောင်ပြန်ကြားရတာမို့သူ့ရင်ထဲပိုပြီးမချိ။သူ့ပုံစံကမကြာခင်သေမိန့်ချခံရတော့မည့်ရာဇဝတ်သားတစ်ယောက်ပမာခြောက်ခြားလွန်းလှသည်။ညတာသည်ရှည်လွန်းလေစွ၊၊ထိုစဉ်ဖုန်းရဲ့ဖလက်ရ်ှမီးကဖျက်ကနဲတစ်ချက်လင်းကာမက်ဆေ့တစ်စောင်ဝင်လာသည့်အိုင်ကွန်လေးဖုန်းစခရင်မှာပေါ်လာသည်။ဒီးကနဲတချက်တုန်သွားသောဖုန်းကိုကောက်ယူပြီးအသစ်ဝင်လာသောမက်ဆေ့ကိုသူလေးကန်သောလက်အစုံဖြင့်ဖွင့်ဖတ်လိုက်သည်။

'' ကျွန်တော့်နားကထွက်သွားပေးပါတော့...ကျွန်တော်ခင်ဗျားကိုဘယ်တော့မှမချစ်နိုင်ဘူး ..အဲ့ဒါသေချာတယ် ...ကျွန်တော်စိတ်ကစားမိခဲ့ တာပါ ...Sorry . ''

မျော်လင့်ပြီးသားစကားဖြစ်ပေမယ့်သူမျက်ဝန်းတို့စိုစွတ်သွားသည်။နှုတ်ခမ်းကနာကျင်စွာပြုံးရင်းသူဖုန်းကိုအဓိပ္ပာယ်မဲ့စွာကြည့်နေမိသည်မှာမည်မျှကြာသည်မသိ။သူဖုန်းနံပါတ်တွေကိုတဆတ်ဆတ်နှိပ်ရင်းဖုန်းခေါ်လိုက်သည်။ဖုန်းမြည်သံဆုံးသွားသည်အထိဖုန်းကိုမကိုင်သဖြင့်ဖုန်းသံတတူတူကနားဆူစွာထွက်လာသည်။အိပ်ယာဘေးစားပွဲပေါ်တင်ထားသောရေပုလင်းမှရေကိုတခွက်ဌဲ့သောက်ရင်းသူအိပ်ယာကဖြေးညင်းစွာထလိုက်သည်။ညဝတ်အင်္ကျီကြိုးစကိုခပ်လျော့လျော့ပြင်ရင်းဝရံတာကိုထွက်လာလိုက်သည်။

ပြတင်းဝကတိုက်ခတ်လာသောလေနုအေးကသူ့ရင်ကအပူကိုမအေးမြနိုင်။ရန်ကုန်မြို့ရဲ့ညကိုကြည့်ရင်းသူတစုံတရာကိုပြင်းပြစွာသတိရမိသွားသည်။သူမိုးစစ်အခန်းသော့ကိုယူကာအခန်းတံခါးကိုဖွင့်ပြီးမိုးစစ်အိပ်ခန်းထဲသို့ဝင်လာခဲ့လိုက်သည်။ကုတင်စွန်းပေါ်တင်ထားသည့်အကို့အတွက်ဟုရေးထားသည့်ပလက်စတစ်အကြည်ရောင်လေးကိုခွာရင်းအထဲကဒိုင်ယာရီလေးကိုထုတ်ယူပြီးပထမစာမျက်နှာလေးကိုဖွင့်လိုက်သည်။နေ့စွဲအလိုက်သူတို့စတွေ့သည့်နေ့ကစပြီးရေးထားတာလေးတွေဖတ်ရင်းသူဆွတ်ပြန့်လွမ်းမောလာသည်။သူ့နှလုံးသားလိပ်ပြာသည်အတိတ်ပစ္စုပန်နှစ်နေရာမှာလူးလာခေါက်တုန့်ပျံသန်းရင်းသူ မိုးစစ်ကိုလွမ်းမောစွာနောက်ဆုံးစာမျက်နှာကိုလှန်ပစ်လိုက်သည်။

