(Zawgyi)
အာဒမ် နှစ်ယောက် (Two Adam) – Part I
(၁)
"မင်းက အခြောက်လားကွ"
"ဖေဖေ၊ ဖေဖေ့စကားက ရင့်သီးလွန်းပါတယ်"
"ငါ့စကားက ရင့်သီးတာလား၊ ငါ ဒီလိုစွပ်စွဲလို့ရအောင် မင်း လုပ်ရပ်တွေက ဗရမ်းပတာဖြစ်နေတာလား၊ ပြောစမ်း တာရာ"
"သား ဘာလုပ်နေလို့လဲ ဖေဖေ၊ သား ဘာအမှား ကျူးလွန်မိလို့လဲ"
"လူတယောက်အတွက် လုပ်သင့်လုပ်ထိုက်တာကို မလုပ်တာလည်း အမှားကို ကျူးလွန်နေတာပဲ တာရာ"
"လုပ်သင့်လုပ်ထိုက်တာဆိုတာ ဘာကိုဆိုလိုတာလဲ ဖေဖေ"
"မင်း မသိချင်ယောင်ဆောင်မနေနဲ့၊ မင်းကို ဝါဝါနဲ့သွားတွေ့ပါ၊ ရင်းရင်းနှီးနှီးနေပါလို့ ပြောတာ ဘယ်နှခါရှိပြီလဲ၊ ဝါဝါဆိုတာ တချိန်မှာ မင်း ယူရမယ့်မိန်းကလေးဆိုတာ မင်းကို ပြောထားပြီးသား၊ မင်းက ငါ စီစဉ်တာကို မနာခံချင်ပဲ ကပ်တီးကပ်ဖဲ့လုပ်နေတော့…"
"သားမှ ဝါဝါ့ကို စိတ်မဝင်စားတာ ဖေဖေ"
"တော်စမ်း၊ မင်းစိတ်ဝင်စားတာ ဘာလဲ၊ မင်း ဘာကို စိတ်ဝင်စားတာလဲ၊ မင်းက ယောက်ျားချင်းကို စိတ်ဝင်စားနေတာ မှုတ်လား၊ ဟင်- အခြောက်"
"ဖေဖေ- သားကို အဲ့လိုမပြောနဲ့"
"ဟင်း- လုပ်တဲ့အလုပ်ကိုက အခြောက်အလုပ်၊ ငါ့ဆောက်လုပ်ရေးလုပ်ငန်းထဲ ဝင်လုပ်ပါဆိုတော့ မလုပ်ဘူး၊ ဘာလဲ- ဒီဇိုင်နာ Designer ဒါ ယောက်ျားလုပ်ရမယ့်အလုပ်လားကွ"
"သားအလုပ်ကို မနှိမ့်ချပါနဲ့ ဖေဖေ"
"မနှိမ်စေချင်ရင် မင်း ယောက်ျားပီပီနေလေ"
"တော်ကြပါတော့၊ ကိုကိုလည်း တော်ပါ ကိုကို၊ သားလည်း ဖေဖေ့ကို ပြန်မပြောနဲ့နော် တာရာ"
"မာလာ- မင်း ဒီလို ကာဆီးကာဆီးလုပ်နေလို့ ဒီကောင် ပိုဆိုးနေတာ"
"ကိုကိုရယ်- သားက ဘာဖြစ်နေလို့လဲ၊ မာလာတို့ကို ဘာများ ဒုက္ခပေးနေလို့လဲ၊ သူ့ဘာသာ နေပါစေ ကိုကိုရယ်"
"မင်း ပြောလိုက်ရင် ဒါပဲ မာလာ၊ ငါတော့ မင်းတို့သားအမိကို စိတ်ကုန်တာကြာပြီ၊ ဟေ့ကောင်-တာရာ၊ ငါ မင်းကို နောက်ဆုံးပြောလိုက်မယ်၊ မင်းအချိုးကို ပြင်ပါ၊ မင်းအသက်မငယ်တော့ဘူး၊ ဘွဲ့လည်း ရပြီးပြီ၊ ငါ့လုပ်ငန်းတွေအကုန်လုံး မင်းကို လွှဲချင်ပြီ၊ မင်း ဝါဝါ့ကိုလက်ထပ်ဖို့ စဉ်းစားပါ၊ ဒါပဲ"
