CHEMSEX ဆိုတာ….❓
မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးတမျိုး (သို့မဟုတ်)တမျိုးထက်ပိုသော လိင်ဆက်ဆံခြင်းမပြုလုပ်ခင် (သို့မဟုတ်)လိင်ဆက်ဆံနေချိန်အတွင်း သုံးစွဲခြင်းဖြစ်သည်။
PnP(Party and play),Chem fun,hight fun စသည်ဖြင့်လည်း ခေါ်ဝေါ်လေ့ရှိပါတယ်။
(လိင်စိတ်ကြွခြင်း)
💊အခုနောက်ပိုင်းတွင် စိတ်ကိုပြောင်းလဲစေတဲ့ ဆေးအမျိုးမျိုးကို ပုံစံမျိုးစုံနဲ့ အသုံးပြုလာကြပါတယ်။ အချို့ဆေးတွေကဆေးကို မီးရှို့ပြီး ထွက်လာတဲ့အငွေ့တွေကို ရှူရှိုက်တာ၊ ဆေးထိုးအပ်နဲ့ အကြောထဲ ထိုးသွင်းပြီး အသုံးပြုတာ၊နှာခေါင်းနဲ့ရှုသွင်းတာအပြင် ဖျော်စပ်သောက်သုံးတာ စသဖြင့် အသုံးပြုလာကြတာမျိုးရှိပါတယ်။ ဆေးတွေက စိတ်ကိုပြောင်းလဲစေပြီး လိင်စိတ်ကို အလွန်အမင်းတက်ကြွ စေတတ်ပါတယ်။
💊ကိုယ့်ရဲ့ ဆင်ခြင်တုံတရား၊ ထိန်းချုပ်နိုင်စွမ်းတွေကို လျော့နည်းစေတဲ့အတွက် မူးယစ်ဆေးဝါးလို့ ယူဆလို့လည်း ရပါတယ်။
💊အခြားသော မူးယစ်ဆေးဝါးတွေနဲ့ ကွာတဲ့အချက်ကတော့ ဆေးသုံးပြီးမှ အကြောင်းအရင်းမရှိဘဲလိင်ဆက်ဆံတာမျိုး ၊ လိင်ဆက်ဆံလိုတဲ့ရည်ရွယ်ချက် တစ်ခုတည်းကြောင့် ဒီဆေးတွေကို အသုံးပြုလာကြတာမျိုးလည်းရှိပါတယ်။
💊လိုတာထက် ပိုပြီးအသုံးပြုမယ်ဆိုရင် အသက်အန္တရာယ်ထိခိုက်စေနိုင်တဲ့အထိ ပြင်းထန်တဲ့အခြေအနေတွေလည်းဖြစ်နိုင်ပါတယ်။
(ဘေးထွက်ဆိုးကျိုး)
💊စိတ်ကြွစေတဲ့ ဓာတုဗေဒပစ္စည်းတွေနဲ့ ပါဝင်ဖွဲ့စည်းထားတဲ့အတွက် ဘေးထွက်ဆိုးကျိုးကတော့ အနည်းနဲ့ အများ ရှိနိုင်ပါတယ်။စိတ်ကို စွဲလမ်းသွားစေပြီး ဆေးမသုံးရ မနေနိုင်ဖြစ်မယ်။
💊ဆေးမသုံးဘဲ လိင်ဆက်ဆံတဲ့အခါ တစ်ခုခု လိုအပ်နေသလို၊ စိတ်မပါတော့သလို ခံစားရမယ်။
စားချင်စိတ်၊ အိပ်ချင်စိတ်ကို ထိန်းချုပ်လိုက်တဲ့အတွက် အာဟာရဓာတ်တွေ နည်းသွားပြီး ပိန်ချုံးလာမယ်၊ မျက်တွင်းနက်လာမယ်၊ ခံတွင်းပျက်မယ်၊ အသားအရေ မွဲခြောက်ခြောက် ဖြစ်မယ်၊ ညဘက်မှာ ကောင်းစွာပြန်အိပ်ပျော်ဖို့ကို အဟန့်အတားဖြစ်စေတယ်။
💊ကိုယ်တွင်းကလီစာတွေနဲ့ အာရုံကြောစနစ် ပျက်စီးစေနိုင်သည်။
နေ့စဉ်ရက်ဆက် အသုံးပြုတဲ့အခါ ကျန်းမာရေးကို ထိခိုက်လာစေနိုင်တယ်။
💊အသိစိတ်လွတ်သွားတာကြောင့် ကွန်ဒုံးမသုံးဘဲ လိင်ဆက်ဆံတာ အစရှိတဲ့ အန္တရာယ်များတဲ့ အပြုအမူတွေကို လုပ်ဖို့ တွန်းအားပေးလိုက်သလို ဖြစ်တတ်ပါတယ်။
💊သွေးကြောတွေကို ကျယ်စေလို့ လိင်မှတစ်ဆင့် ရောဂါတွေ ကူးစက်နိုင်ဖို့ ပိုလွယ်နိုင်ပါတယ်။
ဆေးအလွန်အကျွံ သုံးစွဲခြင်း (Overdose) ဖြစ်ပြီး အသက်အန္တရာယ်ထိခိုက်စေတဲ့အထိ ပြင်းထန်နိုင်ပါသည်။
*** မဗေဒါ စာမျက်နှာမှကူးယူဖော်ပြသည်။
No comments:
Post a Comment