အကို

လမင်းလောက်မလင်းနိုင်ပေမယ့်ကြယ်လေးတွေလည်းလင်းတတ်တယ်တဲ့အကို့အချစ်ကိုမမှီနိုင်ပေမယ့်ကျွန်တော်အကို့ကိုသိပ်ချစ်ပါတယ်။ကျွန်တော်သာကြယ်တစ်ပွင့်ဖြစ်ခဲ့ရင်အကို့အရောင်အဝါတွေတောက်ပနေဖို့ကြွေပေးလိုက်ချင်ပါတယ်.....ဘာလို့လည်းဆိုတော့အကို့အလင်းတွေပိုတောက်ပစေချင်လို့ပေါ့....အချိန်တန်ရင်တော့ကြယ်လေးတွေလည်းကြွေတတ်တယ်အကို....တလောကလုံးကိုအလင်းပေးဖို့အကိုထိန်ထိန်သာပြီးနေပေးပါနော် .........


အကို့ကိုရူးလောက်အောင်ချစ်တဲ့

မိုးစစ်...


''ဟင့်အင်းး''

သူခေါင်းကိုတစ်ချက်ခါလိုက်မိသည်။မကြွေရဘူးမိုးစစ်။သူ့ရင်ဘတ်ထဲတင်းကျပ်စွာဆို့နင့်လာရင်းးးမျက်ရည်စီးကြောင်းကပါးပေါ်ကျလာသည်။သူမတ်တပ်ရပ်နေရာမှတဖြည်းဖြည်းထိုင်ကျသွားပြီးသည်းထန်စွာငိုကြွေးမိတော့သည်။
ဘဝမှာနောက်ထပ်ဆုံးရှုံးစရာမကျန်တော့လောက်အောင်သူ့နှလုံးသားသည်မွမွကြေလျက်။

ဘာကြောင့်လည်းးးးးးးးဘာလုိ့လည်းးးးမိုးစစ်မင်းအပေါ်ငါအချစ်မစစ်ခဲ့လို့လားးးးးးးဒါမှမဟုတ်ငါချစ်တာကိုမင်းမမြင်တာလားကလေးရယ် ....။ ငါရူးတော့မယ် .....ငါ့ကိုထားမသွားပါနဲ့ ....။


x           x           x


''ကိုယ့်ကျန်းမာရေးဂရုစိုက်မှပေါ့...ဟာ ''

လင်းညို လရောင်ကိုယ်ပေါ်ကစောင်ပါးလေးကိုရင်ပတ်နားထိရောက်အောင်သေချာပြန်ဆန့်ရင်းအပြစ်တင်စကားဆိုသည်။ လရောင်ခမျာ ဖွဖွပြုံးမိသည်။ ပြီးမှ

'' မိုးစစ်ရောဘယ်လိုနေလည်းဟင်....''

''ဒီနေ့ပတ်တီးဖြည်မယ်ထင်တယ် ..ငါလည်းသေချာတော့မသိဘူးးငါ့အတွက်နင်ကပိုအရေးကြီးတယ်လေ ...နင်လည်းဟိုကိုသွားသင့်ပြီ ..ခေါင်းမာနေတာကနင့်အတွက်ကောင်းတာဖြစ်လာမှာမဟုတ်ဘူးးနော်လရောင်..ငါကစေတနာနဲ့အကြံပေးတာပါမိုးစစ်ကမိသားစုနဲ့...နင်ကတစ်ယောက်တည်းရယ်''