တာရာ့ကို ၀အောင်ဆူပြောပြီး အိမ်ထဲကထွက်သွားတဲ့ ဖေဖေ့ ကို တာရာနှင့်မေမေ ငေးကြည့်ရင်း ကျန်ရစ်ခဲ့ရသည်။
ပြီးတော့ တာရာနှင့်ဒေါ်မာလာတို့ တယောက်မျက်နှာ တယောက်ကြည့်ရင်း သက်ပြင်းချမိလိုက်ကြသည်။
+++++
(၂)
"ဒါ ဘယ်သွားမလို့လဲ သား"
အပြင်သွားဖို့ ဆိုင်ကယ်ဦးထုပ်ကိုဆောင်းနေတဲ့ တာရာ့ကို ဒေါ်မာလာက မေးလိုက်သည်။
"ဟိုဖက်ကမ်းကို ကူးဦးမလို့လား သား၊ မသွားပါနဲ့သားရယ်၊ ခုလို စိတ်ရှုပ်ထွေးနေချိန်မှာ သားကို မသွားစေချင်ဘူး"
"သား သွားပါရစေမေမေ၊ စစ်ကိုင်းသွာတာ ဘာများဆန်းလို့လဲ မေမေရယ်"
"သားအတွက် အဟောင်းတွေက အသစ်ပြန်ဖြစ်ဦးမှာ စိုးလို့ပါ သားရယ်"
"အဟောင်းတွေ အသစ်မဖြစ်ပါဘူး မေမေ၊ သားက ရာဇဝင်အဟောင်းထဲမှာပဲ အမြဲနေထိုင်နေတဲ့လူတယောက်ပါ၊ မေမေ သိသားနဲ့"
"သားရယ်၊ တားမရလို့ သွားမယ်ဆိုရင်လည်း ဆိုင်ကယ်နဲ့ မသွားပါနဲ့၊ ကားယူသွားပါသားရယ်"
"ဟင့်အင်း၊ ကားနဲ့သွားရတာ လွတ်လပ်တယ်လို့ မခံစားရဘူး၊ သား လွတ်လွတ်လပ်လပ်သွားချင်တယ်"
ဒေါ်မာလာ သက်ပြင်းချရပြန်ပြီ။
"ဒီလိုဆိုလည်း သတိနဲ့မောင်းနော် သား၊ မေမေ ဘွားသုခ အတွက် ဝတ္ထုကပ်လိုက်ဦးမယ်"
"သားမှာ ပါပါတယ် မေမေ၊ သားကပ်လိုက်ပါမယ်"
"အေး-အေး- ဝတ္ထုငွေ တစ်သောင်း ဘွားသုခကို ကပ်ခဲ့ပါကွယ်၊ ဆေးတွေဘာတွေလိုတာရှိလည်း မှာပါလို့ လျှောက်နော် သား"
"ဟုတ်ကဲ့ပါမေမေ၊ သားသွားမယ်နော်"
ဆိုင်ကယ်မောင်းထွက်သွားသည့် သားတာရာကို မျက်စိတဆုံး ကြည့်ရင်း ဒေါ်မာလာ သက်ပြင်းချရင်း ကျန်ရစ်ခဲ့သည်။
သားလေးတာရာကို သူ့အဖေနဲ့ ပဋိပက္ခဖြစ်အောင်လုပ်မိတာ သူမကိုယ်တိုင်များဖြစ်နေပြီလားလို့ အကြိမ်များစွာ တွေးခဲ့ဖူး တဲ့အတွေးအတိုင်း တွေးမိပြန်သည်။
+++++
(၃)
စစ်ကိုင်းကနေ မန္တလေးကို ကားမောင်းပြန်လာရင်း စိုးရာဇာ စိတ်တွေ ထွေနေသည်။
အတွေးတွေက အတိတ်မှာ တဝဲလည်လည် လှည့်နေသည်။