''အေးပါဟာ...ဒါပေမယ့်ငါလေ...မိုးစစ်ကိုအရမ်းတွေ့ချင်တာဘဲ ...အခုနေသေရင်..ငါလွမ်းလို့သေတာဘဲဖြစ်လိမ့်မယ်.. ထင်တယ် ..လင်းညိုရယ်......sorryနင့်ရှေ့မှာငါပြောဖို့မသင့်ဘူး...ဒါပေမယ့်ငါ့အဖြစ်ကိုငါတို့လိုလိင်စိတ်ကွဲပြားတဲ့လူတွေကဘဲနားလည်လိမ့်မယ်ထင်လို့ပါ ''

''ရပါတယ် ..ငါ့ကိုပြောလို့နင်စိတ်ပေါ့သွားရင်ငါနားထောင်ပေးနိုင်ပါတယ် ...ဟ''

''ကျေးဇူးတင်ပါတယ်ဟာ ''

လင်းညိုပေါ့ပေါ့ပါးပါးပြုံးရင်းပြောသည်။

''ကဲ..ငါဆေးရုံပြန်ဦးမယ် ..နင်နားနားနေနေနေနော်..နေ့လည်စာကိုအိမ်ကပို့ပေးလိမ့်မယ်ငါဖုန်းဆက်ပြီးသားလာပို့တဲ့ကလေးကိုလည်း ပြန်မလွှတ်နဲ့လက်တိုလက်တောင်းခိုင်းဖို့ခေါ်ထားလိုက်ကြားလား ''

''ရပါတယ်ဟာ ''

''စကားမများစမ်းပါနဲ့မောင်လရောင် ..တခါတလေတော့ငါ့စကားနားထောင်စမ်းပါ ''

လင်းညိုရဲ့အပြောကိုသူသဘောကျစွာခပ်ဖွဖွပြုံးမိသည်။လင်းညိုထိုင်နေရာကထပြီးပြန်ရန်ပြင်လိုက်တာမို့သူလင်းညိုလက်ဖျားကိုလှမ်းကိုင်ကာ ''အစစအရာရာအတွက်နင့်ကိုတောင်းပန်တယ်လင်းညို ကျေးဇူးလည်းတင်ပါတယ် ...နင်ကငါ့အတွက်သူငယ်ချင်းကောင်း တစ်ယောက်ပါ ....ငါသေသွားရင်တောင်မမေ့ပါဘူး ..နော် ''

''နင်မသေနိုင်ပါဘူး ,...တလောကလုံးကလူတွေနင့်ကိုအလိုမရှိဘူးဆိုရင်တောင် ငါ့အတွက်အသက်ဆက်ပေးစမ်းပါလရောင် ...နင့်ကိုပိုင်ဆိုင်တာမပိုင်နိုင်တာထက်တမိုးအောက်ထဲအတူတူရှိနေတယ်ဆိုတဲ့အသိတစ်ခုနဲ့ငါ့ဘဝကိုငါကျေနပ်နေချင်လို့ပါ ''

လင်းညို…လရောင်ရဲ့လက်ဖျားလေးကိုပြန်ဖြစ်ညှစ်ရင်းစကားဆိုသည်။

''နင့်အတွက်ငါ ....ဘာမဆိုလုပ်ပေးချင်တဲ့စိတ်ဝင်လာမိတယ်...လရောင်.. ဒါပေမယ့်နင့်အနားလာနေချင်တာထက်ပိုပြီး ငါနင့်ဆီကငါမလိုချင်ပါဘူးးငါသွားမယ်လရောင် ''

လရောင်အခန်းတံခါးဖွင့်ကာထွက်သွားသောလင်းညိုကိုကြည့်ရင်းစိတ်မကောင်းစွာသက်ပြင်းချမိသည်။ရင်တွေလည်းနာလှပါပြီ။သူစိုစွတ်တာတဲ့မျက်ဝန်းကိုအတင်းမှိတ်ပြီးအိပ်ရန်ပြင်လိုက်သည်။

လွမ်းရတဲ့နေ့တွေကုန်ပါစေတော့မိုးစစ်ရယ်။ကြိုးးစားပြီးအိပ်သော်လည်းသူအိပ်လို့မရ။နာရီလက်တံတချပ်ချပ်ကပင်သူနှလုံးသားကိုတဒိန်းဒိန်းခုန်လာစေသည်မို့သူအိပ်ယာပေါ်မှအတင်းထကာအဝတ်အစားလဲရင်းကားသော့ကိုကောက်ကိုင်လိုက်သည်။


++++


''အကိုလင်းညိုလာတာကျေးဇူးတင်ပါတယ် ''

''ရပါတယ်မိုးစစ်...လာရမှာပေါ့ ''

''အဖေနဲ့ရွှေကြာရော ဆရာမပါ ခဏအပြင်ထွက်ပေးပါလား ...ကျွန်တော်တို့ပြောစရာရှိလို့ပါ ''

အခန်းထဲကလူတွေထွက်သားပေးတာမို့လင်းညိုနှင့်မိုးစစ်သာအခန်းထဲကျန်ရစ်ခဲ့သည်။မိုးစစ်က

''သူတို့သွားပြီလား ''

''သွားပြီမိုးစစ်ပြောလေဘာပြောချင်လို့လည်း ''

''အကိုကျွန်တော့ခေါင်းအုံးအောက်မှာအခန်းသော့ရှိတယ်..အဲ့ဒါကိုယူပြီးကျွန်တော့အခန်းထဲကဗီိရိုထဲမှာပလတ်စတစ်အကြည်ရောင်လေးနဲ့ထည့်ထားတဲ့စာအုပ်လေးကိုကျွန်တော်မရှိတဲ့အခါအကိုလရောင်ကိုပေးပေးပါနော် ..အဲ့စာအုပ်လေးကိုအကိုသယ်ခဲ့ပေးပါနော်အကို....''

''မိုးစစ် ...သေချာစဉ်းစားပါဦး ..မိုးစစ်မျက်လုံးကမြင်ဖို့အလားအလာရှိတယ်လေ...ပြီးတော့မိုးစစ်ကအောင်မြင်နေတဲ့လူတစ်ယောက် ...ကောင်းမွန်တဲ့အနာဂတ်ကမိုးစစ်နဲ့လက်တစ်ကမ်းမှာရှိနေတာ...''

မိုးစစ်ပြုံးသည်။

''ကျွန်တော်ရူးနေတယ်ဆိုလည်းရူးတယ်ထင်ကြပါစေတော့ကိုယ်ချစ်တဲ့သူကကိုယ့်ဘဝပါဘဲ ..ကျွန်တော်အကို့ကိုချစ်တယ်
အကို့အတက်ကျွန်တော်ဘဝကိုရင်းရဲပါတယ် ....အော် ...အကို ''

တံခါးဖွင့်သံကြောင့်သူတို့ကားစပြတ်သွားသည်။ဆရာဝန်ကြီးရဲ့နှုတ်ဆက်သံနှင့်အတူခြေသံများကိုကြားရပြီး

''ပတ်တီးဖြည်မယ်နော် ...ကိုမိုးစစ် ..မျက်လုံးကကိုက်တာနာတာဖြစ်သေးလား ''

သူခေါင်းခါပြလိုက်သည်။မကြာခင်သူ့မျက်လုံးမှာစည်းနှောင်ထားသောပတ်တီးစကိုဖြည်းညင်းစွာဖယ်ရှားသည့်အတွေ့ကိုသူစတင်ခံစားရလေသည်။

''ကျွန်တော်တို့သွားမယ့်ကိစ္စပြန်စီစဉ်ပေးပါဦး ''

ပတ်တီးဖြည်ပေးနေသောဆရာဝန်ကြီးနှင့်အတူကူလုပ်ပေးနေသောလင်းညိုလက်တို့တန့်ကနဲရပ်သွားကာမိုးစစ်မျက်နှာကိုသေချာကြည့်မိသည်။ရွှေကြာကစကားဖြတ်သည့်အနေဖြင့်