အဖြစ်အပျက်တွေ ခေတ်စနစ်တွေ လျင်မြန်စွာ ပြောင်းလဲနေသော်လည်း မပြောင်းမလဲပဲ အတိတ်ကအတိုင်း ကျန်ရစ်နေ တဲ့အရာတွေ ရှိနေပါသေးလား။
ဟုတ်တယ်။ ပြောင်းတဲ့အရာတွေ ပြောင်းလဲသွားပြီ။
ဒါပေမယ့် မပြောင်းလဲတဲ့အရာတွေလည်း ရှိနေတုန်းပဲ။
မယ်သုခ။ ရသေ့မကြီး မယ်သုခ။
အရင်က "မယ်မယ်"လို့ သူခေါ်ခဲ့တဲ့ ရသေ့မကြီး မယ်သုခကို ယခင်သီတင်းသုံးသည့်နေရာမှာပင် ပြန်လည်တွေ့ခဲ့ရသည်။ သို့သော်- ရသေ့မကြီးမယ်သုခသည် ယခင်က အသက်အရွယ်မျိုးတော့ မဟုတ်တော့ပါ။ အိုမင်းရင့်ရော်လှပေပြီ။ မယ်သုခသီတင်းသုံး သည့် တဲကျောင်းလေးမှာလည်း အိုမင်းဟောင်းနွမ်းယိုင်နဲ့နေပေပြီ။
"မယ်မယ်၊ မယ်မယ်ရဲ့ကျောင်းလေးကို ကျွန်တော် ပြုပြင်ပေးပါရစေ"
သူ့စကားကိုနားထောင်ပြီး ရသေ့မကြီးမယ်သုခက ပြုံးသည်။
"သားမောင်- သားမောင်နဲ့အဘွားရဲ့အရွယ်ဟာ မယ်မယ်လို့ ခေါ်ရမယ့်အရွယ် မဟုတ်တော့ပါဘူး၊ အများခေါ်သလို အဘွားကို ဘွားသုခလို့ပဲ ခေါ်ကွဲ့"
ဘွားသုခက သတိပေးသည်။
"ဟုတ်ကဲ့၊ ဘွားသုခရဲ့ကျောင်းလေးကို ကျနော် ပြုပြင်ပေးပါရစေ"
"အဘွား ကြာကြာမနေရတော့ပါဘူး၊ နေရလှ ငါးနှစ်ပါပဲ သားမောင်၊ အဘွားအတွက် ကျောတခင်းစာ အဆင်ပြေနေရင် ရပါပြီ သားမောင်ရယ်၊ အဘွားမရှိတော့ရင် ဒီနေရာမှာ သီတင်းသုံးမယ့်သူလည်း မရှိတော့ပါဘူး၊ ဘာလို့ ပြုပြင်နေမှာလဲကွယ်၊ ထားလိုက်ပါ"
ရသေ့မကြီးဘွားသုခက ပြောသည်။
"သားမောင်"
ရသေ့မကြီးက သူ့မျက်နှာကို စေ့စေ့ကြည့်၍ ခေါ်လိုက်သည်။
"မိန့်ပါ အဘွား"
"ဒီနေရာကို နောက်တခါ မလာနဲ့တော့"
ဘွားသုခက ပြတ်ပြတ်သားသား မိန့်ကြားလိုက်သည်။
"ဗျာ-"
"မလာနဲ့တော့၊ ဘယ်တော့မှ မလာနဲ့တော့၊ အားလုံးဟာ ပြီးခဲ့ပြီ၊ အတိတ်တွေဟာ အတိတ်မှာပဲ ကျန်ရစ်ခဲ့ပြီ၊ ဘာကိုမှလည်း တမ်းတမနေနဲ့၊ စုံစမ်းလည်း စုံစမ်းမနေနဲ့၊ မေ့လိုက်တော့"
ဘွားသုခက ပြတ်ပြတ်သားသားမိန့်ကြားရင်း ကျောင်းသင်္ခန်းလေးထဲ လှည့်ဝင်သွားတော့ စိုးရာဇာမှာ ကြောင်တက်တက် ကျန်ခဲ့ရသည်။
+++++
စိုးရာဇာသည် သူကြုံဆုံခဲ့ရတဲ့ အတွေ့အကြုံသစ်များအတွက် ရင်မှာ လှိုင်းထန်နေခဲ့သည်။