'' မျက်ကြည်လွှာကဟိုအထိသွားလုပ်စရာမလိုဘူးမိုးစစ်ရဲ့ဒီမှာလည်းရပါတယ် ''

''ရွှေကြာ ''

''စကားမပြောပါနဲ့ဦးလူနာ ...ဆရာကြီးအလုပ်လုပ်ရတာခက်မှာစိုးလို့ပါ ''

သူရွှေကြာ့ကိုစကားပြောရန်ပြင်နေတုန်းနာ့စ်ရဲ့အသံကြောင့်ငြိမ်နေလိုက်ရသည်။တလွှာချင်းဖြည်နေသောပတ်တီးစများအောက်ကသူ့မျက်လုံးကိုမည်သို့ဖြစ်လာမည်တွေးရင်းမိုးစစ်ရင်တဒိတ်ဒိတ်ခုန်လာလေသည်။မသေချင်စပ်ကြားအကို့မျက်နှာလေးကိုသူမြင်တွေ့ချင်ပါသေးသည်။ပတ်တီးစတို့အကုန်ဖြည်ပြီးချိန်မှာဆရာဝန်ကနေကာမျက်မှန်တစ်လက်ကိုတပ်ပေးရင်းမျက်လုံးကိုဖြေးဖြေးဖွင့်ဖို့သတိပေးသည်။သူစိတ်လှုပ်ှရှားစွာမျက်လုံးကိုဖွင့်ကြည့်လိုက်သည်။စူးရှသောအလင်းကြောင့်သူမျက်စိကိုခဏမှိတ်ရင်းနောက်တဖန်အားယူကာဖွင့်ကြည့်လိုက်ပြန်သည်။ခပ်ဝါးဝါးအရိပ်တေကသူ့မြင်လွာနားကပ်ကာတိုးလာတာမို့သူသူ့ကိုယ်ကိုနောက်သို့ဆုတ်လိုက်မိသည်။

''ဘုရားရေ ....ငါ..ငါတစ်ကယ်ကြီးကို .....''

သူအံ့သြစွာရေရွတ်လိုက်မိသည်။သူတကယ်ကိုမျက်မမြင်ဖြစ်ခဲ့သည်ဘဲ၊၊သူ့မြင်လွှာတွေထဲဘာဆိုဘာမှပြတ်ပြတ်သားသားမရှိဘဲအရာရာကဝေဝါးနေလေတော့သည်။


++++


လရောင်ဆေးရုံရှေ့ကားရပ်ရင်းဆေးရုံခန်းထဲမှာရှိနေသည့်မိုးစစ်ကိုမြင်ယောင်ပြီးလွမ်းနေမိသည်။အထဲသို့ဝင်ချင်ပေမယ့်သူဝင်သွားရင်အဆင်ပြေပါ့မလားဆိုပြီးစိတ်ကလည်းပူပန်နေမိသည်။မိုးစစ်ရယ် ...အကိုမသေခင်လေးအထိမင်းအနားမှာနေချင်မိတာပါ။ဒါပေမယ့်... အကိုတို့အဖြစ်ကဆိုးလွန်းပါတယ်ကွာ။လရောင်စတီယာရင်ပေါ်ခေါင်းကိုစိုက်ရင်းငြိမ်သက်နေမိသည်။ထို့နောက်ဆုံးဖြတ်ချက်တစ်ခုချကာ
ကားတံခါးကိုဖွင့်ဆင်းလိုက်သည်။မိုးစစ်မျက်နှာကိုခဏဖြစ်ဖြစ်သွားကြည့်မည်။နောက်ဆုံးအနေနဲ့လည်းဖြစ်ရင်ဖြစ်မည်မို့သူတွေ့ကိုတွေ့မှဖြစ်မည်။

စိတ်လှုပ်ရှားစွာဆင်းလာသော်လည်းလရောင်ခြေထောက်လှမ်းဖို့အားကသိပ်မရှိချင်။ခေါင်းတွေမူးကာချာချာလည်နေတာမို့သူ့ခြေလှမ်းတို့ကယိမ်းထိုးကာနေသည်။သူတဖြည်းဖြည်းမိုးစစ်ရှိရာအခန်းနားသို့ရောက်လာလေသည်။အခန်းဝနားအရောက်သူအခန်းတံခါးလောခ့်ကိုအသံမမြည်စေရန်အသာတိုးဖွင့်ရင်းအခန်းထဲသ်ို့အသာချောင်းကြည့်လိုက်သည်။ကုတင်ပေါ်ထိုင်ပြီးမျက်လုံးကိုပတ်တီးဖြည်ထားသောမိုးစစ်ကိုကြည့်ကာသူ့မျက်ဝန်းကမျက်ရည်တို့ကအဆီးအတားမဲ့စွာကျလာလေသည်။မိုးစစ်ပိန်သွားလိုက်တာ။မျက်လုံးကောပြန်မြင်ရရဲ့လားညီလေးရယ်။ထိုစဉ်မိုးစစ်ကဖျတ်ကနဲအခန်းဝကိုကြည်တာမို့သူနံရံဖက်သို့ပြန်ကပ်ထားလိုက်မိသည်။မိုးစစ်အသံကခပ်တိုးတိုးထွက်လာသည်။

''အကိုလင်းညို ...''

''ပြော...မိုးစစ်..ဘာလိုလည်းညီလေး ''

''အကိုလရောင်ရောက်နေတယ်....အကိုရှိနေတယ်ဗျ..ကျွန်တော်အကို့ကိုတွေ့ချင်တယ်..ကျွန်တော်အကို့ကိုတွေ့ပါရစေ...အကို့ကိုခေါ်ပေးပါ....''

မိုးစစ်အသံကစိတ်လှုပ်ရှားစွာတုန်ရင်နေလေသည်။လရောင်ရင်ထဲဒိန်းကနဲမြည်အောင်တုန်လှုပ်သွားလေသည်။

''မရှိပါဘူးမိုးစစ်ရဲ့ ''

ရွှေကြာကအခန်းဝကိုလှမ်းကြည့်ရင်းပြောသည်ကိုမိုးစစ်ကခေါင်းခါရင်း

''အကိုရောက်နေတယ် ....ကျွန်တော်သိတယ် ''

''မိုးစစ်ကမြင်လိုက်ရလို့လား ...မိုးစစ်ပြန်မြင်ပြီလား''

လင်းညိုကအံ့သြစွာမေးသည်။မိုးစစ်အတင်းရုန်းထကာကျယ်လောင်သောအသံဖြင့်

''အကို...အကိုရှိနေလား ''

လရောင်အခန်းဝမှာဆက်မနေဖြစ်တော့။နောက်ကြောင်းလှည့်ကာပြေးထွက်လာရင်းမျက်ရည်ကျလာလေသည်။အခန်းပြင်ကိုထွက်ကြည့်သောလင်းညို လရောင်ကိုမြင်လိုက်သော်လည်းမမြင်ဟန်ဆောင်ကာ

''မရှိပါဘူးမိုးစစ်ရယ်ငါ့ညီစိတ်ထင်လို့ပါ ..''