ဘွားသုခ သူ့ကိုမိန့်လိုက်တဲ့စကားဟာ ဘာကို ဆိုလိုပါလိမ့်။
ဘွားသုခက မစုံစမ်းပါနဲ့ ဆိုသော်လည်း သူက ဘွားသုခရဲ့ ကျောင်းသင်္ခန်းလေးကို မလာမီမှာပင် စုံစမ်းခဲ့ပြီးဖြစ်ပါသည်။ စစ်ကိုင်းမြို့ထဲက ယခင်နေရာဟောင်းတွေမှာ လိုက်လံစုံစမ်းလို့ သိသင့်သလောက် သိခဲ့ရပြီးပါပြီ။ ဒါတွေကို ဘွားသုခအား မေးလျှောက်ဖို့ စိတ်ကူးသေးသော်လည်း ဘွားသုခက ကျောင်းသင်္ခမ်းထဲဝင်သွားလို့ မမေးလျှောက်ခဲ့ရပါ။
စိုးရာဇာသည် မြစ်ကမ်းနဖူးက လွမ်းစေတီလေးကို ဖူးမျှော်ပြီး၊ အတန်ကြာကြာ မြစ်ထဲကို ငေးကြည့်နေမိသေးသည်။
ပြန်ခါနီးမှာ ဘွားသုခများ ကျောင်းသင်္ခမ်းထဲက ထွက်လာမလားလို့ မျှော်လင့်မိသော်လည်း ဘွားသုခက ထွက်မလာခဲ့ပါ။
သူသည် တောင်ကုန်းခြေရင်းမှာ ရပ်ထားသည့် ကားဆီပြန်လာကာ ကားမောင်းပြီး မန္တလေးဘက်ကို ပြန်လာခဲ့သည်။
သူ့တစ်သက်လုံး မျှော်လင့်တောင့်တလာတဲ့ မျှော်လင့်ချက်တွေကို လက်လွှတ်ဆုံးရှုံးခံရတော့မှာလား။ ကားမောင်းရင်း စိုးရာဇာ မရေမရာ တွေးမိသည်။
ကားက စစ်ကိုင်းတံတားသစ်ကြီးကို ကျော်ဖြတ်လာသည်။ ညာဘက်မှာ ထင်းထင်းကြီးမြင်နေရတဲ့ တံတားဟောင်းကို လှည့်ကြည့်မိသေးသည်။
စစ်ကိုင်းဧရိယာကို ကျော်လွန်၊ အမရပူရနယ်မြေထဲအရောက်မှာ ကားကို ဖြည်းညင်းစွာမောင်းလာတဲ့ သူ့အမြင်အာရုံထဲသို့ တစုံတခု ဝင်ရောက်လာသည်။
လူငယ်တယောက်၊ ပိုးထည်ဆိုင်တခုထဲက ထွက်လာသည်။ ထိုသူကို မြင်မြင်ချင်း စိုးရာဇာရင်မှာ လှိုင်းထန်သွားသည်။ ထိုသူကို သူ တခါမှ မမြင်ဖူးပါ။ မန္တလေးစစ်ကိုင်းကို နှစ်ပေါင်း၂ဝအတွင်း သည်တကြိမ်သာ လာဖူးသည့် သူ့အတွက် ဤနယ်မြေက လူတွေကို ရင်းနှီးစရာ အကြောင်းလည်း မရှိပါ။
ဒါပေမယ့် ဒီလူကို မြင်လိုက်တာနဲ့ သူ့ရင်တွေ ဘာလို့ ခုန်သွားတာပါလိမ့်။
ထိုသူက ဆိုင်ထဲကထွက်လာပြီး ဆိုင်ရှေ့မှာ ရပ်ထားသည့် ဆိုင်ကယ်ရှေ့တွင်ရပ်သည်။ ဆိုင်ကယ်ရှေ့မှာချိတ်ထားတဲ့ ဦးထုတ်ကို ဆောင်းလိုက်သည်။ နေကာမှန်ကို ချလိုက်သည့်အတွက် ထိုသူ့မျက်နှာ ကွယ်သွားပါသည်။
စိုးရာဇာသည် ထိုသူကိုအမြင်တွင် ကားအရှိန်ကိုနှေးလိုက်မိသည့်အတွက် နောက်မှကားက ဟွန်းတီးသတိပေးမှ သတိပြန် ဝင်လာသည်။
စိုးရာဇာက ကားကိုအရှိန်မြှင့်ကာ နောက်ကားကို လမ်းဖယ်ပေးလိုက်သည်။
ထိုသူကတော့ ဆိုင်ကယ်ကိုမောင်းကာ သူနှင့်ဆန့်ကျင်ဖက် အရပ်သို့ မောင်းသွားပါပြီ။
စိုးရာဇာမျက်စိထဲမှာတော့ ထိုသူ့ကိုသာ စွဲကျန်ရစ်သည်။
သူဆုံးဖြတ်ချက်ချလိုက်သည်။
ကားကို လမ်းအလယ်ကြောကပ်၊ ဘယ်ဘက်ကို ပြန်လှည့်ချိုးလိုက်သည်။ ကားအရှိန်ကိုမြှင့်ရင်း ထိုသူမောင်းသွားသည့် ဆိုင်ကယ်နောက်ကို လိုက်လာခဲ့သည်။
သို့သော်- ဘီးခွန်ဂိတ်အထိ ထိုသူ့ဆိုင်ကယ်ကို မတွေ့ရတော့ပါ။ သူ သက်ပြင်းချလိုက်သည်။
ကားကို နောက်ပြန်လှည့်၊ မန္တလေးက တည်းခိုရာဟိုတယ်ကို ပြန်လာခဲ့လိုက်သည်။
+++++
(၄)
ဘွားသုခကိုကြည့်ရတာ တစ်စုံတစ်ခု ထူးခြားနေတယ်လို့ တာရာ့စိတ်ထဲမှာ ထင်သည်။ ဘယ်လိုထူးခြားတယ်ဆိုတာတော့ တာရာ တိတိကျကျ မဖတ်တတ်။
မေမေလှူခိုင်းတဲ့ ငွေတစ်သောင်းနဲ့ ဘွားသုခကို ကန်တော့တော့ ဘွားသုခက ဆုပေးရင်း စကားကို ဆက်သည်။
"မောင်တာရာ တခုခုများ ဖြစ်လာသလား"
ဘွားသုခအမေးကြောင့် တာရာ သက်ပြင်းချလိုက်သည်။
"ကြီးကြီးကျယ်ကျယ်တော့ မဟုတ်ပါဘူး အဘွားရယ်၊ ဖေဖေနဲ့ ထုံးစံအတိုင်း ကတောက်ကဆဖြစ်တာပါ"
"မောင်တာရာ့အဖေက ဘာများပြောလို့လဲ"
"အိမ်ထောင်ပြုစေချင်တယ်တဲ့အဘွား"
"ဒါလည်း ဟုတ်တာပဲ၊ ပြောသင့်တဲ့စကားပဲ မောင်တာရာ"
"ဟာ- အဘွားကလဲ"
တာရာ ရှက်စနိုးမျက်နှာဖြင့် ငြင်းဆန်မိသည်။ တာရာ့ဘဝဇာတ်ကြောင်းတခုလုံးကို ဘွားသုခ သိထားပါသည်။
"ဟုတ်တယ်မောင်တာရာ၊ ဖခင်တယောက်အနေနဲ့ ဒီစကားကို ပြောမှာပဲပေါ့၊ မောင်တာရာက ဘွဲ့ရပြီးပြီ။ အခုဆို အောင်မြင် တဲ့လုပ်ငန်းရှင်တယောက်လည်း ဖြစ်နေပြီကိုး"
"ဒါပေမယ့် ကျနော် အိမ်ထောင်မပြုချင်သေးပါဘူးအဘွားရယ်၊ ကျနော့်အကြောင်း အဘွားသိသားနဲ့"
"ဒီမယ် မောင်တာရာ"