''ကျွန်တော်သိတယ်...အကိုအနားရောက်လာတာကိုကျွန်တော့စိတ်ကသိတယ်ဗျ....ကျွန်တော့ရင်ဘတ်ထဲကဟောဒီအသည်းထဲကသိတာ...အကိုအနားရောက်လာတိုင်းကျွန်တော့ဒီနားကတဒုန်းဒုန်းခုန်နေတာဗျ''

မိုးစစ်သူ့ရင်ကိုပုတ်ပြရင်းပြောတာကိုရွှေကြာမျက်နှာပျက်စွာနားထောင်ရင်းအပြင်သို့ထွက်သွားလေသည်။


+++++


''ငါတကယ်မလာသင့်မှန်းသိပါတယ်....ငါလေ..ငါသူ့ကိုအဝေးကကြည့်ရုံလေးပါဘဲ...လင်းညိုရယ်''

'' စိတ်လျော့ပါဟာ...နင်အရမ်းငိုမနေပါနဲ့ ..ငါနားလည်ပါတယ် ''

''ငါမိုးစစ်ကိုမျက်လုံးတွေပြန်မြင်စေချင်တယ် ..ငါလေ ..ငါ့နှလုံးကိုမခွဲတော့ဘူးးသိလား ... လင်းညို....ငါသေပါစေတော့ ငါ့မျက်ကြည်လွှာကိုမိုးစစ်ကိုပေးခဲ့မယ် ...ငါပေးဖို့ဆုံးဖြတ်ပြီးပြီလင်းညို... နင်စီစဉ်ပေး...နင်မဖြစ်မနေစီစဉ်ပေးနော်''

လရောင်..လင်းညိုရဲ့လက်မောင်းနှစ်ဖက်ကိုကိုင်ရင်းပြောနေသည်ကို လင်းညိုရင်နာစွာစိုက်ကြည့်နေရင်း

''နင် ...မိုးစစ်ကိုအဲ့လောက်ချစ်လားလရောင်''

''ငါချစ်တယ်....သူ့အတွက်ငါ့ကိုယ်ထဲကအစိတ်အပိုင်းတစ်ခုခုကိုပြေးပြီးငါချစ်ပြခဲ့တယ်ဆိုတာသူသိစေချင်လို့ပါ....ဒီ့ထက်ပိုပြီးလုပ်ခဲ့နိုင်ရင်တောင်ငါလုပ်မှာလင်းညို ...ဒါငါ့ဆုံးဖြတ်ချက်အမှန်ဘဲ ''

လင်းညိုပြုံးသည်။စိတ်မကောင်းစွာဖြင့်လရောင်ကိုငေးကြည့်နေမိသည်။လရောင်ကစာအုပ်တစ်အုပ်ကိုယူလာကာ

''ရော့လင်းညို ...ဒါမိုးစစ်အခန်းကရတာ ...သူတောင်ငါ့ကိုကားအက်ဆီးဒန့်မဖြစ်ခင်ကတည်းကနှလုံးလှုဖို့လုပ်ခဲ့တာ ...ငါ့လိုဒဏ်ရာဗရပွနဲ့လူကဘာလို့မလုပ်နိုင်ရမလည်း ....အဲ့ထဲမှာသူငါ့ကိုပေးဖို့ရေးတဲ့စာပါတယ်....သူ့ကိုပြန်ပေးလိုက်ပါ ...ငါပြန်ပေးလိုက်တယ်လို့ ''

လင်းညိုခေါင်းညိတ်ရင်းလရောင်အခန်းကထွက်ဖို့ပြင်သည်။နောက်သို့ကျောခိုင်းလိုက်စဉ်သူ့မျက်ဝန်းကမျက်ရည်တွေကပါးပြင်ပေါ်ကျလာလေသည်။နင်ရက်စက်တယ်လရောင်၊တခြားတစ်ယောက်ကိုအသက်ပေးချစ်ဖို့အတွက်နင့်ကိုချစ်တဲ့လူတစ်ယောက်ကိုတစ်ဘဝလုံးနောင်တတရားတွေနဲ့ရှင်သန်စေတယ်....ဘာလို့လည်း ...ငါ့နှလုံးသားကိုနင်မမြင်လို့လားလရောင်ရယ် ..။

''ငါအမြန်ဆုံးသွားချင်တယ်လင်းညိုကျေးဇူးပြုပြီး''