ဘွားသုခက လေးလေးနက်နက်ဟန်ဖြင့် မျက်မှောင်ကြုပ်ကာ တာရာကို ခပ်တင်းတင်းကြည့်ရင်းခေါ်လိုက်သည်။
"အဘွား"
"အတိတ်ဘဝက ပြီးခဲ့ပြီကွဲ့၊ မေ့လိုက်တော့"
"ဗျာ-"
"မင်းလည်း ခေတ်ပညာတတ်တယောက်ပဲ၊ ဒါတွေဟာ ဘယ်တော့မှ ပြန်ဖြစ်လာတော့မှာ မဟုတ်ဘူး၊ ပြီးတော့ မင်းက ယောက်ျားလေး၊ မိန်းကလေးမဟုတ်ဘူးဆိုတာလည်း သတိထားဦး၊ ဘာကြောင့် အတိတ်ကို လွမ်းမောနေမှာလဲ၊ မေ့လိုက်ပါကွယ်၊ မေ့လိုက်ပါ"
"အဘွားရယ်…"
"အရင်ဘဝကို မေ့လိုက်ပါတော့ မောင်တာရာရယ်၊ ဒီနေရာကိုလည်း ဘယ်တော့မှ မလာပါနဲ့တော့၊ ဒီနေရာက မင်းအတွက် နိမိတ်ဆိုးတွေနဲ့နေရာပါ၊ ဒီနေရာလာတိုင်း မကောင်းတဲ့အရိပ်တွေက မင်းကို လွှမ်းမိုးနေလိမ့်မယ်၊ အတိတ်ဘဝကိုလည်း မေ့၊ ဒီနေရာ ကိုလည်း မေ့ပစ်လိုက်ပြီး ဘဝသစ်တခု စလိုက်ပါတော့ သားရယ်"
ဘွားသုခက စကားအရှည်ကြီးမိန့်ကြားပြီး နောက်ကိုလှည့်ကာ တဲကျောင်းလေးထဲ ဝင်သွားလေသည်။
+++++
ဘွားသုခ မိန့်လိုက်တဲ့စကားတွေက ဒီနေ့မှ ထူးထူးခြားခြားဖြစ်နေသည်။ ယခင်က သူလာလျှင် အပြုံးနဲ့ကြိုနေကျ ဘွားသုခ ဒီနေ့ ထူးခြားနေတယ်လို့ တာရာ ထင်မိသည်။
တာရာသည် ကျောင်းသင်္ခန်းလေးရှေ့မှထွက်ခဲ့ကာ လွမ်းစေတီရှိရာ တောင်ကုန်းလေးအထက်သို့ တက်လာခဲ့သည်။
တောင်ကုန်းလေးထိပ်မှာ ရပ်ရင်း ဧရာဝတီမြစ်ပြင်ကျယ်ကြီးကို ဆီးမျှော်ကြည့်လိုက်သည်။
ဧရာဝတီမြစ်ကြီးကတော့ စီဆင်းနေမြဲပါပဲ။
လွန်ခဲ့တဲ့နှစ်ပေါင်း၃ဝကလည်း ခုလို စီးဆင်းနေခဲ့တာပါပဲ။
မြစ်ရှုခင်းဟာ အရင်တုန်းကအတိုင်းပါပဲ။ အဲ- ပြောင်းလဲတာဆိုလို့ ဒီနေရာကကြည့်ရင် ယခင်က မြစ်ကူးတံတားကြီး တစ်စင်းတည်းကိုသာ မြင်ရသည်။ ယခုတော့ တံတားကြီးနှစ်စင်းကို ယှဉ်၍မြင်နေရပါ သည်။
"စိုး- စိုးရေ၊ စိုးကို တာရာ့ဘေးမှာ ရှိနေစေချင်လိုက်တာ စိုးရယ်၊ စိုး ဘယ်ဆီရောက်နေသလဲကွယ်"
ရင်ထဲက တမ်းတရေရွတ်နေမိသည်။
စိုး ဘယ်ကိုများ ရောက်နေသလဲ။
Written by ဆောင်းလုလင်
To be continued….
No comments:
Post a Comment