လင်းညိုနောက်လှည့်မကြည့်ဘဲအံကိုကြိတ်ကာခေါင်းကိုဆတ်ဆတ်ညိတ်ပြလိုက်သည်။


+++++


လင်းညိုအခန်းတံခါးကိုဖွင့်မီးတွေကိုဖွင့်ရင်းဆိုဖာတစ်ခုပေါ်နွမ်းနယ်စွာထိုက်ချလိုက်ကာမျက်လုံးများကိုမှိတ်ထားလိုက်သည်။မျက်စိထဲလရောင်ရဲ့အငိုမျက်နှာကိုသာမြင်ယောင်နေတာမို့သူခေါင်းကိုဘယ်ညာယိမ်းရင်းမေ့ဖျောက်ဖို့ကြိုးစားလိုက်သည်။ထို့နောက်သူလရောင်ပေးလိုက်သောဒိုင်ယာရီစာအုပ်လေးကိုဖွင့်ကာအထဲကစာနှစ်စောင်ကိုဖတ်လိုက်သည်။

အကို

လမင်းလောက်မလင်းနိုင်ပေမယ့်ကြယ်လေးတွေလည်းလင်းတတ်တယ်တဲ့
အကို့အချစ်ကိုမမှီနိုင်ပေမယ့်ကျွန်တော်အကို့ကိုသိပ်ချစ်ပါတယ်
ကျွန်တော်သာကြယ်တစ်ပွင့်ဖြစ်ခဲ့ရင်အကို့အရောင်အဝါတွေတောက်ပနေဖို့ကြွေပေးလိုက်ချင်ပါတယ် .....ဘာလို့လည်းဆိုတော့အကို့အလင်းတွေပိုတောက်ပစေချင်လို့ပေါ့....အချိန်တန်ရင်တော့
ကြယ်လေးတွေလည်းကြွေတတ်တယ်အကို....
တလောကလုံးကိုအလင်းပေးဖို့အကိုထိန်ထိန်သာပြီးနေပေးပါနော် .........

အကို့ကိုရူးလောက်အောင်ချစ်တဲ့

မိုးစစ်...

____________________

မိုးစစ်

ကြယ်တို့သည်လည်း ....ကြွေတတ်သည်တဲ့ ဒါပေမယ့်မိုးစစ်ရေ ငါ့ရင်ထဲကကြယ်တစ်ပွင့်ကိုငါ့ကြောင့်ကြွေတာမျိုးငါအဖြစ်မခံပါရစေနဲ့ .... လမိုက်ညတွေမှာလင်းဖို့ငါ့ကြယ်လေးရှိမှဖြစ်မယ်...
အဆုံးသတ်မှာရင်နာရတာချင်းအတူတူပေးဆပ်ရတဲ့လူငါဖြစ်ပါရစေမိုးစစ်ရယ်တစ်သက်တာအတွက်ချစ်သက်လက်ဆောင်ပေးခဲ့တယ်။ပျော်ရွှင်ပါစေချစ်သူရယ် ....

လရောင်

_______________________

သူပြုံးလိုက်သည်။နင်မသေရပါဘူးလရောင်ရယ်၊ငါချစ်တဲ့လူတစ်ယောက်ကိုငါအသေမခံနိုင်ပါဘူး။ငါလည်းအတ္တကြီးပါရစေဦး။
သူလရောင်ရဲ့စာရေးထားရာစာရွက်ကိုဖြဲဆုတ်လိုက်ပြီးစာတစ်ကြောင်းကိုရေးလိုက်သည်။သူရေးထားသောစာကိုသူပြနဖတ်ရင်းနှစ်ခြိုက်စွာပြုံးလိုက်သည်။ ပေးဆပ်သူတွေများတဲ့ဒီပွဲမှာငါက..............။



အညို

To be continued …….

Credit: အညို့ FB Page - အညို

1 comment:

swam yee yee said...

ဖတ်လို့အရမ်းကောင်းပါတယ်ခင်ဗျာ.....